人情味飯店 (已結業)

今日去完行山同朋友黎到呢間佐敦既餐廳食飯, 真係估唔到呢度既服務態度同埋食品質素可以咁超乎我想像! 由於我地分批到啦, 早起的鳥兒有蟲吃~ 店員好好見到我地朋友未到俾左幾個我冇諗過係前菜既DISHES俾我地. 麻辣豬耳, 好香不過又唔算好辣!另外就係花生雞腳, 好入味!! 係正既~朋友到左當然就係要大吃大喝一番啦~我地都超豪咁去盡情食左餐勁既.呢個睇落有點恐怖不過好味到叫唔食又唔得既活魚SASHIMI! 上枱時條魚尾都仲識郁嫁OMG~ 條魚既肉質好鮮嫩, 肉係爽同埋甜嫁~ 唔加豉油都好正加小小連WASABI就更鮮!又點會小得我最愛既象拔呢~ 呢隻好特別平時我地食既都係養在水中今次老闆介紹我地食呢隻都係生既不過就乾身一點, 老闆話唔會因為水而重左同埋會更爽口同鮮味! 嘩老闆真係冇介紹錯真係好得呀!墨魚SASHIMI 佢有D LIM LIM地, 食落個口感都好特別既! 鮮味係出晒黎我未食話咁好味的墨魚呢個就係條魚骨既２道脆炸香口野味, d 骨脆到可以咬埋一齊食落肚.呢３樣海鮮都同樣好鮮味! 蒸蝦同蟹下面有一層糯米飯, 飯乾身又吸晒蝦同蟹的鮮味食完真係滿足到暈左一暈呀!

聽朋友說上次試左個 “桑拿海上鮮” 咁有趣我緊係約三五知己去試啦 桑拿就係幫海鮮焗桑拿 入面嘅海鮮都係當日最新鮮嘅 見住師父係慢慢為我地挑選 完全唔洗我地癈神 侍應俾左調味盤我地自制醬油口味 不得不讚個鼓油 真係冇落「師父」 但又帶有鮮味 其實調完之後都冇咩點用 因為D海鮮咁新鮮根本不用再調味了 上枱了 Gas 爐上面方了一大盤用錫紙包住嘅長型鐵盤 侍應話要等約10 分鐘先可以食 我太肚餓了 不停聽到蒸氣聲 谷脹左成個盤再疏氣 終於食得啦 嘩。好多好豐富 蟹、沙巴龍躉、海蝦、桶蠔係面 下面仲有架蜆、鱿魚、雞 當然食左魚先啦 老左就唔好啦 條魚剛剛離骨 D肉好滑我食左差不多半條 桶蠔每人隻 我都係第一次用依種食法 而海蝦好爽口 桑拿左咁耐都冇老到 一人起碼有2隻 但我好似食多過依個數 蜆及蟹都好鮮甜 吸收晒海鮮湯嘅精華 侍應見我地差不多KO個海鮮盛 就拎左一碟菜及鮮冬菇、豆卜、烏冬出黎 最後送上有飯後果哈蜜瓜作為完結 等食嘅時候 隔離枱D餸實在太香啦 下次要黎食小菜呀！

高溫高溫燒滾我 — 桑拿海上鮮颱風假前夕，4人食飯，選址佐敦，朋友推介「人情味」，單睇名真心唔知食乜，坐落開估，中菜海鮮館是也。選擇困難症既我地，揀左個乜都有嘅浩瀚桑拿海上鮮，名字趣怪。侍應姐姐俾左調味盤我地自制醬油口味。由於太肚餓，我地連鼓油都 depp 一餐，勁智障，但一試愛上，超鮮，攪到好期待陣間既食物添。Gas 爐，錫紙包住長型鐵盤。約 10 mins 後，勁香既蒸氣谷脹左成個盤，侍應姐姐即刻走黎疏氣，再等多三數分鐘，一開，嘩一聲，豐富到丫，沙巴龍躉/海蝦/蜆/桶蠔/爆膏蟹/鱿魚/雞，正！正！正！待應姐姐叫我地食左個魚先，唔怕一陣腥同un。一試之下，個沙巴龍躉好嫰口，我覺得可以連鼓油都唔洗點，夠哂鮮，原汁原味。海蝦，爽口彈牙桶蠔好大隻呀，原本係每人一隻桶蠔，朋友唔食蠔，益左我😜😜😜食海鮮食到咁上下，侍應姐姐就拎黎一碟菜，仲有鮮冬菇/豆卜/烏冬菜吸收哂原汁原味既海鮮湯，秒速ko哂最後送上哈蜜瓜就完左今餐海鮮餐喇總結黎講所有食品都係上準之上，下次黎可以試埋小菜。當我地超肚餓depp緊鼓油，隔離枱就上左個疑似啫啫雞煲，引死人

上星期老闆叫食飯，話有一條特別嘅魚食，我就緊係跟住啦，去到佐敦人情味飯店，飯店環境新正光猛，老闆也是個大廚，在烹調上樣樣皆能，當晚食左個火燄湯底，先在鍋內上酒炒蟹蜆等海鮮，再落上湯打邊爐，鮮味酒香非常，老闆仲介紹左碟火鍋配料肉眼邊，肉眼邊有趙口牛味濃郁還有在打邊前食左條魚生“了哥魚”，魚生肉質一般，但魚頭用來椒鹽非常美味總結，飯店坐得算寬敞，有大眾化也有刁鑽食材，大廚廚藝了得，重視客人意見，值得一贊

而家嘅中菜好多元化，環境裝修簡單傳統唔花巧，反而感覺平實穩重。招牌燒腩仔外皮亮麗金黃，入口不會過肥，每層清晰分明。咬一囗外皮酥香鬆化。肉質又有彈性，煙韌有致，不油不膩。 普通的一個干扁時菜，菜心特別清甜色澤碧綠，咸鮮乾香，惹味非常，打破傳統沉悶。時菜魚肚煲魚肚份量足，本身魚肚容易消化，不含膽固醇，骨膠原豐富，味道鲜美唔腥，連湯飮絕對冇問題脆皮海鹽雞，制法獨特味香濃郁，皮脆肉嫩多汁，色澤微黃，骨肉鮮香，風味誘人，最好吃是雞背皮薄肉滑， 骨有油香， 入味非常。 員工服務態度有禮貌主動介紹菜式，呢度啲份量幾大，如果同屋企人或者大班朋友來，不錯的個選擇！

今晚約左一班朋友食中菜，唔知點解間咗間房比我地但幾逼下，聽聞啲嘢好食，唯有將就下。籠仔蒜香糯米蟹，大花蟹肉的肉質都結實鮮甜，糯米飯黏性足，香軟帶點煙韌，粒粒分明，糯米吸收了鮮甜花蟹的肉香再加上香蒜，簡直色香味俱全。家鄉蒸魚雲並非普通豉汁魚雲，用咗家鄉特製醬汁配合多䓤及豐富嘅魚雲，份量很足用料新鮮，不過有啲漏。法式扁皮雞，雞皮脆肉不嚡口，夾上鵝肝醬令到口感更豐富，更美味！呢間味道唔錯，價錢合理，值得再試

有朋友從外國來香港，就帶他們食廣東菜啦！這間⎡人情味飯店⎤位於吳松街，門口有個大大的廣告 - 法式片皮雞好吸引，平時北京片皮鴨就食得多，法式片皮雞就第一次。所以我們決定 eat eat eat …… 冰鎭黃鱔 ：冰凍的黃鱔肉質爽口，芥蘭口感爽脆。7日BB鴿 ：熱辣辣，皮脆，雖然細細隻，勝在啖啖肉，肉汁又多，無加鹽都一樣咁好食。海皇煲仔翅：一碗裏有咁多咁粗的魚翅好有鮮味，又有蝦，又有帶子，再加少少醋，非常開胃。金沙海生蝦：金黃色的生蝦一入口就感到咸蛋黃汁流出來，大大隻的海蝦肉質鮮嫩，蝦殼又脆，真是連殼都吾放過。砵酒焗生蠔：美國新鮮入口生蠔，每份兩隻，新鮮的生蠔，香脆的外層，再淋了一層砵酒制成的醬料，好好食呀！人情味燒鵝：啖啖肉又不油膩，皮脆肉嫩，口感一流。鐵板啫啫芥蘭：只是用了普通的食材，芥蘭、肉碎、蝦乾，再用蒜頭辣椒一起抄，就可以變成一道熱辣辣香噴噴的小菜，非常野味。法式片皮雞：這道菜原來有三層，上層是片皮雞，中間是鵝肝，下面是炸饅頭。脆脆的雞皮，甜甜的饅頭再加上入口即溶的鵝肝，正！這間飯店的菜式真不錯，新鮮的食材，員工服務又親切，真的要介紹給其他朋友來！

We enjoy the dinner with joy and good manner!There are lots of different meals and drinks . We come again for sure!

母親節晚飯，去了佐敦人情味飯店食晚飯。朋友介紹咁我就訂枱，去到環境唔錯。坐底就叫前菜食下先，椒鹽豆腐外脆內滑唔錯另外燒腩仔皮都脆口。我屋企人最鍾意食海鮮，當然要點個龍蝦伊麵孝敬下母親啦！今次叫咗高湯煮法，汁濃伊麵味道夠龍蝦都新鮮。另外推介荷葉糯米蒸蟹，糯米一粒粒煙韌有咬口有香濃既蒜香蟹味。

今晚同老公行完街，路經佐敦一間新開小菜餐廳，名叫“人情味”。比佢門口的食物相吸引到餐廳裡試一下佢地菜式。我睇到餐牌有海皇煲仔翅試業價$68，非常低食，我地一人叫了一煲仔，服務員放底時非常之熱仲有一陣一陣香味，成煲仲非常之足料，有好多魚翅，有蝦同帶子。一煲有成我地平時出街食飯的碗仔2至3碗。仲有牙菜及魷魚絲配食。7日BB鴿只是$68蚊，我地又叫了兩隻。7日BB鴿比想像中有隻，食時皮脆肉嫩，仲有肉汁。我地叫了一個鐵板啫啫介蘭是$88。因為是用鐵板上，所以放上枱時熱辣辣，香味一陣陣。有肉碎，蝦乾，蒜頭，爽口芥蘭，非常之野味，餸飯或啤酒一流。原來佢地大廚是富記做過的，唔怪得食物味道非常之出色。我食時好多餸菜是試業價，非常之低食。

開頭以為鴨扮鵝，點知食落真係燒鵝，不過凍檸茶要加十元，熱飲加八元，我見到有人淨食燒鵝瀨，就咁廿皮搞掂，仲要唔係鵝頭鵝尾，真係平靚正，不過佢凍檸茶就無得走甜，只有少甜，呢樣真係要改善，老細走過嚟問我哋味道點，我話真係唔錯，佢推介咗晚飯68元足二兩海皇翅比我哋，我同朋友話下次嚟佐敦，一定嚟試晚飯

去尖沙咀逛完街落佐敦揾嘢食，行到吳松街，食肆頗多，見到有間飯店門口大大隻廣告推介法式片皮雞，又幾特别，門口有伙計熱情推介，話新開張有好多新款菜式同優惠套餐，於是一行人便入去開餐了。打開餐牌，選擇頗多，不論傳統小菜或燒烤燒味，也有很多新穎創意特式美食，極富新鮮感，對我這些一向喜歡嘗試新嘢的叼民 (咀叼) 確實非常吸引。冰鎮芥蘭珠江黄鱔芥蘭夠冰凍，爽脆有聲，預期之內。 估唔到D黄鳝片同樣片片都爽脆又滑溜，難得是經過袐制醬汁調制後，仍能在調較出香甜美味同時又能提升口感。金沙海生蝦炸得金黄沾着咸蛋黄漿的蝦香脆得連殼都要食埋落肚，啤酒良伴。砵酒焗生蠔採用美國桶蠔，大大隻，本身已經好鮮美，外層輕輕煎炸得薄薄的香脆，淋上砵酒醬汁，香味令人窒息，出色的賣相及其美味直令一些生蝝專門店也比下去了。法式片皮雞片皮雞配鵝肝加曼頭，上層是炸得香脆的雞皮連薄薄的雞肉，下層也是香脆的曼頭，夾着中間軟軟的鵝肝，這個法式三文治在這間名叫人情味的中式酒家確真是不可多得的招牌菜!