京笹居酒屋

营业中

休息中

京笹居酒屋雖然位處尖沙咀，窗外望出海防道人潮熙來攘往，但亞士厘道嘅入口真係行開尖沙咀嘅都無邊幾個會行到過嚟，默默地瑟縮喺鬧市一角。之不過但凡有美食之處，總會有唔少有識之士，當你以為佢哋座落喺唔起眼嘅位置，偏偏京笹就長期滿座，最好記得提前訂座。京笹係正宗日本人喺香港開設嘅居酒屋，每次打電話嚟訂座都聽到老闆好親切嘅日本腔廣東話。入到去環境就逼逼哋，同埋會聽到好多日文，證明都唔少在港日本人嚟幫襯。坐低之後就店員會拎份前菜過嚟，日日都唔同款，甚至乎同一日唔同時間嚟都有機會唔同，今次呢款有啲wasabi味幾開胃。之後就咩都唔駛講，即刻叫咗個刺身沙律，每次嚟都係必食，刺身同沙律混埋一齊真係出奇地咁夾，我覺得直頭係鎮店名菜除咗刺身沙律，其餘都係未必會次次必食，畢竟京笹Manu咁多選擇，真係有排試蒜片牛柳粒(4/5)其實好好食，但真係唔襟食，如果慢慢食，啲牛柳粒凍咗就即刻變得唔好味，所以要趁熱食，牛柳加蒜片真係perfect match炸蝦天婦羅(4/5)其實之前嚟都有食開，但今次炸到少少過咗籠，但入面隻蝦都係咁正汁燒鰻魚(5/5)平時叫開銀鱈魚西京燒💯，真係超好食，今日就試吓鰻魚，嘩又係咁正，啖啖肉

很久很久以前，吃過一次，拿了一張優惠券，今次剛剛好可以使用了。已經六七年前吃過，沒有什麼印象，今次總算可以重新體驗。看網上的評語有時好壞參半，或是食物質素大不如前，或是只是吃氣氛。今次一試也不是太差。叫了幾個菜式，感覺價錢偏貴。前菜，是兩隻熟蝦配調味汁，感覺上是要付錢的，但也沒辦法，結果每客$26，就是平均一隻蝦$13，雖然蝦的肉質和調味也還可以，但感覺不太良好。送的清酒只有一瓶醬油這麼大的份量，而且喝得出只是一般貨色。原條深海池魚刺身$158，全晚最好食的菜式之一，吃完魚骨拿去炸，也多吃一味菜。汁燒魷魚$88，就是燒汁燒完條魷魚，魷魚腳有點燒焦，整體不過不失。明太子釀雞翼$58 ，只有兩隻，雞翼瘦小，明太子釀在裏面，看得出不是急凍，只是味道不足整體明太子和雞翼也比較淡口。清酒煮蜆$78，蜆十分大隻，湯汁略嫌不夠清酒味，顯有微量沙，還可接受。雜錦魚生飯$258，上面的海膽相當鮮甜，配料也有三文魚，吞拿魚，油甘魚，魷魚，八爪魚，北寄貝，熟蝦等，配料份量也多，刺身各有三片，比平常的海鮮丼超值，還配有味噌湯。環境熱鬧，但比較擠迫，冷氣不足，店員服務相當迅速。

平民食物係日本菜嚟講，自己就比較少見識，不過平民居酒屋係尖沙咀種旺區就真係少見而且內裏環境都充滿左日本居酒屋既感覺～舊時經常經過門面真心唔敢入，以為係貴價日本菜，點知一入就充滿驚喜～食物質素上可以話感覺食緊真•日本人既家常菜或居酒居既菜式，雖然味道有啲係偏淡，不過一個幾種意日本文化既朋友話日本本土係咁架～但係我都幾種意，其實好多菜式去到非本土地方都改變哂，因為要遷就當地人，而呢間居酒屋既菜式感覺冇遷就到走唒樣～炸雞軟骨本身嚟到一睇，好似炸過龍乾得濟，但係一食落去，其實仲保留住入面濕潤外面乾爽，因為有一啲係炸到油淋淋，所以幾驚喜，餸酒必備！炸豆腐佢配上醬油加蔥花蘿蔔絲，食落清新唔會好咸，亦都唔油膩～牛肉炸野菜又係炒得啱啱好，需要鑊氣未必及得上中式或港式，但係唔會炒到好油，調味亦啱啱好唔會蓋過左蔬菜本身既甜味煎鯖魚雖然係煎但係内裡肉汁保留到好多，唔會煎到好硬，保持到魚肉嫩滑，加埋檸檬汁，掂！檸檬清新既酸味，魚肉本身既甜，魚皮表面上既咸，一定好餸飯鹽燒牛舌牛舌本身既油脂香而不膩，可以話唔會停到口～牛舌亦都好腍身，唔洗點用力嚼麝香葡萄酒白葡萄味濃郁得很，香味甜味俱在，杯內有冰球所以覺得太甜可以

睇完侏羅紀世界都成九點幾，好多舖頭都閂咗門，行行吓見呢一間收十一點，加上店面好似幾唔錯，就試試佢。一入去有個識講廣東話嘅日本哥哥仔迎賓。隨即就送上前菜。- 魷魚白蘿蔔$23一位魷魚唔算彈牙。-燒鯖魚 $78表面香脆，就好似喺屋企都做到嘅效果。-迷你雞鍋 $138湯底好似水一樣，成鍋就係用水烚嘅蔬菜同雞。-天婦羅冷蕎麥麵 $98蕎麥麵爽口，天婦羅香口。-炸雞軟骨 $49正正常常，同喺煎釀三寶嘅舖頭賣嘅一樣。-Cajyutta 燒酒 $48燒酒味道唔出，感覺似飲緊西柚汁。-三文魚茶漬飯 $49茶味清香，唔係好多三文魚。-燒五花腩 $68肉質嫩口，不過佢係冇脂肪嘅腩肉，好似叫肉片係咪好啲？-自家製荔枝酒 $58荔枝味同酒味唔濃，酒量唔好又想飲少少酒嘅可以試下。

早幾晚誤打誤撞，點估到喺海防道一個暗角會有隨意門，一嘢撞咗入新宿🙌佢開業有一段歷史，可能好多人都試過。近年好多「食咗當去咗」嘅推薦餐廳，今晚呢間真係俾到呢個感覺我🤯-首先全間餐廳店員都係日本口音嘅廣東話，仲經常唔覺意講返日文，例如聽你落單會口噏噏はい😆。仲有成個環境好熱鬧，大家都飲緊酒🍻吹水，配合牆上日文手寫餐牌，真係巧有feel。-事不宜遲，馬上去食評💕免費🆓前菜非常一流，酸酸哋嘅青瓜🥒海蜇沙律，好爽脆，勁開胃。海膽壽司(2/$68)估唔到呢個價位可以食到咁鮮甜、咁大嚿嘅海膽，一上枱見到隻亮橙色🧡已經心中有數，入口果然美妙，填滿口腔嘅鮮甜，無腥味。配角紫菜亦十分之脆，嚿飯唔會一夾就散，抵錫😘。自家製八爪魚炸魚餅($68)好多八爪魚🐙粒粒同蔥花喺入邊，口感軟綿綿，外皮唔油膩，唔過咸。日本家庭式料理風味。炸雞軟骨($49)好正宗日本食到嘅味道，調味偏淡，唔會好鹹要飲好多水，雞軟骨仲有啲肉黐住，唔會淨係啃骨🦴咁傷心。新鮮炸起外脆內軟，出色😋鰻魚丼($130)份量唔細，兩個人share都分到每人三碗仔🍚，女仔一個人都夠飽。鰻魚份量雖然唔係特別多，但表現優秀👍，表面有焦糖焦香，魚肉🐟厚身嫩滑無

由日本人主理 位於尖沙咀既隱世居酒屋🏮裝修充滿左日本既感覺 環境比想像中大 坐低就會有熱/凍抹茶選擇🍵🍣刺身定食有成7種刺身咁多 加上佢都切得唔算薄 食落覺得幾新鮮 滿足🤣🥢汁燒牛肉飯日本珍珠米上面鋪滿左燒汁牛肉 味道好夠 份量都幾多 不過牛肉既部分就未算驚喜🐙八爪魚炸魚餅可以食得到粒粒八爪魚既口感 都食到魚餅既味道 不過相較港式既彈牙 佢會偏向係日式好soft既感覺🫔炸牛肉薯餅普普通通 食唔到牛肉味食物🌟🌟🌟環境🌟🌟🌟性價比🌟🌟🌟✨打卡指數🌟🌟🌟

今日嚟到京笹居酒屋食個午餐，點解會話呢度係地道，因為呢度係由日本人一手處理，一入門口日本老闆已經用日文嚟歡迎你，感覺就好似真係去咗日本咁。自第五波疫情之後已經有一段時間無嚟，今日嚟到食lunch 好似包咗個場咁，應該係因為附近啲人都work from home晒。我自己一個坐咗入包箱，私隱度高之餘仲非常之有和式格調，環境滿分當然最滿分嘅配套一定係佢哋嘅日本店員，由入店嗰刻開始已經覺得自己好似去咗日本旅行咁，外遊嘅感覺返晒嚟今日繼續叫返我嘅至愛，三色魚生飯，叫飯佢跟一個麵豉湯俾你，飲品方面人人都會有杯足料綠茶。三色魚生飯佢俾嘅魚生係海膽，魚籽配三文魚，絕對係極上嘅刺身選擇使。咁樣一個魚生丼都只係$80，簡直係超值。順大一提正常佢嘅午市係要排隊架，所以洗唔洗排就講運氣。

難得和監督夫人二人世界，就過海去到平日成日爆棚嘅京笹食個午飯。入到去餐廳，一個人都無嘅？ 原來要再入玄關先至係食飯嘅地方。餐廳佈置非常日式，連幾位侍應都是日本人，說著正宗日文，又會說有口音的廣東話，但一貫非常有禮的日本🇯🇵風情。未食，都已經對餐廳印象加分。入正題！食物整體都好有水準，叫左4樣野食加杯黑加侖子汁！ 330蚊埋單。價錢合理，但就似去左日本，係日本的居酒屋食左一餐正宗日本餐一樣，令人回味。10分推介，猶其係掛住鄉下嘅人呀！ 一定會再黎！I’ll be back.

中午嚟呢間居酒屋食lunch，食飯時間人山人海食好多人，枱與枱之間都好逼夾，午市套餐嘅價錢都尚算合理泡菜五花腩飯：五花腩燒到好香脆，咬落啖啖油香，不過可以見到其中有塊燒唔熟，同職員講完之後就咁翻熱就算，冇換過份新嘅😓，泡菜味道有少少辣，配埋五花籃食幾惹味海膽三文魚子三文魚三色魚生飯：魚生望落都算新鮮，不過份量比較細，通常魚生飯都要鋪到見唔到飯，三文魚口感比較多筋，三文魚子比較細粒，海膽入口好大陣明礬味，口感有啲滑潺潺，唔creamy， 感覺唔太新鮮；醋飯煮得太淋，一patpat，而且酸味好重😓整體來講，食物質素麻麻，環境又逼夾，服務態度亦不太良好

食盡尖沙咀之日本菜：京笹居酒屋—————————————————一間位於尖沙咀唔太起眼既居酒屋，經朋友介紹嚟到食中午飯。店舖由日本人打理，不過由於店鋪面積唔大，想試既朋友就要係繁忙時間入面早小小嚟或者等一等喇。🔸 牛肉火鍋定食 $80牛肉味濃郁，肉質適中，點上日本生雞蛋汁，配搭一流。另外，午餐加多$10，亦都可以有日本雞蛋同紫菜💭 Overall comment:午餐嚟講，食物質素唔差，價格適中，而且環境乾淨，對附近番工既朋友嚟講，係唔錯既選擇。🍽食物: 7/10🌌環境: 7/10👔服務: 7/10🎖CP值: 7/10

一直有光顧此家居酒屋，之前食店不單在安排坐位及食物上都能令客人有在地日本同類食府的感覺，因此價錢都不太在自己的考慮之列，所謂「食得開心」，「食得放心」。但今次光顧的經歷，除了店主仍說日語之外，由用餐環境至食物質素均大幅下降，令人嘆息不矣。先說用餐環境，最大的轉變不是裝修，而係店家摒棄原來讓客人有寛敞的用餐環境，竟在疫情水深火熱之下，猶把用餐地點密密的放滿桌子，兩人用餐的桌子剛剛只能每人放一份餐，每桌之間間隔亦狹窄不堪，真係大隻小小都發生肢體碰撞，連快餐店如大家樂亦比之濶落。光顧當夜已見多位客人對其桌子密集佈局頗有微言，試問日本店家之前是這樣安排的嗎？人均消費達HK$200.00以上的日本居酒屋，敢讓客人坐得擠逼如是，豈不更易感染新冠肺炎？為多放桌子而不顧客人安危，同時破壞日人於食事上安排穩妥的傳統，就多賺兩塊也不見得老客人會不流失。桌小人擠之餘，連食物也遠較之前失色，連不入流漁生店也知刺身要上冰盤塾底。當晚點了一份大盛日本刺身，因為桌子放了兩份主食後，怕是連放似樣的食碟都放不下，大量刺身放在一隻碟上，要是你不急速吃完，擠逼環境加燈照，生物怕也變半生熟物，甚至出菌。吃完這種安排的刺身下，

木系裝修， 氣氛夠日式。 午餐選擇都多款式，只是很爆場，星期四五多數要等位。 鰻魚飯鰻魚肥美， 好大條。 米飯用珍珠米，綿香好食。 牛肉粒分量很大。半生熟， 人口juicy 唔鞋口。 

🏠閙市角落 x 日本人打理居酒屋🏠推介指數 ❤️❤️❤️❣️🤍位於海防道穿梭亞士厘道樓梯旁邊或是亞士厘道盡頭，掛著大大個綠色燈箱的居酒屋。日本人打理正宗居酒屋，門面感覺充滿歲月痕跡，店內家庭式感覺。午市定食選擇頗多，炸物、刺身丼、烏冬、咖喱等等。🐟池魚蔥碎飯 HKD70✨食落新鮮味道甘香的池魚份量不少，配料薑蓉、紅薑、醃蘿蔔、紫菜絲等。飯可以選擇壽司飯或白飯，米飯軟糯且壽司醋份量恰好。味噌湯正常水準～🐥炸雞蘿蔔蓉甜醬定食 HKD72✨炸雞外層酥脆內juicy且乾身，面層蘿蔔蓉可減肉膩感，椰菜絲、車厘茄及青瓜片伴碟同樣新鮮爽脆。炸雞可點上甜醬汁增加味道，定食附有白飯及味噌湯～整體來說午市定食價錢親民，定食套餐選擇多，且店內使用日本米。難怪成為同事們的飯堂～總結：-食物 ❤️❤️❤️❤️🤍環境 ❤️❤️❤️❣️🤍服務 ❤️❤️❤️❣️🤍.··🔖京笹居酒屋 (尖沙咀)🪑尖沙咀海防道32-34號寶豐大廈1樓

有次同一大班朋友去左尖沙咀呢間居酒屋食野，食左好多好多野🤭 人均都食左$3xx~ 基本上除左生野我冇食，佢地每一款熟食我都超滿意🤤 同埋佢地真係日本人開架，不過佢地都操流利既廣東話，所以點餐都冇咁驚😆相片中展示左天婦羅、蒜片牛柳粒、炒飯、什菜鍋物、自家制梅酒、黃豆粉丸子😜 望到都想再食番😭😭 所有野都係即叫即整～ 記得一定要叫酒😝 再配小食加一班人吹水，氣氛真係好正！特別要讚下佢地個黃豆粉丸子上枱係暖暖地架，超正😭😭😭😭好想再食呀😭 不過價錢真係有啲貴，唯有啲特別日子再食啦🤪🤪

這是一間開業多年的日本居酒屋，以往在尖沙咀工作時常經過，但一直都沒有機會試，今天舊地重遊朋友又想食日本料理便決定一試。傳統日本家庭小店門面座位不算寬躺，日本家庭式居酒屋裝修。店內提供多款午市定食。燒和牛粒定食，一般水凖。鰻魚飯定食，鰻魚份量不算大。三文魚刺身估計小店是日本人主理，店內有多名日本侍應，食物水準不過不失，價格不算貴但欠缺特色，相信店主是主打大眾化平民路線，如想吃地道日本料理，不計較裝修花巧等可以一試。