仿膳飯莊 (已結業)

星期六既午餐同同事一齊係仿膳黎食,都叫左好多味,包括砂窩雲吞雞、涼拌雞絲粉皮、糖醋骨、清炒河蝦、獅子頭、小籠包、生煎包、炒毛豆同埋一d不知名既前菜。其實每一味都唔錯,比較驚喜既係生煎包,因為幾香幾好味,而且難得地唔算太油太漏;小籠包就夠多汁;反而砂窩雲吞雞遜色左少少,原因係湯太鹹;而佢既獅子頭好怪,係肉裡面有隻鹹蛋黃,咁似乎唔係幾好,可能係特色卦?(我估正式的獅子頭係無蛋黃吧?)雖然食物唔錯,匯豐咭仲有八八折,但係服務質素稍差,可能人多卦,上桌時間比較慢,同埋侍應既態度同呢類食府既級數唔太match囉!