仁芝初

营业中

休息中

🥢平民價$27起傳統滋潤中式糖水芒果紫米露🥢喺旺角完飯想食個甜品，搵咗幾間原來宵夜時間的甜品店都爆滿，目測超過十個人以上等位，最後經過搵到一間專賣中式糖水的小店，唔洗洗等好耐就有位，而且價錢都幾抵食最平$27 蚊就有交易🥢芒果椰汁紫米露$36本身想叫楊枝甘露嘅但係冇貨,因為都好想食芒果所以就叫咗呢一款,芒果肉超甜，紫米煮到軟硬適中，少少椰汁香🥢蛋花馬蹄露 $27馬蹄露質地非常之濃稠,好似食糊仔咁馬蹄露呢款甜品好多地方都係夏天限定提供,不過咁杰的質感好唔好食，好睇個人口味🥢蓮子陳皮紅豆沙$36 +芋圓$+$9見再加$9 芋圓粒粒只有兩隻顏色,綠色及紫色，顏色唔係太豐富,感覺普通🥢香濃合桃露拼芝麻糊 $29正常發揮的中底糖水，不太大驚喜🥢價錢來講都算幾抵食，同埋唔使點樣等位等得太耐嘅話想快食一個糖水可以選擇呢一度味道就正正常常冇乜特別大驚喜，普普通通好標準嘅香港中式糖水嘅味道,可以一試📍 仁芝初 (旺角)旺角通菜街2Q-2Z號鴻輝大廈地下6號舖

之前已經食過仁芝初嘅芋茸西米露，今次第一次寫好評！因為好鍾意食芋頭，所以一向都會嗌芋茸西米露，冇特別留意可以雙拼。見到Menu上可以嗌雙併咁就試吓加埋白果薏米腐竹，好鍾意食薏米所以同老細講想多啲薏米🤣(竟然真係有比多我！)兩款糖水都超足料，芋頭味好出，西米同薏米都多，估唔到呢兩款糖水夾埋咁好食！份量個人過得比較多，所以食完超飽，極力推介！！！😋😋行過旺角記得要支持下仁芝初！支持同樣係90後嘅老闆煮嘅中式糖水～

食完晚飯想食下糖水，但係唔知係咪個人大左食糖水都想揀啲健康啲，所以突然想食中式。7點幾行過旺角基本上所有糖水舖都閂晒(可能因為差唔多打8號風球)。之前有朋友推介過仁芝初嘅番薯糖水好夠薑，仲講到話次次都淨係食同一款。所以就試吓行過女人街睇吓佢開唔開，竟然！就快8號風球底下好多餐廳都閂晒門，仁芝初仲開緊，入面其實都幾多人食緊添！好想食糖水嘅我就梗係即刻入去😂😂，見到佢Menu有好多款中式糖水可以揀，仲有得雙拼(實在太多款，但係得一個胃，完全唔知揀邊個好….)花多眼亂之際我直接問老闆如果我想清熱嘅話應該食啲咩(老闆好好人，好細心咁解答！完全冇敷衍我算數，又解釋佢哋雙拼嘅糖水全部都試過晒溝埋好味先會擺落Menu)。本身想食芋茸西米露溝綠豆沙，但係諗諗吓覺得太飽所以揀咗老闆推介嘅綠豆沙堂食。然之後外賣買咗一個雙拼綠豆沙拼芋茸西米露，同時滿足晒我兩個願望🤣見到個兜好大碗，應該可以分兩日食？

好耐之前食過一次外賣芝麻糊都ok. 所以今次再食，一樣外賣。結果食第一啖已經見到好多大大粒似係未攪勻既粉狀物體。。接住成大半兜都係咁樣真係超級失望！味道ok但呢啲一舊舊既粉狀已經唔知點食落去、最後掉左。其實都明你地忙、但都無理由咁樣出比人食！

今晚係旺角食完晚飯，行過女人街，睇下有咩糖水食，見到有一間叫仁芝初既糖水舖，見無人排隊，都驚有少少伏，照去喇。坐低見到menu，同佐敦米芝連推介既佳記有9成相似，希望味道都有番咁上下就好。.🍚白果薏米腐竹拼合桃露凍食，味道偏淡，白果，薏米，腐竹份量係非.常.之.少。我真係以為俾人偷食左一半。合桃露亦係偏無味，得個甜，無喇。.🍚芝麻糊杏仁露加湯圓呢碗叫左熱，好明顯係凍再加熱，不過最多加到室溫，一啲都無熱既感覺，味道方面，不過不失，絕對唔會係好食到想再返黎，或者要介紹朋友咁囉。.總括然而，味道真係麻麻，份量亦少得可憐。

同朋友食完正餐口痕痕, 就去食下中式甜品~ 芋茸蓮子西米露(熱)@$27餐牌除左傳統糖水杏仁露, 腐竹雞蛋糖水等, 芋茸加西米露呢個組合比較少見, 因為唔食得凍食就食個熱既試下~ (*^▽^*)~初時擔心芋茸會唔會好杰身, 第一啖食落口唔太甜(≧∀≦)~~~ 味道係岩岩好耐芋茸係d粒狀, 沉係底撈埋西米露一齊食, 好似好多野同時咬緊但又唔會太硬身(*'▽'*)

買左個冰花燉蛋外賣 份量小得可憐一打開以為比人食左一半30幾蚊得咁小太過分了(圖為一打開既樣)賣相差之餘食落偏水 蛋味好淡好失望無口感可言 完全唔滑食幾啖就食完一個咁簡單既甜品都整到咁絕對唔會再買🤢🤢

間嘢食字食到咁，係人都知一定係主打中式糖水啦😏menu D 野大部份都係$30樓下，幾抵咁！Btw勁好，仲有廁所可以去🥹-<合桃露拼芝麻糊>💰$29選擇困難症嘅我梗係揀雙拼啦😛合桃糊唔算太杰，幾滑咁～芝麻糊就質地杰d，雖然芝麻味唔算好出，但係都幾香。整體甜度適中，呢個價錢幾抵食！！回頭率：🥣🥣🥣🥣/5幸福感：🥣🥣🥣🥣/5飽肚感：🥣🥣🥣/5性價比：🥣🥣🥣🥣/5不專業評分：8/10👉🏻簡而精咁形容：鍾意芝麻糊多啲💗-<冰花燉蛋>💰$28見到有幾個人入嚟買外賣都係叫呢個，所以即刻叫嚟試吓🤣雖然面頭少少皺皮，但係入面都幾滑🥰甜度就比芝麻糊合桃個啲冇咁甜～回頭率：🐣🐣🐣🐣/5幸福感：🐣🐣🐣/5飽肚感：🐣🐣/5性價比：🐣🐣🐣/5不專業評分：8/10👉🏻簡而精咁形容：入面幾滑～-💗旺角通菜街鴻輝大廈B座鴻輝大廈地下06號💗

仁芝初好耐冇食過中式糖水，經過旺角就去食下啦，舖頭座位唔係好多，食物款式都幾多濃薑蕃薯糖水~$36我仲加咗三粒湯丸，超濃郁薑味，五粒大大粒嘅蕃薯，食完真係好飽，呢個幾好食白果薏米腐竹~$36都係加咗三粒湯丸，薏米都幾多，清清甜甜，不過不失仁芝初 🏠：旺角通菜街2Q-2Z號鴻輝大廈地下6號舖☎️：31118709

昨晚第一次幫襯，老實講好失望，名過於實😢先講環境，很擠逼，感覺善用每一個可用空間排坐位，飯後甜品是最能relax的一餐，這個環境空間確實有點反差等待時間，差不多十五分鐘食物質素，本人點了熱杏仁露合桃露雙拼，等待期久長，預期會騰上熱辣辣的，可惜奉上與室溫相若的一碗糖水，與其説是杏仁露實物似是稀薄的室溫杏仁茶，很失望☹️合桃露是正常大眾口味，沒有驚喜，而且同樣是室溫。這個價錢，這個位置，可以做得更好，望能檢討改善。

平時食完飯食pancake、waffle呢啲甜品就多，好耐都冇食過糖水，所以呢晚就去咗食🙈除咗中式糖水，店主仲有研發一啲fusion甜品，感覺都幾得意🍮同埋店內放咗唔少marvel收藏，為傳統糖水舖增添咗一份新派、型格嘅氣息😎▫️合桃露拼芝麻糊 | $28由於我地去嗰日都幾凍，加上覺得呢啲糊類糖水熱食個果仁味會香啲，所以就揀咗熱♨️濃稠度調得幾好，唔會太稀/杰，食得出唔係用粉開😙口感順滑，食晒成碗都冇點漏😌芝麻味較香濃，有少少蓋咗合桃味，可能分開叫會好啲🤭▫️楊枝甘露 | $38有冇人同小編一樣抗拒唔到「招牌」呢啲字眼🤣成碗糖水好足料，有幾舊大芒果肉同西柚肉，汁底酸甜適中，幾清新，食到飽飽滯滯嗌呢個就啱晒☺️💫7.5/10

突然好想好想食芝麻糊~就抱著試下嘅心態order左碗杏仁露芝麻糊雙拼and唔記得左係杏仁露定合桃露。可能因為夜晚嘅緣故(7點半左右)，舖頭得我地一台客，幾安靜吓。糖水好快就上左黎，淨係品嚐左杏仁露芝麻糊雙拼，比想像中好味，芝麻糊味道夠濃，一開始係更多地食到杏仁露，到中間同最後係芝麻糊嘅味道，唔會過甜，都幾大碗。期間店員嘅服務態度都幾好，會主動收menu(order完)同都幾有禮貌。老闆娘(應該)喺隔離台寫緊粉筆menu，期間都有同我地傾計，幾親切。埋完單比左我地刻印仔紙，唔知食5次儲印仔就可以有咩優惠~(每次滿$20)最後，本人好少食中式糖水，認為好食，夠味已經足夠，份量同價錢都合適，係不錯的飯後甜品。

如題喺2021年，一碗糖水仲可以買到二字頭。質素又唔係差，嚴格來講其實係好食！👍🏻兩個人食買單都係50幾蚊。冇得彈！簡單再講講緊買咗啲咩食首先係椰汁紫米露（凍），大家有煮過嘢食都知道，嘢食係冷凍嘅情況之下，味道係唔會咁突出嘅。但佢呢到嘅椰汁同埋紫米露味都好出好香，啲紫米露仲唔會太硬或太軟咬落去啱啱好。跟住仲有一個芋茸蓮子西米露拼白果薏米腐竹，價錢竟然都係二字頭，唔使特別加錢真係屈晒機。雖然呢一碗係口感上面比較凌亂，因為食唔清每一種糖水嘅獨立味道。但溝埋一齊食又幾好食，完全係變咗一碗新糖水咁樣食，但又好食wo，總之就正啦！再重申一次，呢個年頭呢個價錢呢個質素，真係冇得輸。良心企業須要大家嘅支持同埋鼓勵。 香港人加油一齊互助互撐落去💪🏻！

喺旺角食完lunch，想搵間糖水舖試下！剛好經過呢間主打中式糖水的小店，門口又貼晒報章報導，應該品質唔差瓜！~芋茸蓮子西米露$26(另加湯圓三粒$8)本身諗住試兩款糖水，但怕中伏，於是只叫咗(熱)芋茸蓮子西米露+芝麻湯圓(3粒)試試先!西米比例好少，好細粒，而且仲要溶晒，冇口感；蓮子又冇味，全碗只得2粒，完全係可有可冇！感覺好似食緊芋頭糊，毫無口感！至於芝麻湯圓，味道正常，但偏細粒，餡料較少！試完呢款糖水，搞到我都唔敢再試其他款😔!雖然糖水唔好食，但老闆好nice好有禮貌，服務態度值得一讚👍！不過始終唔會令我回頭再食😖

買咗個外賣芋頭西米露。又淡味又非常小西米。成碗野淡茂茂。如果收成$28真係唔值囉。在場仲聽到佢係咁叫坐低嗰啲人5分鐘後走。因為有限時。 大佬呀你一早話俾人聽你有限時啦人哋坐低叫咗嘢俾咗錢就叫人走呢啲叫冇品。一定不會再幫襯😡😡😡😡