人和荳品廠 (已搬遷) 新店位置

琴日母親節同媽媽出銅鑼灣，人山人海個個都湧去sogo執平貨。度度都咁多人搞到唔知食咩好，突然又想食豆腐花，於是帶左媽媽去，好彩媽媽冇嫌棄我帶佢食平民野😶我地叫左魚肉煎豆腐，豉油皇炒麵，杏仁豆腐，同花奶豆腐花，全部加埋都只係$60。魚肉豆腐比較少豆腐，所以可以食清楚d豆腐既味道同口感，唔會俾魚肉搶風頭。不過我都係鍾意啖啖魚肉既煎豆腐多d🙈鍾意香口d既朋友可以同店員要求煎耐d。豆腐花照舊好滑，可惜阿姨but得好散，搞到花奶太多豆花太少。食到最底全部都係花奶...而且大家都係白色好難分😂豉油皇炒麵加埋甜醬辣醬好正👍老實講，呢個價錢食煎豆腐個人覺得稍貴，不過因為銅鑼灣既關係，所以都算抵食既

要數傳統民間小食，點少得豆腐花、豆漿，價廉物美，而銅鑼灣人和荳品廠，保留了這份傳統，這類香港回憶，買少見少傳統嘅金漆招牌，正正是老字號的代表任何時候都高朋滿座，絕對是香港十大街頭小食之一大汗搭細汗不斷煎煮食物，無時停，保證件件新鮮牆上面這些書法，我真的看不懂食物種類以豆類製品為主，價錢相宜超、超、超滑豆腐花，你絕對無拒絕的理由魚肉豆腐，食嘅時候小心燙咀，件件即煎即上加多一坏豆漿，幸福極了，開心其實好簡單

今日喺銅鑼灣食完晚飯之後，朋友帶咗我去人和食豆腐花。豆腐花平時都有食開幾間舖頭，今次就第一次食人和，估唔到佢都有幾多款式嘅豆腐花，不過好似又未必係好事。。。就好似我叫左呢碗椰汁豆腐花，椰汁同豆香味唔係好夾，而且椰汁太過濃稠，基本上就係封住左最上面嘅豆腐花， 浸唔到落底，所以下面嘅豆腐花根本沾唔到椰汁。不過後面嘅嗰一碗最原始嘅豆腐花，豆香味都幾出色，認真唔錯，不過始終都係傳統野好啲，下次都係食返傳統豆腐花！

我平時都周不時會幫襯哩間舖，但今日就真係最後一次！唔會再有下次！！今晚，一個星期四晚9點幾，我帶個friend去試，話佢知間嘢的豆腐花都幾滑。咁我地叫左一碗粥、一碟魚肉豆腐、2碗薑汁豆花，總數差不多$80。我地2個只坐左2x分鐘，嘢都未食完，個老板娘就走過黎趕我地走！話有人等位！首先，大佬，我地都叫左差不多80蚊嘢，唔係只叫一杯淨豆漿，重要的係，間舖仲有好多位，亦絕對係冇人等位！我忍唔住問佢，邊有人等位，而且仲有好多位，點解趕我地走？我地未食完！你知唔知佢點答？佢話銅鑼灣係咁㗎喇⋯⋯🤔🤔🤔仲死撐話有人等緊，well, 唯一有機會的係，佢撞鬼！😱😱😱一句講曬，唔會再幫襯！既然老板娘你咁鐘意趕客想見到間舖有空位，咁我都祝你心想事成，日日對住D空凳！

閒日五點幾響銅鑼灣，見有啲肚餓，想食啲小食，所以就入左人和。嗌左個煎豆腐，有四舊，每一舊個面都鋪上一層薄薄地既魚肉，舊魚肉冇腥味，唔會太鹹，黎到果時熱辣辣，即刻響個爐拎比人，所以都幾新鮮，見佢keep住剪，冇停手。本身舊豆腐又冇乜好重豆味，不過幾堅挺，口感幾好，我自己落左啲甜醬調味，食完都飽左少少。除左豆腐，都幾多人叫炒麵同豆花，豆花仲有好多花款添，下次冇咁飽既時候再黎試下先。埋單四舊豆腐$16，響銅鑼灣呢啲地方，鋪租貴，所以都明點解收呢個價錢。

晚上下班, 肚子有點小餓, 還是決定在坐車回家之前, 先吃點零食, 墊一下胃, 省得一會又餓到頭暈.這種情況, 人和豆品小吃就最合心意了.一份煎魚肉豆腐, 配一杯冰凍豆漿, 盛惠$23.冰凍豆漿, 有豆味, 喝一口, 實在涼透心.煎魚肉豆腐, 加點豉油, 吃時需要非常小心, 因為即點即煎, 十分燙咀.魚肉和豆腐實在是絕配, 淡淡的魚香味配以豆味, 實在是一份開胃的小吃!

今次來了銅鑼灣的小店。由細食到大。時間為大概點上六點鬆。入到去收銀靚姐就主動問你要乜。我話想用自己盒拎走，要滷水腐豆卜同一個柴魚花生粥，放唔放得晒架？靚姐見，個盒可以expand 就話，緊係無問題啦！佢就首先拎去舖前俾叔叔裝滷水豆腐豆卜🙌🏻( 指定埋叫放細果邊) 然後又親自拎埋去店後叫同事裝粥😍兩樣嘢加埋$36 ，夠哂平民。今次要運送過海開住會食。運送路上....熱騰騰的。去到開餐，食物唔叫熱但溫度ok . 豆卜好入果，滷水甜甜又唔太咸。豆腐又不硬不散。係幾好食。粥入面有小魚用，肉實。都有唔少花生。味道食到一半就覺咸左啲啲。( 我口味偏淡架) 講到人和，其實我覺得佢煎豆腐同豆花係最好食!!!!!!!( 不過外賣好似會失去即食的鮮味) 所以堂食啦喂！靚姐好歡迎自備盒🤗感謝

人和荳品真係由細食到大, 細細個媽咪帶我去, 已經係會必叫豆腐花, 煎豆腐, 炒麵, 今次自己食, 叫唔到咁多喇.講下環境先, 個店面細細間, 兩邊卡位, 中間就一張張枱加啲圓凳, 揀咗坐側邊啲卡位, 但一個人食, 塔枱是無可避免, 因為呢間 keep住有客人入黎架!以前有個阿叔有啲惡, 不過而家似乎換哂啲人, 服務都好好架! 啲人笑笑口, 叫完嘢唔洗一陣就上哂枱!黑糯米豆腐花 (HKD20) - 黑糯米唔硬又甜, 豆腐花好滑但一如已往唔夠豆味! 不過兩樣嘢加埋好夾而且唔太甜!!豉油王炒麵 (HKD16) - 成碟麵份量都幾少, 佢炒得偏油, 麵質比較淋, 得好少餸, 不過個精髓係放係枱面個枝豆瓣醬! 加少少令到成件事好味咗! 但切忌加太多, 因為會幾咸架!

豆腐花 HKD12無論係春夏秋冬，我都中意食豆腐花。春夏透心涼、秋冬暖入心，對於人和嘅豆腐花，我可以話係「一試就愛上」。有豆腐味、唔會淡茂茂、又滑口係基本啦！食落好軟綿綿，「削」一聲就落左喉嚨，仲一啲渣都無咁！重點係唔加黃糖都好清甜，不愧係老字號。經過銅鑼灣，就去整番碗吧～魚肉煎豆腐 HKD16嚟到人和，除左要叫碗豆腐花之外，魚肉煎豆腐亦都係必食！外皮金黃色，但又唔會太燶或者太多油。雖然豆味唔算好重，不過配埋魚肉食就好有肉感，個人會建議點埋豉油一齊食，更加香口。豉油王炒麵 HKD16 食完豆腐花同煎豆腐，仲有少少餓，諗住食啲飽肚嘅野醫下肚，就叫咗碟粉麵試試佢，可惜味道不似預期。雖然炒麵食落唔會話好油淋淋，但係麵質偏硬身，似係一早煮好，擺咗好耐咁樣，愈食愈口乾～下次都係食返豆腐花或者魚肉豆腐好啲⋯

食咁多濃味野, 間唔中一碗皮蛋瘦肉粥, 簡單一個炒面, 做早餐午餐都一樣咁享受, 早餐更好啦 ,唔想日日哽個面包, "濕濕地"既早餐係一日既BONUS!!魚肉煎豆腐,  我跟您說一份係唔會夠架!! 價錢唔係特別平, 但都要叫多一份  唔會太油太炸,就是剛剛好, 好一個香港小吃好鍾意依度既豆腐花,超多款, 雖然我大部份時間都係會揀返原味LOL老字號豆品, 得閒就要幫襯一下, 除左係自己想食之外, 就係懷舊同埋支持依啲香港特色小店一直營業下去有時候, 人係要還原基本步的^_^

兒時超喜歡這裡嘅魚肉豆腐今日經過銅鑼灣 不得不食點知 非常失望!!!!!!豆腐味極淡 魚肉雖然夠味 但薄如紙☹️☹️☹️幸好豆漿都仲系保持水準又香又滑呢度坐位比較逼 shopping完黎會不太方便🙈

賣豆品專賣店但無豆味嘅豆腐花同豆腐 其實將自己的出品越做越差 咁不如收皮啦黑芝麻豆花 黑芝麻如水一樣 即沖芝麻都無佢咁稀 豆花淡到爆 超難食 豆花水汪汪 芝麻同水是分開嘅 魚肉釀豆腐仲衰!魚肉同豆腐都薄過紙 仲要油到一個點 油嘅份量好似仲多過魚肉 不如改過多叫油浸魚肉豆腐 張紙完全saturated 咗偷工減料到以後都唔會再幫襯 正宗豆腐渣工程! 咁樣serve 食物根本無心做.....#onetimeonlyrestaurant

人來人往的銅鑼灣，食完一個滿足午餐，當然要配上一個甜品做句號。人和荳品廠系個好選擇！天氣凍食碗熱姜汁豆腐花暖下身，第一啖食落姜味唔夠，但結果越食越辣。豆腐花亦好滑。原味凍豆腐花豆味濃，熱黑糯米豆腐花甜甜地，韌韌地，都唔錯。但略微偏甜。見到隔離食客鯪魚煎豆腐好似好好食，就忍唔住叫咗一份。結果配埋特製豆瓣醬，十分美味。果然老店有種懷舊氣息，每種豆腐花或者豆瓣醬總一種特別的味道。大家都要多多支持老店，另到呢種獨特的味道可以持續落去。

放工有點餓，又未到食晚飯的時間，經過銅鑼灣就一於去豆品廠食個魚肉豆腐醫肚吧！.魚肉豆腐 $16魚肉同豆腐比例剛好，豆腐是用硬豆腐，煎到剛好又不會過頭，加埋辣醬是很不錯的！.店舖是像舊式粥舖，人流keep住有，有其他豆製品也不錯，豆腐花質素正常👍是飯前飯後不錯的小食選擇！

豆腐花 ，有美肌的作用 ，又高蛋白質、低脂肪、營養價值豐富 ，是福福郎至愛的美食之一。 這裏的豆花是出名的滑， 嘟一聲便吞了落喉嚨。 唔知你有冇坐過豆腐過山車。。。 如果冇，你都要嚟試下! 又係經典廣告歌時間 。。。去玩，去癲，嚟ocean park 。要滑，要靚 ，嚟。 這句至理爛gag，唔知你有冇聽過，冇都唔緊要，因為係我作嘅。 但係當 的萌呆韓星朴寶劍來中港台宣傳時，都要食舊豆腐 以示親民 至返去韓國 ，你又點可以唔支持本土風味呢。另外，油炸豆腐都好美味，不過就油膩啲囉。其實呢度啲豆漿都好順喉， 我最鍾意飲凍豆漿。貪佢容易入口 ，微微的甜， 最啱解渴飲。