仨

营业中

休息中

早幾日經過發現呢一間新開的Coffee Shop今日終於試咗，佢D Cake好靚，打卡一流，仲要係味道唔錯，喺5、6款Cake之中我揀咗Mango Tart，主要係因為佢好Colourful所以比佢吸引咗，佢D芒果都揀得幾好，fresh得黎唔會太甜，芒果肉無渣，同店長傾開先知原來全部Cake都係佢地自家製而唔係出面攞貨，非常有誠意。今日無飲咖啡，因為比佢雪櫃D啤酒吸引咗，試咗呢支Apple Cider，威士忌酒桶Apple Cider好似幾過癮於是就揀咗呢支，幾好飲，入口又真係有威士忌味，店長話係釀酒時放於威士忌酒桶內讓D Cider吸收威士忌的味道，真係唔錯。

呢幾年深水埗頭(近太子嗰邊)開咗好多文青Cafe，星期六日往往都要等位，今日去咗深水埗尾(過咗黃金商場少少)，試到呢間有驚喜嘅Cafe，咖啡好飲cake好食，$80左右的tea set有一件cake加一杯咖啡，價錢很合理。佢啲cake好靚，舖仔細細估唔到款式都幾多，我揀咗lemon tart。佢個lemon tart有好fresh嘅新鮮檸檬味而唔係檸檬精嘅味道，另外佢比想像中無咁酸，佢個餅底偏硬，所以拎起黎食嘅時候唔會散開晒。咖啡我就試Americano，香得黎無乜苦味。Cake同Coffee都好味，會再黎。

今日Tea Time試了這間應該係新開無耐的Coffee Shop，佢D Cake好多款式，我就比士多啤梨Tart深深吸引住，所以就揀咗佢。呢度嘅士多啤梨Tart又靚又好味，士多啤梨唔係一味得個甜字嗰種，佢帶有微微的酸味，不過就係呢種微酸令到成個Trat更加fresh，並且Balance返個Tart本身的甜味，真係做得唔錯。咖啡就揀咗Flat White，因為一向都鍾意Flat White少D奶從而令個咖啡味更加出。呢間Coffee Shop的Flat White都調得幾好，有機會要試埋佢其他咖啡先得。

估唔到深水埗衣家都食到呢種高品質的西餐，價位都去到$158，泊得住尖沙咀銅鑼灣嘅價錢，不過味道幾好，食得出廚師的誠意，所以我傾向鍾意幫襯呢D小店，時有驚喜。Lunch Time黎到，試咗佢嘅Slow Cook牛小排，牛小排本身係價格比較高嘅部位，用Slow Cook處理令佢夠軟林之餘亦可以令到佢嘅肉質更加原汁原味，唔會浪費咗D牛小排。另外佢個連皮薯仔嘅味道都唔錯，切薄片等你食嘅時候方便D。其他配菜都OK，唔係是是但但加D菜落去填滿隻碟囓空間。另外佢D蛋糕都好靚，有機會再黎一定試吓。

今日幫襯咗呢間新開嘅Coffee Shop，整體來講都幾好。一間好嘅Coffee Shop最緊要都係要杯掂嘅coffee，呢間店做得到。咖啡我叫店長推薦，佢幫我揀咗Carmel Latte，咖啡味香濃，雖然係carmel但係又唔會太甜，味道適中又唔會蓋過d咖啡嘅香味，唔錯嘅推介。呢間小店嘅cake款式都幾多，而且件件都好靚仔，件件都好似好好食。心大心細之下我最後選擇咗伯爵茶嘅cake，賣相得，味道仲得，佢陣earl gray味唔會太濃，不過勝在真係做到一種清香，未食落口都已經聞到，另一樣值得一讚嘅就係唔太甜，襯埋杯咖啡真係一個幾好嘅下午茶配搭。

短短時間內已經幫襯仨咖啡三次！第一次的午餐是慢煮三文魚配蠔汁，配搭新鮮，加上配菜和千層薯片都非常美味，可見廚師非常用心預備。甜品Tiramisu好好味，酒的濃度恰到好處！ Cappuccino就不過不失！第二次和我老公去吃午餐，主菜點了慢煮牛小排和明太子蟹肉意粉，老公對牛小排讚不絕口，我就好欣賞意粉，層次豐富，用料十足。甜品Chocolate Mousse 口感滑，味道濃郁！Tiramisu Puff，脆脆的 Puff 配香濃的 Tiramisu，一絕！黑咖啡很不錯，香醇！第三次和五個朋友去吃晚餐，個個都飽足而歸，很感受到廚師的認真和心思，用料非常新鮮，絕不欺場，如此質素，價錢實在便宜。個人特別推介大蝦櫻花蝦意粉、雜果泡芙、栗子撻！還有，店舖有賣自家製的Snacks，推介Chocolate Cookies 和乾果果仁朱古力，食到停不了口！

好好味.好抵飲😋😋😋環境好舒適.有陪搭純音樂令到好舒服🥰入邊既甜品好好味又特別.下次會再吃.約friend去hightea真係一流既環境.同埋交通好方便.好近深水埗地鐵站

同朋友三個人叫了慢煮小牛排、慢煮三文魚和明太子蟹肉扁意粉，非常好味（個人超推慢煮系列，連配菜都好正特別係佢個千層薯，一定要試！）🤤👍🏻✨而主廚係法國藍帶❣️❣️✨食物質素好高，味道正、賣相又靚✨甜品方面試咗三款：芒果味菠蘿泡芙、tiramisu配自家製雪糕、法式檸檬塔。前兩款份量十足，感覺好適合下午high tea配杯咖啡🤤而個人特別中意檸檬塔，微微酸甜味好開胃，非常適合做餐後甜品，唔會太甜太膩，超正😋💓另外飲品試咗Matcha latte、Mango world、Houjicha latte，都好唔錯❣️環境方面，鋪頭唔算好大，但坐得好舒服，適合2-4人聚餐，如果人多則建議提前預約留位~