仁芝初

营业中

休息中

買咗個外賣芋頭西米露。又淡味又非常小西米。成碗野淡茂茂。如果收成$28真係唔值囉。在場仲聽到佢係咁叫坐低嗰啲人5分鐘後走。因為有限時。 大佬呀你一早話俾人聽你有限時啦人哋坐低叫咗嘢俾咗錢就叫人走呢啲叫冇品。一定不會再幫襯😡😡😡😡

係旺角同朋友食完晚餐，諗住食翻個甜品先走，但係又唔係好想食雪糕果類，於是揀左呢間仁芝初。佢主打中式甜品，好似芝麻糊、腐竹糖水、紅豆沙、綠豆沙呢啲咁，但係今次試既呢幾款都令我有少少失望🙁1️⃣合桃露拼杏仁露（$28）雖然係雙拼，但係合桃露既存在感極低，唔係好食到合桃露既味，杏仁露幾乎覆蓋曬個合桃露。杏仁露既味道係唔錯既，不過都係偏淡左啲，質感偏水。  2⃣️合桃露拼芝麻糊（$28）呢款比較食到合桃露既味，我自己幾鍾意合桃露既味，幾香，不過合桃露同芝麻糊都係偏淡偏水...芝麻糊唔夠滑，仲食到啲乾左既皮。  3⃣️白果薏米腐竹（$26）呢款質感係稠啲，但係冇乜味...好似得少少甜味咁，食唔到啲咩其他味。個底有啲薏米、白果咁，但係都係冇乜味。  

晚上喺旺角食晚餐，因為太鹹，所以搵糖水食中和返味蕾。經過間糖水店 (仁芝初)，見得一檯客，驚有伏，但因為之前食嘅嘢實在太鹹，所以入去試下。舖頭啲糖水選擇有限，大部份係中式傳統糖水，得少數新款的 (例如楊枝甘露)。叫咗一碗芝麻糊和杏仁糊雙拼，同埋一碗合桃糊。兩碗糖水甜度都適中，唔會太濃或或太稀，水準係中上。

🥣要知道紅豆係好難浸到軟稔既食材，有時浸足一晚都仲係硬過石頭🗿。呢碗蓮子陳皮紅豆沙亦相當可惜，煲唔出「沙」既口感，同埋食唔到咩陳皮味🥲🥲(我本身諗住養生食幾塊陳皮落肚架嘛🤣🤣)。另一方面又咁睇，十分欣賞佢甜度適中，唔會甜到面容拿埋一舊👍🏻蓮子份量亦相當多，煲到熟哂得黎又唔到冇左本身既質地。🔸🔹🔸🔹🔸🔹🔸🔹🔸🔹🔸🔹🔸🔹🔸🔹🔸🔹🔸呢間主打中式糖水，個餐牌整得相當可愛☺️如果有下次，會想試下佢既雙拼，會拼肥仔芝麻糊同杏仁糊，睇下夠唔夠原汁原味🌝🌝🔸🔹🔸🔹🔸🔹🔸🔹🔸🔹🔸🔹🔸🔹🔸🔹🔸🔹🔸順帶一提，平時周末黎都通常要排下隊，今次撞岩晚飯時間去就冇人排隊仲好多位坐。點解呢？因為啲人全部去哂食晚飯嘛🌝🌝

第一次寫食評，因為真係好難食。聽說呢間不錯，行完旺角，買飯後甜品返屋企食。結果非常失望，只係叫了最普通的芝麻糊和椰汁紫米露，芝麻味同紫米露好淡味，唯一美中不足說是不甜。不會再幫襯。

呢間有特色嘅糖水舖位置幾就腳，好近旺角家樂坊。小店主打多款傳統糖水，今次我哋點咗呢兩款人氣甜品：楊枝甘露裡面有大大舊的呂宋杧果肉，濃濃果香非常清甜；啲台灣柚肉好鮮甜多汁，整碗足料糖水絕無欺場Mango Pomelo SagoSpoonful of sweet, creamy with citrus tanginess, this traditional cooling dessert is fruity & refreshing with chunky mango cubes, juicy & sugary pomelo and bouncy sago pearls 芝麻糊師傅把芝麻炒香，芝麻糊煮出來的質地很稠厚，芝麻味香濃且不太甜，+$8有3粒煙韌的芝麻湯圓，呢碗糖水大大碗，啱晒兩個人sweet住shareBlack Sesame Soup with TangyuanAromatic & nutty fragrance came from roasted sesame; thick, silky smooth and creamy in texture, this nourishin

星期五晚飯後，來到“仁芝初”，拎了飛行開一會，再回來，已經錯過了我們的號碼😥。但老闆娘超好人，不想我們等太耐，立即安排了bar枱給我們☺。本來bar枱不開放的。之後點糖水，上糖水效率都快。結帳時，老闆娘再次多謝我們光顧，稱好希望我們坐得舒服，但又不想我們久等，只好安排bar枱。完全感受到她的熱誠💛。其實坐bar枱我們都絕對舒服的。糖水方面，大大碗，甜度剛好。吃得出不是沖粉，而是磨出來的。非常滑，亦吃得到合桃杏仁的微粒。欣賞👍 芋蓉蓮子西米露，粒粒芋頭，細粒西米，好有咬口，入口香濃。🥣 芋蓉蓮子西米露 $26🥣 香濃合桃露併杏仁露 $28

路過入去食碗糖水休息下，登記完有個阿姨叫我隨便坐其時拍牆有5張2人枱，最左同最右都坐左人我就坐最中間果張，一坐低呢位阿姨就叫唔好坐，話你一係坐左一係坐右，連枱要留返比4人時拍埋，咁我只好移動但是如果你一開始咁諗，做乜又叫我隨便坐？揀完又唔比坐，你一開始安排咪得？態度又唔好叫左碗核桃露溝杏仁露，味道無乜特別，咁我就慢慢食食食下呢位阿姨又無啦啦走黎話「因爲出面有人等，我地而家限時30分鐘，你仲有5分鐘」真是令人又驚又怒，入座時從未提過有時限這回事，無啦啦走黎話限時，仲要係30分鐘，而且「仲有5分鐘」？我考緊公開試？你突然話乜就乜？有無離譜d？！係真•趕客wo！咁惡劣的待客態度，好食到識飛都無用！何況只是普通的中式糖水，實在建議大家不要花錢買氣受。

見間野貼曬報紙話喺師出佐敦某某出名中式糖水舖，心諗有某某六七成水準都收貨，試咗紅豆沙同芋頭西米之後大失所望，紅豆明顯煲唔夠耐，完全無起沙仲硬身，失敗，啲蓮子又硬又無浸糖水，更加失敗，西米明顯煲過頭又無過冷河，未食己經溶曬，失敗中嘅失敗。總括嚟講，水準得某某兩成。唔知喺學師不足，定人地唔肯傳受秘方。下次寧願搭幾蚊車食佳佳。

食完飯9點鐘又仲有D時間搵下有無糖水鋪，見到呢間仁之初，咁岩有位就食埋先啦除左楊枝金露外全部清一式中式甜品，岩晒！合桃芝麻糊-$28呢個係老拍檔，多年我最愛的組合，合桃香同芝麻香撞埋出來就係好食，食得出唔係用粉開，熱食很不錯👍合桃露紅豆沙-$28紅豆沙味比較突出，搶左合桃露少少風頭，紅豆大粒有咬工，夾雜左其他好似咋咋的豆類，口感豐富，可以一試薑汁芝麻湯圓 -$26薑汁糖水超濃味，鍾意薑的朋友一定收貨，湯丸QQ,皮唔厚，芝麻料足，好食下次想食中式糖水我除左佐敦佳佳，都會再來呢度幫襯👍

家住廣華街， 以前想食有質素的中式糖水， 基本上就要行去朗豪坊。 自從發現仁芝初後，想吃糖水直接到仁芝初就可以了。至今已嘗試了紅豆沙和芝麻糊，吃得出是用心做糖水的。芝麻糊不是用豆粉整“杰”那種，真材實料。紅豆沙帶阿皮香，而且有起沙。我今次是買外賣回家吃，上次在店裡吃， 覺得店面乾淨舒服。 那位相信是老闆的女士，客人離開後馬上清潔乾淨，一點也不馬虎。本身是一個很懶寫食評的人， 這次真心希望這些質素高的小店能夠做得住而寫下這篇食評，希望大家都會欣賞這裡的糖水。

呢間中式糖水舒服企理叫左香濃合桃露同埋白果薏米腐竹糖水香濃合桃露磨出來 食到一粒粒食完會好飽😂😂😂白果薏米腐竹糖水都足料唔會太甜可能堂食空間有限 限時食半個鍾食完就要走😂😂 有啲趕唔可以話預同frd慢慢坐低食😂

同朋友喺旺角一帶食完lunch，成身熱辣辣咁，諗住食埋糖水先夠爽夠完滿。上OpenRice見到呢間食物同環境嘅相好似都唔錯，而且近近地就入左去試下。入到店舖時都發覺店唔太夠冷氣，不過都明可能外面天氣實在太熱可能冷機未必夠勁，諗住坐下會好d，之後見到頭頂冷氣未開哂，都嘗試拼店員處理下，但問左兩次店員無乜反應就算。點左楊枝甘露($38)再加芋圓(+6)，甜品嚟到時都賣物一般唔太吸引，食落口味道更一般甚至係難食。首先都係溫度嘅問題 - 甜品唔夠凍已經係大罪，而且唔夠味，食落似係因加左冰而令到甜品淡咗，芒果份量算少，西米同其他配料嘅分布唔算係均勻。而值得一提嘅係芋圓整得相當冇誠意，煮得唔夠通透，令粉太過結實完全唔夠入味，伴隨一齊上嘅薑水都冇乜味太淡。令到成餐一路食都完全冇消暑嘅感覺，反而係越食越熱，完全違背咗食糖水嘅原意。你話如果係價錢好平都尚可以接受，但係如果呢個價錢配上呢個環境再配上員工嘅呢個態度，呢間店可以話係完全唔合格。如果keep住呢個質素相信不久嘅將來都見唔到佢係呢間條街。

先說食物我點了熱木瓜雪耳糖水味道正常 ！只是還有吉枱 沒有心理準備下45分鐘就被趕說我們已坐過了30分鐘～是否應入坐時說明比較好呢！真不知道進食時間只有30分鐘！完

要講經典中式糖水，旺角試過呢間真係夠滋味，主打多款傳統糖水，懷舊手法自然更加多回憶👨🏻‍🍳🥣核桃雙拼芝麻＋湯圓 $28+8/3粒濃郁核桃更可補補腦😜芝麻晶瑩有光澤，手工磨製果然特別醇香。香濃經典，一定係我呢啲老人家最愛~店主炒香之後再浸水生磨，4-6個鐘嘅辛苦製作，果然特別滋味。🌰核桃雙拼杏仁露＋蛋 $28+3呢碗嘅杏仁味比較重，食落有沙滑質感，甜度啱啱好~個底會見到大小不一嘅杏仁碎，自己磨更正宗😍保留香港獨有糖水文化，中式糖水店懷舊風滿滿👍🏻