今助日本料理 (已結業)

星期六約左朋友食晚飯，佢想去愉景新城間今助，好啦，唔洗我諗去邊度食都可以Search 下openrice睇下食評有咩推介好食，點知。。。好多，即刻問朋友要唔要轉場，點知佢答我佢食過好多次好好食喎！好啦，當然信朋友啦！星期六晚飯時間我地等左大約半個鐘就有得入坐了。見到menu樣樣都想食，朋友推薦我食山海老烏冬set($170)，佢話來一定要食烏冬，入要有鍋燒烏冬，天婦羅，同壽司，壽司就一般啦，但個烏冬湯頭好好味，烏冬又係qq的，配料又多，天婦羅都好好食，蝦炸得好好，成條連尾食曬，美中不足係飲品無乜選擇，都係汽水來。下次會再來的

入到愉景新城周圍都係人排隊食晚餐見到呢間少人少少於是行入去大約係八點鐘食等左大約15分鐘就入得去環境都算寬闊坐得都唔錯幾舒服一入到去侍應就比menu我哋仲斟茶俾我哋但啲茶淡到就好似同水冇分別😣我哋各自叫咗一客定食餐入面有好多唔同嘅嘢食👍🏻有壽司或者刺身第一幅個個有蒸蛋好好味呀👍🏻牛肉粒口感算唔錯刺身雖然唔算得超新鮮💦但仍可接受💤麵豉湯都係一貫水準第二幅圖個個烏冬咬口好彈牙（推薦嚟呢度食烏冬）👍🏻😆湯底濃郁🥰今餐食到好飽 👍🏻下次會再黎

前一陣子去了日本旅行，吃了很好吃的烏冬。這天和朋友逛街正在找午餐吃，看到這間料理店好像是主打烏冬的就來試試！先說說朋友點的午餐，冷烏冬超彈牙，口感很好！碎拖羅魚生飯相對來說很普通。我點的是原味腐皮烏冬壽司套餐，熱食的烏冬和冷烏冬比較起來沒那麼彈口，但是口感也不差！腐皮我覺得不錯，不過可以再甜一點，可能要遷就香港人口味！午餐送的壽司，以及茶碗蒸和朋友的魚生飯一樣也是很普通！畢竟這間店不是主打刺身壽司類！

下午跟朋友來了今助食午餐，因為平日關係，會有一些午餐套餐選擇，可供選擇的配搭也很多。如果女仔食，正常食一個烏冬已夠飽，份量都夠，所以沒有叫套餐。烏冬幾好食，好彈牙，而天婦羅炸蝦都爽口彈牙，食得出係新鮮。其他材料都幾好。但唯一係價錢方面稍高。一個烏冬連加一差不多一百元。如果對一個打工仔來説午餐這個價錢就有點貴。其他午餐套餐埋單加一也要$120。如果係套餐，大多配壽司六件，要食量大一點的人才可以食得曬個餐了。

行畢「南豐紗廠」走過對面 D-Park 商場，入口行無幾遠就是「今助」都晚飯時分了，就攞飛排隊等候一於食個日式料理晚餐。🥢海老🍤天婦羅炸年糕撈烏冬 $75自家烏冬好有嚼勁口感不俗，天婦羅炸得乾爽不帶油份👍，年糕軟糯夾醬汁同食不錯。🥢牛肉烏冬鍋刺身天婦羅御膳 $155壽喜燒湯底甜味，勁多肥牛肉，天婦羅有蝦、蕃薯、辣椒同茄子，除了炸蝦有點苦味其他尚算可以。補充上面的海老天婦羅🍤沒有苦味，可能兩款蝦有所不同處理方式！加一服務費$253，有什麼服務就是沒有什麼...🤨

Happy Friday 就緊係出街搵好西食啦！愉景新城確係一個唔錯既選擇. 今次就去左今助，雖然成日去愉景，但食佢都係第一次，因為覺得佢的價錢唔算平.7點去到已經有9成入坐率，好彩地2個人獲派了4人枱，可以輕輕鬆鬆唔會太有壓迫感我地叫左廣島生蠔味噌鍋御膳$170，同單㸃了一個北海飯$85賣相好吸引，但實質就唔洗有下次啦，首先講個set, 黎到就已經覺得原來冇乜野食，主要都要靠食飯，烏冬同埋煲雜菜填飽肚，而主菜蠔就得果4-5隻. 淥完出嚟就變左個笑話啦，究竟咩原因隻蠔會變左手指公咁大呢唉⋯⋯ 都照食啦，不過老實唔識都冇損失囉.另外個湯底都係偏咸了至於個飯，要留意啦，帶子係生的但三文魚就係熟架喎（落單時服務員已有說明）碗飯味道係ok 既，不過食到入中間d飯就開始有問題啦，中間d飯係一餅咁，就好似啲冷飯雪完咁樣

第一次寫食評！真係唔寫唔得！叫左個鍋烏冬同冷烏冬set，全部可以用「極極極極難食」黎形容！冇錯，係全部！飯、烏冬、燉蛋、面士湯、性價比低，你收得我差唔多$200一個人！e個價錢以為有驚喜，點知。。。求求搵間都好過佢。有錢食其他嘢好過啦！！冇服務算啦！卑d野人食呀！我地只食左小小剩一大半！冷烏冬：圖文不符，圖係粗烏冬，黎到係好似河粉咁的野！睇都唔開胃，一pat野咁！睇樣就已經知「伏」。。。冷烏冬講求口感彈牙，佢果d食成pat野！唔好話彈牙口感，一pat pat。。。我都唔知係咪食緊麵糊。。。個鍋又係。。我都冇心機野咁多字！「強烈唔建議食」。。。完！

Weekend 晚餐二人行，點了一客自選定食和一客有天婦羅的定食。眼見其他枱冇乜食物，心知不妙。等了廿分鐘都未黎，隔離遲叫都黎埋。催了一下，黎左自選定食。三文魚幾片極樣衰，個火煱鹹到爆，已經冇心機食。另外一個再催，話係要咁耐，串到爆，冇去廚房跟。定食分開俾左飯先，跟住天婦羅分開三次上，話炸唔切，一兜兜仔咁上。又係淋既食物完全唔合格，員工態度極差，應該係乜都唔埋，廚房出餐冇次序，講炸唔切都夠膽死。執到錢都唔再黎！！

呢間餐廳服務簡直係垃圾級，下午四點去到攞完籌，眼見一台台客人離開，枱亦執好。明明只有三個人等但吉枱有五張以上，起初以為待應忙於跟單未及安排，點知等左半個鐘待應都未安排。明顯待應係唔想做野等你等到唔耐煩自己走，可以做小啲野。絶對係垃圾級。

難得朋友升職請食飯，特地選揀日本菜食下，無想到食完會有立即寫食評的衝動我叫左份烏冬定食加三色刺身。首先個烏冬上既豆苗菜好老，令我有種牛嚼草的感覺，整個烏冬湯底偏咸，壽司略硬。而令我最無奈的，就係個三色刺身，份帶子未完全溶冰，食落沙冰的口感，我當場呆左，我又無催單，點解要趕俾未完全解凍的食材給我此外揮手找侍應添茶，近門口的侍應一係唔記得，一係扮見唔到，叫左4，5次才加到，真係趕客。這店唯一賣點就只有座位闊落，適合一家帶小朋友食囉，不過食物質素就...

暑假期間，下午放飯時間多咗家長帶小朋友出嚟玩同食lunch，周圍都好多人排隊，見到呢度唔洗等位，所以就二話不說入咗去。·🥢 牛肉烏冬鍋 + 六件壽司定食（$100）個鍋有唔少牛肉同烏冬，烏冬好煙韌，牛肉幾薄身，仲有金菇、冬菇同蛋，成個鍋都好濃味，味道偏鹹，食完會有口渴嘅感覺。·總共有3款壽司，每款有2件，正常size，但可惜刺身唔太新鮮。·食物質素一般，本身唔算特別抵食，另有加一收費，價錢與質素不太相符，唔太值得。

雜錦豬肉沾汁烏冬（麵豉汁）- 麵豉汁偏甜，咪道像中式海鮮醬，看到白芝麻但沒芝麻香- 烏冬條厚身扁平，外表岩岩巉巉，煙韌彈牙- 豬肉片嫰滑，咬下去滿口肉香- 天婦羅紅蘿蔔及山芋條不脆口，偏煙韌，略油- 青辣椒仔及蔥花均味淡，前者不辣，後者不夠香- 溏心蛋過熟，蛋黃不流心

假期帶住小朋友，最方便係去荃灣D Park，小朋友有得玩，行街又舒服，食野又方便！玩到攰坐低左食日本料理！食物種類多，有飯，烏冬不同配撘！點左碗手肉烏冬，配左個日式蒸蛋同壽司。蒸蛋好滑，底度有粒雞肉同半隻蝦😅，壽司不過不失，始終唔及壽司店好食。另一個燒鯖魚，因要燒既關係等得耐少少，份量都好多，有幾片魚生同一小碗烏冬。鯖魚比較鹹。魚生片係薄片，都係不過不失啦！烏冬都係比較鹹！整體黎講味道一般😓侍應服務態度都係一般。

今晚就同媽子去撐枱腳 佢想食日本野 我地就上網搵到呢個荃灣今助日本料理！點知就中伏了🧟‍♂️🧟‍♂️牛肉鍋烏冬係okay既🧜‍♂️ 牛肉份量又多 不過整體偏濃味🧜‍♂️🧜‍♂️ 食完超口喝。。🧟‍♂️壽司唔得。。無鮮味既🧟‍♂️🧟‍♂️個北海飯簡直有啲難食🧟‍♂️🧟‍♂️ 熟既三文魚碎好腥 又無咩調味🧟‍♂️🧟‍♂️ 貌相好睇而已 帶子又唔鮮甜🧞‍♂️🧞‍♂️成餐係得個牛肉鍋烏冬好啲。。

其實一入門口嗰個帶位已經唔係咁好，坐低咗，叫左2個set，2個都等左25分鐘都未嚟，問個侍應點解啲嘢咁耐未到，隔左一陣另外一個set嚟左，但啲嘢全部都係凍嘅，湯烏冬就唔夠熱，刺身就唔夠凍，都唔知想點🔥連個天婦羅都係凍嘅，而另外一個set就同我講係賣曬，但又唔早啲通知我，等我呢個大肚婆白白等咗廿五分鐘，要我問佢先講，仲要我見到廚房入面嘅人對住客人企喺度食嘢，價錢絕對唔平，但就咁嘅服務，一定冇下次…😡🔥