影片
更多
2025-05-17
11 浏览
中環嘅陀地燒之前放工同朋友去過好多次，琴日發現轉左手 ，依家叫人生有限杯，但氣氛同格局同舊時差唔多，木系鐵網裝潢仲係好有街頭燒烤feel，熱鬧又chill。平價串燒依然係賣點，$10一串起，就算閒日去都full house，熟客同上班族照舊坐滿晒！Sapporo生啤仲做緊買一送一，佐串燒一流。• 港式蜜糖燒菠蘿 ($20/2串)：菠蘿燒得香甜多汁，蜜糖微焦好開胃!! • 味噌松板豬 ($30/2串)：松板豬油脂豐富，味噌香濃惹味，呢個好好食入口仲有啲彈牙• 椒鹽雞軟骨 ($30/2串)：軟骨脆口，椒鹽調味香辣過癮• 泰式燒墨魚鬚 ($30/2串)：墨魚鬚彈牙，個泰式酸辣醬酸辣都幾辣下！！！• 豚肉荔枝串 ($30/2串)：豚肉嫩滑，包住荔枝甜香，咬落去少少爆汁果下正• 豆皮包蒜蓉 ($30/2串)：豆皮吸汁，蒜蓉香氣爆棚（呢個同事必食，太多蒜我一段）• 鹽燒雞腿肉 ($40/2串)：雞腿肉多汁，鹽燒簡單已經好突出原味• 鹽燒雞中翼 ($40/2串)：雞翼皮脆肉嫩，燒得啱啱• 汁燒雞隔膜 ($40/2串)：雞隔膜爽口，醬汁甜鹹入味！都係第一次叫到呢個部位• 芝士年糕
中環嘅陀地燒之前放工同朋友去過好多次，琴日發現轉左手 ，依家叫人生有限杯，但氣氛同格局同舊時差唔多，木系鐵網裝潢仲係好有街頭燒烤feel，熱鬧又chill。平價串燒依然係賣點，$10一串起，就算閒日去都full house，熟客同上班族照舊坐滿晒！Sapporo生啤仲做緊買一送一，佐串燒一流。
• 港式蜜糖燒菠蘿 ($20/2串)：菠蘿燒得香甜多汁，蜜糖微焦好開胃!!
• 味噌松板豬 ($30/2串)：松板豬油脂豐富，味噌香濃惹味，呢個好好食入口仲有啲彈牙
• 椒鹽雞軟骨 ($30/2串)：軟骨脆口，椒鹽調味香辣過癮
• 泰式燒墨魚鬚 ($30/2串)：墨魚鬚彈牙，個泰式酸辣醬酸辣都幾辣下！！！
• 豚肉荔枝串 ($30/2串)：豚肉嫩滑，包住荔枝甜香，咬落去少少爆汁果下正
• 豆皮包蒜蓉 ($30/2串)：豆皮吸汁，蒜蓉香氣爆棚（呢個同事必食，太多蒜我一段）
• 鹽燒雞腿肉 ($40/2串)：雞腿肉多汁，鹽燒簡單已經好突出原味
• 鹽燒雞中翼 ($40/2串)：雞翼皮脆肉嫩，燒得啱啱
• 汁燒雞隔膜 ($40/2串)：雞隔膜爽口，醬汁甜鹹入味！都係第一次叫到呢個部位
• 芝士年糕 ($38)：年糕煙韌，再加埋少少炭燒嗰種香味同平時直接炸好唔同！！
• 蒜蓉菜脯燒茄子 (微辣) ($38)：茄子軟腍，菜脯蒜蓉微辣，一坐低就要叫因為要等耐啲
• 山椒鰻魚汁燒白鱔 ($48)：白鱔鮮嫩，山椒微麻香氣足，個皮燒到好脆！
• 墨魚滑紫菜大蝦 ($68)：墨魚滑嫩，大蝦鮮甜，紫菜加分，呢個係新menu，份量算大
Sapporo生啤做買一送一超抵，配串燒簡直完美！串燒種類多，$10起好親民，味道同火候保持水準，創意菜如豚肉荔枝串同墨魚滑大蝦都有。環境熱鬧依舊，閒日都要book位！4.3/5，抵食又好食，下次想試牛舌同其他海鮮串！
formerly Local BBQ, keeps Central’s skewer game strong at Kau U Fong. The street-style vibe is lively, packed even on weekdays. Skewers start at $10, with standouts like juicy honey pineapple ($20), creative pork-lychee ($30), and tender eel with sansho ($48). Sapporo draft ($48) is a steal with buy-one-get-one-free. Flavors are bold, textures spot-on—crisp, tender, or chewy as needed.
4.3/5—affordable, tasty, and bustling. Book ahead and try the beef tongue next!
—————————————————
𖠿𖥣 人生有限杯
〒 香港中環九如坊6-10號林氏大廈地下C-D號舖
—————————————————
⠀⠀⠀⠀⠀⠀⠀⠀⠀
#串燒 #中環美食 #香港美食 #燒烤 #人生有限杯 #hkfood #hkfoodie #centralhk #bbqlovers #foodstagram #hongkongfood #skewers
___
🥇Follow @eathkgirls
#eathkgirls
#食港女
张贴
