仙花園餐廳

营业中

休息中

仙花園是一間富有人情味的舊式老牌茶餐廳! 單看裝修外型並不起眼，但能夠在一條舊屋邨生存了四十幾年，當然是有一班固有的捧場客啦!記得我讀小學的時候，這間餐廳已開始在這裏營業， 但隨著歲月嘅改變， 人口嘅變遷， 這間餐廳已變成一間老式茶餐廳! 餐廳內外貼滿大大小小的手寫餐牌菜單，而且在這間餐廳內掛上很多油畫，和代表香港的字牌圖像；每逢中午至下午時段，總是有很多學生哥、 藍領白領、無飯邨裡，熟客仔在這裡開飯! 而今天，我就想食這裡經典的百搭午餐!百搭午餐價值$45(轉多士加$1)，我order了沙爹牛肉通粉，牛油多士改拼餐肉煎雙蛋，再加埋杯熱鴛鴦!沙爹牛肉夠腍又大塊，通粉軟硬道適中，沙爹味及湯底都OK!牛油多士拼餐肉煎蛋尚可以，略嫌塊多士和餐肉薄左少少!至於熱鴛鴦，是我第一次飲，因為平時我飲慣Americano，所以今次第一次飲熱鴛鴦，覺得幾得意，有啲苦澀味幾啱我！老闆和餐廳內的夥記姐姐個個都好nice，客人個餐有咩想改或加減，佢地都可以Tailor made 落單，好好㗎!新式茶餐廳越開越多，舊式茶餐廳就買少見少，希望仙花園繼續可以承傳下去!

唔岩食既乾炒牛河🥲 好多油 河粉炒到爛曬斷曬碎曬牛肉落粉醃 乸到d肉勁假勁難食凍檸茶一般… 澀澀地…唯一可取之處係佢menu多元化好多款式既飯或者麵可以比你揀…以下呢張相就係我食剩既…

【葵青區】【仙花園餐廳】大家都好耐冇去旅行，我都唔例外，所以趁呢個疫情我都想好好探索吓香港十八區。今次嚟到葵涌嘅葵盛西，終於又係一啲唔近地鐵站嘅地方，之前多數都係喺一啲有港鐵站喺附近嘅地方食嘢，今次呢度就有少少遠喇。從來去旅行我都好中意用腳步探索吓個城市，偏偏喺香港我就好少咁做，好少去一啲冇去過嘅區域蹓躂。搭車上到嚟葵盛西，就見到巴士站有間茶記，唔理好醜但求就手，食埋個餐先走。常餐唔吸引，叫「百搭下午茶餐」先。要咗個「雞髀薯條」，都炸得唔錯不過好似唔係生炸，算。加埋杯澀味重啲嘅「熱奶茶」就 $39，以下午茶嚟講，我見其他客多數都食炒嘢，價錢好似一樣仲要飽肚啲，都合理。用 $23 要埋「花生醬西多士」，偏薄同偏脆。咁樣就食咗我 $62，不過如果為咗又平又飽肚嘅一早我就叫咗炒嘢，唔會咁叫。始終呢度位置算偏僻，都冇乜其他選擇，我再行吓附近，其實都係得一間小廚，一間酒樓，同埋一間小食店，要其他嘢的話其實就要去葵盛東。見有啲時間順便行吓呢頭，其實葵盛西邨喺個山上面，風景都幾靚，又唔會人多車多，難怪老人院都中意開喺度，幾適合頤養天年。另外，都有啲電梯可以落去泳池嗰邊，行多陣就到葵芳，都幾寫意，有啲

今餐真係令我大開眼界, 去咗間屋邨商場嘅食肆食晏晝, 叫咗個雜燴飯, 簡單啲嚟講就係將廚房炒淨嘅嘢炒埋一碟成為一個飯, 啲飯嘅賣相顏色偏淡, 材料方面有菜心、火腿、 瘦肉、魚餅, 加上芡汁而成 嘅一碟飯, 味道就尚算可以接受, 價錢方面就有啲偏貴,連餐湯一共48蚊, 同出面食茶記嘅價錢差唔多😅

想食舊有茶餐廳的味道梗係要去舊屋邨食喇百搭下午茶餐先係三十零蚊雞脾生炸脆卜卜，大隻過平時連鎖式大×樂，大×活多多聲。西多士就有少許遜色，唔夠厚，失去少少口感環境保留住舊70至80年代的味道

本人是70後，一直成長在80年代屋邨現是大時代,大型企業，機械式味道，連絶大部屋邨亦好難找到人情味80年代式味道，終於在仙花園找到, 食早餐就好豐富，小弟比較愛好咖啡但在仙花園就一定叫杯熱咖啡因為熱飲比較出色，我一般不加糖，熱咖啡配合黑白奶正好飲到80年代中味道。剛剛有緣份有機嘗試下午茶時，發現楊州炒飯或干炒牛河份量幾多，不過味道幾好，下午茶加凍飲大約40元，不過相比其他新餐廳算多很多，眼見整間餐廳起碼生存左應該有20年，表面算是十分乾淨,至少餐牌，枱底，坐位等沒有塵油淋淋。

今次真係食左一個好貴既下午茶其實都要怪自己突然好想食個奶油多，但係一個都要30幾蚊，連鎖快餐店搭埋其他野食都吾需要咁貴，真係誇張左少少奶油多士餐，奶油多士邊炸得好勁，但可惜中間吾夠鬆軟，而且仲好薄啊 野食既份量根本不足，吾係好夠食，而且上面既牛油真係好一般，質素差又硬，完全吾夠香囉由於練奶直接放上，其實真係吾夠喉，點吾哂成舊西多，搽均又每舊點得好少另外熱可力本身已經很甜，完全不需要再落任何砂糖食完真係只可以過下口癮

平靚正，下午茶30蚊左右，一d都唔貴，仲要好好食，真心唔錯，真心推介，好鍾意食呢間星洲炒米，太好味啦，加上又唔貴，試過番尋味，值得一試!! gogogo!! ^u^

在 葵芳巴士總站有一間叫做仙花園餐廳嘅普通茶記，原來啲茶餐完全唔係茶餐價錢，要成＄40先食到一個。首先有好油膩嘅煎雙蛋 ，個中間煎得似太陽蛋都算係唔錯啦。回鍋肉米粉旁有啲一嚿嚿酸酸地嘅嘢食，又幾得意好似係蔬菜類但係好少接觸。啲米粉質素普普通通唔夠滑，回鍋肉嘅數量亦都唔夠多，都係比較硬唔夠稔

27-5-2013(一)是日下午，來了葵盛影街道相，未影相前，先找個地方吃下午茶，隨意找到 仙花園餐廳。點叫了一個貢丸湯米線。貢丸上蓋有用刀切開一個十字的圖案，是賣相還是想煮得確保熟透？我也不太清楚。米線爽身，貢丸尚算彈牙，唯湯底只像滾水般，沒味，要下點辣椒醬才可吃下。整體不過不失！埋單 $24，支持舊式小店！吃罷，出發去影相。