伊賀日本燒肉料理 (已結業) 查看

Lunch行過尖沙咀忽然想食燒肉，同行朋友話之前食過一間日式燒肉放題，環境同食物都唔錯，又唔貴，講到咁梗係要試試佢啦！餐廳距離尖東地鐵站好近，一出站行2-3分鐘就到，夏天唔驚熱溶。上到鋪頭，環境算舒適，面積夠晒大，啲位一啲都唔逼，同埋午市冇咁多人，可以同朋友慢慢食同傾計！鍾意佢落Order用平板電腦，唔使經待應，平時最憎食放題舉十世手都冇人應，浪費時間，呢到分晒類，好易搵。開始燒肉前梗係要叫啲刺身開開胃啦， 帶子、松葉蟹棒、八爪魚都唔錯，不過最正都係甜蝦，大大隻又夠鮮甜，不斷Encore！上菜速度夠晒快。之後當然開始燒肉啦，肉類選擇都幾多！牛都有伊賀一口牛、牛舌、牛肋肉、牛仔骨，朋友唔食牛，佢就叫左豬大腸、五花叉燒，芝麻雞翼同雞腿肉等。啲牛牛味唔錯，同埋調晒味，唔點醬都好入味。朋友鍾意芝麻雞翼，貪佢好香芝麻味。海鮮都唔差，有活蜆，蜆、青口同虎蝦等。蜆唔係好大隻，不過夠新鮮。虎蝦就夠晒大隻，又新鮮，燒唔停手！Menu額外仲有海膽同燒生蠔，好可惜海膽沽清冇得試，唯有叫4隻半殻燒生蠔，嚟到完全冇失望，夠晒飽滿同Juicy，正！另外仲有蔬菜同炸物叫，因為我係食肉獸，所以主攻肉類，蔬菜只叫牛左油

尖沙咀向來多美食，今次來到尖東赫德街找到一間相當抵食的放題。先説説環境，由於放題時間有兩小時，舒適的環境是相當重要啊！伊賀日本燒肉的環境很整齊，分隔有序了，私隱度高，對於喜歡三五知己一起聚餐𣈱談的你，便不怕尷尬喔～點餐方面，不得不提它們的點餐系統，它們利用平板電腦作點餐，一來減少漏單情況，亦可減少浪費紙張，十分好。食物方面，伊賀日本燒肉除了有一些必有的肉類和菜類外，亦有不同類型的壽司、刺身和炸物等提供。以下有幾項認為必點的：先講燒物類1. 煙鴨胸煙鴨胸肥廋適中，最重要是沒有鴨騷味，不錯！2. 伊賀醃漬辣牛牛肉經過醃製變得非常入味，而且帶點微辣，容易帶起胃口。3. 伊賀一口牛這個款式基本是吃燒肉必點的，肉質挺好，牛肉味夠，燒後肉質亦不會過老。4. 伊比利亞橡果一口豬這款一口豬肉質鮮甜，而且帶點脂肪，同時帶點油香。5. 地獄雞中亦地獄雞中亦帶微微辣香，即使不太吃得辣的你也可以一嘗啊！除了燒物外，也有其他食物值得一試的～1. 榴連炸彈這個也是餐廳特別推介的，咬一口榴連漿便湧出來了，最重要的是榴連漿明顯不是人工味道喔！2. 日式一口甜薯甜薯十分香甜，讓人吃得停不了口。3. 帶子刺身帶子刺身厚薄

星期六都要返半日放工lunch當然要食好東西去尖沙咀食燒肉可能時間太早了位置都空空的 比較自在$298+1 午市晚市同價(晚市應該會比較划算)每台都會有部細機自選點單方便快捷！個人覺得這間的燒肉及炸物味道都不錯！刺身燒玉子卷、甜蝦刺身、三文魚刺身、帶子刺身螺肉小食炸物這間店的炸物質素不錯！榴槤炸彈咬下去已聞到陣陣榴槤香氣包著濃郁嘅榴槤肉外脆內軟 香脆可口推介！海苔多春魚外皮用海苔及麵包糠炸得黃金色有別於一般店舖咬下去外脆內軟 多春魚鮮美多汁每啖都鮮香酥嫩 配上海苔口感更豐富吉列炸蝦即叫即炸 鬆脆可口蝦肉鮮味彈牙 外層金黃香脆日式一口甜薯細細粒連皮食 入口幼滑軟綿 味道香甜燒物燒肉中推介4款漬壺牛壺漬即是將肉放入裝了醬汁的陶土壺裡浸一浸再燒一燒而壺漬醬汁通常是以雞高湯、韓國辣椒粉、醬油及蒜泥調成的口味浸過醬汁後的牛肉特別惹味肉質鮮嫩多汁香甜推介！辛口海鮮醬豬頸肉豬頸肉肉質彈牙爽口以微辣的海鮮醬汁醃過後再燒一燒後味道濃郁油脂均勻 口感爽脆推介！燒雞泡魚干用醬汁醃過的雞泡魚干烤後特別爽身有咬口香脆可口不會黏牙亦不感油膩！芝麻雞翼雞翼已一開為二 剪開一半貼心！亦相對比較容易燒熟！雞翼滑嫩冇雪味

爹哋生日，次次都係酒樓食海鮮有啲悶，今次大家提議食燒肉，係OpenRice search下，見到伊賀有不少好評。最尾就揀咗喺尖沙咀的伊賀 !地方就腳，地鐵行去都係幾分鐘行入去都係幾分鐘，到門口已經好有燒肉餐廳的氣氛，有開揚落地玻璃，坐得好舒服，枱與枱之間都幾闊落。最正係燒肉之餘又可以食刺身，D 刺身排到靚一靚，帶子軟滑，北寄貝有甜味，三文魚肥美。燒肉係以件數黎落單，每樣試少少就可以樣樣都試吓，牛肉上枱，一睇就知質素不錯，脂肪分布好均勻，我最愛牛舌，油脂格外平均，不會太肥又爽口。另外一口牛都幾唔錯，肉質嫩滑。最喜歡就係燒雞泡魚干, 唔太肥, 但又可以不斷gam 食不斷gam 食。海鮮都有幾款，青口同大蝦款款都大大件。唯一美中不足的是蜆有2粒唔開口。個人覺得必食係燒大蝦，大隻又新鮮，而且蝦肉超甜。當然仲有不可錯過的燒菠蘿啦。總括而言，呢度每款肉類質素都幾不錯， 燒出黎香味令人流哂口水，但食完個身唔會好大油煙味，環境、服務都超高，可以再encore。

<伊賀日本燒肉>提供豐盛的放題，美食種類繁多，除了令人垂涎的一口牛肉，還有滿滿的刺身、壽司及炸物等，用平板電腦落單，方便快捷! 我跟友人一邊燒肉，一邊品嚐三文魚、松葉蟹棒刺身，入口新鮮而滑嫰，蟹棒一絲絲，十分鮮甜。點了伊賀一口牛、牛舌及日式五花叉燒，我們先燒五花叉燒，肥油滴在爐端中，令火力更旺盛。五花叉燒肉質爽口，肥膏位置微微焦脆，油香美味。牛舌是柔軟而又帶嚼勁的口感，如果是厚切一點，質感更佳。伊賀一口牛用夾子快炒，讓四邊均勻受熱，燒至嫰紅色，肉質軟嫰，咀嚼幾口牛肉汁已散發口腔! 燒海鮮也同樣精彩，牛油青口是必吃推介，青口受熱後，牛油慢慢變成半溶，青口肉身肥厚，入口是濃濃牛油酥香，加上青口的鮮味，滋味十足。虎蝦燒至蜷縮、鮮紅，蝦肉大顆、彈牙，我們還點了海量的帆立貝，貝身圓厚，鮮味十足，如果有蒜蓉或牛油調配，必更吸引。火炙三文魚壽司是我的最愛，三文魚燒香後，加上滿滿沙律醬，肥美香糯。牛拖羅壽司經輕炙後，牛油相當豐腴，入口窩心。還有辣味玻璃蝦壽司，蝦肉微辣，更具特色；燒玉子卷軟滑、香甜，吃了4片都不夠。炸物選擇好多: 海台多春魚十分酥脆，魚身藏有大量甘香魚籽，啖啖滋味。香芋

120 分鐘午市燒肉放題-$258選擇多的燒肉放題! 食物包括肉類,海鮮,刺身,壽司, 炸物, 雪糕等, 選擇蠻多的!牛肉質素不錯, 肉質鮮嫩牛味濃, 除燒牛肉外 亦可選擇一系列海鮮, 蔬菜, 雞/豬等等! 另亦可選擇一系列刺身壽司, 一次過滿足2個願望😎😎 另亦有Movenpick 雪糕可供選擇!!😍😍有別於一般放題餐廳, 這裡用上平板電腦下單, 比起手寫更來得簡單方便, 選擇多 價錢亦合理, 是一間性價比頗高的燒肉放題餐廳

呢間放題就係尖沙咀東站N1一出步行2分鐘左右就會到。就係K11商場附近，所以超級易搵到。 附近仲有勁多巴士站 所以唔使煩惱點樣走。 🚗🚆一入去就會覺得成間鋪頭好寬敞，好大。坐喺度一啲壓迫感都冇，同冷氣都夠涼，所以好舒服。我哋一坐低佢哋就即刻 serve 左個頭盤。🍖頭盤有每款肉，所以好豐富，最緊要係一開始已經可以燒嘢食，咁就可以快啲回番本！一路燒，一路睇個Menu 節省左唔少時間😂😂 一開始我哋叫咗個甜蝦，三文魚刺身同同埋蟹柳。 個甜蝦都幾新鮮幾甜，讚👍🏻 之後叫咗個蟹子沙律，因為我見到呢個都係比較多人叫嘅熱門沙律，所以就叫黎試吓。果然唔錯，有驚喜，因為佢啲蟹柳同埋魚子勁多 再配上新鮮嘅青瓜絲爽爽脆脆咁，好正！🥒🥗食放題當然要叫埋壽司試吓啦，所以叫咗個火灸牛拖羅壽司，三文魚加州卷同埋炸蝦卷。火灸牛拖羅壽司真心好食！因為佢輕輕咁燒過牛嘅表面 所以牛嘅香味比較出🍣🤤 另外個炸蝦壽司卷都唔錯，因為個蝦仲係脆口， 正正子🤤😻佢都有好多少唔同嘅燒物，有成3、4頁，😳分別有肉類海鮮同埋蔬菜。超級豐富！ 我比較鍾意一口牛，牛小骨同埋牛舌。一口牛嘅肥肉分布比較均勻，比較香口。而牛小骨，本身又落調味，燒

又要開學了,上星期襯仲得閒特登約左班friend去食返餐好既! 尼間餐廳就係k11隔離條街非常易揾第一次去放題係用ipad點餐既! 食放題終於吾洗揾n張abcd紙係度寫 同狂揮手揾waiter收紙 用ipad真係又快又好方便又環保!雖然係燒肉放題 但估吾到午市都有刺身 質素非常好 新鮮又大塊 連至愛既北寄貝同大甜蝦都有!燒肉既主角梗係d肉 肉既質素都好好 吾會好un 推介牛仔骨 辛辣雞翼 金菇 牛肉粒! 其實全部都好好味 但一定要小心吾好燒得太干 而且吾需要咩調味 點少少鹽就已經好好食! 除左肉仲有d海鮮 好似蜆 青口 蝦等等 本身已經有牛油所以燒完好香好好食除左燒肉同刺身仲有普通放題既炸物 但我地食燒肉同刺身已經飽到冇位食😂 總括黎講尼間餐廳可以一次過食晒燒肉&普通放題既野 食得好滿足!💗 午市質素高亦吾貴 係尖沙咀黎講真係非常抵食👍最後埋單每人一盒仔雪糕送 仲係movenpick!!!

Weekend想食個豐富嘅lunch~黎左喺尖沙咀鬧市嘅呢間伊賀日式燒肉放題。場內天花佈置左好多傳統日式燈，牆上有日本風格畫作，感覺似懷舊居酒屋~氣氛唔錯。大部份都喺獨立卡位，2個人坐得非常舒服，同隔離枱中間更有一塊隔板，私隱度頗高~坐低，店員先細心介紹用平板落單方法。菜式選擇多，用平板落單好方便，可以慢慢諗，又可以隨時加單唔駛叫staff.燒肉放題竟然有刺身叫左北寄貝，甜蝦，蟹棒，帶子同榮螺刺身。全部都好新鮮！好有光澤！榮螺同北寄貝幾爽口，甜蝦同帶子好鮮甜，好滑。蟹棒口感好好，唔會太淋。有我大愛嘅三文魚子壽司！叫左2件三文魚子加一件特級蟹盛軍艦壽司。三文魚子子好大粒卜卜脆。海鮮軍艦上面鋪滿左蟹肉，好有滿足感呀！最緊要紫菜仲係脆嘅，係壽司師傅新鮮整出嚟。燒肉有好多款式叫左牛舌，帶骨牛助肉，日式五花叉燒同埋伊賀一口牛。牛舌幾厚身, 咬落爽口, 口感唔錯。牛肋肉佈滿雪花, 食落陣陣油脂香味五花叉燒喺預先用日式醬汁醃製，好入味。一口牛燒完好方便食，一啖一粒好過癮~第二輪叫左黑椒牛仔骨，比利時五花肉，紅酒洋蔥豬肉片，手切哈姆豬大腸。牛仔骨有濃厚黑椒味，唔駛點醬都好正。五花肉薄薄一片好快熟，燒到

突然想食日式燒烤放題，於是星期日中午黎左呢間食一入到大廈就聞到好香嘅味一出電梯就見到裝修唔錯，幾有日本風格嘅燒烤店 仲有好寬敞嘅bar位店員安排我哋坐卡位，用iPad點菜都有幾多選擇 有小食、刺身、壽司、手卷、海鮮燒物、炸物一我打完上菜勁快前菜點左凱撒沙律同辣味螺肉凱撒沙律有驚喜沙律醬多，蟹柳絲多，蟹子都多真心幾好食，encore多一碟跟住點左刺身、壽司同手卷刺身點左三文魚、帶子、甜蝦同埋榮螺都幾新鮮壽司就點左我最鍾意食嘅蟹軍艦、三文魚子軍艦仲有龍蝦沙律手卷仲有火炙牛壽司同埋火炙三文魚壽司，真係好多選擇，食材都算新鮮火炙類壽司好味大多入口即溶炸物就叫咗吉列多春魚同吉列海老多春魚用少少紫菜去整炸起嚟好香好好味燒物都有好多選擇，所以每樣叫咗少少嚟試印象幾深刻嘅有牛仔粒、地獄雞翼、豬頸肉其他燒物味道都唔錯，有啲醃好咗嘅肉燒起上嚟特別香總括黎講 味道唔錯環境都舒服 如果一班朋友黎食飯都幾好

食過不少日本燒肉，今次就同朋友嚟到尖沙咀黎試呢間伊賀，朋友話呢間伊賀質素都不錯㗎！佢哋嘅位置都算闊落，起碼坐得舒服先！同埋佢哋亦都係用iPad落單， 10分方便呢由於係日本燒肉放題，我地叫左超級多野食，所以未能一一介紹出黎，唯有特別講幾樣我個人比較喜愛的食物啦⋯⋯其中有伊賀一口牛，細細粒牛肉，咬落肉質豐富，食多都唔怕啦！另外每次食燒肉都少不免叫至少一碟牛油金菇，夠juicy 同好香牛油味，前後都叫左2大碟！海鮮方面，啲蝦好大隻，蜆肉燒出黎亦都好鮮甜除咗燒物之外，亦都另外叫咗一啲炸物，其中最喜愛的是榴槤炸彈，新鮮炸出黎，外皮仲好熱，又脆，一咬落去榴槤流哂出黎，好香榴槤味，十分正其實整體來講，呢間日本燒肉都幾高質，食物質素不錯，另外落單食物之後好快就送到枱上，而店員服務殷勤有禮，大讚

午餐 $298 就可任食😍但飲品需另加 大約$8一罐🥤餐廳環境非常闊落 裝修極具日式風格🇯🇵.必點牛舌 伊賀一口牛 比利時五花肉🥩肉質鮮嫩 牛舌夠爽口👍🏻 值得一讚是不會太韌🤣餐廳的抽煙系統也很好 吃完後也不覺得身上有任何異味 .海鮮亦有不少選擇 我們分別點了虎蝦 鯖魚香草龍利 帆立貝 墨魚咀虎蝦大大隻又夠新鮮彈牙👍🏻🦐香草龍利調味非常充足🤣 夠哂入味最愛的牛油金菇🤤🤤.餐廳亦有提供刺身壽司🍣鮮味十足 非常新鮮我們叫了很多甜蝦😍 另外更有厚切三文魚最後更奉上movenpick雪糕作甜品🍦😍

在尖沙咀想食燒肉大把選擇, 如果想揀多選擇, 方便, 坐得舒服既燒肉, 伊賀就係好選擇伊賀燒肉位於赫德道, 位置方便係用平版電腦落單, 方便先進刺身多選擇, 新鮮, 鮮甜, 我最愛北寄貝同榮螺, D個係回本之選亦都有唔少炸物可以選擇, 係即叫即炸, 而且仲有榴槤, 正!燒肉有齊牛雞豬, 唔少選擇, 味道都算唔錯除左燒肉外, 仲有唔少海鮮, 我首推係大蝦, 又大隻, 又彈牙, 1D都唔梅, 我叫左好多轉!D個放題唔包野飲, 汽水每罐八蚊最後每人包一杯雪糕總結D間燒肉幾多選擇, 服務都唔錯, 我地過左一個開既星期六

慶祝生日，諗住大吃一餐，所以黎到伊賀燒肉放題朋友話幾年前黎過，講得幾高級。怕多人所以晏晝就食。價錢唔平，二百幾 ，如果好食都會覺得ok。見到竟然有幾款刺身喎，做前菜開下個胃~估唔到刺身質數都唔錯，睇落都幾新鮮。三文魚，帶子同甜蝦都好食。再黎叫啲主菜燒肉啦。每款都先試幾件先。幾乎每樣都試晒。我覺得除左牛助肉同牛仔骨，反而豬肉比較好食。伊賀一口牛真最韌最唔好食。。好似一啲油脂都冇。點解叫伊賀燒肉呢。。豬肉大部分都醃左嘅，好食啲。正路嘅菜類都叫左嘅，質數可以接受，菇好食。但菠蘿就太薄，原本好期待燒菠蘿，酸酸甜甜開胃可以食多啲嘛。最後encore左好多次刺身就埋單走人。總結唔係唔好食，但只係唔值呢個價錢

一入鋪頭，可見抽風系統差，成個場好大油煙，成間鋪頭得兩個人送餐，仲要其中一個淨係喺度咁手機，嘢食質量參差 ，全部肉類都係急凍而且仲未融雪，好耐未試過遇到咁劣質的餐廳😡😡😡😡😡😡