但馬屋 (創紀之城五期(apm))

营业中

休息中

閒日收工同同事過黎食晚餐Book左7:30想早早入去都唔得因為餐廳限定食90分鐘，同埋都非常滿座我地見到餐牌好吸引就揀左個紅酒風壽喜燒落單冇耐就上左個日本雞蛋Staff教我地打蛋搞勻用黎蘸野食另外上左2碟牛，油脂分佈得好平均，切得夠薄，加落個壽喜燒既汁度幾好味！不過略嫌壽喜燒個汁偏甜，所以我地加多左少少水仲有甘藍菜、洋蔥、碳燒豆腐同冬菇，好健康，呢d配菜出面既餐廳都比較少有食完牛同配菜後，食埋呢碟豚肉，肉質唔夠牛肉咁嫩滑，但豬味幾濃郁試完都係決定encore牛肉！餐廳內有自助區比客人自己調配醬汁，拎一jar既飲品仲有好多款食物添！蔬菜類最豐富，麵類都多選擇，有埋養生蟲草花，岩晒注重健康既我食飽壽喜燒可以加水轉打邊爐，邊爐後仲可以食埋haagendaz 雪糕🍦，麻糬雪糕又幾好味喎，大滿足！難怪隔離坐左檯日本人啦。如果有budget既，呢間餐廳值得一試！

行街行到餓餓地之際，比我地遇到一間任食火鍋，當然就要試試啦點選牛肉質素之後就入黎坐底開始揀其他食物佢既好處係一人一鍋，如果同朋友一齊黎就可以試到唔同既湯底，唔洗只食一個湯底咁悶以佢牛肉的質素來講，比起其他任食火鍋的質素為高，因為真係日牛配料方面都幾多選擇，絕對係平靚正之選

今晚放工就去左食啦，見平時都好多人等位，點左日本產特選黑毛和牛套餐 $289 幾抵食😋😋😋就食左期間限定嘅壽喜燒，之後先食火鍋，壽喜燒湯底是紅酒好特別，這店獨有。店員會將一舊和牛嘅脂肪放落個鍋到燒，待油脂出黎再落洋蔥去炒香，再放和牛落個鍋到燒。輕輕放入鍋一兩秒，再將炒香咗嘅洋蔥放一塊係肉嘅中間，然後捲起塊肉，加點紅酒壽喜燒湯汁落鍋到，令塊肉入味😋壽喜燒一般都會配生蛋嚟食，店員不停強調採用日本無菌雞蛋，可以食落放心食用！點肉類要找店員落單，和牛可以不停encore😍而其他火鍋配料就是自助形式，有丸類、菜等等；飲品方面汽水、茶是仼飲，仲有唔少得既甜品haagen dazs雪糕食，有四隻味道選，有好特別既花生醬味，好好味！第一次食一試愛上🥰🥰🥰

身為一個日式火鍋愛好者 梗係要周圍去食唔同嘅新火鍋啦今日嚟到觀塘嘅呢間但馬屋 佢最近推出呢隻紅酒壽喜燒！今日一於嚟試下 一入到去感覺有啲擠迫 但濃濃嘅氣氛已經湧緊出嚟 坐低之後侍應姐姐就喺你面前烹調紅酒壽喜燒鍋先放和牛油再放配料 加上小小壽喜燒汁 放上澳洲穀飼和牛片 淥幾秒呈現淡淡嘅粉紅色已經食得 一定一定要點上日本雞蛋汁 超正和牛片索曬壽喜燒湯底嘅味道 鹹鹹甜甜十分好食 而且紅酒味唔太重 女仔都啱食之後就可以加上不同嘅火鍋配料 值得一提嘅係餐廳竟然有冰菜 出面好少食到最後梗係食埋任食嘅haagen dazs雪糕 十分滿足

今天跟媽咪在apm逛街，逛累了便隨便選了一間火鍋店進去。在門口看見入面好像人山人海般，才知道是放題火鍋。 我們點了澳州肥牛任食$199/人。分別點了蕃茄芝士湯底及鯖魚湯底。是一個高質肥牛放題，因為很新鮮，他一開始便給了三大碟肥牛，都已經夠我們吃，因為外面還有很多火鍋配料可以自取。兩個人座位有逼，桌子範圍比較少，整張枱都擺滿食物了。食到甜品環節，竟然有Haagen Dazs 忍不住食了幾杯。好滿足的一餐火鍋放題！去到八點簡直人山人海，外面很多人在等位。

香港人喜歡吃火鍋，一年到晚都會吃，但我較吃喜歡冬天吃，一班好友在天寒地凍的晚上圍爐火煱，有傾有講，特別開心暢快，今天晚上和朋友合共三人來到觀塘APM商場四樓但馬屋吃火鍋。此處環境相當不錯，裝修簡潔，食物擺放井井有條，我們被安排坐在卡位，由於顧客眾多，火鍋限時個半鐘。此處是一人一爐，十分衞生，我們今次點了紅酒風壽喜燒，先燒肉後火煱，肉類有黑毛和牛和豚肉。 和牛肉質嫩滑，燒的時候，牛油滲出，香味令人垂涎欲滴，食指大動。吃過燒肉再吃火煱，除了追加和牛，還揀選了新鮮蔬菜如冰菜、皇帝菜和羽衣甘藍。時間過得很快，轉眼個半鐘已到，急忙吃過名牌子雪糕，埋單$954，雖然有點趕急，都算美味可口的火鍋。

上月在日本食過壽喜燒念念不忘，聽聞但馬屋最近做梗紅酒風壽喜燒，快快手相約友人前往。一如以往食物擺設得整齊，另人用餐放心。店員拿來了紅酒風醬汁和清湯。先放入豬油膏，再放入大蔥，隨即香氣樸鼻。跟著放牛肉片，再放紅酒醬汁，兩三秒就可食了。店員的手法有點不對，由於紅酒醬汁太濃稠，正確是再放少許清湯煮，味道中和了就沒有那麼鹹。牛肉軟熟多汁，紋理均稱，質量好。豚肉也不遜色，軟腍不嚡口，肉味香濃。食過壽喜燒又轉一下口味，清湯火鍋了。放題式任飲任食，款式不少，有些還是貴價蔬菜，非常満足。最後當然是甜品，有名牌雪糕，一次過嚐了四款，開心😃。

係APM食晚餐，約左朋友去試新野，係紅酒既火鍋！都幾多人排隊等，7點半入去坐。$289套餐澳洲長期穀飼牛　加　紅酒壽喜燒湯底，燒完先加水打邊爐。所有蔬菜都任拎既 (可無限添加)另外所有牛/火鍋配料/Haagen-Dazs雪糕任食汽水、茶等任飲，首先，原來有店員會服務你！會將和牛嘅脂肪放落個鍋到燒d油脂出黎，再加洋蔥炒，最後加和牛放落個鍋到燒下，其實好似炒熙野咁，勁香，放落口係好甜壽喜燒既味！仲帶少少紅酒味！好正！個日本生蛋就咁放係到點黎食既，如果唔鐘意可以唔要既。食到一半可以叫店員加水同你轉打邊爐。Haagen-Dazs雪糕任食先抵! 個MOCHI 好食!!OVERALL 每人$300幾到，但又有紅酒邊爐，又有任食澳洲長期穀飼牛、Haagen-Dazs雪糕，食左個幾中，我覺得都OK呀,不過小心D衫會吸左味。

同友人一齊食飯，餐廳規定兩人都要選同一個套，湯底可以不同！我咁重視皮膚，當然選擇了美肌湯底，友人選番茄芝士湯底，我地選擇了$289/人的牛肉。講下湯底先，美肌湯底都不太美肌，比較咸，湯內放多件雞，比人覺得可以有多一點蛋白質，對皮膚好少少，但咸就可以自己加點水，又可以選擇食肉不點醬油，減少吸收鈉含量。至於有人的蕃茄芝士湯底，就係蕃茄湯底加多一塊夾麵包用的卡夫芝士，未到本人就不知道，沒有試，但友人都無話好味，所以應該都無特別好味🤣牛肉方面，味道都可以，因為揀左靚少少的牛肉其他食材都係自由到食材區取，同牛陣提供的差不多，甚至一樣！總括，價錢都係比較貴！

同男朋友行apm，見到但馬屋門口排滿人，而且見佢地推左隻紅酒壽喜燒好似幾得意，心思思排埋一份試下！好似唔算排好耐，15-20分鐘左右就排到了🤩鍋到後店員首先用兩塊豬油掃掃鍋，然後加入洋葱、長期糓飼牛肉同紅酒，佢首先示範煎香洋葱同牛肉，再將洋葱放進牛肉捲埋再沾啲紅酒煎一煎，味道超級香之餘仲充滿牛味！！😍再試埋丹麥皇冠豚肉，大大塊而且肉質嫩滑，同牛肉一樣可以任嗌，我鐘意浸一浸埋日本雞蛋再放鍋煎，味道更香口好食😋隨餐仲有附送日本蔬菜盆，豆腐嫩滑得黎唔會散，煎香食好好食👍🏻煮菜類時我地換左清湯火鍋，可以食埋出面其他配料，而且種類都幾多👏🏻而日本蔬菜亦非常值得一食，明顯的比平時食開嘅菜更爽脆有口感☺呢個價錢食到咁多呢個質數嘅火鍋同試到幾高質紅酒壽喜燒真係超值👍🏻

同事吹雞話不如打邊爐，由於一打就打一個鐘，個個都搶飛。用apps ‘gulu’可以拎飛，不過唔知幾時開始數，所以都係要分散投資。多過4個人就真係12點好企係個邊啦。午市放題，食$109呢款。已經睇定有咩食啦，同事話夜晚都係多一兩款餸，晏就抵食好多。有卡位店員會係你食到咁上下提示你去拎雪榚食。飲品都算多選擇，下面雪櫃亦有可樂類，想沖熱水熱茶都可以。一人一鍋，除左辣湯底，其他都似乎差不多，以為湯底有好多料，原來只係淨湯。肥牛都唔錯，簿切，更快就熟。豬肉亦是，而且好味。「自私」鍋嘅好處就係大家可以自己負責，落咩夾咩都係自己搞掂，又唔怕交叉感染或者點樣分。

今晚和媽媽到觀塘但馬屋食火鍋。但馬屋好多人排隊, 我們都要等一陣才有位。我們要了壽喜燒火鍋,澳洲產長期穀飼牛套餐。所有牛,豬,火鍋配料是任食。店員先送來一碟牛肉,一碟豬肉和一碟蔬菜拼盤。牛肉色澤鮮紅。蔬菜盤則有冬菇,各種菜,豆腐,芋絲。店員先把一塊肥肉放入鍋,待它出油後,就放牛肉入鍋燒。一會就可以吃了。燒過後的牛肉好惹味。店員建議我們把牛肉放入撈勻的雞蛋來點一下,會更好味道。我們吃完燒牛,燒豬後就加水食火鍋了。雖然火鍋配料不是太多選擇,但種類應有的都有。我最喜歡吃魚。魚肉十分嫩滑。我們吃了好多塊魚肉。飲品有橙汁,蘋果汁，雪梨茶,雜果賓治和罐裝的飲品如可樂，雪碧都有。這裡的雪糕是Haagen-Dazs雪糕,仲有四款口味的雪糕可供選擇。

本身都好鐘意打邊爐 呢排凍番少少 朋友就帶我黎食呢間 本身有book到見到7點左右已經好多人排隊😌呢間係一人一過日式邊爐半放題 肉類限量飲品同蔬菜就自助任食 湯底試左美顏湯 聽講好受女仔歡迎 大家可以黎試下 果然冇令我失望湯底足料👍🏻牛肉鮮嫩好食 蔬菜都好多選擇好新鮮 食完之後仲有hagendaz雪糕做甜品 好滿足 下次會再黎！🤤🤤

和牛放題😍高質推介🔆但 馬 屋🔆選左最貴既和牛套餐💲298一位🍽 限時90分鐘-這是先燒肉，後火鍋的食法（一人一鍋）🍴先用豬油🐷起鍋，再放洋蔥及京蔥炒至香口再加紅酒醬🍷調味，店員耐心教導如何燒肉至不會焦🤣吃到覺得足夠後就可以叫店員加湯打邊爐和牛油花如雪花般❄️外表色澤光鮮😆入口即溶，肉質腍滑。脂肪分佈均勻，入口油脂芳香四溢。-另外配有火鍋食物，如蔬果，少量的丸類任取🤚🏻款式不算太多再有Haagen Dazs都是任吃的

好耐冇同屋企人打邊爐，一直都想試壽喜燒加火鍋set, 第一次黎到但馬屋。叫左日本產黑毛和牛放題套餐$289首先係壽喜燒，牛肉極新鮮，冇雪味，又切得夠薄但有口感。先燒，加紅酒汁已好入味呀。除左黑毛和牛，仲有豚肉非常不錯的。肉可以任叫，我地就食完先再倒湯打邊爐。任食火鍋配料，有面，蔬菜，魚雞肉，丸類等。飲品方面都有唔少選擇，鮮橙汁，汽水亦有。最正係Häagen-Dazs雪糕自助，咖啡，白桃，雲尼拿回晒本。