仿膳飯莊 (已結業)

趁新年請個auntie 食飯....記得佢講過話呢間好味...就訂檯....uncle 錫住我荷包...貴少少既野都唔叫...五個人...清清地食左:醬牛展...雞絲粉皮...清炒蝦仁...賽螃蟹....砂窩雲吞雞...蔥爆牛肉...上湯干貝豆苗...小籠包...生磨腰露..人人都話呢間好味...但我覺得一般...味道冇我想像中咁好....成晚最好味就係碟醬牛展....埋單$88X...

上星期廠家又請我同d同事來這裡品嘗午餐,叫左個set另加一d點心同小食。肴肉仍然係好好食, 冰凍得來唔會雪到太實! 啫喱同肉的比例又好, 真係好好味!小籠包都係皮薄餡靚!正!炒帶子好大粒, 味道好新鮮!有碟脆炸鱔, 味道都ok, 不過炸得過左少少火!砂鍋雲吞雞, 清甜好味!套餐的那隻雞同條魚, 每次都一樣, 其實味道唔差,但就是不太喜歡!飲品方面, 今次試左熱雪梨茶, 不過豆漿好似好飲d!甜品方面, 有高力豆沙, 蘿蔔絲酥餅同合桃糊,個高力豆沙都係唔得, 其餘就幾好!!食完真係飽到行唔郁.....哈哈.....個人覺得呢度真係幾好食架,希望遲d同為食海盜來食!!

好很久以前D 同事就email互通約去此chain rest. 食dinner, 主打食其特色甜品"But See"...聽其名有點R頭, 查字典又無呢個字, 只怪本人見識淺薄...! 但又吾敢去問發起人wor?!今日終於到了去食"but see"既日子, 本來講明rainy day吾駛預我, 但天公總有點安排, 比機會我大笑一番, 見下"大"場面. 我地一行七條女, 6大1小...因"獅子銀行信用咭"做promotion, 所以專程order 其特價"4人香煙套餐- 盛惠$555" 食品包括: -1) 特色冷盆(五色) - 白雲鴨腳, 白切雞, 好似囪水牛蹍, 橡筋(海捷), 囪水麵筋; 我就覺得個牛蹍好爽口, d橡筋都吾錯(但油左d). 因怕birds flu, 吾敢食birds類物體!!2) 炒脆鱔- 仲以為係鱔糊類物體, 點知只係一d 無鱔味, 但脆卜卜既小食...我就較為喜歡"翡翠拉麵小籠包"既出品la, 味道arm arm 好.3) 小籠包- size就ok 大, 不過吾係好夠juice及味道無咩特別. 而且個皮"痴"口既?! 吾係幾得!4) 炒大蝦- 呢碟亦係同事極力推介

前幾日慶祝屋企人生日,o黎左呢間食飯,依家做緊信用卡優惠,於是叫左個蟹粉套餐:唔知乜野五涼拌-麻麻地,份量好少蟹粉金絲-即係撈粉絲,都好多蟹粉,ok啦北京烤填鴨-我覺得幾好,因為可能隻鴨細,所以唔係咁多皮,但就好多肉,冇咁油川味明蝦球-最差呢個,d蝦大得來乜味都冇蟹粉獅子頭-放湯上,麻麻地蟹粉小籠飽-每人有兩隻,ok個套餐我地食都好夠.當晚侍應服務ok,經常加水同埋好快收碟,亦應得好快,不過d檯好迫,走既時候有d難行出來.

昨晚和家人來這裡吃中秋飯,6大1小.望望菜牌套餐唔抵食,千多元的半圍套餐其中所謂貴價菜都只得半份,明白是6人餐,但加酒水茶介白飯等都要2千元吧,所以決定散叫.我們點了走油元蹄--這菜要預45分鐘,是最後到的一道菜,不知是否大家己吃飽飽,覺得這160元的元蹄沒想像中好吃砂鍋獅子頭--普通,稍嫌芡汁太杰甜酸魚塊--炸漿不太厚,魚肉也沒有雪味,甜酸味剛好,這算不錯但要趁熱吃竹生燴菜--齋菜一道,用蠔油芡汁,普通雞絲炒粉皮--有些韭黃,少許雞絲,很多粉皮,唔知點解雞絲得好少,師傅刀功好利害,的雞絲幼到要用放大鏡至找到,味道又係好一般.素菜包--一籠有5個,諗住會係好細個但結果出乎意外的算大個喎,不知裡面包的是什麼菜但味道好好,33元5個唔算貴,因為好味嘛.小籠包--5個,我無食唔知好唔好但媽咪話好食,size也算大個.蔥油餅--呢個賣相同其它唔同,餅皮煎得淺啡色脆身的,蔥碎是夾在餅皮中間而不是一般灑在餅面煎成的,味道也很香口,好味.北京炒拉麵--配料都是一些肉絲韭黃,但麵質幾彈牙,還有不太油膩,唔錯.埋單共800元,論食物算是貴了,而且無甜品或水果送,雖然800元唔係豪,但送些甜品水果都得掛?

仿膳是我較常幫襯的京滬菜館，他們很有水準，我特別愛吃他們的蒸素餃。不過最近人手好像少了，服務差了點。

琴日同同事賀壽,去左仿膳,叫左一個午市四人套餐,已經夠六毎個人食,而且仲食到個個話好飽,份量都幾多,因為可以點四個冷盤,兩個點心,三個小菜,一個甜品。冷盤方面,最正係薰魚,又脆又香又好味!至於點心,素菜包同小籠包不可不食,兩者都保持極佳既水準,一籠五件根本唔係好夠!小菜之中,百頁小棠菜十分抵讚,好味又夠清,非常健康!但係賽磅蟹就太過油膩了,或者同飯一齊食會好d。甜品既豆沙鍋餅好多豆沙呀,正!不過只有六件,多些就好了!這一頓是既豐富又好味呀!

一頓豐富既慶功宴,菜式如下:1.淮楊陸冷盤(花彫醉雞、上海紅燒素鵝、醬汁鴨舌、五香燻魚、拌雞絲粉皮、小排骨):普普通通,水一如以往,平平無奇;2.灌湯小籠包:有好多湯汁,熱食好正;3.花素小蒸餃:最唔受大家歡迎既一味,但係反而係我最鍾意既一味,餡料同仿膳素菜包一樣,多菜又香,而且皮薄,但係一定要趁熱食,如果唔係會失色不少,但係如果同素菜包比較,我會鍾意包多過餃;4.宮爆明蝦球:色香味俱全!火辣辣既燈紅色,一隻隻大蝦球,好靚,食落好入味,不過係辣既,要頂得住呀!5.山東蒜香蟹:香到無窮,非常好味,真係好有蒜香既感覺,我地仲發現,脆卜卜既配菜原來係炒過既旺旺米餅呢!好香口呀!6.仿膳賽螃蟹:平平,次次水準有d分別,今次蛋白炒老左,比較鞋口而唔夠滑,而且落多左油,唔算好;7.砂鍋雲吞雞:又係水準唔穩定之作,今次差過上次,雞肉少而多雞油,但一樣咁鹹,呢次唔太得!唯一無乜分別既係雲吞…8.雪火泡海斑:好好味呀!第一次食咋!其實係一條大海班,已經切肉,一舊一舊咁,每件都泡過,連魚頭同魚尾都一齊上,亦有泡過既,獻汁好特別,有好多雪菜,好好食架!9.烤北京填鴨:呢個唔使講,極美味啦!唔係好油咋!10.

星期六既午餐同同事一齊係仿膳黎食,都叫左好多味,包括砂窩雲吞雞、涼拌雞絲粉皮、糖醋骨、清炒河蝦、獅子頭、小籠包、生煎包、炒毛豆同埋一d不知名既前菜。其實每一味都唔錯,比較驚喜既係生煎包,因為幾香幾好味,而且難得地唔算太油太漏;小籠包就夠多汁;反而砂窩雲吞雞遜色左少少,原因係湯太鹹;而佢既獅子頭好怪,係肉裡面有隻鹹蛋黃,咁似乎唔係幾好,可能係特色卦?(我估正式的獅子頭係無蛋黃吧?)雖然食物唔錯,匯豐咭仲有八八折,但係服務質素稍差,可能人多卦,上桌時間比較慢,同埋侍應既態度同呢類食府既級數唔太match囉!

之前都嚟過, 但係發覺啲水準一時時今次啲嘢食味道好ok,難得地少油(京菜算少有)另外啲小籠包都算唔錯, 啲湯汁都算包得好(上次有幾隻都穿) 值得一試係, 啲腰果露真係勁好!仲有大千雞唔係諗咁辣, 同啲獻加咗啲醋, 幾特別

好久以前跟家人去過一次,環境唔錯,但食物很多油, 味道一般,而且好貴!唔抵食!

同意腰果露好好食,我唔太鍾意食腰果,所以初頭唔敢食,但係個舊同事話真係好正,咁我咪試下囉!點知真係咁好味,好有腰果味,好香!落料應該幾足,唔係熹既糖水!另外試過呢度既酒樣丸子,都ok架,有桂花酒既香味,不過,同腰果露比,就腰果露好味少少!

我介紹腰果露呀勁正而且出面好少有得食下次試下la！

最近去食晚餐celebrate mummy's birthday,發覺一樣勁好味架!出面d糖水舖都未夠佢鬥.就係佢出產的杏仁露,正到爆燈呀!大家一定去試試!D都唔多油~好好好