佐賀燒肉谷 (雅蘭中心)

营业中

休息中

好耐無同朋友食燒肉飲啤酒咁暢快啦，提早成個月訂位，食左好多不同款式，加上飲左啲酒斷片唔係記得好清楚食左啲咩記得特別魷魚、壺責牛肋條、和牛都好正，幾新鮮。又有asahi任飲，500蚊位覺得值

5點前，二人同行一人半價，牛肉好正，封門牛聊超正，一定要試，款式多，上餐快，性價比高，甜品選擇尚可，選擇較少，但其他種類食物選擇多。餐廳環境坐得舒服，貼心免費提供一次性圍裙，值得再試

兩個月食左三次本身就系一個好鍾意食放題嘅人，呢間舖第一次食左旺角店，第二次食左荃灣店，兩間相差甚遠，第三次都系食返旺角店質素真系好好多，但系燒肉食食下覺得熟食都幾好食，唔知熟食是否換左師傅，品質高左好多，地獄海鮮湯夠辣，唔會偏淡亦唔會太鹹，個拉麵同出邊拉麵店差唔多，湯夠濃，而且蛋都系溏心，之前都系全熟嘅。海鮮就冇咩特出正正常常，沙律嘅話，蟹籽沙律好食！牛肉就都同之前差唔多味，嗰封門柳系重點，肉味重，唔會韌。服務質數都OK，都會帶住笑容黎問有咩幫到我。仲有個廚房高高地師傅經過，但系我舉手佢都好禮貌過黎問我有咩需要，仲幫我換埋燒肉鐵網。旺角店一定會在幫襯！

是日即興燒肉，本來想去果間爆哂所以朋友就近上左呢間攞位。未到既我係道睇住d舊評：寶寶想放飛機但寶寶不敢。本住我不入地獄朋友會打我落地獄既心去到，門口既職員好有禮貌又好有效率咁俾左位我地。環境以旺角餐廳而言算得上頗為寬敞，坐都唔會太窄唔方便或者唔舒服，但最最最重要係冷氣夠。食過好幾間燒肉冷氣不足/太逼，會令人戰力大減。因為唔太食海鮮，叫左level 3，肉既品質比牛角穩定，無舊評講到咁差。舊評唯一可信既位係佢熟食真係幾唔錯，食到中途我地就迷失左方向係咁叫佢d小食。牛肉湯烏冬係直接encore左。雪櫃、枱凳、沙律吧等等位置都幾乾淨，有微潔癖既我都無任何挑剔。到左last order有幾位職員幫我地買單同跟埋未黎既野食，禮貌好好又好親切，完全無趕人、催人既感覺。成班朋友都好滿足而且將呢單店放左入encore list。而從來懶得寫食評既我就忍唔住上黎為間餐廳平反。

Booked table via Openrice and mentioned it was for birthday dinner.Impressed by the birthday 'cake' presented to us.Different menus available varying in price, we went for Menu D. They give you a sample platter to begin with and then after with the QR you choose items to order. Liked the setting, clean, bright and spacious and service from front end staff was very good. They would bring extra wet wipes, change the grill without being asked and remove empty plates veey promptly. Quality of the fo

復工一個月，肚腩頂住做嘢好辛苦，要認真啲減吓，當然用番我之前成功減50磅嘅方法……生酮飲食。係旺角揀咗間燒肉店「佐賀燒肉」，一個人的浪漫，第一round 全牛加雪花豬頸肉，每樣一件，啱晒我樣樣都想食😂😂😂，試完第一回合，鎖定牛肋條、牛小排、雪花豬頸肉。雖然不是完美好吃，但真係好多嘢食，如果唔係生酮，真係好多選擇。價錢方面如果可以再加點優惠大家應該會更開心😬。要讚😊讚🤩大部份嘅店員也很有禮貌及友善，而且很主動幫忙清理桌面及換燒烤網。以這燒脆表面，再切細件 加蒜蓉醬及燒烤鹽👍🏻👍🏻👍🏻，正！

一入到去就介紹食C餐，有壺漬封門柳，但點左 10個，只出得 3個，問咗3位職員跟單，到第三個才跟到 4個（碟上），原來每次點幾多個都只會出一個，另每次點餐只可點6個/片，點餐都用了一點時間，出餐慢。

真係好難食，味道同食物質素完全對唔上，仲要早半個鐘last order，差到唔知想點，野飲選擇都小過人，又少員工，最基本嘅服務都唔夠好，唔會再有下次，名過其實嘅垃圾

今日2：00去旺角店食，個擺袋同衫嘅箱擺左係走廊邊，我擺左我件白色外套係入面。等我食完飯後，件衫有一噠噠漬，好明顯係俾啲waiter攞野食嗰陣滴左落去。件衫我今日第一次著，仲要係台灣買，落左架買唔返🙄🙄然後明明有個cam影住，佢地又話個cam影唔到嗰個位，話攞去洗衣店洗再攞返張單過去cam錢，大佬我車費都蝕比你啦。然後就淨係比返個9折，話洗衫都係幾十蚊，真係啲服務態度好到一個點。以後唔再幫襯。件衫我洗到宜家先洗得甩啲漬。

=====================疫情越嚟越犀利，😑唔想堂食只好外賣喇。 行過旺角見到佐賀燒肉谷新出咗外賣滿$150七折優惠，作為精明消費者嘅我二話不說即刻上去叫返個，真係平過自己煮。餐牌有廿幾款，選擇困難症嘅我就請店員推介下，咁我就試咗佢哋嘅人氣同推介款式：豬軟骨烏冬、安格斯牛肉拉麵、燒汁牛肉丼、醬油炸雞拌飯、追加韓式餃子同吉列蠔。鋪頭都有唔少人，但係唔使十分鐘就拎齊曬啲嘢，店員都好有禮貌。心諗兩袋紙袋點解咁重，返到屋企打開，個份量又真係好抵食，所以下次去要搵個大隻仔幫手。❤️豬軟骨烏冬 $76 (七折)豬軟骨軟硬適中，大大三嚿非常有口感，加埋香濃嘅醬油湯，真係都值得畀個推介佢。外賣盒都落足本，分開咗烏冬、拉麵、主菜同啲湯，唔會食嘅時候已經淋曬或者過熟。❤️安格斯牛肉拉麵 $76 (七折)冇得堂食燒牛肉都可以外賣安格斯牛肉 ! 肉質拎到返屋企都算重好鮮嫩，拉麵彈牙，加埋個湯底鮮味，成個配搭都啱啱好😋。等疫情好返啲真係要嚟試下佐賀燒肉谷堂食和牛燒肉 !(最想梗係去日本食番碗拉麵，頂唔到就過嚟止住癮先✈️🎌)❤️燒汁牛肉丼 $55 (七折)啲牛肉多到見唔到白飯🤣真係唔使驚食曬啲餸仲淨低好

鍾意平日下晝出去食嘢，一黎平啲，二黎又唔洗同人迫，今日就去試下燒肉，燒肉食黎食去都牛角諗住去試下其他新嘢，見呢間嘢都係喺雅蘭，價錢又平牛角少少就一於去試下佢啦，樓下果個staff嘅態度好好點知上到去reception個態度西到喊，不過家母話算啦都上到黎都照食啦，叫左個$318放題，5點前離座有得減$40，價錢唔算貴，但係選擇少到喊，仲要有好多嘢都話售罄，連基本嘢都話無... 真係不得了。不過雖然肉類選擇少到喊，員工喺唔忙嘅情況低下都西口西面，但係佢都有嘢可以讚嘅，就係佢嘅熱食係幾好味，蜆味噌湯、豆腐鍋、炸饅頭... 呢啲都係好味嘅，我唯有當放題食啦.

今次食呢間日本燒肉比較趕，只有100mins食，所以小編同友人坐低就瘋狂點餐同食野，冇乜點影到相🤣佢呢度既放題有分級數，店員建議食肉為主既話最少要由C餐起（$348），我地就叫咗C餐，可以食105種唔同食物食物質素尤其是牛肉小編都好滿意，最鐘意佢個煙燻壺清封門柳，一上黎既時候放係個壺入面，有乾冰係下面，好啱打卡，而且佢啲肉質真係特別嫩滑同入味😍，搞到我地忍唔住連叫咗幾個😋除咗封門柳之外仲有佢既甜蕃薯都超級好味，又甜又脆，必叫👍🏻👍🏻👍🏻👍🏻另外出面仲有自助既甜品吧同罐裝飲品吧，有小泡芙、有得自己吱雪糕，不過小編留肚食肉其實冇乜食到出面啲甜品🤣唯一唔好就係每次落單只可以叫十件，變咗我地總會有樣野食只叫得一份冇得三個一齊食🥲，同埋佢一開頭係有個和牛拼盤比我地，明明我地有三個人但每樣比得兩件，問咗店員佢都係話呢個set係咁，覺得有少少奇怪😂總括黎講雖然點餐比較多限制，但整體食物質素唔錯，最後都係食到抱住個肚咁離開😋😋😋

之前新店剛開幫襯過一次，覺得好好食服務又好於是今日再book位食多次食之前網上睇有人劣評，心諗唔會咁快變咗中伏店啩。。。唔book都book咗就自己親身試多次去到一入座，個經理笑容滿面，仲好貼心問我大肚嘅太太要唔要唔凍嘅嘢飲食物方面，我哋食C餐，比剛開嘅時候好似仲多咗熱食揀肉方面保持到質素，偶有漏單但整體出菜速度都好快係每次只可以叫10片，但1分鐘後可以再叫所以我唔明白點解有人咁都可以投訴。。。我哋七點半夠鐘走都冇人催我哋，當然我哋都係遲咗一兩分鐘。繁忙時段門口排長龍係有原因的。所以網上劣評都係參考下就算

又到火星人食野週記時間- 中午人少少可以一戰終於來到呢日呢一早已經book 定位, 中午冇乜人就GOGOGO如果平日dinner要排好久又或者早少少黎拿位可以呢間,見第1次食就叫C餐,好似有壺漬牛肉食. 頭盤和之後追加的壺漬牛肉都不錯,食哂兩條都已經飽哂.好彩有其他海鮮和蔬果食先沒有太過肥. 其他小食和前菜都不錯.回本位可以叫多幾條壺漬牛肉同牛小排 間任黎食. 不好在1次最多叩叫10件,要等等才可叫下一次.C餐來說3百多元性價比一般, 下次試試其他SET 會不會好點.3星半推介完

另一間要等120個籌，見呢間價錢ok，款式都算多，唔使等位，所以試吓，今次選咗set C（$348）見佢唔算多人，但係第一張單，等10分鐘未有食物上台，所以立即order round 2 (每次10 items)，之後就有跟餐的封門柳，不過口感一般。最後15分鐘才有自選食物，上檯肉色唔吸引，而家比較韌。不過之後每次點食物都唔需要等太耐。正整體感覺不值這個價錢！如果$200內，可能再考慮。