亞玉豆腐花

营业中

休息中

$3 真係好抵食！街邊小食要搵到$3真係好難仲要係豆腐花，仲要可以俾你扣溝埋糖水都係一樣價錢！咁寧願食豆腐花啦健康啲不過就唔會專登過嚟呢度食佢附近好多餐廳食完晚飯過嚟食返碗豆腐花一流我都係一樣食完小菜，整返碗豆腐花先～不過豆腐花嘅質素就OK啦....唔係好香甜嘅個種豆腐花豆腐花豆味味道麻麻綠豆沙嘅味道都一般食得出唔係靚嘅綠豆而且叫凍豆花，唔夠冰凍咁就爭小小......不過$3，仲想點喎😆交足功課既～～⭕️鋪頭都keep住排長龍㗎

每次嚟到荃興徑, 店舖琳琅滿目, 揀嘢食都唔係容易嘅事食飽飯口痕痕想食甜品, 食豆腐花係不二之選, 皆因兩間豆腐花鋪長年累月因為競爭而減價, 反而益左我哋呢啲小市民兩間豆腐花我都食過, 個人認為阿玉豆腐花比較好味, 豆味比較濃郁, 而且比較滑👍🏻平日最喜歡食熱嘅芝麻豆腐花, 但由於今日食得比較飽, 而且屋企人都想食, 所以就外賣帶走, 於是揀咗原味豆腐花, 因為原味凍食比較好味😋一如以往豆腐花豆味濃郁, 而且非常嫩滑, 有種吹彈即破嘅感覺❤️缺點當然係人龍超長, 要食平價食物就要付出時間排隊, 不過5蚊碗, 夫復何求?!

兩間豆腐花店低價戰爭再次繼續！又再次展示港人排隊精神🤙🏻咁平就唔好評論咩質素啦🤡大家去試下就知啦 約埋fd子一齊去做漁人啦🤪-A price war between two tofu pudding shops is carried out again! Hong Kong people insist on queuing up in order to buy the cheap tofu pudding🤙🏻As it is very cheap, I will not criticise its quality.🤡You can have a try and you can get the answer!🤪-價錢：$3 (original)；$5（with black seasame soup)地址：荃灣荃興徑6號昌泰大廈地下5B舖 Shop 5B, G/F, 6 Tsuen Hing Path, Tsuen Wan性價比：🤤🤤🤤🤤🤤飽肚：🤤⚪️⚪️⚪️⚪️味道：🤤🤤⚪️⚪️⚪️環境：⚪️⚪️⚪️⚪️⚪️(企係到食好le hea🤧)服務：🤤🤤🤤🤤⚪️(can choose hot/ cold)Score：63

亞玉既配料就比較弱😐，薏米白果比較稀，不過薏米同白果都煮得好有咬口👌🏻，食落清甜又養生。黑芝麻糊豆腐花無晒凍食，就要左個熱既。咦？🤔熱食既豆腐花比凍食既口感更加滑溜👍🏻，但係黑芝麻糊味就比較淡喇😔

今日酷熱天氣警告，外出做野時，經過路德圍附近，就諗起豆腐花，唔洗猶豫，即刻行動已經過左食飯時間，所以人龍唔算多，只係等左4-5個就到我。天冷時會食熱芝麻糊豆腐花，係酷熱天氣警告下，當然黎個凍嘅綠豆豆腐花啦﹗﹗﹗無論係淨豆腐花或兩溝豆腐花都係$3雖然價錢平，但無將貨就價，仍然真材實料，一碗滿嘅豆腐花，淋上綠豆沙。豆腐花有豆味，算滑，加左綠豆沙嘅豆腐花，甜度岩岩好，清清地，有少少果皮係中間，夾埋綠豆有咬口，以呢個價錢，呢碗豆腐花間直係超值，絕對值﹗﹗﹗不過可能因為天氣熱，人人都叫凍豆腐花，雪櫃常開，所以豆腐花唔夠凍。。。

🥣阿玉豆腐花🥣去開荃灣美食街😋當然要試埋$3豆腐花啦天氣咁熱即係叫返碗豆腐花冰涼下先😋可以自己隨意加黃糖/薑汁👧🏻就加左大量黃糖😄👧🏻覺得阿玉豆腐花豆味重點和香滑點雖然只賣$3但不會將貨就價也是碗裝滿的豆腐花😍😍😍😍

“ 三蚊嘅價錢，十蚊嘅質素” 用嚟形容亞玉豆腐花絕對不為過。當日中午行開荃灣， 係接近三十幾度嘅太陽關照下， 真係人都畀佢曬熟。諗起之前電視賣過嘅兩間豆腐花舖， 又咁啱喺附近， 所以就諗住過去食玩冰涼嘅豆腐花啦。當日亞玉豆腐花大概有二十人排隊， 但係佢哋手腳好快，大概等咗五分鐘左右就買到。我叫咗碗凍既豆腐花溝紅豆， 盛惠三蚊， 另外加咗兩蚊換個比較的色嘅缽仔糕。抵玩！豆腐花可以因應自己喜好加黃糖，糖漿或者薑汁。 冰凍既豆腐花好滑，好重豆味， 加上甜甜嘅紅豆， 成個人即刻透心涼，正。抵食指數100分。

再會《阿玉豆腐花》！以前住元朗，成日同男朋友食完飯企係街邊食完平平地$5豆花～今時今日荃灣都有得食好耐，重同隔離鋪爆發左一場豆腐花爭霸戰！$3就有交易！益哂我地食客🤤🤤豆腐花最正食法一定係勁加黃糖！食落去有一粒粒口感～正到脾～甜甜蜜蜜既好滋味！如果女仔撞正某d唔舒服日子！真係建議男友可以整返碗熱豆花加薑汁！包你女人感動到攬住你錫錫錫！另外依家原來食仼何食品加$2重可以食埋砵仔糕！！重有一大堆比你擇多豆定少豆！識食緊係要多豆啦！好味道！唔會覺得粉落太多夠彈牙！抵食！

荃灣路德圍堪稱掃街勝地，小食店舖集中，種類齊全，最重要價錢實惠！當中最長人龍的就數「元朗亞玉豆腐花」和「贊和豆品」。因為兩間店舖分別推出$2、$3豆腐花！這次我只試了亞玉豆腐花，全場豆腐花$3，雙併同價，使用天然材料，新鮮製造！/🥣: #黃豆豆腐花💰: HK$3滿滿的一碗黃豆豆腐花，可根據個人口味自行加入黃糖或糖水，豆味香濃，好飽肚，啱哂減緊肥既我🥺口感不錯，唔算得上好滑好滑，不過$3 一碗簡直是跳樓價，值得一試！

去到荃灣，一定唔會唔識亞玉豆腐花，本身係區內都好出名，鬥平幾蚊碗，仲平到上埋電視，所以一去，就排哂長龍。平係賣點，但如果太難食，話知你免費都唔會有人去食，佢呢碗豆腐花味道幾清，食落去有爽既感覺。如果大家來荃灣，都可以一試。

Walked pass this place after dinner the other day and knew I had to try it seeing the long queue. Glad it was not disappointing; the tofu was really smooth and silky. There was two options of either adding sugar, or syrup. I usually go for the syrup, so I decided to try sugar this time. It was really good and I would probably try the sugar option more often from now on. Definitely worth the wait and money.

係什麼狀況呀，荃灣路德圍，眾所周知，係全港最大型嘅美飲街，一條街可以有 7 間野飲 🤡 除左可以一口氣飲 7 杯珍珠之外，豆腐花都係焦點之一，在呢個金庸裡頭，邊個唔識楊過同小龍女呀，在豆腐花裡頭，邊個唔識贊和同亞玉呀，兩大龍頭鬥得難分難解，亞玉被贊和長期各式豆花 $5 嘅榨壓之下，出招乾坤大挪移 🙌🏿 #全店豆腐花系列 $3 終極成本價賣比街坊，企圖以洪水式銷售法平益全港市民，就算有料豆腐花都係 $3，喳咋、綠豆、紅豆、花奶、芝麻糊、涼粉 remix 再 remix 嘅豆腐花都係 $3，真係咪話唔正，回到金融海嘯嘅跳樓價，正式宣布，全港最窮窮食，冇錢食飯糧尾真係食幾碗幾蚊雞就搞掂 😍😍😍-亞玉豆腐花荃灣荃興徑 6 號昌泰大廈地下 5B 舖

朋友來到荃灣就話要食豆腐花，因為這裡有二間常常都十分便宜，今日下午去過都有十多人排緊，今次我地就選擇了阿玉豆腐花，仲可以任溝和豆腐花都是$3十分抵食，而我地都喜歡白果糖水，所以一齊叫了薏米白果豆腐花`$3，排咗十個人就到我地，熱度夠吾太甜，最後加了薑糖水，增加不少薑味好味好多，糖水不太甜都不錯，而朋友喜歡甜再加了紅糖添。薏米白果偏淡，但都足料份量，豆腐花都幾滑身，口感不錯，但豆味就吾太夠，但這價錢可以買到一碗仲可以點，這間仲有砵仔糕買了一個大約$2但味道吾好食又少豆，一試就夠。

昨晚經過荃灣，見到豆腐花店門外排長龍，便上網查查，原來店舖來頭不小，是傳說中的3蚊豆腐花店，全部豆腐花都係3蚊，喳咋、 綠豆、 紅豆、 花奶、 芝麻糊、 涼粉，單併或雙拼都係3蚊，價錢實在太吸引，不得不試，選了喳咋+豆腐花雙併$3，豆腐花幾滑，淡口可自己加糖，原本對於這個價錢就不抱有任何期望，但真心覺得好抵食。 

玩完經過路德圍想食宵夜，見亞玉仲開緊，又安慰自己食豆腐花幾健康，而且白果薏仁可以去水腫，食啦食啦。咁就衝咗去買。$3白果薏仁豆腐花:豆花食落好有豆香味又夠滑，糖水唔會太甜，白果薏仁都已經煲到好諗身，而薏仁帶咬口。$3好抵食買個陣個姨姨問我要唔要加錢要個砵仔糕，我見夜喇就話唔要喇。點知就走佢話送俾我，見我男朋友係到又送多個，真心幾有人情味砵仔糕多豆，可以見到豆係密密麻麻咁。咬落去唔會一pak pak，粉底有滑得底有彈性同黃糖香，幾好味。呢碗豆花食既唔止美味，仲有一份街坊人情味。