仁芝初

营业中

休息中

🍴熱香滑芝麻糊加湯丸3 粒 34 蚊😍用個大碗裝住夠細心 因為芝麻糊易倒瀉 又易上色 個芝麻糊應該係自己磨 好香滑 芝麻味香 加湯丸都好正 外皮夠 彈牙 入面芝麻應該有炒過夠哂香 呢個好味🍴楊枝甘露 38 蚊😍夠凍 甜度適中 個糖水底 正常甜 入面既芒果夠香甜 仲有西柚同西米 都新鮮 整體唔錯#糖水 #甜品 #楊枝甘露 #西柚 #芒果 #芝麻 #湯丸 #芝麻糊 Score 平均分< 7.6/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#仁芝初 旺角通菜街2q至2z鴻輝大廈地下06 鋪~~~~~~~~~~~~

一間在旺角女人街新開糖水鋪。店面比較細，而裝修都簡單，用灰色做牆身再配木系風格枱櫈。夠薑蕃薯糖水平時大家食既嘅薑汁蕃薯糖水都會食到濃濃薑味，有薑辣感刺激喉嚨同食道，但呢間薑汁係超超超超超濃同勁，味道入口係激辣，個人真係唔係幾受得味道咁勁，不過如果鐘意食薑嘅朋友可以一試，如果冬天食真係可以一啖驅寒。另外蕃薯好夠甜，不過薑汁味道遠遠超過同遮蓋蕃薯味。價錢上就真係略貴要$26。店舖如果可以推出不同薑辣程度夠薑蕃薯糖水比客人揀就更佳。

對上一次出嚟旺角食飯已經喺年初細佬嘅生日飯，一來覺得旺角太多人，二來由於疫情關係，就更加避咗啲人多嘅地區。今次若非出嚟旺角買嘢，恐怕都未有過嚟呢邊嘅機會，完成任務，經過這家糖水鋪「仁芝初」，覺得個名幾得意，加上晌門口睇睇，賣嘅都喺較傳統嘅糖水，定價又算相宜，就食碗糖水先走。其實，晌門口已經睇到內籠唔大，都喺十零個位，查實食糖水嘅人流轉數快，加上會有唔少外賣生意，都真喺唔需要太大地方。實際上，主要都喺二人枱為主，最有趣相信喺店主啲英雄模型珍藏，放咗唔少晌牆上，驟眼睇真喺唔似糖水鋪。小弟就幾鍾意佢哋張餐牌，面頁嘅灰底暗花好有本土味，都喺日常見到嘅物件；而內頁嘅糖水款式，全以手繪出各款糖水，且畫得甚像真、甚有個性。冰糖燉木瓜 $28秋風起，有啲涼意，想潤啲，就試咗款燉木瓜，不過，講真吖，賣得$28都唔會真喺燉出嚟。然而，入口糖水嘅感覺都算清潤，又無過甜，而木瓜味道清甜，確喺秋涼嘅佳選。蛋花馬蹄露 $26好耐無見過呢款懷舊嘅糖水，所以，買碗返去俾老婆試試，再者，外賣有9折嘛，而外賣非用膠碗，而用上較環保，但成本較貴且嘅紙碗，抵讚。至於個糖水，蛋花打得靚仔，馬蹄又切成細粒，爽口清甜，都好食。依家

自己本身鍾意食傳統中式糖水 見呢間新開多好評就試吓嗌咗一碗蕃薯糖水（只有熱揀） 一碗熱嘅生磨合桃露本身自己其實要求都唔算高 但有一樣好基本好基本嘅嘢 發覺超過七成食肆都做唔到 就係啲食物上枱唔夠熱！😪咁樣講得 就代表呢間糖水舖都犯咗呢個嚴重低級錯誤😪兩碗糖水上枱個碗係熱嘅 但攪勻入面就係和暖 所以我有啲懷疑係翻叮先會咁😪外熱內暖對於熱嘅傳統糖水我expect佢係會有一定嘅香氣 但如上述所講 因為佢唔熱嘅 所以亦無所謂香氣可言碗蕃薯糖水 啲蕃薯暖都稱唔上 係室溫 無甜味 似煲完湯嘅湯渣 食之無味 棄之可惜 而薑糖湯底就偏澀；合桃糊 我自己就唔太識分係溝粉定真係「生磨」 但因為唔夠熱無香氣呢點已經扣咗一定分數 而唔夠食食落口亦相對會大打折扣 一啲都唔「糊」 好稀 應該稱之為「合桃水」 唔係 我甚至食唔出有合桃味... 整體完全唔合格 唔會再幫襯了 好差好差

旺角的甜品店一向好多選擇，但係只係做傳統中式糖水的相對比較少，可能因為大潮流出街食嘢好多時要揀D打卡igable能力高的地方，所以做D比較平凡低調仲要傳統的相對係好難吸引人。不過最近發現咗一間甜品店，真係貴精不貴多，位置係旺角女人街，佢哋只係做中式糖水，Menu 一入頁已經一見睇曬，非常簡潔清楚。之前佢哋剛試業期間已經試過買外賣返店食，試左佢地的芝麻糊 & 楊枝甘露，兩款都好味道。今次決定收工後去堂食，老公揀左🍀合桃露🍀，我就揀左🍀杏仁露🍀我兩款都有試，吃起來很香，質地又細滑，睇得出小店係好用心製作。我真係好欣賞老闆係今時今日嘅社會，仲努力去保存傳統中式糖水🙏真心值得推介❤️

為左避雨而路過，見到門口有花籃新開張，點知咁就比我意外發現左呢間品質糖水小店。由於真係毫無準備，所以只係隨意買左碗楊枝甘露諗住解下喝，竟然有意外驚喜。好耐都無食過滿意嘅芒果，最近食左一次“許×ד，啲芒果淺色勁酸，超失望。加上早幾個月都係“愛文芒“嘅季節，難得今次可以食得返呂宋芒嘅味道 (未fc)。汁底唔太甜配上少量紅柚肉，恰到好處。員工都好有禮貌，帶住口罩都睇到面帶笑容，話唔定係老闆。不過下次一定要試下佢啲傳統糖水至得，希望唔會令我失望

其實中式糖水係一樣幾特別嘅嘢，後生時唔識欣賞，去到某個年紀反而好鍾意。經過呢間專賣中式糖水嘅「仁芝初」  ，主打自家手工糖水，就買咗兩碗外賣返屋企試吓，份量都幾多，每款都分到兩碗。芋茸蓮子西米露$26（芋圓+$8）芋茸口感綿滑，芋頭味道香濃，真材實料，粒粒軟綿嘅蓮子同煮得通透嘅西米露令到口感更加豐富。不過芋圓就比較硬，有進步空間。木瓜燉雪耳$28. 木瓜燉雪耳非常滋潤，啱晒而家轉季嘅天氣。甜度啱啱好，主要係木瓜嘅香甜，飲落清潤養顏，雪耳軟滑容易入口，口感好好，唔錯唔錯。

唔知道 多唔多女仔好似我咁😆食完飯 就算幾飽都好，都梗係要食多碗甜品，先至會特別開心！聽講旺角通菜街呢頭，新開左間中式甜品舖 ～ 仁芝初趁今日同奶奶食完飯出嚟，就梗係要帶佢過嚟買份外賣返去試下！😊❤️白果薏米腐竹加芋圓～奶奶指定甜品，腐竹味夠濃，有白果、薏仁，熱食滑溜，建議好似我咁，加芋圓，同腐竹味好夾😊❤️百合香草綠豆沙加番薯～呢度嘅綠豆沙好似去晒皮咁，食落冇乜渣，非常之滑，而且仲落咗好多百合，非常足料❤️芋蓉蓮子西米露加湯圓～之前食過嘅芋頭西米露，都係一粒粒，第一次食將芋頭磨成芋泥嘅，估唔到咁樣食落，芋頭味會更突出，令我喜出望外！

今日同寶寶出咗來旺角呢邊行街，行到四五點左右已經好肚餓了～～但又未到食飯時間，又唔係咁想食街頭小食咁油膩，於是就去咗食中式甜品❣️第一次食糖水做下午茶😜選擇唔算話非常多，全部都係一啲好傳統嘅中式糖水💕 幾懷舊feel🤓白果薏米腐竹（熱）$26熱辣辣❣️好啱而家秋涼天氣食👍🏻啲腐竹煲到溶晒，入晒味，白果➕薏米都唔少，幾足料❗️芋蓉蓮子西米露 （熱）$26一樣係非常足料❗️勁多西米 😍芋頭味香濃又夠粉💕食晒有啲唔夠喉，所以我哋再加咗幾粒湯圓當小食😆食咗幾粒之後，覺得比起在超級市場買嗰種多咗一份滑溜感，同埋糯米皮更薄👍🏻所以臨走時仲買咗一pack 返屋企😜芝麻味生湯丸 $48

試業期間，人不多，環境本身舒適，人少又更適合同朋友食少少野、吹吹水。試了熱的白果薏米腐竹糖水，足料，味道濃又唔甜，白果同薏都煮得好軟，而且上枱溫度岩岩好，唔會太熱，但食完仲有餘溫，份量都滿足。

同朋友下午行去旺角，見到有間糖水舖，膽粗粗入去試下啦。朋友喺門口等佢（老闆娘？反正係女人）量溫度。嘩，態度差到。大佬，鬼知你量手心咁搞笑咩，你唔出聲，咁我哋咪企喺度囉。仲要黑我哋面🤷🏻‍♀️。到叫嘢食嗰時，又係X晒面咁。多謝晒你喎，俾我咁XXX入左嚟。又可能係嫌我地阻住佢打機。叫左燉蛋、芋茸西米露同紅豆沙——難食！燉蛋唔滑同過甜。芋茸西米露好稀，冇芋茸，得少少西米（真係好少⋯）紅豆沙，朋友話佢唔識講有幾難食。我哋食左一啖都無言，但係本住唔好浪費都食完。食完覺得真係太甜，想問佢攞杯水沖一沖口。Sorry，我哋諗多左🤦🏻‍♀️，糖水舖係冇水嘅。到埋單，係搶張單過嚟，sorry，我見冇咩客諗住正常速度，唔知你咁趕收錢。自然，全程X晒面。理解唔到點解前面咁多like，不過我同朋友們一致認為：no thank you!

諗住今日係中秋節買碗糖水食下開心下我叫嘅係凍合桃露加湯圓外賣9折左所以33元，其實我都已經等左20分鐘左右有少少唔耐煩，但係我原諒佢嘅湯圓可能需要時間整熱，所以我都無出聲有另外一位都係等外賣嘅就叫左紅豆沙，我同佢嘅外賣係一齊出嚟嘅，咁我拎咗之後一心諗住番到屋企有得食啦，點知一打開竟然係紅豆沙但係佢個盒蓋上寫住嘅係個合字送左個湯圓比人食都算，仲要我哂時間等你碗糖水我都已經唔話你間舖無乜糖水比人揀，包外賣都未識包就唔好接單啦，唔該

昨晚係旺角同屋企人食完中秋飯， 大家都覺得好飽，但又覺得好似仲有d野未做， 我就話係咪未食糖水呀！大家都話係 😁，我就提議買回家食， 之後就係附近睇下有咩糖水店， 比我見到新開的仁芝初。入到店感覺光線分明，放左好多Marvel 野幾型， 我睇過餐牌後決定買， 熱蓮子陳皮紅豆沙加湯圓，凍蛋花馬蹄露，凍木瓜燉雪耳，回家嘆。話說黑雨☔，我都驚拎回去時會 倒瀉，但返到家一睇竟然冇事，佢地的外賣碗夠實抵讚。味道上， 紅豆沙甜絲絲起沙， 芝麻湯圓好軟糯， 馬蹄露蛋花很多， 新鮮馬蹄夠清甜， 而木瓜燉雪耳夠哂滋潤， 木瓜大大件超足料。

旺角新開咗間中式糖水店，選擇唔少，而且價錢又唔貴。呢日外賣幾碗同屋企人share👨‍👩‍👧。.🥣生磨滋潤杏仁露 $28杏仁露滋潤美肌，啱晒女仔🧏🏻‍♀️。杏仁味香濃唔會死甜，成碗都好香滑。.🥣芋茸蓮子西米露 $26呢款好出色！少少稠身而且芋頭味極香濃，食得出夠晒多芋茸。但同時又食到椰汁嘅香滑，口感一流。西米仲粒粒分明，比起自己煮嘅好食得多😆。.🥣木瓜燉雪耳 $28木瓜雪耳夠滋潤。木瓜夠熟，又腍又甜，加上冰糖輕輕調味，整體清甜可口。仁芝初 (旺角)旺角通菜街2Q-2Z號鴻輝大廈地下6號舖

現在的糖水店大多是賣新穎款式的糖水，舊有的中式糖水反而愈來愈少了。今日難得在旺角找到一間，餐廳還在試業中，一律九折，所以就外賣了幾碗回家享用。餐廳地方不大，只得數個座位，裝修簡單，店內放了很多MARVEL 擺設，應該店主的喜好吧。餐廳選擇不算多，主要賣舊式中式糖水，是老闆自家手工製，每日新鮮製造。鍾意他們的糖水不會死甜。外表白雪雪的白果薏米腐竹糖水，低卡健康，腐竹煮得溶溶的，溶得像豆漿般的口感，令糖水多一份豆香味，薏米白果煲得淋身有咬口。芋頭西米露食得多，芋蓉蓮子西米露就第一次食，鍾意海量晶瑩剔透的西米，用上芋蓉來煮，令糖水比較濃稠幼滑。滋陰潤肺的木瓜燉雪e，木瓜夠淋身，甜度剛好。