人和荳品廠

营业中

休息中

今日去左人和荳品叫左兩碗薑汁豆腐花，再加煎豆腐。之後望一望個餐牌同鋪頭D牆有冇豆腐花既價錢。望嚟望去都揾唔到。心諗。頂盡咪廿蚊碗。點知個姐姐寫五十蚊。我再問一次姐姐。因為以為寫錯。佢好cfm 咁答我。。。係呀。豆腐花兩碗嘛🧐🧐🧐嘩!25蚊。碗豆腐花曉飛㗎😓😓😓😓都叫左。一定食。一凍一熱。食完就知賴野。豆腐花冇豆味。又唔滑。嚡既。呢D點叫豆腐花呀⋯⋯仲有。有煎野個仔仔。叫佢兩次都聽唔到。我張枱同佢一個身位only..講真。今時今日又賣得唔平。又冇服務態度。一定冇下次。

有時行街攰攰地，又有點肚子餓，我會想去食下煎釀豆腐及煎餃子，每次想起來都愛去人和荳品廠吃它們，因為就腳而且好方便，食完又可以再去shopping 。點解咁鍾意食，因為煎釀豆腐，豆腐很滑，豆味香濃，煎得很香及可口，加上少許的鯪魚肉點綴， 素食得來帶點肉香，再加些甜醬及辣醬更增滋味感。煎餃子，煎的餃子皮外脆內軟，韮菜味很重，還有點湯汁，是我喜愛的餃子啊～雖然食材很簡單，不論任何時候都可以去食，早、午及晚餐，不分時段想起就會馬上去食，哈哈。

炸菜肉餃, 入面得D 椰菜, 肉好少LAW, 咁不如叫做素菜餃LA, 個皮厚左少少, 薄番D會好D, 都炸得夠香口GE。燒賣D 皮全部都係硬GE!!! 我地頂唔順投訴,佢地話幫我地再翻熱睇下, 但都係有D硬, 唔得LAW魚肉釀豆腐係大舊呀 ,但煎得唔香口, 魚肉又薄, 舊豆腐又無味, 麻麻咋WOR豆漿都係普普通通, 豆味無乜, 勝在唔太甜。

I went in this hidden gem and received a glorious smooth and light tofu pudding to end my night after a long day at work. Truly satisfactorily! I found this place after finding out that there was something like this near my apartment and I couldn't hold back because this is one of my top favorite food. I also ordered the fried noodles when people were ordering a lot of those so I did as well. The noodles tasted light and different compared to the other ones I've tasted. I wonder if this was home

今日同班朋友在旺角行完街，就打算食小小消夜，之後去吃碗豆腐花就回家。八點到九點這個鐘數都很多人，來到都有位坐，我哋一坐下就打算各自點一碗豆腐花。見到餐牌上有花奶豆腐花，香港唔係好多地方都仲有呢款豆腐花，通常都係淨係豆腐花或者加紅豆或者加芝麻，所以我自己就點左一碗花奶豆腐花，豆腐花口感和質地冇以前咁滑，奶都係香，但發現小昆蟲，有點影響食慾。建議改善衛生嘅狀況，其他食物都食過係好食嘅，我哋會繼續支持香港嘅小店。

今日下午我們喺旺角洗衣街附近做完嘢之後，覺得有啲餓，咁啱又行過旺角道見到呢間「人和荳品廠」入面都有幾多人客食嘢，心諗呢度嘅出品應該出品都幾好，所以我們就決定入去食個下午茶！我們叫咗魚肉煎豆腐係差唔多每檯人客都有叫㗎，本來充滿著期待以為會好好，點知一嚟到就令我們覺得好失望，因舖面嘅魚肉係超級薄身，好似紙咁薄，食落完全感覺唔到有魚肉，一啲質感都無，至於豆腐雖然都幾滑，但煎得唔算好香口，而且非常油膩！魚肉碗仔翅就比較稠身，好似用咗好多粉嚟溝開咁，食落感覺好似漿糊咁，至於魚肉雖然都幾大條粗身，但質感係相當腍身，一啲都唔彈牙，而且味道非常腥！

油渣麵：湯冷、麵太淋、豬油渣像淋咗嘅油炸鬼，係我食過最難食的麵豆漿：有股非常不自然的怪甜味（像砂糖水）韭菜餃：皮厚、個心不熱、菜老有渣坦白講，呢間嘢除24小時營業之外，簡直一無是處

睇完戲見肚餓，入嚟食宵夜。好迫好迫嘅小舖位，到深夜都係坐滿人。點咗煎韮菜餃同熱豆腐花，兩個人分。煎韮菜餃煎到好香但相對地好油，裡面都好多韮菜，算係足料。豆腐花都夠滑，唔怪得咁受歡迎。

係人和食咗十幾年，最鐘意食都係佢個豬油渣麵。麵多足料，吃一碗必飽。腩肉半肥瘦有咬口，加菜莆辣油拌食，香辣有勁。由廿頭食到三十都繼續支持（價錢同年齡並進🤦🏽‍♂️），多口叫埋生菜魚肉，極普通，不吃也罷👍🏼

以前的人和豆品廠，好像是香港人經過會吃點小食的地方，但是現在好像加價不少，一碟豆腐，小小四件，竟然索價＄20左右，明明一大磚豆腐，也只需＄4。重點是，不是煎得特別香，也是夾了少少魚肉在面頭，然後拿去煎，不特別美味；亦可能晚上太夜了，我還覺得豆腐有點兒酸味，不是太過好吃。豬紅豬腸，豬紅不太結實，味道沒有特別。有人說豬大腸有點兒臭、有點壓味才好吃🤔，但是反而我才不覺得這兒的豬大腸有什麼特別臭味，普普通通，豬大腸的質感不是特別彈牙，和深水埗「春潤堂」的爽彈清潔大腸比較實在差天共地。本來還想吃豆腐花，但是還是害怕不太美味於是沒有點了。

人和荳品廠，都其實週街見入去坐低純粹係因為旺角行行下街見攰攰地想食下嘢唧今次叫左兩樣嘢第一樣就係好多人都食過嘅煎豆腐幾好味，幾滑，記得要加豉油食依啲comment相信大家喺其他食評都睇到所以我都唔多講唯一想加多句嘅就係我男朋友唔食魚的仲要係少少腥都已經聞到食到嗰種人但佢都食得落所以唔食偏食的小朋友都可以叫第二樣就唔係咁多人會叫或者識叫啦就係…………淨豬大腸堅好食，成個感覺就係似豬肚湯咁不過唔同嘅就係啲豬肚，唔係，應該係啲豬腸係好肥因為每舊豬腸都係連少少豬膏的不過後生仔，又間唔中一兩餐，無所謂啦40蚊一大碗，勁抵食兩個人share其實已經好多環境方面就……well……人和，仲要係旺角店，你唔係會以為會坐得舒服嘛搭枱就堅架啦咁多人，你都唔會坐得耐啦所以都無乜要求咁多了總括黎講，如果你係好大腸之人真係要試下無食完無痾，安全

在太子吃飯，不小心就入多了咪錶1小時，我就提議不如去食糖水，諗諗下好似好耐冇食豆腐花，就行過去食豆腐花。係呢間野唔好食環境，都係好似一般舊式小食店咁，時不時會有人搭枱。呢碗係我老公食嘅紅豆豆腐花，賣相雖然一般，但跟出面糖水舖食嘅不一樣，豆腐花係比較滑。我當然就是食原味豆腐花，$10又平又大碗，不過今次味道好像沒有以前那麼滑？當然係一定滑過出面嘅糖水舖，今次豆味有點淡，沒有之前錦香，不過我相信佢下一次整嘅嘢應該唔會太差。

轉角呢間人和荳品，已經屹立多年，位置方便，人流不絕。新年係旺角掃完街，預備搭小巴歸家，有啲未夠喉，就一齊再入黎呢度食多碟魚肉豆腐。魚肉豆腐幾香口，有啲太燶。食落唔算肥膩，不過見到姐姐點樣用啲油煎完再煎實在有啲怕怕，真係要隔好耐先食一次。

食完飯後為食豬話想食甜品，於是就黎左呢間荳豆廠試下貪新鮮嘅為食豬分別叫左熱豆漿 ($8) 同熱豆腐花 ($10)熱豆漿好細杯，唔係好似想像中用碗上，飲落淨係得甜味而無黃豆味，荳豆廠黎計咁嘅質素都幾失望下豆腐花都係偏細碗，飲完豆漿後都對豆花無咩期望，食落反而有驚喜豆花嘅黃豆味夠濃郁，而且夠晒滑如果淨係食豆花都食得過嘅

成日行金魚街都經過呢間野望落都幾吸精。今日一試原來都幾難食。豆腐普通，上邊舊魚肉根本就係粉一d都食唔出係魚。9菜x煮熟放得太耐，唔趣，個d料唔新鮮，一食就食得出。豆漿無豆漿味。以後都唔食。豆腐加9菜x加凍豆漿48蚊太貴了。