人和荳品廠

营业中

休息中

聽講呢間豆腐店好出名，今日黎銅鑼灣行街，有d肚餓但又唔想食粉麵/ 飯，就一於黎試下。我地3個人叫左兩碟魚肉煎豆腐、一碟鹵水豆腐、兩碗原味豆腐花、一碗杏仁豆腐花。其實煎豆腐點樣都好食架啦🤣 不過呢間嘅豆味再出d，係幾正，外脆內軟，睇得出原材料好好質素🤤豆腐花相對黎講冇咁出色，我重口味d，鍾意食甜野，佢地嘅豆腐花冇咁甜😗D醬汁都幾齊全，有晒辣醬、豉油、甜醬、喼汁👍🏻總括來說，豆腐值得試，但豆腐花就不用試了🤔

🍴豆腐花 $15 (8/10)都幾大碗，豆腐花好嫩滑，好有豆味，原味係最食到豆味XD 勁正！推薦指數: 8/10$45.1會去唔算好平，不過值得支持香港本地製作嘅豆腐花！香港丈人精神💪🏻

好耐都冇食呢一間人和荳品廠，記得以前細細個中學放學嘅時候係咁會食佢嘅魚腐同埋三寶，講講吓都已經係10年前嘅事，所以呢一間餐廳都係充滿回憶，我哋今日就叫咗兩個炒麵同埋兩個豆腐花。炒麵嚟講，呢一個價錢都算抵食份量非常多而且加埋辣椒醬食，簡直係另有一番風味，我哋食下午茶，所以都冇叫到太多嘢食，不過佢嘅風味都係依然係差唔多，質素都係非常高嘅，豆腐花就非常滑，係傳統嘅豆腐花味道，充滿豆香，我同朋友都非常鍾意食佢嘅豆腐花，之後下次再返嚟幫襯其他先！😝

人和荳品廠地址: 銅鑼灣渣甸街55號#yauyau_銅鑼灣呢篇耐到間鋪都裝修咗，而家好坐過之前，不過都係有啲迫，唔係好啱推埋bb車食。味道品質係冇變嘅，一樣咁好味🫕🫕原味豆腐花 $15豆腐花口感滑嫩，入口即化，食到大豆嘅本真風味，份量適中。🍲🍲鹵水豆腐豆卜 $24鹵水豆腐同豆卜都非常入味，口感鮮嫩，內裡軟綿，感覺到桶鹵水汁嘅年份。🍝🍝豉油王炒麵 $24炒麵口感彈牙有嚼勁，豉油嘅味道濃郁但不過鹹，啲菜炒得啱啱好唔淋，食得好滿足。回味無窮，值得一試。🥛🥛另外仲有叫豆漿不過冇影，豆味都好濃，無糖都勁好飲。味道: 4/5服務: 3.5/5環境: 3/5番兜: 4/5#銅鑼灣美食 #美食 #好吃 #instafood #foodstagram #foodphotography #yummy #foodiehk #hkfoodie #foodie #igfood #hongkong #hkfood #銅鑼灣小食 #銅鑼灣甜品 #甜品 #人和荳品廠 #人和

每次去到銅鑼灣都會心郁郁想食呢間嘅煎豆腐🤤豆腐每日新鮮製作，豆味好香，有分滷水豆腐或者煎豆腐。個人更鍾意煎豆腐，煎得好香，少少脆，內裡豆腐依然好細滑！好好味！真係一食瘋狂回頭☺️

特然有啲掛住滷水豆腐豆卜，以前都係幫襯開「堅拿度西」嗰間，但搬下搬下就到咗渣甸街（都）。味道係類似嘅，個新裝修好迫（坐附近嘅食客都係咁講），有少少掛住啲舒舒服服嘅卡位。好多人都會點煎豆腐，但小編唔太鍾意食上面舊魚肉，所以我通常都叫滷水豆腐豆卜；⋯⋯『滷水豆腐豆卜』$24『豉油皇炒麵』$24⋯⋯兩樣都要點辣醬丫 🌶️『無糖豆漿』$10。📍 人和荳品廠 (銅鑼灣)銅鑼灣渣甸街49號地舖。好味指數：🌕🌕🌕🌗🌑回味指數：🌕🌕🌕🌗🌑

主打豆製品既小店💛身為一個豆製品愛好者 我就超級喜歡👍🏻餐廳將好多傳統食品現代化 配合埋年輕人口味都有唔少特色小食 好多次我都係第一次見 例如 椰汁豆腐花、花奶豆腐花、綠豆蓉豆腐花 佢哋豆漿同豆腐花既款式同埋味道很多 而鹹點就有魚肉豆腐/豆卜 或者滷水汁豆腐/豆卜 當然都有最傳統既炒麵 同埋粥🤩魚肉豆腐（$24）魚肉偏向細塊 放左係豆腐既底部 差少少見唔到 好彩佢個個鯪魚味好出👍🏻 豆腐係用左硬豆腐 而且面頭煎到脆脆哋 我見到佢即叫即整 重點係要點佢個豆瓣醬 少少辣辣哋 幾開胃 鹵水豆腐（$24）豆腐份量都幾多 佢應該係用左滑豆腐 所以比較容易爛 味道幾好 但係我覺得可以再多少少滷水汁 哈哈我係汁怪 真係要每一淡都要沾到汁🤤柴魚花生粥（$30）個粥唔會無味 柴魚好完美咁調出粥裡面既味道 有少少鹹魚味道 但要小心魚係有少少骨的 配埋花生令到口感更豐富 脆脆哋🥜花奶豆腐花（$24）呢個配搭超級夾 花奶令到豆腐花既口感更加嫩滑 又可以代替黃糖 幾新榮 豆腐花超級滑 豆味都出 絕對唔會比花奶蓋過🫶🏻 私心超級推介💯！無糖豆漿（$10）豆漿有超多唔同款 但係我都係比較傳統 揀翻原味😋 豆漿超級滑

每次喺銅鑼灣口痕嘅時候都會諗起人和😜💛今日去開先發現佢哋搬左舖新鋪其實只係過幾個鋪位空間大咗好多多咗好多張枱同座位今日叫咗豉油王炒麵同埋原味凍豆花炒麵份量適中 做下午茶或者宵夜一流豆花一如以往嫩滑重豆味🤍