今助日本料理 (已結業)

星期三3點同個friend行行下有d肚餓，走左去今助睇下。 入面無咩人，唔需要等位就入左去。睇下個menu唔算太多choice，無咩小食，又見隔離檯定食份量都多，所以最後確定兩個人叫一個餐算。牛肉烏冬火鍋定食 $100 都幾抵，兩個唔大食嘅人都夠飽！第一次會食個前菜，俾左款青瓜俾我地，酸酸地，咬咬下辣辣地，幾開謂！牛肉鍋好足料，有隻蛋，另外又有金菇同蘑菇，湯底好甜！壽司有6件,帆立貝都OK，另外兩款就細塊左少少。

點了一款豬肉烏冬加壽司另外有碗汁，唔記得叫乜嘢盛之類。價錢係百多元。原來d豬肉係白勺仲有係已經變左有臭味😠。最初行近係貪佢冇乜人，唔洗同人迫靜靜地坐得舒服d，原來靜係有原因的。以後都唔會再去。忘了影相。

呢個午餐其實都幾抵食，唔使＄100 ,但係又有烏冬，又有壽司。我叫咗個牛肉烏冬，可惜牛肉有少少雪藏味，唔係太好食，不過烏冬同埋個湯底都唔錯，鍾意烏冬嘅口感彈牙。三文魚同帶子壽司嘅質素就不過不失啦，仲有個蒸蛋添，我覺得個蒸蛋係最好食，滑溜有蛋香。

 份量十足, 難怪開業多年仍然多人排隊﹗食物款式算多及新鮮，唯職員服務態度有待改善。天婦羅蝦牛肉火鍋 - 浸左有點淋套餐另上天婦羅, 外脆內軟, 正﹗壽司尚算新鮮套餐

我喜歡日本餐 因爲覺得份量唔會太多，很適合我。今日去到金助日本料理 吃他們的腐皮烏冬天婦羅壽司御膳，服務員端上的時候 就是這個樣子，欠了一碟天婦羅，希望快啲來啦。天婦羅來了，有兩隻蝦、番薯一片、鮮東菇… 等，可以啦。 烏冬吃彈牙，值得一讚。壽司就好一般。

今助日本料理 很差⋯的日本料理今日好勞動，想早一點吃晚餐然後回家休息。路經愉景新城便人內看看有什麼好吃的，推門行多幾步 便見到一間日本餐廳 「今助」便去試下。我叫了#13D 牛肉溫泉蛋烏冬天婦羅壽司御膳，個menu的圖片還可以，但一上桌便不像同一個牛肉烏冬，溫泉蛋穿了，食材又像不用心的放！我沒有 complaint ，只覺得下次不想再幫襯。他們的天婦又要後上，想影下全個盛盆的食物又不行。最精彩的來啦，烏冬加料，加了蛋殻，我相信這不是應該會出現的，我告訴店員，他説應該是打蛋是掉下去，這個我也知😓。 結帳時一位穿和服的小姐好像不太舒服的樣子，不願做似的。

平時假日一去愉景新城，次次見親依間店等位等到天昏地暗，所以次次我都放棄去另一間食，難得今日星期五閒日剛開鋪，冇人啊！唔使唸咁多，入左去先講！因我今次一大一小，服務員即俾兒童餐餐牌！有兩款選擇！服務員都貼心既見有小朋友即俾餐具，叫左野食等一等就到，首先精美既兒童餐有腸仔，布甸，炸雞，壽司同燈汁，仲有一份玩具任選一份！烏冬一啖就食晒，大食既小朋友需要食埋大人d小小烏冬先會夠飽！炸雞好脆，真係即炸！之後到我份午餐到啦烏冬其實同平時既店唔同，佢地應該係手做一條條出黎，同食落好彈牙！冇平時既店既烏冬整到原整咁一條，壽司入口即溶！魚生好新鮮啊！

這間日本餐廳第一次食！！這個定食好吸引，好靚，有天婦羅，刺身，湯，飯，十分豐富！！飯入面有些菇絲，肉絲，甘笋絲，笋絲，醬汁，也是好味又香，飯大大粒又軟蝦，三文魚，魚刺身，新鮮鮮味，天婦羅炸蝦，冬菇同秋葵，好薄的粉漿，好鬆脆勁大碗湯，咁係好濃同咸，幾鮮甜！滑蛋豬扒飯配烏冬，賣相討好，滑蛋看上去好好味。豬扒不算特別鬆脆，實了些，不過也是好味同唔肥唔油的，滑蛋加洋葱就好味，飯也是大粒的，唔會十分淋，份量也多。烏冬，初初以為係湯，有d米黃色的好似米咁，下面原來有烏冬，有些紫菜，味道不濃，烏冬滑身的，幾彈身！

一向很喜歡粗烏冬，呢間餐廳烏冬正是我所喜愛之一。今晚一家3口9點幾入座，食物保持水準，但服務態度比茶記更差。如果唔想客人太夜入座可以選擇提早關門，唔需要專登比氣客人受。特別是女經理，全程黑口黑面講野冇尾音仲大聲掟野，我以為自己爭佢好多錢。其實做得唔開心咪轉工，香港大把工選擇，唔好要人受你氣你又要受人氣麻。

本身個朋友好想食烏冬，咁咪入去食，一入去個侍應就咁指我地坐最近門口枱，跟住勁求其放低3杯熱茶，勁近枱邊，一野就會掃跌lor, 咁都算la,叫野食。3個人，兩個叫自選烏冬加個壽司飯咁，一個叫山野牛肉烏冬鍋。我個朋友唔食蔥，係咁提佢烏冬走蔥結果都係全部蔥。。。我個烏冬就發哂脹，一pat咁。。。個壽司飯算正常咁食壽司飯會落豉油好正常jei,佢個豉油壺無乜咁我叫個侍應refill一下，佢竟然答我仲有ar,唔洗refill,真係呆左lor,咁o既反應都有。。。其實我見到d侍應係咁自己傾計就勁開心，客人一叫佢地就黑面，又hea, d野又唔係好味，d侍應差都咁，我地以後都唔會再去。。。

今日好想食一個簡單的午餐，愉景新城的今助有個好吸引的健康午餐，腐皮烏冬壽司定食。這裏的環境不錯，服務員非常有禮貌，食物又好好味。這裏的烏冬做得好好，烏冬是源自日本的一種麵體，以小麥粉製成，原來烏冬粗細和長度有一定的規格呢！腐皮是我愛吃的食物，有豆香，有嚼口👍🏻。日式蒸蛋滑滑的，裏面還有菇等的配料，好味。 壽司的份量啱啱好有帶子、三文魚和鰻魚，一頓豐富的午餐好快就送到肚子裏🤗

最鍾意食牛肉烏冬鍋😋😋平時好少去荃灣愉景新城 去到見到呢間食烏冬既店 即刻拎飛🍜點左牛肉烏冬鍋天婦羅壽司併盤御膳🍱個名好長😂😂但都幾抵食 又烏冬鍋又壽司又天婦羅🍤大食仔點左有飯有烏冬鍋既定食😂唔記得左咩名🤡壽喜燒既湯底係甜既 唔係好多人岩食 但我地2個就好岩😋😋

黎都2017年最後一日，出去同老公食飯慶祝，可惜佢要返工，所以特登就番佢去咗荃灣度食飯，好處就係唔使太迫人，愉景新城食嘢嘅選擇都不是太多。今助喺旺角食過，我覺得唔錯，但係今次喺荃灣呢間就覺得一般。牛肉烏冬鍋天婦羅拼盤＄165，其實每次都會叫呢一個，因為咩都有啲，賣相我同旺角嗰間差唔多，可惜個天婦羅係微暖，好明顯都放左一陣，連整返熱嘅時間都慳返，壽司上面嘅刺身都不是太新鮮，最唔得嘅係個烏冬鍋，湯底勁甜，都明白係會落甜豉油，但係呢個就過甜，要一路食一路飲水。山海烏冬鍋天婦羅拼盤＄170，老公叫咗呢款，佢嘅壽司款式同我唔一樣，而個烏冬鍋係海鮮，上面有幾隻蜆，佢就覺得個湯底甜，都覺得旺角分店比較好。

週日與家中小鬼到 D • Park 玩了一個下午，做完車手再玩泡泡，吃畢晚飯才盡興返家。 今助日本料理在商場一樓，鄰近中庭表演場地及鯨魚花園，店內環境濶落光猛。翻過餐牌，頓時有點似層相識的感覺，不論菜式與餐牌設計，皆與平日常去的銀座藏人十分相像，令人聯想到兩者同屬同一集團。 滑蛋煮豬扒御膳內含刺身、蒸蛋、味噌酒粕湯及滑蛋煮豬扒。刺身鮮度食味中規中矩。蒸蛋挺滑，算有不俗水準。味噌酒粕湯確有明顯的酒香，與一般味噌湯口味不同。滑蛋煮豬扒以炸豬扒入饌，本應香脆，但因以汁浸煮，脆感難以保持。雖然豬扒有不俗的鬆軟感，但調味稍鹹需多加留意。 柚子味濃湯豬肉烏冬天婦羅壽司併盤御膳有三大亮點，分別是烏冬、天婦羅及壽司。柚子味濃湯豬肉烏冬與滑蛋煮豬扒一樣調味稍鹹。天婦羅有少許過氣，脆中帶實。壽司普通。 餐廳有兒童餐單，但美食往往不及玩具吸引。 整體而言，今助的食品只可算合格，但因座位相對闊落，又有兒童餐，都可親子同行。 ******************************泊車情報：******************************

今助日本料理叫咗個豬肉咩豆腐鍋會送刺身同一碗白飯刺身都算新鮮。但係最可惜係，我飲咗一啖湯就有隻大烏蠅飛入去！而個侍應話呢煲已經係最後一煲！但其實個時只係6點，但咩煲都冇，唔知佢之後賣咩啦。最後叫咗個肥牛烏冬，啲湯好咸，但係個味係唔錯既！仲有叫咗個滑蛋吉列豬扒，好大舊，味道都唔錯！佢間野都唔係平嫁，性價比唔好！