傳承清湯腩專家

营业中

休息中

3 different bowls of Freshly slaughtered, neutered/castrated Male Beef Brisket/Skirt Parts 新鮮 #騸牯牛 :🔸#牛爽腩 河粉. Very good fresh beef fat aroma, also meat sweetness. Neatly trimmed too 🌟🌟 Yum!! 😊 HKD $77🔸普通 #牛腩 魚片頭河粉. The normal beef brisket is also marbled, soft. Also of very high quality 🌟 for only $58 + $8🔸#牛坑腩 牛丸河粉 $66 + $8. The Beef Short Rib fingers, meanwhile, are slightly on the bouncier, chewier texture. The reason for this shud be understandable too as they use Fresh Rib meat, & since it

清湯腩自己都幾鍾意食，今日嚟到旺角行街，見到有間清湯腩，就決定過嚟試一試。首先店舖嘅環境幾乾淨企理，俾人感覺到一個舒服嘅感覺。今次點了清湯牛爽腩$78、蠔油牛腩撈麵$66，再加花枝丸、魚片頭、油菜。崩沙腩星期日大概三點已經賣晒，所以我估如果星期六日要再早啲到先叫到。爽腩米加牛丸唔洗好耐就送到，聞到好香好濃的牛湯味，湯底又夠熱，食清湯腩最緊要係佢個湯濃而不濁，好清甜，牛骨味香濃，經過真係用咗比較長時間去煲個湯，感覺上清新冇味精味。師傅將牛腩切成薄片，鋪滿碗面，食到牛肉甘香，非常軟腍易入口。魚片頭都幾爽口好味。撈麵的牛腩無牛爽腩咁肥，另外會有牛骨湯附送，品嚐到佢嘅牛骨味。花枝丸好彈牙，配蠔油撈麵一齊食嘅感覺唔錯。

清湯腩買少見少 見到呢間faxebxxk beat noodle group 成日有人推介 就特登出去食下橫惦一場黎到 緊係加錢叫個靚位食 所以叫丄左碗崩沙腩之後原來係惡夢既開始碗野一上到黎 嚇死我 乜野崩沙腩黎 比人搭掤 成碗牛腩冇舊係崩沙腩 un到爆。食完牙逢全都係牛肉。碗湯真係夠晒清 冇乜牛味得重既香料味 落咁重手香料係因為偷工減料 唔夠湯骨同時間煲 仲要飲完口渴。大拿拿比左78蚊食碗咁既野 錢唔係咁賺。碗野煮成咁 我覺得佢地真係對唔住死去既新鮮牛。

新鮮騸牯牛 「腩頭」這部位並不常見，乃牛隻的背闊肌，一頭牛只有約四斤腩頭，油花分佈非常均勻，爽脆嫩滑，有牛肉鮮甜。半生熟嘅新鮮腩頭，切成薄片後，再配上騸牯牛骨熬成的濃湯，像猶如食梗越南生牛河。新鮮牛就是這樣食的。一日頂多做到八碗，好快就售罄，想吃盡量早啲過嚟。📍傅承清湯腩專家 🐮🍜地址：旺角廣華街2-20號翠園大樓2期地下6號舖

自從與全盛期相比，牛腩水準早已大不如前的名店「新仙」與「群記」相繼結業之後，想吃碗水準不俗的靚牛腩河似乎愈來愈難，這一晚，我在這間「傳承清湯腩專家」卻難得地吃到一碗讓自己感到頗為滿意的清湯腩河，這晚的食運都算不錯。店名「傳承清湯腩專家」，當然是以清湯牛腩為賣點，到來吃東西，哪有不吃牛腩之理？可惜這夜我來得晚，最想吃的「清湯崩砂腩」和「清湯牛爽腩」已經賣光，退而求其次，唯有吃碗「清湯坑腩河」（$66）代替。我吃的是加底版（+$5），河粉比正常份量來得多，坑腩也好像多了。好像吃極都吃不完似的。這裡用的是新鮮牛腩，肉質不錯，肥瘦比例適中，口感軟腍而不黏牙，呷口湯，湯頭也甚為清甜，加上白滑的河粉，感覺挺好。貪吃的我，還加了兩粒牛丸（+$8），牛丸口感頗佳，味道也好，這八元，花得都算值得。太太吃的是「清湯牛筋腩河」（$60），價錢較為便宜，雖然用的不是坑腩，但有軟滑可口的牛筋可吃，軟腍滑溜，呈半透明的牛筋，色帶粉紅，是看得出的新鮮。也點了「清湯油菜」（$18）佐餐。這裡雖然只有唐生菜一款可揀，在吃過大量的牛坑腩後，吃點嫩綠的蔬菜，仍是最佳的健康之選。如果想吃質素不錯的牛腩，我覺得這裡都算是一個好

記得細細個成日跟屋企人去食彪記既牛腩麵，執左之後都再搵唔到間咁好食既😕之後有日行經呢間舖，見到佢寫話係用新鮮牛腩煮，就決定試試佢😳-我叫左碗清湯牛腩河，佢個份量係好夠既，有成6、7舊牛腩😂先講個湯，味道都幾清甜，仲搭左兩條生菜😮-最重要既牛腩望落似係好食，但食落就失望了，好考驗牙力😣雖然佢好好比左好多舊，但佢個口感真係唔多掂😐-總結就係無下次了😕

好食既清湯腩真係唔多選擇，尤其wfh嗰排都係自己整算，但準備過程實在唔易😂今日去左朋友介紹既呢間清湯腩專門店，雖然舖仔細細，但係竟然全full！😯 好彩等左5分鐘就入得，望下餐牌，價錢同一般清湯腩店差唔多，但佢竟然話係用新鮮牛肉，依個價錢如果真係新鮮牛就真係好抵！😲我同老婆兩個人叫左一碗爽腩米加牛丸，一碗崩沙腩粗，一碗牛骨湯浸菜。唔洗好耐，兩碗粉好快就送到，一上枱就聞到好香牛湯味，要讚既係佢個碗好夠熱，本身湯底又夠熱，所以湯無咁易放涼。一試啖湯，掂啦！👍🏻濃而不濁，好清甜，牛骨味香濃，完全無味精既死咸感覺，配埋蔥真係一流！唔怪得隔離枱要特登叫一碗湯去飲！😲👍🏻到主角，牛腩，雖然我唔係食家，但真係食得出兩款牛腩都好重牛香，無雪味，都幾肯定真係用左新鮮牛！先講爽腩，牛味極濃，而且有少少肥位比我依種鍾意食肥肉既人嘆下，口感爽滑唔老，炆得剛剛好，真係好正！🤤到崩沙腩，個人覺得崩沙腩最正係口感，有少少筋筋位令口感更豐富，牛味都好充足，有咬口之餘但完全唔會韌，真係好出色！😍老婆因為鍾意食牛丸，８蚊加左兩粒，試完之後我真係好後悔自己無加😂因為彈牙之外，牛味濃，仲有微微香料味，仲有肉汁！個人覺得仲好食

📌 傳承清湯腩專家(旺角)-清湯牛筋腩河（$60）我自己牛筋腩河必食㗎！呢度嘅牛腩同清湯真係好驚艷！menu寫餐廳係使用新鮮牛肉同無味精湯底，沒有濃重的汁醬味，更多的是牛腩原本味同埋油脂香味。油脂和瘦肉之間夾帶一條筋，軟爛的牛腩能看到撕扯的肉絲。湯底亦係清甜路線😍連續兩碗都飲晒啲湯😌清湯淨牛腩($168) 基本上牛腩同湯底嘅味道同牛筋腩河一樣。份量真係算大！起碼有14-15件牛腩，啖啖肉食到好爽呀🤪🤪餐廳環境唔大，乾淨舒服，有別於傳統牛筋腩河茶餐廳嘅店面，主打食物，較注重食材的新鮮、品質👍🏻👍🏻📍：旺角廣華街2-20號翠園大樓2期地下6號舖🚆：油麻地站，步行約5分鐘

一般簡單嘅料理都比較考功夫，今次去食呢間位於旺角嘅清湯腩，清湯腩比起其他落得比較多調味料嘅牛腩料理，選擇食材方面就需要特別講究喇，而餐廳使用嘅係新鮮牛肉，同雪藏貨係冇得比我去到嘅時候崩沙腩同爽腩都已經賣晒，我就嗌咗碗清湯坑腩配河粉，坑腩係屬近腰肋骨的肉，肉帶著筋膜，油脂分布均勻，口感鬆軟，牛味香濃另外仲嗌左一碗清湯淨牛脷，清湯聽落簡單，但實際功夫繁複，從選一塊靚牛肉及牛骨開始去到配料，而且無味精，佢哋嘅清湯亦唔會過分油膩，入口鮮甜。牛脷厚切，口感彈牙、柔嫩，一次食到爽腍兩種口感我去嘅時候已經5點，如果想試佢地崩沙腩同爽腩嘅朋友就要早啲去喇#香港粉麵檔#清湯腩#坑腩@chuanchengqingtangnan

怎樣為之一碗「濃而不濁，清而不寡」的清湯牛腩？騸牯牛，即係牛隻末足一歲就已被閹割，肉質因而極其鮮嫰，油花足，脂肪和肉味都比未經閹割的生牯好。第一碗是爽腩(暱稱 草鞋)，與坑腩連接，口感爽彈又軟糯，肉味香濃。第二碗是崩沙腩，既有橫膈膜的彈牙，又有脂肪的甘香，一食已經愛上了。最後一碗叫上肥牛牛丸河，看似簡單，但即見其真章。清湯腩絕對係耗費大量人力心機而做出的食材，每家店也有自己各自的秘方。「傳承」的牛腩肉味濃郁兼帶有脂香，果然值得一試(再試)！📍傅承清湯腩專家 🐮🍜地址：旺角廣華街2-20號翠園大樓2期地下6號舖

大埔群記牛腩暫時結業令我自己感到有點空虛寂寞、我凍，除咗九記及水記之外仲有邊度可以食到新鮮牛腩呢？幸好多得友人推介下去到 呢間喺 旺角廣華街嘅傳承牛腩、明明喺OpenRice做個地氈式搜索應該唔會放假，點知做咗「墨斗先生」摸門釘、心有不甘當然要挑機、好彩挑機成功，點知個侍應chok左一個超必出嚟、現在時間12:15、爽腩崩沙腩全部未返到、要等起碼一個鐘頭，叫我轉頭返嚟，出邊30幾度，旺角咁早又冇地方行，出到去同唱肥姐欣宜合唱嘅「食雪糕與大浪比武冇乜分別」、於是乎計上心頭，坐住食清湯牛坑腩邊等。今日佢個湯底並不如群組講到咁油膩、起晒油脂佈面同你say hi，第一口湯飲落去覺得嘩真係好甜喎，甜到糖尿病人士可能未必啱喎，真係做到清湯效果，可惜由於我條👅始終都係俾九記同埋水記訓練，所以我比較偏向牛骨味重嘅湯底大過鮮甜蘿蔔味重、永遠冇岩同錯、只有相信自己條👅淨食188，牛坑腩分量十足，新鮮煽牯牛，有良心、冇同你擺啲柴嘅鋪底等咗大約45分鐘崩沙終於回歸，當然叫返會沙河品嚐一下，冇斷粉，件件崩沙，冇揸流攤可惜今日冇爽，下次會試，回頭牛腩店瞬間看地球之話咁快就食咗爽腩篇😂今次變咗識途老馬，打定電話留定

牛腩為香港茶餐廳～粉面店～大排檔～酒樓～快餐店常見食材·處理方法有好多種·常見用咖哩～藥材～清湯等等…今次帶大家黎到旺角介紹一間對牛腩對湯底有要求既小店👍真係唔試唔知好味道👏🔸🔸🔸🔸🔸14:30-17:00為下午茶時間 送罐裝汽水及雀巢檸檬茶👏醫護有8折🗣醫護有8折🗣醫護有8折🗣(重要事要講三次)🔸🔸🔸🔸🔸清湯爽腩河粉💰$64 紫菜💰+$8 魚片頭💰+$8先飲淡清湯已經知咩料·(濃而不濁～清而不寡)味道香濃湯底清·無油膩感·用上牛骨～藥材長時間烹調·飲落無味精(罐檸檬茶擺到尾尾先飲😂)師傅對湯底有研究唔係馬虎野👏爽腩牛味香濃·爽口食落唔痴牙👍有口感亦唔會太肥·好食😋師傅仲會切走埋脂肪位👏魚片頭夠厚身·咬落彈牙·重魚味好難得因為坊間一般叫急凍貨·無咩味道·食得出傳承除左牛腩湯底主角有要求之外對其他食物都一視同仁🥳紫菜份量多唔知以為加底😂味道好濃唔會煮到淋哂咁 抵佢+$8😜河粉偏厚身小小·食落爽口彈牙·配上清湯味道好夾🔸🔸🔸🔸🔸好味指數(7級最佳)▁ ▂ ▃ ▄ ▅ ▆ ▇——————————————————☻非專業食評·純個人口味☻小編第一次俾7級好味·首先佢講明採用新鮮騸牯牛(騸牯

廣華街傳承腩專門店久仰大名，今日過嚟試佢嘅淸湯筋腩河⋯可能期望越大，失落也越大，牛腩係可能，但唔係傳說中嘅咁好味，最敗筆係黐牙，最高分係佢個湯底，食完冇口渴感覺，試過就算，返食指數唔高⋯ 😅😅😅#傳承 #旺角 #清湯牛坑腩

牛骨濃湯加鮮牛腩專門店無論在用料和味道都很好!只係湯底比較清淡可能因為想突出返牛腩既鮮味唔好被蓋過爽腩伊麵 爽腩爽彈，牛味濃帶點肉的鮮甜 牛骨湯，用8至10斤牛骨熬2個多小時 湯底飲得出保留牛的香味入口勁彈牙，帶點膜夾肉，牛味比一般腩位濃得多坑腩加牛丸伊麵腩位切成薄片，鋪滿碗面 入口是陣陣牛肉甘香，非常軟腍牛丸以牛筋牛肉加冬菜打成 肉質結實帶陣陣牛香又夠彈牙有肉汁消費$150地址: 旺角廣華街2-20號翠園大樓2期地下6號舖

擒日突然諗起，好想食！今日Lunch就同同事嚟食！13:15到，一個客都無，之前食過一次，不過係同事買外賣，今次係第一次堂食！入到去，舖頭細細，枱係2邊，大約12個位左右！今次叫左個崩沙腩米，堂食真係唔同好多，熱肋肋食好好味！不過呢度得罐裝飲品係差啲！😋😋😋😋😋係最好味 🥰係推介崩沙腩米$68😋😋😋😋-肉多林，但肥肉尾太多，少啲就好！個清湯堂食真係好好味，一定唔好加辣椒油，好夠味！上次外賣食爽腩平均啲，之係有4個客都係叫爽腩，相信大家都係覺得爽腩好味啲添！