低調高手大街小食

营业中

休息中

一心嚟食新鮮脆卜卜嘅夾餅和雞蛋仔，一齊落order，等咗成四個字先，叫我Number去取，雞蛋仔就脆卜卜，夾餅就淋謝謝，原來夾餅一早整好咗放喺度等雞蛋仔，做好咗就冇叫我哋去取，夾餅攞嘅時候又凍又林，不知所謂，以前老闆喺度嘅時候都會夾餅俾我哋食先，然之後再等雞蛋仔，而家呢班人完全係浪費食物

服務態度完全唔得明明係輪到我食個雞蛋仔，而佢明知道係我，但係就唔叫我去攞，啲服務態度好差之後啲蛋漿又唔夠，根本唔係食緊雞蛋仔，而係食緊脆卜卜嘅嘢我係因為社交媒體網站宣傳而幫襯，但係覺得中晒伏，大家千祈唔好去幫襯！好彩我住得近，如果嗰啲住得遠嘅人真係會覺得嘥晒時間坦白講比較之下南山邨嗰個好食好多，仲要又唔使咁貴，態度都唔會咁惡劣啦，但呢間就似住自己多人幫襯，個態度就串串共，仲要買到咁貴，但係嗰個雞蛋仔根本就唔足料！搵人笨

諗住‘’路過行過唔好錯過‘’見冇咩人等就試吓你有幾底調嘅雞蛋仔，等嘅人唔多，我前面只係要等3個籌，我落咗單俾咗錢應該預計等一陣就輪到我76号架啦，等咗陣聽到下個叫号就到我，等吓又未叫我号碼等吓又未叫，叫到79都未叫我号碼，叫埋82都唔叫我号碼，唔對路，就問吓到我76未？！跟住佢話 ‘’未！就到！‘’，要我問至做我嗰份雞蛋仔，真離普，咁就唔好輪籌啦！仲要大熱天時喺到等你整咁耐，籌号碼到都唔做，要問至開始做。終於黃金雞蛋仔到手，食落口感係脆（係基本），唔過份甜，但佢用嘅係咸蛋黃粉，分佈唔均勻，可能因為佢用粉做喊蛋味嘅關系，大部分冇咸蛋味，有啲就太喊，唔似人哋舖做嘅會真正咸蛋黃做餡，價錢就真係唔值呢個價，所以試一次就夠，唔會再返轉頭食。

終於有得網上下單啦👍🏻唔使熱辣辣等到中暑‼️‼️今次買咗原味雞蛋仔，係半空心嗰種雞蛋仔。外層香脆，餡料單薄，淡淡蛋香味果種。不過一定要趁熱食，凍咗就會擗晒。

越開越多分店 橫掂都要等 揀咗原味雞蛋仔同原味格仔餅 好貼心會問格仔餅洗唔洗開半☺️仲會問格仔餅同雞蛋仔想一齊拎定格仔餅拎先 因為格仔餅相對等短啲時間我哋拎咗格仔餅先 格仔餅幾脆 入面仲好多醬 多醬又脆嘅格仔餅就係好味道 可以開半呢個服務真係唔錯跟住雞蛋仔係外脆內軟但過咗十分鐘都唔洗就淋灑🤔格仔餅感覺出色啲

每次經過東大街，都一定要去幫襯呢間雞蛋仔！咁耐冇黎水準依然保持到佢做到外脆內軟，完全冇燶 。每一粒都脆卜卜又唔會太甜而且仲係即叫即整 熱辣辣，好香既蛋香味味道仲有咸有甜比你揀，值得一試！

最近低調高手喺銅鑼灣同將軍澳都開咗分店，咁岩經過東大街，緊係要食番總店☺️一如既往，星期日就算落住微雨都係要排😂雖然前面有10幾個人等緊但等咗10-15分鐘左右就排到，一拎上手嘅時候係熱辣辣💯原味雞蛋仔 （$26/底）雞蛋仔🥚即叫即整，外層超級薄脆，同坊間大多軟綿綿似蛋糕仔或者內餡空心嘅口感係兩個層次🤤每一粒空心：餡料嘅比例恰到好處，內餡煙煙韌韌蛋味香濃，🐝一路食覺得好幸福❤️就算過咗幾耐，都keep到高水準🥰兩個字：世一

疫情佢做外賣，意外試過一次之後覺得好好食！就成日幫襯食夾餅。自從出左名爆紅之後，等要等45分鐘至兩個鐘不等！退步同唔再值得排隊食咯！打開聞到燶味，剪左佢淨低細細件….有圖有真相。各位自己衡量

來到筲箕灣東大街 第一時間都是先去低調高手買雞蛋仔 在平日晚上都是要排隊 證明多年來這間店舖都仍然很受歡迎 .很久沒有食過 但很快都是決定了食黃金雞蛋仔 即是鹹蛋黃雞蛋仔🤤 因為即叫即整 同埋都有有人在排隊等候 所以買完去附近行了一會兒才回來拎雞蛋仔熱辣辣出爐雞蛋仔 鹹蛋黃味充足 最鍾意佢嘅雞蛋仔係屬於「有內涵」的那種 因為坊間有部份雞蛋仔是很脆但是空心的 我不太喜歡空心那種 跟喜歡低調高手這種大概是一半有餡一半空心 👍🏻他的原味雞蛋仔都需要$26 其實是頗為進取的一個定價 不過味道是沒有令人失望的

好唔好食唔使多講，基本上週末都要排30分鐘以上，已經知佢幾出色。想分享既係佢哋既態度。我用OpenRice 落定單，話要60分鐘後取，其實當日係落大雨天氣唔好，根本唔多人，最後只用左10分鐘已經可以拎。但我本身真係預左40分鐘後去拎，所以都知個雞蛋仔應該都擺左半個鐘以上冧晒。我埋到去拎，店員叫我等一等，因為凍左，整過比我☺️呢份對客人既態度真係現今少見，至少香港而家好多餐廳都無服務可言，呢種態度真係值得支持

每次經過筲箕灣東大街都會見到有一間超長人龍嘅舖頭，呢間舖頭淨係買兩樣嘢，但係每次排隊都要等超過30分鐘以上，到底有啲咩魔力呢？講返今次已經唔係我食第一次呢間舖頭嘅雞蛋仔同埋格仔餅，呢度嘅雞蛋仔同埋格仔餅都係即叫即整，每次整好咗都係新鮮滾熱辣。😋雞蛋仔同埋格仔餅都有其他口味俾你選擇，例如係朱古力同埋黃金味，但我最鍾意都係佢哋嘅原味，而今次我都黎介紹吓。🥰建議大家係開舖前15分鐘去到已經可以開始落單，等嘅時間只不會超過30分鐘。雞蛋仔外脆內軟，入邊每一粒都有蛋香味，坊間好多雞蛋仔食落去完全冇味，但係呢間就蛋味非常濃郁，勁正！😋原味格仔餅都好驚喜，熱辣辣嘅格仔餅已經將牛油溶化晒，配埋花生醬同埋煉奶，口感非常豐富，外脆內軟，食嘅時候要小心唔好滴到周圍都係。🤤份量都幾足夠，兩個人分一底格仔餅同埋雞蛋仔就Perfect啦！😆

我細細個就聽過佢個名🤪食完午餐終於黎試下，大概兩點，人流唔算多，唔洗等好耐。朱粒雞蛋仔 ($40)簡單D講，外脆內軟！(記得唔好同膠袋焗住佢呀，會淋架！)朱古力餡仲好似流心咁又曖笠笠，令人食完晏都想繼續食><不過，佢係有D偏好甜，食完要飲水~下次都會想試埋佢嘅格仔餅結論🫰外脆內軟🫰飽肚⚡️偏甜⚡️少貴 (但值得一試嘅👍🏻）🎡餐廳資料餐廳名稱：低調高手大街小食餐廳地址：筲箕灣東大街76A號地下B3號舖

終於食到呢間每次放工都見到好多人排隊的小食店😋😋見今天午餐時間沒太多人排隊，我立刻決定午餐加餐，叫了一個經典的港式小—格仔餅😍1. 原味格仔餅外皮非常脆，和一般街邊賣的粗製濫造的格仔餅不一樣，我真的好久沒有食到這麽脆的格仔餅了，中間還有點煙韌，格仔餅本身做的非常出色。最重要的是他有加砂糖！砂糖是格仔餅的靈魂，但不知道為什麼好多店都不加，只加花生醬和煉奶，沒有了砂糖脆脆的口感，格仔餅即時失色不少。唯一不足是我覺得花生醬太少，對我這個花生愛好者來說遠遠不夠，下次要試試看多花生醬😋小建議，如果有香蕉花生醬味就好了😍❤️❤️❤️❤️這店還有賣其他口味的格仔餅，用「甜」、「酸」、「苦」、「辣」、「鹹」做主題；「甜」就是我吃的花生醬煉奶味；「酸」是蘋果味；「苦」是巧克力味；「辣」是辣肉腸加芥末味；「鹹」是鹹蛋黃味。味道都非常特別，像辣味我真的難以想像辣的格仔餅是什麼味道😂😂😂

不嬲都聽喺東區住嘅朋友講低調高手嘅雞蛋仔好好食，於是難得經過呢一頭就去咗買，佢有幾隻味道，而我覺得最特別嘅就係鹹蛋黃，但係我自己都係偏愛甜嘅雞蛋仔，所以就揀咗呢一款：朱古力雞蛋仔。聽講平時都幾多人排隊等，難得今日唔係好使等，覺得自己真係好幸運。拎住喺條街食嘅時候，我就打開佢個袋，盡量令到佢「呼吸」一下，如果唔係好快就變淋，咁就一啲都唔好食。咬落去嘅時候，啲朱古力粒溶咗，所以雞蛋仔變咗做流心，成件事真係勁邪惡，但係好正！如果俾我揀多次我都係會揀朱古力味。

用app 訂了外賣 ,我早到了.都知多人排隊 , 然後佢就比左個一早整定好哂嘅雞蛋仔我 , 係凍嘅 ,係超難食.上次都有用app 訂 ,同樣都係早到,但佢係將下一個整好嘅雞蛋仔比我 ,係熱嘅 ,的確係幾好食.質數如此參差 ,時好時壞 ,我唔洗突登搭車入黎食啦 ,求其買個普通雞蛋仔咪算 .你多人咪慢慢整囉無人吹你 ,但你比個凍嘅雞蛋仔我就唔ok 囉.