京都抹茶屋 (已結業)

 是日行街行到倦，係食晚飯前搵個地方休息下，知道美麗華商場裝修後有間京都抹茶屋進駐，咁就行去坐坐。小妹其實幾喜歡抹茶嘢，雖然未至於叫抹茶控，但要從幾樣包括抹茶在內0既選擇中選其一，一定選抹茶。搵個位坐位先，枱面有個蛋型燈，不過由於附近燈光好猛，所以就算盞燈有無開都唔係好覺...睇睇menu，大部份甜品都包左雪糕係裏面，我又唔食得，所以就選嘢飲。睇圖d嘢飲都好靚，叫左個柚子宇治抹茶。點知，到上枱...雖然隻杯幾典雅，但點解同張圖差咁遠ga??????????凍飲同熱飲0既分別真係咁大...我倆都O曬嘴...算，試下味...唉...只係一杯用抹茶粉開水再加D柚子入杯裏面0既飲品，兩種味一D都唔match...簡單嚟講都幾難飲，仲要超甜....好失望...嚟呢度真係唔應該選熱飲...