佐賀燒肉谷 (雅蘭中心)

营业中

休息中

幾忙都好,都抽時間盡快寫起呢篇食評,純粹希望,唔好再有人好似我地咁,中伏中到應一應老實講,原本係想嘗試有冇機會walk in食到牛大人既,當然就任務失敗啦,然後行過對面馬路,見佢同牛氣兩間鋪痴埋一齊,屬同一集團,牛氣食過都唔錯,就諗住佢都應該OK呱入座前,個職員問我地揀咩價錢,我地揀左第二貴果隻,佢sell我地要唔要加多50蚊食咩咩咩肉呀,我係愈sell我就愈反感果D客人,禮貌地同個職員講:唔駛住,或者下次先啦,唔該您. 換黎係即時被黑臉,佢果下都好明顯,真係好野!睇到呢張相,係咪覺得都唔錯呢?!唔好意思,係第一round黎果碟係咁架咋,再嗌果D,唔同曬樣架喇(後悔當刻冇影低相)佢既”牛肩胛肉”,唔知點解,係一夾塊肉就會自動散開.有冇人解答到呢個疑問?先唔講食物質素,真係好麻麻.佢點菜每次最多十樣野,無錯,係逐片計,例如十片肉,然後要隔一分鐘先可以再點.咁仲算係任食嗎? 得100分鐘,食餐飯攪到好似神經緊張咁.邊個發明呢樣每次最多嗌數量10,同埋1分鐘後先俾再嗌架?睇返食評先知,原來唔係我一個覺得離譜.點知原來再離譜D都仲有,食到時間夠,有位著有領牛仔衫,唔係T恤既人士,可能係經理呱行

講到食日式燒肉放題，大家一定會諗起牛角，但真係好難book位同勁多人排隊🥲有朋友同我講呢間日式燒肉都好正，唔比牛角差，仲有得book位，即刻去試下先！Set同牛角差唔多，都係分A-E，價錢由$268-$458不等，100分鐘任食，另收加一！5點前或者9點後入座，每位減$40！🍴Set C 108品 極上牛小排配海鮮放題 $368叫個中間level試一試先，set C有極上牛小排，牛助骨肉，精選牛助肉，牛舌，壺漬封門柳，西班牙尺五花，芝士燒年糕，海鮮……(太多嘢食掛住食冇乜點影到相，但都會寫有咩係必食同好食嘅俾大家🙏🏻🙏🏻)🍴⭐️極上牛小排/牛助肉 (9/10)肥瘦適中，有牛味，肉質軟身，勁好食🤩🤩🍴⭐️牛舌(薄切) (8/10)爽口彈牙，好食！🍴⭐️ 醬味激罕煙燻壺漬封門柳 (9/10)拎起身好長，有個爐咁長，醬味道甜甜地，肉質軟身，都係必食之一，好好食！🍴西班牙尺五花肉 (7/10)都ok! 但太過薄切，打邊爐咁薄，冇咩口感🤣🍴海鮮(帶子，蝦，魷魚) (7/10)正常急凍海鮮，爽口彈牙嘅，都唔錯！🍴小食 炸芝士年糕，炸雞，炸饅頭 (8/10)炸物都幾唔錯，全部熱辣辣新鮮炸起！芝士流心，年糕

成日食牛角，今次想搵啲新意，試下第二間。最初見餐廳有join恒隆商場優惠，再加上儲咗堆恒隆coupon，就去一試。.叫咗set C，$388加一，燒肉黎講價錢差唔多。一坐低就會上一個九宮盒，等你每個部位都試吓，雖然我成日食食下都撈亂晒，唔記得邊舊係牛嘅邊part😂但呢間餐廳嘅牛印象中都👍🏻.煙薰壺漬封門柳🐂🐮🐃🐄封門柳本身肉味濃厚👻再加上呢個部位油脂唔算多，感覺唔會太油膩，而且肉質鬆軟，唔會韌，所以叫咗幾次😚.前菜小食身為前菜fans，我差唔多所有前菜都叫咗一次，最欣賞墨魚🦑，成隻上，彈牙有口感🤤.用餐時間100分鐘，有少少趕不過都OK嘅

餐廳經理（應該係？著黑色恤衫）唔睇清楚入座時間，佢覺得你夠鐘就直接過黎同你講夠鐘然後直接熄爐要你走👍🏻 每次可以叫十樣菜品，牛係一片一片咁計，連菇都係一朵一朵咁計，每次叫完3片牛、3粒牛肉粒、3朵菇、1舊雞就要等多1分鐘先可以落單。D嘢食350一位我食落覺得同百幾蚊一位嘅燒肉冇分別，可能因為我係窮L淨係可以嘗試B plan 有興趣試高貴plan的朋友可以照試。但如果係試Plan B的話可以不了。係星期六間間鋪頭都排隊排到傻左的情況下都仲排十幾分鐘就有位都算係雪中送炭，講番d好嘢先，間餐廳望落幾企理👍🏻其實d嘢食一般、落單受限制都可接受，但直接熄爐提前叫你走真係打開新世界大門🤩綜上所述，如果各位朋友喜歡享受比人冇啦啦熄爐、食放題鍾意早走，尼間鋪頭絕對是您的絕佳選擇👍🏻

旺角搵位等位真係一件好難既事 尤其放題任食個啲 所以一定要book位😉 咁啱就比我見到openrice旺角可以book呢間 食完真係覺得呢間係一間好正既燒肉放題😍 雖然食呢啲燒肉放題 叫下叫下到最後都唔知邊個部位打邊個部位 分得太細都未必係一種好事😂 但係真心呢間既所有牛既部位都好好食 冇食到一舊伏既牛 舊舊都好有牛味😁食落重點介紹幾款🤗🐮 煙燻壺漬封門柳專登為左呢個肉叫左Set C 都係睇其他人食評介紹 真心超好食 原塊一塊上 好有心中間界多幾刀比佢易熟均勻 超重香濃牛味 必點！！🐮 牛舌牛舌上碟時片得超薄 燒嘅時候快熟 一啲都唔難咬 仲有本身有用鹽醃咗 口感味道非常之好 🧊 冷盤都令我覺得好精彩🐙冷盤墨魚 隻墨魚頭好大好有口感🍃冷盤海蜇 超級彈口爽口，食落去真係索索聲 真係好味過連鎖放題既冷盤令我好有驚喜😍我叫左Set C 假日價388再加一 價錢都略高 而且都係得100分鐘 但我覺得還算可以🤗推薦程度🌕🌕🌕🌕🌗

旺角雅蘭中心新開了一間燒肉店，地點方便就腳，大大個招牌十分吸睛，所以沒有不來試食的道理。前一天通過手機應用程式預訂坐位，如期出席可賺取里數。服務: 當日負責招待帶位的女侍應服務態度欠佳，說話太快兼太細聲，隔著口罩根本聽不清楚，對於提問回答的語氣亦不耐煩。反而場內的男侍應態度OK。食物：質素完全無問題。牛肉新鮮，牛味濃郁。最好味道的是壺漬牛肉，及霜降一口牛。但是前菜選擇非常少，主要只有沙律，其他店有送的刺身壽司等，這裡欠奉。燒肉就只是燒肉! 飲品有足夠選擇。甜品選擇不多也不吸引。特別一提，味噌湯咸到苦！出餐速度：很慢。而且會自動幫你cut單。例如壺漬牛肉無論你點多少，每次只會出一壺給你。而最後點的拉麵完場前五分鐘才到，兩個湯更要夠鐘後才過來，一開始飲就已經被催促離開交枱了,熱辣辣點飲啊?!回本機會：你想多了! 出餐的速度慢，而且每次點的數量亦有上限，每次落單最少要相隔一分鐘，給人很孤寒小器的感覺。限時只有一個半鐘，臨完場前廿分鐘已經截單。海鲜種類不算多，其他很多項目又會顯示售罄，要回本有難度。

星期日去食，就是想吃烤肉，逛了一下到處都要等位，呢間新店，人氣無太高，所以選擇呢間，兩人座由7.幾等到8.幾。選擇D級，因為看到4個食評中2個都選擇呢個級別。一坐低就點單，選擇完又再落單，顯示要1分鐘後才可以再次落單。上菜都好快，小食海蜇不錯，又可以解膩。雞軟骨好麻麻。扇貝一般，虎蝦好彈牙新鮮。魷魚真系好食。肉類都不錯，都係大家考大家功力，過老都會影響味道口感。飲料選擇幾多，就係無可口可樂無糖版。坐系窗邊，風景幾好。最後2個人920蚊。

首先要講佢哋book位真係好有問題。openrice book唔到位，而電話booking就滿留言，我地結果要特登去門市book位。去到態度都唔多好。就算confirm左時間，都唔可以準時交到檯比我地。今次我地就揀左最高級嘅套餐$458，價錢包左120分鐘任食，亦可以任飲清酒同生啤，比其他價錢多20分鐘時間。一坐底就會送上頭盤，頭盤都幾igable，大家可以打卡。頭盤包括srf極黑和牛小排，澳洲和牛原塊板腱，極上牛小排，霜降一口牛同牛舌。另外仲有海鮮拼盤，有蝦，青口，蠔等等。另外仲有煙燻壺漬封門柳。黎個係一個壺咁上，可惜之後再叫就變左碟上。封門柳好似真係有30cm長，味道方面都不過不失。我地食個日都追加左優惠價$98品嚐150g佐賀和牛。提提大家食cde餐先可以加購。送到上黎，煙霧籠罩，儀式感一流，記得攞電話出黎。肉類方面，最好食就係srf極黑牛小排。建議大家要回本可以不斷encore黎款。不過普遍放題問題都有，頭盤同之後食嘅都好似唔同質素，大家可能都要留意下啦，情況我覺得都幾嚴重下。轉眼間食左一個鐘，但係發現時間好似唔夠咁，last order叫嘅食物有好多都扣起無比到我地。雪糕有好

早排經過見到品越結束左，裝修中，新店係做燒肉，於是新開冇耐就帶女友去試試佢啦！一如潮流興用QR code掃描去網頁落單，好方便。我地揀左$418 和牛燒肉放題，牛既選擇都多，記憶中有澳洲和牛、牛肩肉、牛小排、牛舌、一口牛等，不過最吸引我既反而係大大條既牛肋條，燒完出黎剪開一條條食，肉嫩又夾雜住d筋，好彈吃好好食，$418個set仲可以任點牛肋條，真係好抵！另外，冇激素雞翼都好正，又夠大隻，燒完出黎個口質都滑溜，我極力推介，同埋熟食料理方面都比牛角選擇多好多，例如有叉燒拉麵、牛肉烏冬、蜆肉湯、地獄海鮮湯等等，而且甜品都有不少選擇，其中個炸饅頭真心好食😋加上佢地個服務比較細心，冇咁機械化，相信黎緊一定長期要排長龍先入到去食呢！必食推介！

Noticed a new shop being opened in the building so having a mindset of just taking a try as all other shops are having a long queue. It turns out the shop’s beef quality are really good and the overall environment is clean, nice and comfortable.Food coming in at quite quick speed after I ordered things using QR code and seafood and beef are my favourite. (Others are chicken and pork and all kinds of sweets)

事關今日第一次幫襯，叫左最貴套餐食和牛烤肉放題，兩個人食，連埋加一，埋單1008！但食得非常冇癮！每次落單，最多可以叫10件，每次要等3-4個字先上一盤，每盤裡面不是只有兩塊就是4塊，最多一次就係5塊！坐左兩個鐘，一共叫左大概80幾塊黑極和牛小排，直到買單，加埋頭盤，才來不夠30塊！而且D肉質冇水準，只有第一碟係靓的，後面果D，就越來越薄，越來越肥，一夾起就散！（以上講的是黑極和牛小排）本來以為新店試下好好食會有驚喜啦，點知！只有驚嚇，感覺真係垃圾！而且咁樣上菜法，用最貴的套餐價錢，俾客人體驗做乞丐的感覺。食完兩三塊牛肉，張台冇食物，發呆等佢3-4個字等下一盤又係得4塊牛肉的食物，尼個場景，load左幾次，真系好無奈！跟住就有個服務員過黎就話「仲有半個鐘就夠鐘埋單，有咩想食就快D落單啦！」聽完真系好諷刺！真系好難會再幫襯！

這家可以說是在香港吃過和牛放題裡可以點的種類最多的。而且肉質新鮮，小菜種類豐富！吃的是D餐，400+。可以吃到很多和牛！難能可貴的是，這家除了和牛，小菜、炸物、豬類、雞類、海鮮都很豐富，非常新鮮！餐後還可以自己從冰淇淋機裡，自己製作🍦趣味十足！烤的海鮮比其他店新鮮！而且還可以點一些熱菜！種類真的比一般放題多太多！不會因為吃太多和牛而很快膩。因為可以吃的菜種類很多，所以戰鬥力又加強了呢！吃了有史以來最多的一次和牛！