仨

营业中

休息中

這家 Coffee Shop 不僅提供優質的咖啡，其創意美食同樣值得一試。山葵薄脆帶子扁意粉味道不錯。薄脆的麵皮裹上鮮嫩多汁的帶子，再配合清新的wasbi，口感層次豐富，不過又唔會好攻鼻。而扁意粉上淋上了酸甜可口的梅子醬和柚子醬，為這道菜增添了更多層次，梅子的醱和柚子的甜中帶微苦同D帶子幾夾。另一款點了的是火腿芝士雞腿卷。酥脆的雞腿皮裹著香滑的芝士餡，搭配濃郁滑順的黑蒜茄子汁，味道唔錯，雖然細細件不過食咗都幾飽。除了這些創意美食,這家 Coffee Shop 的咖啡也同樣出色，小小的餐廳充滿驚喜。

呢件蛋糕唔講得少，入口除幼滑之外，榴槤嘅味道恰到好處，啱晒我呢啲榴槤控，啖啖金枕頭嘅香味，柔軟又滑，而底層嘅蛋糕又夠濕潤，完全唔係喺雪櫃擺咗幾日冇人買嗰啲貨色，原來老闆日日新鮮做蛋糕，日日賣清，仲要落重榴槤果肉👍🏼唔怪得知咁好味，榴槤好嘅一定要試，我個女得我珍存亦都係榴槤控😬我會喺度訂個生日蛋糕俾佢♥️♥️♥️有好嘢，梗係同心愛嘅人分享啦🥰

平日放假最好就係可以悠閒D靜D，今日仲要搵到間細細地嘅Coffee Shop，來個悠閒的下午茶時間。Waitress姐姐推介呢個Baby Blue藍青口，於是就叫咗黎試吓，味道幾好，白酒加洋蔥粒再加D其他嘅Herbs都真係幾香。D Baby Blue好新鮮而D肉質亦都好嫩，真係無介紹錯。跟住Waitress姐姐又問我試唔試吓佢地嘅開心果千層蛋糕，佢話唔係成日有而且數量有限，因為只做了一個，切開得6至8件，賣晒就無，講到咁又梗係試吓啦，咁件Cake個樣又真係幾靚嘅，同埋又真係幾好食，開心果味都幾香，佢個千層都幾滑。最後梗係要埋杯咖啡啦，杯咖啡都幾好，啱晒平日off的我。

一個人的浪漫，西式豬腩加杯靚咖啡，真係冇得彈。呢間coffee shop嘅西餐出品好睇又好食，呢一道菜係慢煮榛子薄脆豬腩，話就話係豬腩肉，不過呢件豬腩肉唔係脂肪好多，唔算太肥，唔會食到成口油，塊皮又薄又脆，咬落去short short聲，仲有我想讚佢嗰個汁做得好好，配住個汁嚟食一啲都唔會覺得好漏好滯，最後當然佢啲配菜都真係呀好爆，唔係求求其其整啲菜就算數，我直頭覺得啲半碟配菜本身就已經係一道菜。飯後一杯啡亦都係好重要嘅，作為一間coffee shop，呢杯咖啡都幾啱我口味，襯返個豬腩真係一流。

唔係用cream做嘅千層蛋糕係乜野玩法？今日試咗，老老實實，如果唔講真係唔會知佢嘅千層蛋糕原來唔係用cream去整，不過知道咗之後又好似覺得真係無cream嗰種咁香咁滑，可能係心理作用卦。不過其實都有起碼9成似嘅，但係衣家呢隻唔用cream的千層蛋糕一邊食一邊就無咁大嘅罪惡感，我問老闆唔用cream即係用咗D乜，佢話係secret recipe。唔緊要啦，最緊要好味道。我地一人揀咗一款千層蛋糕，我就要朱古力香蕉味，而我個friend就要士多啤梨千層蛋糕，整體味道都唔錯，同埋食得出D材料唔係cheap野，配埋呢度嘅咖啡，真係一個完美的下午茶。

今天試了位於深水埗同長沙灣之間嘅一間迷你coffee shop，咖啡固然唔錯，不過佢嘅西餐竟然煮得咁出色，真係好難得，因為通常呢啲咁細間嘅coffee shop主要都會將集中力放喺咖啡上面，尤其是係一啲唔同品種嘅咖啡豆沖出嚟嘅單品咖啡，咁喺食飯時間幫襯都要醫吓肚嘅，所以我都只係叫咗一個普普通通嘅蜆肉意粉，估唔到個質素咁高。佢呢度嘅蜆肉意粉係用扁意粉，蜆肉比較大粒，而且食落去就知道個質素比較高，溫泉蛋做得唔錯，淨係佢個汁會幫你打到起泡就知道廚師非常之有誠意，值得一讚係佢都用咗好多herbs而唔係隨意落啲現成調味粉同醬汁，睇得出廚師好有堅持。

今日一出街就紅色暴雨警報諗住實係行衰運，點知就係因為大雨所以黎咗呢間Cafe，估唔到佢D西餐真係有料到。我就叫咗慢煮牛小排配青胡椒汁，至於我個Friend就點了柚子胡椒香煎海鱋魚，呢間餐廳D擺盤真係靚，好有心機，同埋D野食都好食。我份牛小排煮得好林好軟熟，牛肉味好香，食落就覺得無乜脂肪，佢上面嗰塊好似係羽衣甘藍，同埋佢個汁入面都好似有D羽衣甘藍碎，估唔到同牛肉咁夾。佢D拌碟都算浮誇，不過又真係好睇又好食，尤其是係嗰塊千層薯餅，食落就覺得要好花功夫先整到。至於份海鱋魚都整得好好食，魚肉夠Juicy，面嗰塊魚皮又煎得夠香脆，佢個汁都調得唔錯，同件鱋魚都幾match，真係好食。

經朋友介紹！話呢間無論主菜同甜品都好好食！今日放假就特登由港島區過來覓食，一於試下！朋友介紹食鴨腿，但我見到有牛小排，見到多枱客都叫佢，好似好吸引咁！所以我都揀咗牛小排，飲品可以加錢 upgrade 。我揀咗orange espresso!呢杯咖啡真係幾好飲，橙汁同咖啡液既比例都剛剛好，吾會好甜，又有橙香，本身咖啡豆都係用 nutty 豆 !牛小排非常 juice，帶有淡淡既粉紅色！肉質嫩滑，配菜都好好食！估吾到配菜有咁多款，最鍾意係塊蓮藕，好想食多2塊，可惜得一塊！牛小排 $198 + $28 升級飲品性價比超高！食材食得出係靚嘢！下次會再來試埋個鴨腿，本來都想食埋甜品，但實在太飽喇！只好下次再試！

仨咖啡 (深水埗)深水埗福榮街188號曉盈地下1號舖馬天尼藍青口配薯條 （$178+$28咖啡）薯條外脆內軟，藍青口好滑，好重Rosemary 嘅味道，但忌廉汁好似無咩點調較，好似將忌廉倒落去就咁煮Baileys coffee $55Baileys Coffee 係有酒嘅咖啡，Baileys係甜酒，會咖入咖啡代替糖，但喱杯咖啡就好甜，酒味唔太濃，唔太吸引Orange Espresso (+$28)有橙味嘅咖啡，有少少酒味，係預期中嘅味道，唔會想飲第二次有最低消費$80要求Lunch $287.1分數：6（out of 10)#午餐#深水埗#咖啡店#Baileys #coffee#Orange #Espresso #藍青口

昨天下午和幾個好友決定去試試看附近的一間甜品店，聽說是藍帶西廚開的店，肯定要試試看吧！店面雖然不大但裝潢得好溫馨，一進門就有種被甜蜜包圍的感覺。我們選了幾款招牌甜點和飲品，每一樣都很驚喜。先說說那個抹茶班戟吧，簡直是抹茶控的天堂！班戟軟綿綿的，夾着剛好甜度的抹茶醬和紅豆，每一口都是完美的日式風情，加上酸酸甜甜的水果點綴，整體吃下去不但不膩，反而讓人一口接一口。接着是那個芒果味的泡芙，外皮酥脆，裏頭的芒果餡兒酸酸甜甜，真的是芒果愛好者的福音啊。對了，還有那個百利甜酒朱古力塔，一開始還真有點猶豫，怕會太甜或者酒味太重，結果一試之下驚為天人，朱古力和百利甜酒的搭配恰到好處，一點也不覺得膩，反而覺得很有創意。至於飲品，Mango world 真的不愧其名，滿滿的芒果味很清新，而且不會太甜。那個 Matcha latte 呢，抹茶味足夠濃厚，喝得到茶的苦味，但又不失牛奶的滑順，太適合我這種愛好抹茶的人了。過了一個下午，不知不覺就在這家店裏渡過了，真的是個放鬆心情、享受甜蜜的好地方。

今晚食西餐，深水埗同長沙灣之間的一家小店，真係好小，得幾張枱，佢晚餐都有幾多選擇，問咗店長有乜野推介，佢叫我試吓豬手酥或者油封鴨腿，我揀咗油封鴨腿配意大利飯。個油封鴨腿意大利飯賣相唔錯，隻油封鴨腿都幾大隻，塊皮都煎得香脆，不過我最欣賞佢連D拌碟嘅蔬菜都咁有心機砌得咁靚。油封鴨腿下面係蘭度豆配意大利飯，印象之中好少食到一D唔係配芝士嘅Risotto，呢個做得好好食，口感煙煙韌韌，但係因為無用芝士嘅關係所以又唔會好滯。

今日試咗一間位於深水埗嘅西餐廳，真係麻雀雖小五藏俱全，因為呢間餐廳好細間，不過啲嘢食做得唔錯。因為選擇困難症唔知揀乜嘢色好，所以就直接問店員姐姐，店員姐姐好Nice，佢好細心問咗我對食物有咩喜好之後就介紹我是佢呢一個豬手酥，就係上面幅相左手面嗰一件，其實佢係用酥皮包住手撕豬手肉，塊酥皮焗得好脆，索索聲，不過最正係佢薦底嗰個Cranberry汁，酸酸哋襯呢個肉卷非常好，而佢成碟最勁嘅就係右手邊長方形有三點紅點嗰舊嘢，其實係千層薯仔，味道層次感都一流，八卦問店員姐姐先知原來呢個千層薯仔做法非常之繁複，唔怪得知咁好食啦。另外佢舖頭入面都有好多唔同款式嘅蛋糕，可以堂食或者買走。

深水埗精緻小餐廳，店內裝修走活潑繽紛風格。食物無論主菜或是甜品，都係高水準，有樣有內涵，每款主菜既配搭都俾到驚喜，食材互相配搭得恰到好處。伴碟伴菜亦絕不馬虎，新鮮時令，種類豐富，西餐伴碟竟然有豆苗/芋頭。而擺盤亦很“打咭-able📸”，精緻可愛，絕對係食得又睇得甜品亦係一大推介。款款蛋糕都非常好食。除咗有經典口味，亦有驚喜配搭，選擇多。主菜份量細細碟，加埋蛋糕就剛剛😋。絕對係令人想一試再試既餐廳可惜餐廳坐位有限，如果食晏，記得打電話訂位😋。可能會遇見可愛貓咪

悠閒的週日難得搵到咪錶位就去搵下午茶食！今次路過車房林立嘅街道見到一間Cafe 二話不說入去坐低飲杯啡提神！揀好坐門口位的長型梳化 發現有隻超得意小貓自己喺窗簾後玩🐱之後小貓仲坐喺我地隔離八卦🤣🤣‼️注意: 不是貓Cafe ‼️點咗兩個$68甜點套餐 套餐有一件蛋糕及一杯咖啡☕️▪️柚子檸檬芝士蛋糕頂層是柚子醬 外面是口感幼滑的檸檬芝士味而裏面有檸檬醬夾心 濃稠度剛好 餅乾作為底層令甜點有多重口感 多層次的味道酸酸甜甜 酸甜度適中 感覺好開胃🤤▪️栗子塔🌰賣相吸引🤩頂層有粟子粒 粟子蓉軟滑味道香濃 唔會過甜 食完亦唔會有過分飽滯的感覺👍🏼▪️香橙Expresso(+$10)香橙的酸甜令咖啡感覺好清新 放上了香橙乾令賣相加分！▪️Matcha Latte with Strawberry (+$10)抹茶味濃 加入了微甜的士多啤梨果醬 攪拌過後亦不會遮蓋抹茶的香味 挺新鮮的配搭！環境舒適座位 十分闊落👍🏼👍🏼整體甜點的質素及賣相媲美酒店的甜品而且價錢親民！仲有可愛小貓 主子仲攬實我朋友隻手唔放😂真係可愛度爆登😍睇得出店主好錫隻貓貓 牆壁亦掛有貓的圖畫 都係愛貓之人❤️小店除了甜點及咖啡 亦有提供西餐 下次

呢間小店唔好睇佢得幾張枱，而且仲要在深水埗近長沙灣嗰邊，即係無咁旺嗰邊，但係佢嘅出品可能係附近一帶最好的Coffee Shop。咖啡癮起呢間Coffee Shop就出現喺眼前，於是就二話不說咁行咗入去，我地三個人一個叫Latte，一個叫Ice Latte，另一個就要咗杯Flat White，我地三人異口同聲都話佢嘅咖啡好飲，3杯都好真係難得架。Latte就係我叫嘅，咖啡我比較鍾意飲熱嘅，因為真係可以發揮到咖啡豆嘅香味，呢杯Latte無令我失望。我朋友杯Ice Latte咁樣樣，佢話雖然係凍啡，不過都聞到咖啡嘅香味(所以我鍾意熱多D)，佢仲話雖然加咗冰，不過又無搞到杯咖啡淡戊戊，估計咖啡師應該因應D冰而加強咗咖啡嘅濃度，先至唔會令D冰搞淡杯咖啡。我另一個Friend杯Flat White，佢話咖啡味比較重，飲得出佢D咖啡豆嘅味，佢話就係鍾意杯咖啡香濃D所以先叫Flat White。