京林屋 (明宮閣) (已結業)

京林屋都幾多分店，上次去銅鑼灣食過，今次再去太古食下先。餐廳空間感不錯，簡約的日式裝修很舒適。林屋和食料理 (單品$88 配自選茶$108)和食料理色彩豐富，品種多，有成8款咁多，啱晒貪心嘅我。芝士魚糕好有咬口，醃魚很入味，酸酸甜甜的很好送飯，照燒汁雞肉很惹味，雜豆蒸蛋也很出色，章魚魚子沙律令人很開胃，仲有帆立貝㖭。有味飯很美味。醃蘿蔔放得很有格，味道偏酸，味噌湯味道正宗，不會很鹹。抹茶蕎麥麵 (單品 $78 配自選茶 $98)配料有菇和紫菜，蕎麥麵的抹茶味淡淡的，配熱湯食，暖lub lub，份量都幾多。抹茶牛奶 ($46 凍)，抹茶和牛奶的比例不錯，牛奶不會太重。林屋抹茶芭菲 ($88)美輪美換的matcha parfait， Topping有抹茶雪糕球、抹茶凍、紅豆、白玉和fresh cream，中層有抹茶軟雪糕，低層再encore fresh cream、紅豆、抹茶凍，抹茶味道質素實在係水準之上，有驚喜係中層仲有梨子肉，味道很特別。焙茶 朝薰 ($46)朝薰個名好特別，原來係因為茶葉炒完後，有種特別香氣，茶味也更濃郁，就係hojicha asakaori。可以回冲三次，跟指示做，

位於太古城道22號明宮閣地下的京林屋，主打日式抹茶甜品，餐廳也有幾款主食提供，和朋友OT到八時，約八時半入座。餐廳在晚上9時後便會停止供應鹹點，要注意呀。餐廳的營業時間至晚上十時，有不少打工仔收工後來吃抹茶甜品。首先來到的是金目鯛定食。定食還包括前菜、味噌湯、醬煮金目鯛、飯。金目鯛的味道鹹鹹香香，醬汁濃濃的又夠熱。而且嫩嫩的魚肉已經去了骨，送飯一流。點了一杯抹茶沙冰雪糕，沙冰打得夠碎，抹茶味的雪糕也不會太甜，雪糕也會慢慢溶化至沙冰中，令沙冰口感夠滑溜。朋友點了一客京式鰻魚飯，賣相精緻。鰻魚的肉質不會太散，醬汁也是頗香濃，旁邊還有蛋絲作拌料。前菜也是酸酸醒胃的醋醃蘿蔔條。溫的葡萄煎茶來到了，店員會提示「焗茶」的時間，會用白色小沙漏來計時，十分講究。煎茶味道清香又解膩，葡萄和茶的味道各佔一半，配搭得宜。葡萄的香味也十分清甜，冬天喝一杯熱茶，一樂也。當然少不了吃這裡的招牌甜品。甘栗抹茶紅豆白玉甜湯是餐廳其中一款熱的甜品。建議吃之前先把底下的紅豆攪勻再享用呀。抹茶本身沒有甜味，和甜甜的紅豆蓉十分相配。白玉其實是小湯圓，煙煙韌韌，冬天吃溫的甜品暖暖胃，十分享受。朋友則點了香港限定芭菲，賣相美美的

和舊同事相約食飯，又再來京林屋聚舊。具有日式抹茶屋的風格，中午時份已坐滿食客。京式鰻魚飯鰻魚燒得香口，醬汁很入味。稻庭麵雪白色的麵非常白滑，湯汁很鮮甜，滿載著日式抹茶屋的味道。香港限定芭菲很巨型的芭菲，頂層有香滑抹茶軟雪糕，丸子很煙韌，紅豆很香甜與抹茶味配合得天衣無縫。焙茶芭菲頂層雪糕球是用焙茶製成，很有茶香味。中間的雲尼拿雪糕更是香滑鬆軟，甜度適中，吃得津津有味。黑豆茶有茶香之餘又黑豆味突出，提升了味覺的層次。

每次都帶女朋友去銅鑼灣希慎廣場的京林屋，今晚一於給她一點新意，去太古城的京林屋，哈哈。稻庭麵 配自選茶 $88 稻庭烏冬扁身彈牙，湯底清淡，還有兩大片日式腐皮魚蛋提提味。葡萄煎茶葡萄味香濃，帶著果香。抹茶蕎麥麵 配自選茶 $98湯底帶有菇香，而且湯中有小粒滑溜的菇，配上有抹茶味的蕎麥麵很夾。玫瑰蘋果煎茶淡淡玫瑰和蘋果香味，很清新。抹茶牛奶 $46 焙茶牛奶 $46焙茶比抹茶香濃，有點飲奶茶味，很香滑。焙茶餡蜜 $78餡餅又有咬口，啖啖焙茶味，加上煙韌的丸子和滑溜的焙茶雪糕很美味。林屋抹茶芭菲 $88有7層不同配料，當然不少得有抹茶蕨餅，還有紅豆和抹茶雪糕，很豐富。

銅鑼灣的分店太受歡迎，終於於太古城開設分度分散人流，今晚一於去太古城逛逛街然後去吃晚飯和甜品。《京式鰻魚飯 配自選茶 $118》有蛋絲和肉厚的鰻魚，鰻魚切成粒，口感微脆，鰻魚汁又夠，伴飯吃很惹味。《桃味焙茶》店員建議加入滾水後可倒轉沙漏，沙漏完便可以飲用，建議飲用3次。《金目鯛定食 配自選茶 $108》魚肉質十分腍甜，配上微甜的醬汁很惹味，拌飯不錯。《玫瑰蘋果煎茶》並不是一般的果汁味果茶，而是淡淡的葡萄茶香，解甜膩。凍抹茶比熱的更富濃烈的抹茶香，入口清新解暑。《抹茶牛奶 $46》抹茶味濃，很香滑。《特製林屋抹茶餡蜜 $98》除了抹茶雪糕之外，本身這甜品的味道很淡，所以蜜糖很有提味作用。餡餅很Q彈、丸子又煙韌。《焙茶芝士蛋糕 $88》抹茶芝士蛋糕吃得多，焙茶芝士蛋糕還是第一次吃。焙茶香濃，沒有抹茶芝士的膩，質感同樣地滑，好吃。

抹茶真的很吸引，今天終於黎左＜京林屋＞潮聖。 今日去左太古城＜京林屋＞食晏，＜京林屋＞係日本京都擁有200幾年歷史，各位抹茶迷一定認識。＜京林屋＞提供的甜品比鹹食多，天下の昔、抹茶蕨餅、林屋抹茶芭菲都好出名，絕對係抹茶甜品既保證。 今日我鹹食同甜品都點哂，一次過滿足哂所有願望。熱食方面點了: 『讚岐烏冬$68』、『林屋和食料理$88』甜品方面點了: 『抹茶啫喱雪糕$58』、『 特製林屋抹茶餡蜜$98』  『讚岐烏冬$68』以日式魚餅及紫菜絲作配料，烏冬滑溜煙韌，清甜湯頭，最獨特既係小麥香，我問店員有沒有七味粉，他們說沒有，餐廳正是想客人品嚐最正宗的味道。 『林屋和食料理$88』和食料理包括了麵豉湯、配菜及主菜呢個和食料理既飯係焙茶飯，第一次食，珍珠米吸收左焙茶香，好特別又開胃。配料方面有北寄貝沙律、豆腐漢堡、芝士腐皮卷同原粒帆立貝，非常豐富。至主菜汁煮鯖魚，鯖魚好滑，甜甜既醬汁撈著焙茶飯食，絕對是一流。 食完鹹食，緊係要食今日既主角甜品啦。 『抹茶啫喱雪糕$58』抹茶味甜度適中，濃度極高又軟滑既抹茶雪糕，啫喱分量多，帶有茶味，煙勒有口感。 『 特製林屋抹茶餡蜜$98』呢款甜品係招牌甜品

一向都係京林屋嘅忠實粉絲，間唔時就心思思想去食番餐，今日，約咗朋友一齊去太古分店食晚飯。未睇餐牌已經決定要食，金目鯛定食，朋友就食林屋和食料理。開餐前，梗係要飲番杯熱茶先啦，我嗰杯係桃味焙茶，淨係聞倒D熱氣，已經夠曬香甜，熱辣辣咁入口，茶味好香濃，完全冇比D桃味搶咗。朋友嗰杯係焙茶朝薰，純粹嘅茶葉清香，味道好舒服。林屋和食料理，賣相好豐富，分咗四格嘅大碟，放咗四款菜式，有八爪魚蟹子沙律，彈口嘅八爪魚、卜卜脆嘅蟹子，加埋酸酸地嘅沙律醬，感覺好開胃。仲有好多芝士粒嘅魚蛋條、帆立貝加埋鹹鹹地嘅小魚乾，好啱送飯。豆腐雜菜漢堡，有豆香又爽口，側邊仲有豚肉同埋木耳絲，混埋D醬汁，好惹味。主菜係燒鯖魚，甜甜地嘅魚鮮味，好好味。定食當然唔少得味噌湯，夠曬熱度，特別好飲。唔好以為D食物望落去好似細細份咁，其實，食落都唔少㗎！再加埋碗軟綿綿、啖啖茶香嘅焙茶飯，真係夠曬飽。金目鯛定食，賣相就簡單D，同樣有味噌湯、焙茶飯同蘿蔔漬，金目錭魚脂豐富，好有油香，薄薄嘅魚皮底下，有層好厚嘅膠質，令口感更滑溜鮮甜。食飽飯，甜品即到，朋友食甘栗甜湯，濃郁嘅抹茶香、綿密嘅紅豆蓉、煙韌嘅白玉、加埋完粒甘甜栗子，食曬成碗，即時

眼見信用卡啲積分就快過期就拿拿臨換左兩張戲飛，捉埋朋友一齊睇正義聯盟。係開場前見仲有少少時間就係附近嘅京林屋醫左肚先，一來食完唔會太滯二來行返過去戲院都比較方便。為免睇睇下肚餓，大家都係決定食飽啲點左兩個飯開餐。價錢都幾抵單點定食都配上漬蘿蔔同麵豉湯。呢度嘅米飯因為係用左焙茶取代水黎煮，所以顏色偏茶褐色。入口味道清澈並散發淡淡茶香。金目鯛用西京燒方式先煎封再經過汁煮，入口非常腍滑。食落除左有焦香味道之餘因為魚肉油脂豐富，甜甜咸咸嘅味道配上茶飯，滋味十足。鰻魚飯同樣以茶飯做底，配上蒲燒鰻魚及大量蛋絲，份量十足。鰻魚亦煮得入味同軟棉棉，食時拌入醬汁，芥末再醬全部元素混合，味道濃郁之餘亦醒胃。因為芥末減低了鰻魚部分嘅油膩感，令到食時味道變得清爽啲突出鰻魚嘅脂香。宇治茶冰足足有成個手球咁大，滿滿嘅挫冰上面有一球綠茶雪糕，底下又有糯丸子。加上挫冰刨得很細碎每個角落都淋上抺茶醬，入口啖啖冰涼亦有抺茶嘅清香。邊個話天氣凍唔可以食冰？呢個真係冰得過癮同好食。但最滋味都係淋上額外嘅抺茶醬，半溶化嘅雪糕及濃香抺茶令本身平平無奇又清淡嘅挫冰搖身一變為滋味甜品。抺茶餡蜜同樣令人回味非常，材料豐富有綠茶雪糕，蕨

難怪太古城咁多日本人居住，佳因日本最有名的商舖，食肆盤佔了大多數。京林屋記得當初進駐銅鑼灣的時候要排成粒鐘現在多了分店情況有所改善，對於一眾粉絲當然係喜訉啦。黑豆茶曰本人茶道要求極高不遜於中國茗茶。店員預先幫我冲泡了第一壷茶，若要飲第二杯或第三杯的時候，按指示冲泡即可。色澤呈啡色非常通透，散發出豆香，健康之選。讃岐烏冬湯底好清甜。麺條柔滑有彈性，極富煙韌口感，不易折斷，可囗滑溜。有兩片魚餅，Q弾的質感有嚼口。焙茶蛋卷比起抹茶我更加喜歡焙茶，那焦香味最吸引我。軟綿的蛋糕慢慢誘發出焙茶獨有的味。中心的焙茶味忌廉滑溜如絲，啖啖滋味。

京林屋在港已有三間分店，分别在尖沙嘴、太古和銅鑼灣。星期五的晩上打算到太古城看電影，順便來太古的京林屋吃個晚飯。以為京林屋只售甜品就大錯特錯了，有烏冬又有米飯定食。雖然選擇不多，但是走日式家庭料理風格，所以份量不多，但食物也較清淡健康。所以我倆大胃王最後點了三個主食，一個甜品和一個甜品飲品 share。。。呵呵！林屋和食料理，配自選茶 ($108) 相當豐富，有八樣餸和味噌湯。玉子混合了蔬菜，有蛋的軟腍又有蔬菜爽口，口感很有趣。還有芝士獅子狗、鯖魚、魚仔、豬肉、帆立貝等等。不得不提的是八爪魚蟹籽沙律，有脆卜卜的蟹籽配上新鮮爽口的小八爪魚，很開胃呀！定食用了培茶煲的飯，所以飯是啡色，上面鋪上紫菜上，連飯也做得好吃健康。金目鯛定食，配自選茶 ($108)，有三片但份量少。但金目鯛很嫩滑鮮甜，魚油帶甘香，配上甜燒汁吃完還想再吃呢。京式鰻魚飯，配自選菜 ($118) ，饅魚切粒，肉質軟腍肥美，用鰻魚汁伴飯吃真是一流。上面鋪上蛋絲和紫菜，賣相吸引。凍葡萄煎茶非常特别，在茶上加葡萄味，味道清新香甜。來京林屋就當然要試試泡茶啦，店員會提供泡茶的指示，還給你一個漏斗計時和一壺熱水。每個茶包可泡三次茶。

約朋友食飯，由其係女仔一提京林屋，一定一致贊成因為佢坐位舒適而且食完正餐仲有出色既甜品林屋和食料理真係非常推介每次必點價錢非常親民，只需$88有鯖魚、帆立貝、有魚仔，芝士魚蛋等大量配料同埋朋友最愛既八爪魚沙律八爪魚沙律有好豐富既口感，讚 👍我今次就食京式鰻魚飯厚切鰻魚配紫菜絲、蛋絲令到每一啖有更多層次，而且呢個配搭好夾加少少錢就可以飲到玫瑰蘋果煎茶有晒圖教點品嚐岩晒我呢啲初嚐既人有埋漏斗幫你計時，夠晒細心一倒出黎都已經聞到玫瑰蘋果既香味不過飲落就茶味比較出冬天飲杯煎茶，暖下個胃準備定食甜品香港限定芭菲最鐘意係上面既軟雪糕非常軟滑，而且有好香既抹茶，絕對係焦點所在特製林屋餡蜜，有黑糖漿配搭極好味雪糕、啫喱、樣樣都係抹茶抹茶控不能錯過啊～～～朋友無飲煎茶，叫左呢杯抹茶牛奶忌廉我都唔客氣咁試左兩啖牛奶加抹茶，非常香滑，不過因為加埋忌廉都會偏甜，不過相信係大部分女仔鐘意既口味

太古開左京林屋，之前試過銅鑼灣店，今次陪朋友黎試下太古店，環境比銅鑼灣寬敞。唔講唔知京林屋原來有咸食～味道仲要唔錯！本身諗住叫一個咸食打底share食，再食甜品，估唔到咁有驚喜～香港限定焙茶料理林屋和食料理$88 ，加$20轉桃味焙茶係參照京都嘅家庭料理，用料亦都黎自京都（對於岩岩去完京都嘅我好有親切感）有前菜、八爪魚沙律、蛋餅、魚仔、帆立貝、芝士魚蛋同照燒汁燒鯖魚。主角其實係呢碗珍珠米，米飯加入茶屋朝薰焙茶煮，帶有焙茶香味，食落煙韌彈牙有黏性。食完朋友問，點解唔一人叫一份～熱抹茶牛奶忌廉$48我好鐘意飲抹茶牛奶，見到呢杯有厚厚嘅忌廉好興奮！入口果然又滑又重奶味又綿密整體奶味較重，幾岩我口味抹茶啫喱雪糕$58不得不叫我念念不忘嘅抹茶雪糕！抹茶牛奶平分秋色～有牛奶味又有抹茶味，配埋抹茶啫喱口感再度提升！非常滿足！抹茶芝士蛋糕$88自稱抹茶控嘅我竟然未認真食過抹茶芝士蛋糕，底層係鬆脆餅底，芝味香濃，配有抹茶雪糕球、紅豆同白玉，減低飽滯感焙茶芭菲$88牛奶雪糕底綴有白玉、啫喱、忌廉同焙茶雪糕球，焙茶雪糕球嘅焙茶味好香濃，食完有d意猶未盡，如果有多一球就好喇～

星期五晚老公帶我食好啲！同老公去太古食飯，我話要食抹茶甜品，結果就黎左呢度，京林屋嘅太古分店，原來就係希慎果間抹茶店呀！咁食甜品之前都想食少少鹹食嘅。林屋和食料理（$108配自選茶）：四格碟小巧精緻，呢幾格入面有八爪魚沙律、蛋卷、漬物、魚、魚蛋、小魚仔同帆立貝。金目鯛定食（$108配自選茶）：金目鯛魚油豐富，咬落爆汁架，連飯都好特別，落左焙茶粉，有淡淡茶香。跟餐嘅自選茶方別係凍焙茶及熱葡萄煎茶，後者仲有教學卡同小漏斗幫你計時，教你點樣回沖至好飲呢！跟住就係甜品時間。特製林屋抹茶餡蜜（$98）：抹茶雪糕一球、抹茶啫喱、抹茶蕨餅、小丸子、寒天，仲有一小杯黑糖蜜，淋少少上雪糕面，味道比起就咁食更有驚喜。香港限定芭菲（$98），內裡有抹茶軟雪糕、抹茶蕨餅、脆米、小丸子、士多啤梨及寒天，超豐富嘅配料，食完令你好開心哦！最後再加點一款茶飲伴雪糕，玉露（$78）帶甘甜味嘅茶，同樣有教學卡及小漏斗，大概沖三次之後，就會建議客人加少少柚子醬油落玉露茶葉上，然後就咁食茶葉！原來咁樣食，味道同質感好似食緊菜咁架！好新奇！

好耐冇去日本啦！好掛住日本京都嘅抹茶甜品，知道太古開咗間京林屋，可以去一解思鄉之愁。我同老公都叫咗香港限定嘅芭菲和桃之焙茶。抹茶芭菲嚟到嘅時候真係嘩咗一聲，因為整得好靚，每一層都有唔同嘅甜品，最頂嗰層係抹茶軟雪糕，每一啖食入口都充滿超香濃嘅抹茶味，抹茶雪糕下面有小丸子，抹茶啫喱和米通，小丸子和啫喱好煙韌，之後再有一層抹茶雪糕和紅豆蓉，紅豆蓉唔甜又好食，之後有一層忌廉慕士，之後有啲酸酸哋嘅士多啤梨果肉，食完成杯雪糕真係覺得好幸福。桃之焙茶會有個沖茶技巧嘅資料俾你睇教你點沖茶，仲有個漏斗仔，教你沖完水30秒之後就可以飲得啦，第一杯茶飲落去係充滿着桃味，第三杯飲嘅時候個口係有種回甘嘅味道好特別。京林屋嘅裝修都係以日式設計為主，環境坐得好舒服，好似置身係日本京都咁，職員都好有禮貌和細心，抹茶甜品真係超級好食，真心推介呢間甜品店

有時都覺得自己住太古城係真係好方便因為想買乜都有，想食乜都有最近仲開咗依間日式餐廳唔使再特登出去銅鑼灣食嚕我哋揀咗每一個鹹食一個甜食「京式鰻魚飯」之前喺銅鑼灣店自己成日食呢個飯今次就輪到朋友仔叫鰻魚同之前食開一樣，滿滿咁鋪係飯上面鰻魚上面再放左蛋絲睇見都想食「金目鯛定食」同樣鍾意食魚既我就叫左依個定食依個同鰻魚果個一樣都有碗麵豉湯同埋前菜不同之處就係金目鯛係分開上金目錭煮得好入味內裡又帶點脂肪餸飯一流兩個定食餐都有配埋野食所以我地叫左兩個熱既煎茶「葡萄煎茶」沖出黎好香葡萄味飲落去味道帶甘「玫瑰蘋果煎茶」香味無葡萄咁突出但味道一樣清新怡人輪到甜品啦「香港限定芭菲」雖然天氣有啲凍但都冇減退我哋想食雪糕嘅動力一層一層咁鋪係杯入面有紅豆蓉、忌廉、玄米、小丸子等等上面仲有抹茶雪糕淨睇外貌都好吸引抹茶雪糕幼滑得黎唔算好甜，好好味「特製林屋抹茶餡蜜」抹茶控既我地見到依間梗係第一時間叫抹茶雪糕再連同QQ的蕨餅再係上面淋上餡蜜微微的甜中和抹茶的甘加埋小丸子幾樣唔同既野配合埋一齊估唔到效果咁好