今日食便當 @Freshlane (已結業)

見呢間野主打日式便當，又新開，就膽粗粗試試佢🧐叫左個神秘芥末肥牛🐮，肥牛加芥末個感覺肥而不膩，餸飯食認真一流😋😋飯盒入面嘅粟米有爆炒過有獲氣🔥同出面普通牛油粟米唔同🌽朋友就叫左個邪惡海膽醬燒和牛，海膽醬味道濃👅一入口就湧晒啲海膽味，和牛都食得出唔係雪藏嘢。同埋前菜梅漬蕃茄酸酸甜甜好C服🍅連我呢啲本身唔中意蕃茄仔嘅人都食咗三粒。重點係最後跟餐款甜品，睇落賣相好普通，點知入面加咗蘋果醋、蘋果汁同接骨木花，夏日熱辣辣食落去勁清新勁舒服❄️☃️😚總結:食落有驚喜，用料都對得住個價，值得一試！

疫情期間，唔想出街食，喺酒店叫外賣😋😋😋今次食好多中環返工嘅朋友推介嘅Let’s Bento，Menu望落都覺得好吸引~作為牛魔王嘅我哋，梗係試匀佢兩款🐮🐮便當！邪惡海膽醬燒和牛套餐（$208）用咗M5澳洲和牛，牛肉嫩滑有肉味，同出面啲冰鮮牛肉冇得比！再加埋個海膽醬，真係食得出係海膽整出嚟，夾埋個牛係Perfect match😽下面仲有啲炒雜菜，連埋剩返嘅海膽醬食，真係食到汁都食哂！神秘芥末肥牛套餐（$118）完全唔係普通大排檔芥末牛柳粒質素！冇諗過芥末肥牛可以做得咁好食咁精緻🙀🙀🙀牛有牛味，芥末個比例啱啱好，少少刺激得嚟又唔會太過辣😋仲有甜品蘋果醋啫喱，唔記得影相，但好有驚喜🍎酸酸甜甜，上面仲加咗檸檬皮，食落超有層次感~總結係，港島區返工嘅朋友千祈唔好錯過！食物質素遠超價錢😽已經諗緊下次嚟呢頭再試邊款🤣

住係呢頭咁耐，一到夜晚就無咩好食瞬間變死城，一係食老麥一係炸雞pizza串燒O完T就係想搵啲炒飯呀，湯呀咁，但又唔想食中式嘢！咁啱個日經過呢幢Freshlane，知道係外賣foodcourt，有好多唔同種類嘢食叫！但之前經過咁夜都係得啲炸雞串燒，不過今次見佢門口水牌多咗咁多餐廳，又即管睇下有咩叫！😌就比我發現呢間日式便當小店🍱，店主好後生，一個人做，一見到我就熱情問想食咩？我睇一睇佢menu，鋪頭細細都成11-12款主菜，仲要一set包沙律前菜同日本飲品😳咁我揀左個鰻魚炒飯再加個關東煮，佢人仔細細，炒飯好有功架，唔洗10分鐘就搞掂！拎到返去都仲熱辣辣，炒飯多鰻魚又有鰻魚味，唔係啲普通鰻魚汁炒飯，加埋個自家製梅漬蕃茄勁開胃，一啖飯加啖關東煮湯！掂！咁夜都有好嘢食，個感覺勁幸福！一個人都清哂，雖然價錢有啲高但性價比高，會再叫🙌🏻

呢間便當外賣係由米芝蓮餐廳嘅廚師創立，主打高質日式便當，每個便當包埋前菜同日本直送飲品，仲有自家製果凍。記得要預先喺whatsapp 或者OpenRice落單，然後喺西營盤Feshlane 自取，Freshlane 係一個集中哂好多間餐廳可以自取食物嘅地方。前菜有4個選擇，分別係揀咗鮮牛油南瓜粟米、自家製梅漬蕃茄、日本枝豆以及大葉醋漬蘿蔔。飲品方便主要係日本Asahi-Wonda 咖啡以及日本Sangria茶及果汁。今次前菜揀咗鮮牛油南瓜粟米，牛油熔左，粟米完全吸到哂牛油，非常香。而主食要左柚子照燒雞扒便當，雞扒煎至雞皮少脆，配埋特製嘅柚子燒汁，酸酸地，鹹鹹地，用嚟撈日本珍珠米好好食。如果成班朋友/同事諗唔到食咩，可以考慮叫呢間嘅外賣送埋貨，港島區買滿$500免運費，九龍區滿$700免運費，而新界區滿$800免運費。

曾經試過Chef Phoebe深水埗cafe高質食物，知道佢於西營盤開了日式便當馬上去試😆買了外賣回公司食！1.海膽醬燒M5和牛便當非常有水準澳洲和牛牛味重，而且不會太肥，自製海膽醬淡淡酒香，海膽和牛絕對是絕配，一食停不了前菜漬蘿蔔好入味，開胃2. 鰻魚蛋炒飯同事非常喜歡偷試了幾啖好香好好味，蛋味足，飯炒得剛好，鰻魚大大粒甜品是自家製果汁果凍，太快食完沒影相非常推薦Let’s Bento，米芝蓮餐廳出來的品質保證whatsapp下單還有折扣

疫情之下習慣叫外賣西營盤呢間日式便當好高質👍🏻聽講廚師以前係米芝蓮餐廳做😱食咗幾次好中意分別試過海膽醬M5和牛便當，個牛好高質，配埋自家特調海膽醬好鬼邪惡😂個前菜梅漬蕃茄好入味，酸酸甜甜幾正，心機之作鰻魚黃金蛋炒飯好香口，炒得好乾身，粒粒有蛋香泡菜豬便當都好好味，夾埋送嘅溫泉蛋超正炸雞都好香口，個皮薄薄一層好脆，入面多肉汁好juicy住附近幾乎每星期都食😂雖然小店但高質過連鎖店👍🏻👍🏻👍🏻

香蔥鰻魚炒飯好夠鑊氣，十分惹味。邪惡海膽醬M5和牛便當自家調製的海膽醬十分濃郁，適合重口味人士。配上和牛、白飯味道岩岩好！便當配菜：醃漬蕃茄酸酸甜甜，十分開胃。沙律菜亦新鮮，不會有苦味。跟餐仲附送果凍同日本飲品，性價比高。另外仲叫左啲小食，都好有質素：日本流心芝士薯餅大大塊、好厚身。薯餅外脆內軟，薯味十足，入面仲有流心芝士，好好食！下次再encore！灸燒日本骨付腸不錯，入面有肉汁。整體而言，食物有質素，下次試吓其他款式！

我很少食便當，今日父親節，又唔想出街同人迫！就叫下便當啦，一家四口，有老有嫩⋯⋯(外賣自取)今日叫咗：大蝦味噌湯烏冬（高質）個湯好濃郁好香，配合一個很滑的烏冬，真係好好味，小朋友同老人家都喜歡。外賣盒好得，本人有點粗魯，返到屋企都冇漏湯！海膽和牛便當免費升級M9和牛，牛肉香口，仲有自家醃製車厘茄，好開胃，又有沙律，計落呢個價錢都係抵食。炒鰻魚飯估唔到咁香口，廚師很好，落單時要求少鹽，俾老人家食，真係好好👍仲好大份！和風小食特盛估唔到炸物返到屋企仲好香脆，個年糕福袋好特別。小朋友最開心有蘋果汁同啫喱食！好豐盛的一餐！