亞蘇爾 (新城市廣場) (已結業)

今晚一行三人去試這間澳門葡式餐廳給我意外驚喜。座位尚算闊落，我們點了數樣食物，首先來的是咖喱牛坑腩，味道很不錯，椰汁及香料配搭剛剛好，如果不太會吃辣的朋友應該會很喜歡，牛坑腩肉質嫩滑，薯仔因煮之前有煎香過所以唔會太爛，教你會佩一碗珍珠飯，但小編就比較喜歡普通白飯因為珍珠飯沒有飯味，如果飯量再大會更合我心意。之後來的是名為十月初五蟹子松露意粉，這個真的給我非常驚喜，雖然感覺不是很葡式，但他比其他西式餐廳做同類意粉更出色，火腿蘑菇松露忌廉汁白酒配搭得非常之好，不過覺得奇怪的是食不到有蟹子，撇除這點我覺得很滿意。再來了一客炸馬介休丸，這個就比較失色，因小編覺得馬介休味不重，感覺像薯仔丸加芝芯，比較失望。最後是豬扒包佩炸薯角，包身脆，豬扒都還可以只略嫌不夠juicy，薯角亦做得不錯，外脆內軟。是次體驗相當不錯，這次發現原來新入會員還有一個葡撻送，除不太甜外沒有什麼特別，價性比我會選擇KFC的。整體而言感覺不錯下次會再試其他新菜式。

平時好少入沙田新城市，怕人太多，噢，周圍都係人，嚇死寶寶喔！今次見去開附近，就揀間食店食個快嘅晏畫飯！亞蘇爾門口人唔算多，但都等左一陣子，要俾啲耐性！個餐牌精美，睇圖都覺得好多嘢都好食喎！lunch都係食輕啲就算，點左個蝦子松露意大利麵同葡腸豬肉伴煎蛋！首先來嘅係葡腸豬肉伴煎蛋配白飯，佢將類似臘腸嘅葡腸、豬肉同冬菇切粒，連芫茜炒，幾香口同惹味，非常好送飯喎！連埋隻蛋，賣相再加分！如果廚房可以幫你撈埋做炒飯會更加perfect！而個蝦子松露意大利麵都好驚喜，個汁好creamy，配料又多，加埋黑松露突顯高檔，又將蝦子加入意粉，令每一條意粉都有蝦子，食落去層次更高！雖然同卡邦尼有啲似，但真係覺得好味喎，比平時食嘅卡邦尼更好味喔！

本想假期去澳門，但酒店實在太貴了，旅伴覺得唔抵，所以決定留港消費。唔捨得去澳門，就在港吃返餐葡國菜補數。由於在港少食葡國菜，故沒有頭水，經友人安排，來到一間位於沙田的葡式餐廳。開放式的門口，看落寬敞，吸晴是排放着一個個好靚仔的葡撻。內裏裝潢簡約樸實，擺放了小盆栽、小擺設和鑲上有關澳門的畫布，感覺舒適。一邊是一排四至六人卡座，另一邊是一排長沙發座配四人枱，而中間就放了幾張四人枱，地方不算很大。翻開菜式相片吸引的餐簿，有特色脆包系列、澳葡人氣小吃、濠江經典、巧手靚粥及湯、地道咖喱、飯及麵、蔬菜、地道甜品和飲品。**************************註明是葡國直送，當然不能錯過，先來一份葡國直送沙甸魚芝士脆三文治 Portuguese Sardine & Melted Cheese Sandwich ($78)，單單賣相已很吸引。三文治外表金黃，咬落香脆，中間夾着滿瀉的沙甸魚醬，啖啖肉，還拌入清爽的紫洋蔥粒，以及配上鹹香的芝士，配搭美味。配菜有清新的沙律菜 外，還有一大堆金黃粉綿的薯角，喜歡蘸上惹味的特色辣醬，很滋味！**************************乜非洲雞

中午時間真靜靜食個午餐，行行見到呢間澳門菜，就行左入去。土生土長在澳門的我從未聽過什麼澳門菜，不妨試下你咩胡蘆賣咩藥。我就好簡單的點了「焗豬扒飯」，落單時waitress仲話安裝個app就有葡達送，我就安裝左，一心諗住試埋個萄達。個「焗豬扒飯」一上到枱，我就只見到個飯面好似鋪左層厚厚既雪！因為全部係芝士粉，我心諗，咩料啊？再睇下一層，係好多好多蕃茄汁浸住！浸住d飯！一pat pat⋯⋯再講埋個豬扒，一口咬落去，係油係肥膏！再咬！係筋，點咬都咬唔斷。此時此刻，我想比大家想像下, 比成百蚊食梗咬落去一pat又鹹又爛pat pat既飯，再加成口肥油又韌過柴既唔知咩豬扒！比死更受！此時我唯有埋單離開傷心地，順便話比哥仔知送既葡達仲未上，外賣拎走。哥仔既話送既係無得帶走！下？我話我想買多一個外賣，放埋一齊得唔得？哥仔就話外賣袋只能放一個，而你係要拎走送個個，自己用手拎！!!呢d係咩服務態度？叫個客用手托住件撻走？哼！已經比你呃我成百蚊食垃圾，我亦唔想再為個14蚊葡達浪費我時間，我轉身就走。呢間野，不知所謂！

每次食澳門菜都係去到澳門當地先會食，今晚就近近地帶媽黎到沙田市中心食，餐牌都幾多野食。🥢檸檬燒沙甸魚 $88上碟時候好香，肉質較實，簡單地鹽燒卻不失鮮味。🥢咖喱B牛坑腩 跟白飯 $118牛坑腩煮得夠淋，而且每次都大件，份量算多，色澤黃亮，入口酥爛好嚼。除左飯仲可以簡配香草蒜茸包，不過個人覺得都係用咖喱汁拌飯先係最夾，米粒吸收咖喱汁，特別送飯。🥢蝦籽松露意大利麵 $128以蝦籽同松露鋪滿係表面，意粉夠彈牙，忌廉汁掛滿意粉，好滋味丫。本身仲想試埋個葡撻架，但呢度既主菜都比想像中大，最後飽到無叫，唯有下次再黎啦。

昨天是太太生日，於是接太太放工及在附近吃晚飯慶祝，我們就用Open Rice Apps找尋，最後揀選左沙田亞蘇爾澳門菜。於18:30到達，在18:40就落單。當我們在進餐時，不停聽到有員工向坐下之客人講"只可得90分鐘"。但我們在外出也看不到有任何通知，及入坐也没有通知，但90分鐘，我們實在可以吃完嘅。當我們吃了大半時，員工開始問我們的食物要不要?吃完未?我覺得有些無形的壓力，最後又問吃完未?要不要甜品?不要就比單你。我們覺得有冇攪錯！而食品是可以及不错，但這樣的管理及服務，完全將整間餐館大打折扣，不能接受及感覺討厌！換言之，只想客人吃快啲，比錢快啲及離開餐館更要快啲！可悲！

朋友约到沙田逛商場， 她想食澳門菜，話呢間唔駛經港珠澳大橋或水路去澳門， 就食到😋！經過門口已經聞到萄撻飄香!餐廳內以木系裝修，簡潔舒適，一邊牆上的色調以紅色設計為主，非常搶眼。從餐牌內挑選有厨師推介的美食。咖哩B牛坑腩配🍚($118)牛坑腩肉質夠腍，入口時不覺得辣，但辣味慢慢滲出， 有層次感， 薯仔吸收咖喱汁，非常入味， 加小量芫茜， 味道更加特出，再配埋白飯吃👍。食完全身暖曬， 之後被寒風吹過暖呼呼的身體都不覺寒冷。烤焗盲鰽魚伴檸檬白酒汁煮海蜆($168)盲鰽魚皮吸收檸檬白酒汁，特別好吃，魚肉夠香滑， 海蜆味道夠鮮 ，舖滿切碎菇臘腸芫茜洋蔥，增加口感， 蘸魚汁吃有微微檸檬酸，帶出味道。經典木糠布甸($32)味道不太甜，正合我心意。

<第一次喺香港食澳門菜>👍🏻平時食澳門野 只會去澳門 但原來 香港呢間亞蘇爾 都係食澳門菜 其實澳門菜同葡菜好似 所以當然會有豬手 乳豬 咖哩等食物 當然仲有豬扒包 意粉 咖哩等等 應有盡有😍🍴葡式檸檬白酒煮海蜆 118 蚊 😃以新鮮蜆黎講份量夠 所以價錢合理👍🏻 蜆肉用湯汁住 湯底香濃 葱花 洋葱 白酒 脆片等 🍲 有少少似平時打冷蠔仔粥嗰個味 再加 d檸檬口味 夠清新 同新鮮海蜆係perfect match 😃 而佢個湯底仲有好多新鮮雜菇 夠爽口🍄 我都忍唔住食哂同飲哂 d湯😍🍴葡式香烤脆皮乳豬件配薯菜🐷188 蚊澳門菜又點少得乳豬 😍 首先成個 present好靚 有香脆既薯角 🥔仲有外國 綠色同黃色既矮瓜🍆 主角葡式乳豬 同中式唔同 佢係比較厚肉 連骨肉皮一齊烤 出面個皮好香脆 但偏薄 下面帶有少少肥膏 而最底都算係啖啖肉🐽 仲有 d 脆片增加口感 最正係你可以因個人喜好 點茄汁🍅 英式芥辣 仲有一個醬我好鍾意 佢係辣醬黎 食落有粒粒口感 仲帶 d香草味🌶無論點薯條 or乳豬都好 match好正👍🏻#乳豬 #葡式乳豬 #澳門菜 #葡國菜 #蜆 Score 平

同一款食物可以做出好大分別質素我們同隔離枱都叫了同一款乳豬，同一時間上枱，起初沒有留意別人那碟，也不好意思去望和比較，到吃入口時已經感覺中伏，已經想好一定沒下次，但吃到最後一舊，真的牙軟又頂胃了，忍不住望望鄰枱那碟，簡直覺得食緊垃圾，我們個碟皮un又燶兼只得骨，鄰枱個碟肉厚皮色有光澤，即刻叫經理查問，經廚房解釋的系部位吾同，有肥有瘦喎！呢個算咩解釋？乜唔識用不同烹調方法咩？無言....奉勸一句比呢間餐廳，好自為之.......

今晚放工特別與老公去沙田行商場及食晚餐。我想食葡國餐，所以去了亞蘇爾食晚餐。餐廳內非常多客人，睇到每一份餐份量也非常之足夠。我地選了四款特色食物。亞蘇爾小食拼盤芝心馬介休球～澳門特別小食，馬介休球，唔需要去澳門都可以食到啦，熱辣辣，香口。霹靂魷魚∼魷魚爽口彈牙配上自製的辣醬汁，非常野味，底層加了些沙律菜。黑醋豬手∼豬手做到煙煙韌韌，豬手皮也非常之爽口彈牙，配上黑醋酸酸甜甜,味道十分之夾。辣肉腸黑松露多士～切碎的辣肉睇放在一片厚切的多士上，上面白汁醬及芝士碎，再放入焗爐焗一下，完成後再加上黑松露味道非常之濃郁。每一口也有不同的味道。我十分之鍾意食這個多士。檸檬燒沙甸魚～沙甸魚有一隻手掌咁長，燒到非常之香口，除了中間脊骨及魚頭食唔到，真的可以食魚唔lur骨。鍾意食辣可配餐廳自製的辣醬一齊食，味道一流。葡式烤乳豬～乳豬烤到香脆可口，配上旁邊芥辣醬食，食到舐舐脷，中有炸到香脆的薯角。旁邊有些烤過的配菜。因為食完仲想食那個辣肉腸黑松露多士，所以encore叫了4個辣肉腸黑松露多士食，最後食到抱住個肚走人。

今天下午到沙田，就約在附近工作的朋友晚飯，看到這間葡國餐廳頗特別，又比較少吃葡國菜，就決定試試。葡汁焗時蔬 $78份量頗大，適合多菜少肉的我，濃厚的葡汁蓋著多款菜，有芥蘭，椰菜，椰菜花，車厘茄，蘑菇，非常惹味。藥膳雞湯米 $88香濃足料，藥材方面有蟲草花，雲耳，圓肉，杞子，沙蔘，紅棗，令米粉也很入味。鹽燒檸檬沙甸魚 $82一看名字已非常吸引，非點不可，果然沒令我失望，魚的外皮燒得脆脆，再灑上一些應該是七味粉，很惹味，肉質鮮嫩又入味。葡撻 $14/個我和朋友即時入會送了兩個焦糖葡撻，另外朋友想試鮮橙檸檬葡撻，所以點了一個。葡撻酥皮外層酥脆，內層軟軟，焦糖味甜甜的，鮮橙檸檬則甘香清甜。一間質素高的葡國餐廳，很滿意的一餐😋

雖然成日落沙田，但其實我好少喺沙田食嘢。呢日咁啱有個住沙田嘅朋友放假，我又得閒；就約咗喺沙田食嘢。而當佢propose食亞蘇爾時，我一開始是拒絕的（因為我月頭先去完澳門，唔係太想食葡國菜），不過朋友堅持之下，最後我都妥協。呢度有葡撻賣，不過要$14蚊隻，如果同澳門比係貴咗D，不過過江龍，好味嘅話其實又冇乜所謂。食飯鐘數好多人，都需要排隊一陣。整間餐廳以暖色木頭裝修，配以明亮光線，很和煦的Feel。我同朋友兩個人，首先叫咗一個葡式香烤脆皮乳豬件配薯菜（$188）。同港式燒乳豬唔同，葡式呢個明顯地瘦肉位會比較多，在健康主義當道之下，我個人而言prefect呢種。乳豬件入口嗰下「煞」一聲，然後再經過一層好嫩嘅肉，雙重口感之下，額外美味。但有點可惜是作為配角的薯菜稍微乾咗少少。第二個餸我地揀咗椰香葡國雞配蒜蓉包（$128），呢道餸上嚟嗰下我同朋友望到個樣心諗：我地叫椰香葡國雞，唔係芝士葡國雞喎！撩咗幾下發現其實面頭白雪雪的唔係芝士，而係一條條椰絲，又幾特別Wor。通常D葡國雞，應該係加椰漿架嘛，呢度直接加椰絲，比較香又帶點口感。配埋搽咗蒜蓉牛油嘅包，濃郁咖哩味同蒜蓉味互相配合，重口味的A與B產

最近沙田新城市廣場選擇了很久沒吃的澳門菜。餐廳裝修得得時尚，座位亦算寛敞，侍應熱情有禮，面帶笑容。阿蘇爾小食拼盤　$162賣相相當吸引。鹹鹹香香的芝心馬介休球。鬆脆的辣肉腸芝士脆多士。香辣惹味的霹靂魷魚。爽口而不膩的黑醋豬手。沙梨頭手打墨魚餅　$72外皮炸得酥脆可口，內裏墨魚份量十足夠彈牙。不得不提的就是伴隨的葡式辣醬，惹味而不算太辣。葡式香烤脆皮乳豬件　$188名副其實外皮烤得香脆無比，下面的肉很嫩滑軟稔，不油膩。惹味非洲雞　$148嫩滑的雞件夠juicy，上面舖上一層椰絲，味道濃郁，風味十足。伴碟的zucchini烤得香甜，薯角香脆可口。最後點了甜點，不可錯過的焦糖葡撻　$14，焦糖香甜，濃郁蛋香，酥脆撻底。另外點了木糠布甸，香滑可口，奶香四溢。

呢度開咗幾個月 一直好想試今日終於的起心肝等下 好彩早上車收工唔使等位星期六日既新城市人山人海 好彩我地平日早到 入座後大概七點到出面已經要等位之前一路以為好貴 打開餐牌之後見到價錢尚可接受 菜式範圍好闊 有main,有菜,小食,甜品 連葡撻都有好特別 飲品除咗平時大路既檸茶檸水之外，亦都有沙冰、果酒、cocktail等 估唔到連咸檸七都有，令我地喜出望外 每份份量好大 好適合一大班人黎 啖啖都好多蝦籽 冇諗過會夾蘑菇火腿忌廉味道 好新鮮既配搭 每啖重黑松露味每粒青口大大粒 入面配合葡汁加芝士焗溶再審芝士粉 口感豐富雜菜好林好入味 同埋加咗辣肉腸 味道少少咸恰到好處葡撻加上焦糖好新鮮配搭 而且個餡好滿

是次晚飯光顧時間較早，不用等位，友人說想試試葡國菜，在OpenRice 上找到這間在附近，評分也不錯，便來試試。這店稱呼自己為澳門式葡國菜，吃完便明白了，澳門式的特點是份量較小吧。乳豬件配薯菜，有5件乳豬件，3件是皮 2件是肉，然後就是薯條和翠肉瓜 $188葡國雞上面放滿椰絲，配蒜蓉包 / 飯 ，都算可以接受$128甜品是在app 上加入會員送的。我們兩個女生都覺得不夠飽，但已不想再花錢於這店身上。可取的是店員態度都好，有玻璃樽裝水放台面，不用常常麻煩到店員。