京都抹茶屋 (已結業)

數月前曾到訪京都抹茶屋，當時覺得抹茶甜品不俗，環境亦寧靜舒適，故一直都想再訪. 早前友人告知憑恆生信用卡結帳，主餐牌享有85折優惠.看畢電影後，仍有個多小時才晚飯，想找個地方短暫歇腳，也就想起躲於美麗華商場內的的京都抹茶屋.下午時份­­，店內客人不多，向店員表示使用恆生信用卡優惠，她不發一言，只是搖頭表示沒有相關優惠. 我實在感到疑惑，即時上網尋回優惠訊息向該黑面短髮女店員展示，她一手搶過我的手提電話，令我感到很SHOCK! 其後她着我先坐下，她則不停打電話向寫字樓(??) 求救! 10mins過後，她懷着勉強擠出的笑容走過說來，說主餐牌是有85折優惠，不過需要惠顧滿$100 以上才可使用. 我當然沒問題. 當我選好款式後，其中一款為件裝蛋糕 (主餐牌內的) 卻又說件裝蛋糕不能使用優惠，又着我另選款式!其實我看回網上宣傳告示，優惠期由1/7/2015 -30/9/2015，而我惠顧當日已經是8月尾，居然整間店，數位員工，也沒人知悉此優惠，還要「大」客人說沒有優惠，直至本人向她展示優惠，才後知後覺打去office查問，如果鴻星集團根本不想向客人提供優惠，就不要向信用卡公司提出此小恩小惠.

跟朋友吃完韓式晚餐後，意猶未盡，總要找點甜食作結束，去了附近美麗華的京都抹茶屋，這裡是先食物付款後就坐著等。京都雪糕葛軟滋 $55雪糕抹茶味道不算重，沒有回甘味，小朋友也可以接受到，而糯米滋沾滿綠茶粉，煙韌得來帶少許苦澀，很不錯，所以伴雪糕吃就能調和。至於抹茶啫喱就一般。特盛白玉霜淇淋抹茶豆腐布甸 $45這個在雪糕機擠出來的比前者的質感較滑，半透明啫喱質感滑身好正，而丸子都非常煙韌 QQ，雪糕下的豆腐布甸口感很滑充滿豆味，這個我最喜歡。香蕉巧克力抹茶芭菲 $58這個有朱古力醬擠在綠茶雪糕，多種味道配搭，而且有粟米片伴雪糕不會單調，但整體味道普通。

尖沙咀（美麗華）★京都抹茶屋雖然抹茶令人為之瘋狂，不過三點幾黎到依間抹茶專門店都仲有好多空位任揀，唔通中伏？好彩。。哈哈～睇到menu咩都想食，好辛苦先揀到3樣出黎- 抹茶特選班戟（$50）：主角抹茶雪糕又滑又香濃，入面仲有幾件好creamy既小抹茶布甸♥ yummyyyyy！皮唔薄但厚得黎好煙un唔會乾憎憎- 雙莓牛乳窩夫（$45）：明明黎抹茶專門店但比佢個賣相吸引左♥哈哈～好靚呀２件心型waffle，一上枱已經聞到好香，不過烘得太燶變左黑心 ….OMG!!個牛乳軟雪糕極滑，入口即溶既感覺好幸福～- 凍北海道牛乳宇治抹茶（$40）：記得要攪完先飲鐘意佢用碎冰keep住好冰凍～不過如果抹茶味再濃d就好喇！可能飲慣左熱既matcha latte環境方面係大商場入面夠晒寬敞舒適，依層又夠靜可以同朋友仔慢慢坐下hea下傾下計～每張枱隔離都好窩心咁有個picnic小籐籃比人放袋

我係抹茶愛好者，所以我見到抹茶甜品一定要試下，十分推介濃抹茶班戟($55)我唔食Cream ，本想叫佢走Cream但唔可以，唯有小Cream ，佢入面有抹菜嘅雪糕、蛋糕、褔餅，連cream 都有抹茶粉，最重要個班戟皮都有抹茶味。雪糕味道同超市買嘅盒裝雪糕差不多。福餅係一舊粉團，不過表面充滿綠茶粉，好香綠茶味，而且有綠茶的苦味令到唔會太甜。蛋糕係綠茶味芝士蛋糕仔，綠茶同芝士味道剛剛好，不會太濃芝士味，蛋糕夠實，有口感。班戟皮有小小抹茶味，唔太甜，正。 成個加埋一齊唔錯，55蚊可以食到幾樣野都算食得過，夠抹茶味唔係得個名，所以成日黎食反個。大約有30個位，自己搵位，去櫃台買飛，有職員攞過黎，但服務好一般，水係唔唔會有，餐具，佢記得咪攞，無攞就自己去攞囉。*班戟唔係間間分店有，屯門我試過係無嫁，所以黎開尖沙咀就試下啦

今天和友達3人行去美麗華商場間京都抹茶屋hightea，因為壺花果茶比較甜，想叫女侍應加點熱水沖淡d，個女侍應拎咗兩壺茶去，跟住返嚟話唔可以加熱水。咁我問佢俾杯熱水我，佢話要收二十元！真係離晒譜，而且連一句唔好意思都無講呀！

The double matcha crepe was an interesting introduction to the world of Japanese desserts. The matcha ice-cream was nice, likewise the cube that felt like matcha cheesecake. In total I think there were four or five treats hiding inside the crepe, including a matcha mochi which had a light, dusty coating and a cube of some jelly-like thing. After eating all the cubes of matcha-flavour things I was left to finish the matcha crepe which had been filled to the bottom with cream. I wasn't entirely su

Happy Friday, 同朋友仔食完飯後，諗住搵個地方傾下偈，所以就去左位於美麗華廣場的京都抹茶屋 。餐廳係自助形式，先買飛之後就會有職員送到枱上。但係職員態度麻麻，買個甜品都好似令到佢唔滿意咁，因為我地想坐入面，但係唔知餐廳原來有分枱號，所以比個職員問到口啞啞，咁邊張呀？前定後呀？係咪即係嗰張呀？ 一口氣講出黎，仲要面黑黑咁，欠左你咩？順利點餐後，我地就諗住坐職員所指的7號枱，點知 …… 個職員完全無執拾過枱，入面一共有5張枱，但4張枱都係無執拾過的 ，所以我地只可以坐返門口的二人枱啦。朋友仔就叫個京都雪糕葛軟糍$55，甜品一黎到，朋友仔就大叫貨不對版，同餐牌差咁遠的。朋友仔話味道一般，抹茶雪糕算茶味較香，唔值。而我就叫左京都京都霜淇淋甜品$45，而甜品內包括：抹茶軟雪糕，紅豆，白玉，抹茶軟糍，透明果凍，少量抹茶汁。味道方面：抹茶軟雪糕：茶味較出，而食唔到奶味。抹茶軟糍：好香茶味， 算係唯一亮點。透明果凍：靠抹茶汁先有味道，爽味。紅豆：有點甜，唔夠香。白玉：就實實地，有點黏口，唔夠彈牙。總結：比起其他同級的抹茶甜品黎講，京都抹茶屋算係麻麻，不過不失的貨色。職員服務態

今次其實是第二次來,第一次來的時候可能是非常新開的店,我們一行5-6人都吃得很舒適,但今次來到的時候超多人了...變了等位也等了好久,而服務態度也差了不少...(一會再說),所以呢, 就算抹茶有多好吃,我也未必會再在超多人的時候來吃了呢!今次試左一個紅豆白玉抹茶軟雪糕, 一個抹茶pancake.紅豆白玉抹茶軟雪糕: 這是飯伴所點的, 偷吃了幾口,抹茶軟雪糕的抹茶味不錯, 雪糕也滿香滑,至於配上的紅豆白玉的配料也不過不失的.抹茶pancake: 店員說沒有抹茶吉士,所以為我轉了原味吉士,這款所配的雪糕是硬身一點的, 抹茶味會濃一點但少了一份香滑的口感;pancake皮也有淡淡的抹茶味,至於那個吉士, 我覺得不好吃, 什至覺得有點難吃.下次再選...都是吃回軟雪糕吧~~~

晚飯後在尖沙嘴逛街，不爭氣地逛到了食甜品的地方！這間在美麗華商場的京都抹茶屋，地點有點隔涉，在二樓的督督。 抹茶特選班戟 $50 － 班戟皮柔軟，裡面的抹茶雪糕有非常濃郁的抹茶味，紅豆和甜忌廉也好吃～特盛白玉霜淇淋抹茶豆腐布甸 $45 － 比薩斜塔狀的抹茶軟雪糕，味道比起班戟內的雪糕淡，抹茶味不濃。三色丸子🍡是重點，味道各不同。整體味道比較清新，不會很甜。底下是抹茶豆腐布甸。有抹茶顏色不過是豆腐的味道。旁邊的茶凍比較有茶的甘香。如果下次再到這裏，應該會食有雪糕球的甜品，抹茶味比軟雪糕正好多！或者會試試蛋糕和抹茶飲品～

由我去帶一個中意甜食、中意日本的女仔朋友在尖沙咀落腳happy tea，我會揀美麗華商塲的京都抹茶屋。平日下午一個人來吃茶看書，只要你有點餐，服務員就完全不會黑面趕客。歸根抹茶屋整體店鋪空間充裕，座位濶落，店內店外的卡位都有足夠的私人空間。這次我們兩個女生點了紅豆抹茶班戟和宇治抹茶十勝窩夫。「宇治抹茶十勝窩夫」($45)在香港地方窩夫再好食，都跳不出格仔餅的模樣。今次遇上心心窩夫，未食巳經開心。除了位子位子形狀不單影相入鏡，tum女朋友同tum媽咪一定岩哂! 我就見到鄰座的小妹跟窩夫瘋狂自拍(笑)。說回食物的味道，窩夫雖然是即點即做，但商塲的冷氣令窩夫上碟後很快變冷，但雪糕就可以慢慢吃。窩夫的份量輕盈，夾著甜甜的抺茶雪糕，比例恰當。「紅豆抹茶班戟 」($50)50大洋的班戟在香港略貴，但跟原宿的班戟相比，這個京都抹茶屋的班戟完全物有所值。鬆軟的班戟皮裡塗了厚厚的抺茶醬，巻著香軟的抹茶布丁、抺茶雪糕、紅豆和新鮮忌廉。我吃了大半個肚已經很滿足。正所謂適時適食，踏入五月我應會轉轉口味，暫時同抺茶美食bye bye啦~

 是日行街行到倦，係食晚飯前搵個地方休息下，知道美麗華商場裝修後有間京都抹茶屋進駐，咁就行去坐坐。小妹其實幾喜歡抹茶嘢，雖然未至於叫抹茶控，但要從幾樣包括抹茶在內0既選擇中選其一，一定選抹茶。搵個位坐位先，枱面有個蛋型燈，不過由於附近燈光好猛，所以就算盞燈有無開都唔係好覺...睇睇menu，大部份甜品都包左雪糕係裏面，我又唔食得，所以就選嘢飲。睇圖d嘢飲都好靚，叫左個柚子宇治抹茶。點知，到上枱...雖然隻杯幾典雅，但點解同張圖差咁遠ga??????????凍飲同熱飲0既分別真係咁大...我倆都O曬嘴...算，試下味...唉...只係一杯用抹茶粉開水再加D柚子入杯裏面0既飲品，兩種味一D都唔match...簡單嚟講都幾難飲，仲要超甜....好失望...嚟呢度真係唔應該選熱飲...

Came here to wait for boyfriend as we were headed for dinner nearby. I didn't want to eat anything so I only ordered something to drink.Kyoto Matcha Cafe is a quiet corner in Miramar Shopping Center. It's a bit hidden as it's upstairs from Starbucks. As it was quite empty, I found a seat really fast.Menu is in English and Chinese. What they serve is matcha drinks, cakes, ice cream and crepes. If you don't like matcha, then this place isn't for you.Hot Uji Matcha with Hoikkaido Milk ($40). This w

與二號走進了👣美麗華商場。 美麗華商場經重新翻新後，似乎對🍴食店更為着重，先後已有很多新食店進駐。京都抹茶位於商場盡處，佔據了商場一邊的L字位，倒也自成一角，避開了商場最旺盛👪的區域，絕對可以在這兒🌜小休一刻。Cafe店名已表明這兒是以抹茶食品為主打項目。陳列冷櫃⛄內早擺放了很多抹茶甜品。原先只是隨便經過看看，但當見到正進行優惠推廣，購買特定食品可以免費送🍫朱古力飲料或☕咖啡一杯，便決定在這兒來個輕食午餐順便試一試這裡的抹茶甜品。打開餐牌，抹茶系列的甜品及飲品倒也不少，只供應最輕的輕食類主食，種類寥寥可數。跟餐的咖啡先送上來。茶具倒也精美，不過咖啡則不過矣矣。連奶🍼也沒有分開上桌，太過隨便。按餐牌上標示，京都咖啡盛為$40。這樣普通的咖啡真的不值得單點，真的想喝咖啡就不如到樓下的Starbucks去算了。班戟即點即做，曬上少許蜜糖🍯，伴上少許沙律菜，感覺輕盈。班戟剛上桌時表層倒也相當鬆脆。用刀🔪輕敲甚至可以感受到餅皮碎裂的質感。不過這種鬆脆感很快就消失殆盡。想吃鬆脆的班戟便要趕快一點。切開班戟，裡面裹着兩條豚肉🐷腸，伴有蕃茄，芝士，芥末醬及少許沙律菜。豚肉🐷腸普普通通，不過加入芝士芥末

在烤肉店吃不飽的情況下，我們決定要吃點甜的溝溝貨. 其實尖沙咀甜品店多的是，但我們實在不想到那些要在街邊等位而坐不夠15mins就要離開的店舖，於open rice搜尋下發現了美麗華商場開了京都抹茶屋，雖然曾經想試屯門分店的甜品，但那些comments令到我至今仍未能踏出一步去嘗試.由於美麗華店新開不久，而且店子躲藏在商場2樓一角，故星期一晚上客人不多. 而且我們正好選了一張開揚的餐桌，可以望到下層商場的位置，感覺沒那麼拘束.店子是開放式以及自助形式的，我們點好了食物就到收銀枱付款，食物會由店員送上.由於我們吃不飽，故選了2款甜品分享，再各自選一杯飲品作為late dinner!甜品款式很多，不過第一次來到抹茶屋，當然要選主打的抹茶甜品la.宇治抹茶十勝窩夫 $45即烘的窩夫外脆內軟，而且弄成心型，賣相很漂亮. 再吃一口抹茶雪糕，茶味濃郁且相當甘香，甜度亦不高，再沾點飽滿甜蜜的十勝紅豆同吃，甜中帶甘，很有幸褔的味道!特盛白玉霜淇淋抹茶豆腐布甸 $45以木碗盛載的抹茶雪糕很有和風的味道，賣相一流. 抹茶軟雪糕入口相當幼滑，充滿抹茶甘香且甜度不高，令人回味. 旁邊的白玉丸子也很煙韌，底下的

今日收工，終於可以去試下系美麗華新開既京都抹茶屋😜其實之前系屯門都食過佢地既「抹茶之園」，但美麗華呢間有新款既甜品，所以期待左好耐。去到果然無令我失望，門面好企理乾淨又大喎，menu上既甜品真系好吸引到人入去食，好靚💓因為已經食左晚餐既關係，我同男朋友只系叫左一個甜品。我地叫左個宇治抹茶十勝燒餅，$45兩塊燒餅夾左一pat cream同埋一個抹茶雪糕球，拌碟系十勝紅豆， 我極力推介呢款，因為個抹茶雪糕好正，而個燒餅亦好有抹茶味，應該系上面灑了的抹茶粉和中間既雪糕球都滲入燒餅中..冇得彈!😛p.s. 進食時見到個侍應捧住個大野出黎俾後面枱，好震撼，睇番個menu原來叫特盛芭菲，仲有得送即影即有一張..我已經決定下一次要搵多啲fd一齊挑戰佢食呢個😍😍😍