㗎仔飯 (已結業)

神秘呀！好神秘呀！我從來未食過咁神秘嘅豬肉飯呀！救命呀！！！豬嘅肉汁封喺纖維裡面，好似江河匯聚噉樣，而裡便嘅筋脈畀內力打碎，入口極之鬆化，再配合埋火雲掌煎成嘅糖心荷包蛋，豬肉真係好味到塵世間冇嘢可以形容得到架！ 🤣冷靜落黎先～上個星期唔小心搭單食左隻㗎仔飯， 叫左菜菜子 炒雜菌野菜丼。 拎番公司都仲聞到獲氣， 依次大獲了 好味既菇菇， 椰菜都可以咁滋味， 惹味既汁撈乜都掂。 唔小心過左兩日又去食， 今次想食既壽喜燒售罄， 新年行大運， 想求個大吉大利， 揀左menu上既神秘飯，which is 神秘蓋澆丼。獲獲新奇獲獲金， 今次正正子有肉食。 收銀妹妹都唔知廚師煮左咩， 一打開～哇， 豬腩片燒汁白玉丼。 點解咁黯然， 點解咁銷魂， 實在太好食， 好似救活左我， 我從此又開左胃。 十年無打食評又好想打一打， 星期五食左後， 星期六日都好好胃口， 奇蹟豚年飯。 白玉茶實係雞蛋， 改得咁美麗， 引人遐想。 上班的原動力之一， Happy Monday ～ 太香太好食， 得番隻兜仔， 揸住隻兜， 好似揸住隻信念咁。 用心製作， 用心感受。 #唔好以為叫完神秘飯就係神秘顧客 #世上萬事皆神秘

疫情之下好多食肆都做唔住，今晚專登幫襯吓小店🥰 係旺角附近就揀咗「㗎仔飯」！叫咗個炸魚柳配咖哩飯外賣。首先要讚下收銀小姐，係比外賣我嘅時候專登逐樣對返我叫嘅items，好細心！而個咖哩汁係分開一個碗仔裝，唔驚浸濕晒啲飯餸，好窩心！咖哩係日式咖哩，帶有啲辣味，愈食愈過癮（如果有得加辣就仲好！）炸魚都炸得好好，唔會油淋淋！又厚身，唔係快餐店嘅薄魚柳，而且完全唔會有雪藏味👍🏻！配埋沙律醬，真係想食多幾舊😋！個餐包埋一杯玄米茶，食完咖哩飲返杯茶，舒服哂！

以為食緊廚餘,慳都唔係慳食材慳到咁吖嘛,叫人點再幫襯,等褶,牛全部好似人地切餘唔要個D邊位筋位攞嚟煮,真心講真係冇食過咁差,本身當快餐食,都嫌佢難食,飯唔軟熟,真係唔得,唔知煮個嗰自己有冇食吓

💛💛💛唔知食乜好？食㗎仔最好！尼句slogan真係變成我嘅行動😂😂諗唔到食咩就食尼間。餐廳得好少位，大概得10個位，主要係做外賣。雖然細細間，但都有好多選擇，食物高質，價錢親民💰醬燒漢堡扒白玉澆飯 🍱$55 (8.5/10)有三塊細細嘅漢堡扒，漢堡扒好入味，入面啲洋葱碎🧅香甜，完全無嗆辣味，肉質軟腍得黎唔易散，燒汁甜甜地，燒汁蛋汁拌飯味道一流🤤🤤飯濕度適中，都幾飽滿，飯唔會太濕或太乾。

其實我覺得d 野食就唔錯既  但我買三次外賣  有兩次都唔記得比咖喱汁  真心嬲 其實已經等左好耐架啦 入面好忙 我都知無辦法 但咖喱飯無咖喱 返到屋企我真係黑晒臉 就好似魚柳包無魚柳咁

㗎仔飯自從畀 YellopenRice 介紹過之後，一直都好想試，奈何一直都未有機會，直到而家佢哋由樓上舖搬落地舖，終於食到啦🤗。新舖地方較細，只有幾個堂食位，不過裝修同佈置都顯得頗有心思，加上超有禮貌嘅店員，令人感覺好舒服。叫咗個脆爆可樂餅咖哩飯配冷泡茶，由於係即叫即炸，等咗大約六，七分鐘先上枱，等待期間，職員遞上冷泡茶，仲話唔夠可以添飲，十分窩心。呢度嘅咖哩質感較稀，但係味道依然非常香濃，入面嘅紅蘿蔔超入味，好好食，相對之下，薯仔就略嫌淡咗少少。跟飯嘅兩大塊可樂餅好厚身，一啖咬落去，除咗熱辣辣之外，就係滿口嘅南瓜甜香，一路食，一路感到好幸福😋。當然不得不提個飯，又係粒粒飽滿彈牙嘅日本米，超啱我口味。

信箱有份外賣單張，原來是出現過在YellopenRice的其中一間店子，那便一於試試吧。手繪的插畫餐牌簡單明瞭，真係看圖而知義。這裡的咖喱用了蒜蓉、甘筍、薯仔、茄醬等配料加進日式咖喱磚調製而成，主菜我就要「南蠻炸彈雞」及「生炸鮮魚柳」，老婆就揀了「脆爆可樂餅」及「邪惡炸生蠔」；咖喱烏冬剛好沒貨，那就只好下次再試了！咖喱汁熬得香濃又惹味，薯仔煮得軟淋，吸收了汁醬；好味得緊！軟糯的米飯配咖喱汁同吃，真係無得輸。外層炸漿不太厚，雞件外脆內軟；魚肉嫩滑，可樂餅以南瓜作餡，又甜又香脆；炸蠔脆香中仍保留淡淡海水味，也是四款中我至喜歡的。只需另加$18，便可將熱煎茶改為其它飲品，老婆就改成了熱「抹茶牛奶」，而我就維持不變。抹茶牛奶富抹茶香，奶味不會過重，甜度適中，值得一試。這個「黑芝麻巴斯克紐約芝士蛋糕」結合了黑芝麻和紐約芝士蛋糕嘅精髓，外層焦香；內裡香濃幼滑，帶淡淡焦糖香，餅底鬆脆，甜度適中，好吃！#咖喱飯配南蠻炸彈雞及生炸鮮魚柳 $77#咖喱飯配脆爆可樂餅及邪惡炸生蠔 $83#熱煎茶無限添飲 #抹茶牛奶 +$18#黑芝麻巴斯克紐約芝士蛋糕 #茶墨 TeaBrush#㗎仔飯地址: 旺角西洋菜南街1

疫情期間Lunch hour想買外賣返公司食，又唔知食咩好，上網見到㗎仔飯既評價都幾高，就試試佢啦💁‍♀️~ 舖頭位於街口，地理位置方便，一望就望到。主打外賣日式便當，所以店内堂食位置唔多，只有大概6-7個位。餐廳既菜名都幾fun😆，而且除左飯同面之外仲有tortilla同其他小食。由於係lunch hour，落單后需要等15分鐘。生炸鮮魚柳咖喱飯（附送冷泡茶/熱煎茶） $53一拎到手已經問到陣陣咖喱香味🍛，魚柳比想象中多，而且炸漿薄，唔會好厚粉👍，可以一啖食到脆漿同魚柳，配上沙律醬更好味。咖喱分開另上，甜甜既日式咖喱，即使平時唔愛食辣既朋友都可以食🤓。個人比較鍾意偏濃稠既咖喱，而佢就比較稀，好快就撈晒飯，建議分量可以多少少~ 美中不足既係因爲係外賣，翻到去食既時侯炸魚柳有D焗淋左🥺。

今日雖然係最好遠行山，但係都要忍唔住來呢間旺角新開嘅㗎仔飯。佢有好多唔同咖哩嘅飯，一個好簡單嘅店舖咁。好啦，我叫咗可樂餅咖哩飯，感覺應該幾唔錯。食落，真係新鮮鬆脆香口，佢個賣相都好精心嘅。好靚，係呢張相啦！另外，都有個前菜送的，以上是二人份的份量, 不要誤會。飲品都唔錯嘅，飲品就係好濃烈嘅抹茶同埋牛奶香味。真係一個mix and match，真係齒頰留香。其實佢仲有好多咖哩飯都想試呀，我今日呢就只係食咗呢一個。下次有機會呢就再嚟試下啦

《廢物女孩👭食の覺醒》#太子篇👧🏿向左碌碌◀️-🍴醬油烤雞白玉丼 HKD 49(原價HKD62)呢間便當小店係👧🏿有一日放工行過發現🙈好日式木系嘅裝修 俾人好放鬆嘅感覺🥴烤雞係漢堡雞肉扒 好淋同juicy🤤個人認為成個便當嘅靈魂係蘑菇汁 同個半熟蛋 兩樣都非常好送飯👍半熟蛋嘅蛋汁 煮得粒粒分明嘅珍珠米 加埋蘑菇汁 👧🏿真係唔知唔覺間就食曬食個飯🤪💡下午茶時段（1430~1800)主食減HKD8💡外賣自取減HKD5✾味道覺醒指數: 4/5 抵食指數: 4/5服務指數: 4/5.-

仲係疫情肆虐😭聽日又再禁晚市堂食lu。可以想像到好多餐飲業會大受打擊🤯所以幫襯黃店既舉動萬不可停呀😂今次幫襯呢間㗎仔飯，想懲罰佢好耐！但我地上次係土瓜灣番工，想叫佢lunch結果太遠連外賣app 都失敗～今次踩上黎買啦～邪惡炸生蠔咖哩飯 $65呢個係手寫餐牌上面既～先講佢炸生蠔炸得幾脆，個蠔都好食既～不過個外皮🐢覺得厚左少少～配沙律醬就當然好食啦～個飯係珍珠米，好日式既感覺！個咖哩同出邊既偏甜味日式咖哩分別不大，但撈飯幾好食。順帶一讚個紅蘿蔔煮得幾淋幾好味😳粉身碎骨雞拼盤 $68 (雞軟骨、單碌棍雞翼x 6, 南蠻炸彈雞x 6)我好驚訝🐢揀呢個唔揀正餐，佢話唔食澱粉無咁肥啵🤣炸雞啵真咩？anyway 呢個係有意外驚喜，因為全部即炸，所以非常脆同熱辣辣～食落d 調味岩岩好，唔會好鹹！我覺得巧巧食～嘆番杯-抹茶豆奶（熱）+$18店員推薦話覺得走糖既熱抹茶豆奶最好飲。咁店員都有提過個質感會比較"結",好睇個人口味。 個抹茶味係濃既，飲得出唔係渣料。不過我都係唔喜歡個口感（我覺得係我個人口味唔喜啫～）咁等餐大概15分鐘啦～因為係即炸都接受到既～今次又係係車到食，所以其實買走無耐我地就食了～ke

今日同女友行完花墟諗緊食乜野時，就比依間簡約文青裝修既餐廳吸引左，食前完全估唔到除左裝修好之外野食都咁高質，以後食野又多個選擇入到去位置唔多，加上限聚最多二人，所以要等一陣先有位。店面簡約得黎有d 小擺設同場境幾攪笑，會令人會心微笑野食方面，價錢十分抵，下午茶時段仲每個飯減八蚊！而且選擇好多，樣樣都唔錯咁，最後我怕熱氣就揀左個醬汁烤雞肉白玉澆飯，女友就叫左咖哩炸雞烏東同雞軟骨小食野食黎到之後份量出乎我意料之外咁多，成個碗同盒裝滿哂味道方面，澆飯個醬汁好特別！味道岩岩好，好岩拎黎餸飯雞肉份量多之餘肉質仲煮得好滑，蛋就令個飯口感更多層次，十分好食咖哩烏東個咖哩就甜甜地非常好入口，炸雞質感都好好，炸得脆之餘一啲都唔油膩，雞肉仲保持到嫩滑小食既雞軟骨都好有水準！啖啖都係肉，唔會好多粉老闆態度仲十分之好，咖哩同跟餐既茶可以免費添最後埋單兩人加埋都只係143蚊，味道份野價錢都超值，非常推薦各位黎支持依間小店

落到旺角搵地方食晏，落車就經過㗎仔飯，之前突登去原舖食，但嗰時午市暫停，點知今次咁啱食到。半自助式，一眼睇晒都一張4人枱+靠牆3位吧枱吉列豬扒咖喱飯，抹茶豆乳豬扒唔會炸得好乾，但好似冇乜點醃過，要靠咖喱汁吉列可樂餅咖喱飯，抹茶牛奶可樂餅都好正，南瓜蓉夠甜，但比我想像中有小小出入，如果有啲肉碎就更香咖哩係日式，唔會辣，唔太咸，有大大舊薯仔做配菜，汁量夠晒送飯飲品可自選甜度，抹茶夠濃郁，豆乳或牛奶都一樣夾

西洋菜南街有間細細哋嘅日式小店，店內大概只能容納8位客人，好彩去到都有位姐！雖然細細間，餐點選擇都算多有飯有烏冬甚至有buritto，仲有各種炸物，而餐牌亦用一種風趣方式為餐點起名幾可愛。一份烏冬有三條淋上沙律醬嘅炸蝦，並非常體貼地將咖哩分開上，唔會將炸物浸到淋哂亦可以自己調整份量。蝦明顯係即炸起，超吸熱又香脆，咖哩入面有薯仔同紅蘿蔔係偏甜嘅咖哩，非常唔錯！而粉身碎骨拼盤最好味係個雞軟骨，其他好似單骨雞翼同炸彈雞反而覺得無乜味，不過有沙律醬可以增加返一點味道。而第一次試嘅抹茶豆奶係幾新鮮嘅味道，但個人都係覺得抹茶配牛奶會比較正！一邊堂食都見好多人嚟㗎仔飯買外賣，一間食物質素高價錢又實惠嘅小店值得一撐！入面仲有好多得意小佈置，堂食朋友可以留意吓！

見Yelloperince介紹過 質素應該有保證 前幾日去開個邊就膽粗粗試下🤣㗎仔飯主打日式便當 行外賣路線 店内座位唔多 但坐得舒服～店員服務態度好好加分！.👉🏻脆爆可樂餅咖喱飯咖喱似日本咖喱 甜加少少酸咖喱有紅蘿蔔 薯仔同肉碎做配料薯餅有兩塊 脆得嚟唔會好熱氣内裏有滿滿嘅南瓜蓉🤩有油膩感 但套餐贈送嘅冷泡茶可以解膩👍🏻——————————㗎仔飯 @gajirice 太子西洋菜南街180號捷利大廈1 樓B室