影片
仙花园是一间富有人情味的旧式老牌茶餐厅! 单看装修外型并不起眼，但能够在一条旧屋邨生存了四十几年，当然是有一班固有的捧场客啦!记得我读小学的时候，这间餐厅已开始在这里营业， 但随著岁月嘅改变， 人口嘅变迁， 这间餐厅已变成一间老式茶餐厅! 餐厅内外贴满大大小小的手写餐牌菜单，而且在这间餐厅内挂上很多油画，和代表香港的字牌图像；每逢中午至下午时段，总是有很多学生哥、 蓝领白领、无饭邨里，熟客仔在这里开饭! 而今天，我就想食这里经典的百搭午餐!百搭午餐价值$45(转多士加$1)，我order了沙爹牛肉通粉，牛油多士改拼餐肉煎双蛋，再加埋杯热鸳鸯!沙爹牛肉够腍又大块，通粉软硬道适中，沙爹味及汤底都OK!牛油多士拼餐肉煎蛋尚可以，略嫌块多士和餐肉薄左少少!至于热鸳鸯，是我第一次饮，因为平时我饮惯Americano，所以今次第一次饮热鸳鸯，觉得几得意，有啲苦涩味几啱我！老板和餐厅内的伙记姐姐个个都好nice，客人个餐有咩想改或加减，佢地都可以Tailor made 落单，好好㗎!新式茶餐厅越开越多，旧式茶餐厅就买少见少，希望仙花园继续可以承传下去!
继续阅读
唔岩食既干炒牛河🥲 好多油 河粉炒到烂晒断晒碎晒牛肉落粉腌 乸到d肉劲假劲难食冻柠茶一般… 涩涩地…唯一可取之处系佢menu多元化好多款式既饭或者面可以比你拣…以下呢张相就系我食剩既…
继续阅读
【葵青区】【仙花园餐厅】大家都好耐冇去旅行，我都唔例外，所以趁呢个疫情我都想好好探索吓香港十八区。今次嚟到葵涌嘅葵盛西，终于又系一啲唔近地铁站嘅地方，之前多数都系喺一啲有港铁站喺附近嘅地方食嘢，今次呢度就有少少远喇。从来去旅行我都好中意用脚步探索吓个城市，偏偏喺香港我就好少咁做，好少去一啲冇去过嘅区域蹓跶。搭车上到嚟葵盛西，就见到巴士站有间茶记，唔理好丑但求就手，食埋个餐先走。常餐唔吸引，叫「百搭下午茶餐」先。要咗个「鸡髀薯条」，都炸得唔错不过好似唔系生炸，算。加埋杯涩味重啲嘅「热奶茶」就 $39，以下午茶嚟讲，我见其他客多数都食炒嘢，价钱好似一样仲要饱肚啲，都合理。用 $23 要埋「花生酱西多士」，偏薄同偏脆。咁样就食咗我 $62，不过如果为咗又平又饱肚嘅一早我就叫咗炒嘢，唔会咁叫。始终呢度位置算偏僻，都冇乜其他选择，我再行吓附近，其实都系得一间小厨，一间酒楼，同埋一间小食店，要其他嘢的话其实就要去葵盛东。见有啲时间顺便行吓呢头，其实葵盛西邨喺个山上面，风景都几靓，又唔会人多车多，难怪老人院都中意开喺度，几适合颐养天年。另外，都有啲电梯可以落去泳池𠮶边，行多阵就到葵芳，都几写意，有啲旅行 feel 呀真系。。。（地址：葵涌葵盛西邨第七座地下1号）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #globaleats #tastyfood #dessert #foodpics #followforfollowback #love #eat #1am葵青区 #葵兴 #葵芳 #葵盛 #葵盛西 #仙花园餐厅 #下午茶餐 #鸡髀薯条 #热奶茶 #西多士 #茶餐厅 #1am0703 #1ambackup
继续阅读
今餐真系令我大开眼界, 去咗间屋邨商场嘅食肆食晏昼, 叫咗个杂烩饭, 简单啲嚟讲就系将厨房炒净嘅嘢炒埋一碟成为一个饭, 啲饭嘅卖相颜色偏淡, 材料方面有菜心、火腿、 瘦肉、鱼饼, 加上芡汁而成 嘅一碟饭, 味道就尚算可以接受, 价钱方面就有啲偏贵,连餐汤一共48蚊, 同出面食茶记嘅价钱差唔多😅
继续阅读
想食旧有茶餐厅的味道梗系要去旧屋邨食喇百搭下午茶餐先系三十零蚊鸡脾生炸脆卜卜，大只过平时连锁式大×乐，大×活多多声。西多士就有少许逊色，唔够厚，失去少少口感环境保留住旧70至80年代的味道
继续阅读