傳承清湯腩專家

营业中

休息中

🍜【清湯牛腩河】嚐一啖湯係單純嘅牛骨湯，湯頭清帶有淡淡牛骨嘅清香味，冇畀其他香料蓋過味，原汁原味，鮮甜好味且柔和。牛腩都煮得啱啱好，牛味香濃但唔會過柴，搭埋店家嘅辣椒油，更加帶出牛腩嘅味道。普通嘅牛腩已經有呢個水準，特別嘅位應該更加出色。河粉滑得黎又唔會咁易斷。🍜【單點牛脷】稱足好大，每一片都係厚嘅。燒牛脷食得多，清湯真係第一次食。牛脷做得好軟，但又有適當嘅口感，同燒牛脷嘅口感完全唔同。

差唔多五點半到，都預咗無得食崩沙腩同爽腩，結果當然真係無啦。清湯牛腩河粉（$65）加牛膀（+$12）先試啖湯，雖然話牛骨湯，但牛味欠奉，稍微偏咸但可接受（飲咗半碗，之後沒有勁口渴）。牛腩有七舊（其中有兩舊比較細），要咗肥腩，其實都唔係好肥，牛腩軟腍，但咬落有質感唔係死腍，肉味有但唔算好濃，肥膏位唔油膩。牛膀有三片，粉粉嘅口感，無怪味，不錯。河粉份量正常，頗滑，另外仲有兩片生菜。騸牯生牛肉河粉（$65）加牛丸（+$8）生牛肉大約有七八片，肉質十分紮實，要些少牙力先咬得開，但並不是嚡及韌，肉味夠。牛丸有兩粒，勁彈牙，咬開中間有汁，肉丸味濃，味道不錯。老實講，唔係唔好食，味道都尚算滿意，可能比網上嘅評價渲染咗，期望高咗，但結果無預期中咁好味。如果唔使排隊，可以一試。

係關注組同youtube入面有一間仲吹到好大完全無負評既舖頭就係旺角既傳承位置係廣華醫院轉入廣華街行幾步路就會係右手面既舖頭望得到前年有一個星期六我去到已經兩點鐘諗住叫做過左午餐時間應該會少d人掛但都排到去隔兩間既模型舖大約等左廿五分鐘先入得餐廳就佈局就係兩邊面壁長檯檯面有筷子辣油牙籤地方少窄餐牌係門口大大個排隊果時可以慢慢研究佢都有寫話係用每日新鮮騸牯牛咁不嬲崩沙腩就係好搶手同數量好少每日限定既產品我兩點半呢個時候已經聽到話最貴既崩沙腩同爽腩都已經賣晒唯有叫坑腩另外可以加八蚊有兩粒牛丸唔知點解定律就係雲吞麵配幼麵車仔麵係配油麵沙爹牛配曲麵而牛腩就係配河粉可能係我以前食開都係垃圾粉麵店呢間河粉唔係散修修可以成條夾起爽口已經覺得好唔錯我人就面盲既唔太識分牛腩同牛坑腩不過呢份就好多肥膏同埋面頭有層薄筋膜牛味好重咬落有口感完全唔鞋唔韌有油脂而且仲係入口即溶既感覺唔會痴牙係好好好食既牛腩份量仲好多另外果兩粒手打牛丸都好爽口咬落好有質感同埋有彈性個湯係清新唔咸有些少鮮味真係第一次食到咁高質既清湯腩幾乎樣樣野都係無得輸難怪都真係無乜人批評個麵70蚊兩粒牛丸8蚊加埋就78蚊可以收八達通如果係呢個質素

今朝真係嚇一跳話說呢排（by Ben師兄影響😆）上咗食牛腩嘅隱結果今日12點到咗旺角名店，唔知係假日抑或北上潮，嚟到嘅時候完全唔使等啱啱好有一個空位。之前食咗幾次爽腩坑腩，今朝試吓崩沙腩。又係好快5分鐘之內即刻有得食，不過一見到碗嘢咁賣相眉頭就已經皺埋晒，睇得出嘅肥膩嚡口肉靭，應該有嘅全部有晒！一飲啖湯仲失望，所有牛骨牛肉嘅甜酥香味完全欠奉，味精唔重，不過淡得好緊要，只係帶少少蔬菜同埋蒜頭味，作為咁出名嘅排隊店啲出品點可能咁求其㗎。嗰幾件崩沙腩件件都要咬到第十五六口先至吞得到，我食完差唔多30分鐘都依然覺得個胃頂住頂住！可取嘅係佢枱面有一個沙嗲醬，如果點牛腩食都幾夾嘅不過前提係要啲牛腩好食先得呢個價錢呢個質素，唔使排隊，相信都好難有第二次

—🐮 清湯崩沙腩🐮 清湯牛坑腩🐮 清湯鮮牛肉—難得可以中午來到傳承 1點到拎飛仔 等左30分鐘左右店內位置不多 但大家食完都離座 30分鐘都算快有食運可以仲有咁多款選擇 仲有平時遇不上的鮮牛肉！ 當然要試哂啦！😻😻😻牛清湯非常出色 鮮美清甜 成碗飲哂都得啊!崩沙同坑腩都各有各好食睇下口味喜歡肥d瘦d 鮮牛肉非常有驚喜 🤩🤩🤩好似越南Phở咁生熟牛肉 牛肉味很濃郁!overall大讚👍👍👍記得要早點來啊 遲左無咁多選擇😇

首次光顧，坑腩河有一半係筋膜，可以食嘅肉唔多，牛肉亦冇乜味，唯獨河粉仍算滑口。中午時份，排隊約十五分鐘唔算太耐，室內面積唔大，但枱面狹窄座位又迫，坐唔耐亦唔會舒適，呢個價錢令人失望。

傳說話呢度嘅牛腩好味，就來試試。夜晚7:30來到，崩沙腩同牛爽腩都已經賣晒。只可以試剩低的兩款。👌🏼清湯牛坑腩 $70飲一啖湯底，係令人失望嘅。個湯係勁普通嘅味精湯底，味道單薄，味道就好似普通魚蛋河粉麵檔果種湯底咁樣。冇清湯腩湯底suppose 有嘅清甜味。雖然湯底味道不似預期，但係牛坑腩就反而有驚喜。質地地非常柔軟，夾雜着一啲肥膏，口感非常嫩滑，令人滿意。可以禰補到對湯底果種失望。清湯牛腩 $65湯底如上面所述唔合格。相對牛坑腩，牛腩就冇咁出色。質地唔柔軟，仲有d 痴牙。如果有其他更好嘅選擇唔建議呢款。總結：牛坑腩質地唔錯，但湯底唔得。

餐廳使用新鮮騸牯牛腩 食落真係牛味出d 牛肉好高質 即使條隊有少少場 其實翻檯都好快 我中午時段大概排了20分左 可以接受🤓湯底味道就唔係好濃 偏清淡 但係佢地個沙爹汁幾好食 仲可以任加🤤麵條選擇有🍜河粉/米粉/粗麵/幼麵/伊麵清湯崩沙腩 ($82) 牛肉款式多 每款都係新鮮牛 最後我決定奢侈少少 叫左崩沙腩❤️‍🔥 係牛最為珍稀的部位 每碗有六塊肉汁軟腍 食落有一絲絲 牛的薄軟膠質幾特別 重配埋少少肥牛味好香 清湯鮮肥牛 ($108) 原本以為係打邊爐薄切肥牛 點知失落好厚實 好有口感😍 肉味濃郁鮮甜 肥瘦比例平均 重要牛肉份量都幾多！味道：🩷🩷🩷🩷.75/5 📍傳承清湯腩專家 (旺角)地址：旺角廣華街2-20號翠園大樓2期地下6號舖

其實它由疫情期間開幕， 我已經開始光顧， 見証住 由不用排隊， 到現在 未夠鐘營業 已經有人排隊， 有時時候，更加下午 5 点已經賣光關門了， 地方雖然細， 但乾淨， 吃完自己立馬離開， 不要阻礙其他客人

終於黎到試試大名鼎鼎既傳承呢度只售賣新鮮牛腩 售完即止 當日食到咩部位都係睇運氣 12:15pm來到 等左5分鐘就入得! 12:30pm已經冇曬爽腩了試左崩沙腩同坑腩 個人較喜歡崩沙腩 相對較肥美同腍身 但又唔會腍到一咬即散 坑腩就比較有咬口牛骨清湯清得黎好夠味 伊麵索曬湯好入味

今日差唔多一點到就已經有成10個人係到排隊，等左20分鐘就可以入去。掃完QR Code落單就勁快有得食😋飲左啖湯，好清甜，最後我都飲左差唔多大半碗🤣🤣🤣我叫左崩沙腩河加牛丸$90，啲腩好淋，牛丸就好juicy🤣🤣🤣亦有叫牛腩河，朋友們都讚👍🏼不過舖頭細，所以都係快食快埋單🤣🤣

今日12點到達，估唔到都要等半個鐘！今次特登早啲過嚟，終於食到好嘢！今次食好啲，兩個同事各叫咗崩沙腩米一碗，再叫咗個淨坑腩！不過估唔到等咗一陣就有得食，上菜都算幾快！崩沙腩真係好正，有咬口，又唔會太腍！唔算係入口即溶，但真係食到肉味！而啲坑腩都唔差！都係好重肉味，肥瘦均勻！最後都食得晒！所有肉同菜全部食晒，爭啲連啲湯都飲埋。我記得上次食過，覺得個湯底比較甜，今次適中返！今次真係覺得好正！不過返到公司就發覺有啲口乾，唔知係咪味精呢？🤣

— 🐮 清湯牛爽腩— 終於有機會吃到人人大讚的傳承 要記錄一下😆等1點去拎飛仔 15分鐘左右入座當日食咩都係睇食運 可惜當天沒有鮮肥牛牛脷最後叫左爽腩 分量吾算大碗 其實可以叫2碗😹牛清湯好正 夠清又夠香濃爽腩好吃 很喜歡特製的沙嗲醬和辣醬 好夾好正😻吾怪之得真係要排隊都要黎食 下次再訪 試埋其他部位☺️👍

之前睇到有人介紹呢間清湯腩，覺得幾特別都想試吓，仲要講到每日買完就收舖，好似好勁咁。住附近成日夜晚經過，成日夜晚佢都冇開，估計都係一早買完收舖，一直都覺得佢好似好犀利好好食，所以都有啲期待。不過食完覺得係好食，但未至於好食到神級。偶然一個星期六下晝有機會食tea，咁啱經過見佢有開，就把握機會入去試吓。下晝四點已經冇晒崩沙坑腩爽腩，但餐牌上其他都仲有。叫咗一碗普通牛腩牛筋，一碗牛舌加牛丸。碗湯飲落去覺得有少少越南河嘅風味，幾清甜有少少香草嘅感覺，唔知係咪我幻覺。牛筋非常之淋，好膠好黏口，正，但牛腩可以再林多少少，但牛味係香嘅。清湯牛舌第一次食，其實還好，不過未好食到下次會再叫，會寧願試吓其他。牛丸都好味，好香又Juicy。不過食完啲牛再食返個湯河，碗河就好似冇乜味，我哋兩碗都係嗌河粉，河粉淋滑，但就係普通河粉冇乜好評論。另外佢有兩款醬可以自己不黎點牛或落犯碗麵度，喺唔知沙茶定沙嗲醬，同埋一款特製辣椒醬，覺得兩款都好特別又好味，但個人認為特製辣醬好似同牛肉夾啲，冇沙茶定沙嗲醬食落咁漏。建議不喺個小碟仔度，再攞啲牛肉去點。有機會再食，希望試到崩沙坑腩爽腩。坐位方面，係有啲逼，不過預咗。職員好

每個入嚟嘅客人都問有冇爽腩，相信佢嘅爽腩應該真係好出色！平日12點半去，幸運地今日少人唔洗排隊就入得。本身想跟人試爽腩，可惜店員話爽腩要晏少少先有。清湯牛坑腩幼麵 $70牛坑腩始終會痴住啲肥膏，所以望落以為啲腩好肥。但佢每件相對幾爽口，唔痴牙，易入口唔洗咬好耐！麵質彈牙，生菜又有幾片！清湯崩沙腩河加牛丸崩沙腩相對瘦，條條分明嘅感覺，肉質結實但同樣無痴牙，一樣有牛味，份量十足。加上牛丸同樣出色，彈牙又有牛油香，難怪亦係必加項目！$8/2粒，正常價錢。河粉通透，正常！不得不提，其實最出色係佢嘅牛骨湯。唔係出面粉麵舖嘅深色腩汁，飲得出佢係又清又濃牛味嘅牛骨湯。唔會好肥膩，唔會好油，唔會過咸。難怪好多人食完個麵都會好似食拉麵咁清埋個湯，而最正係食完成餐，唔會有好口渴嘅感覺！牛骨湯真係值得大讚！！！另外佢有2款辣椒醬同樣要試，一款有沙嗲味嘅辣醬，一款係出面餃子店會有嘅菜脯辣醬。個人喜愛沙嗲風味！小總結💬大讚牛骨湯！每款牛腩都好味，而且牛丸真係必加！雖然價錢唔算好平，但一分錢一分貨，佢嘅食物係出色。如果唔洗成日排長龍就必定會成日返嚟食！(滿分為🤤x5)好味指數: 🤤🤤🤤🤤🤤抵食指數: 🤤🤤🤤🤤回頭