亞玉豆腐花

营业中

休息中

遊完車河返家前想買甜品返屋企, 自己落車在熱鬧的路德圍搵食, 果真應有盡有...想買台灣大熱飲品, 又想再食松記, 點知見到2大條人龍在排隊, 好多人攞住個舊款藍白碗在食豆腐花, 包括有遊客一家幾口一齊蹲在地上低下頭食..噢, 原來就係鬥到$3碗的豆腐花啊~我唔知邊間好食, 就是但排左一條隊, 都要排成20人$3究竟係咩質數? 外賣加$1係標準, 難得地相對食物本身加左3成變我很貴, 哈哈哈$8共帶了2碗糖水回家, 有凍有熱, 我地叫左一碗紅白: 紅豆沙豆腐花, 紅豆夠大夠沙夠甜, 豆味濃的豆腐花混埋食一流, 下次我要試埋凍食老公叫左黑白, 熱芝麻糊豆腐花, 好香的芝麻味但不夠甜, 混埋豆腐花又無再加甜好似淡左少少性價比咁高, 唔encore對唔住自己~

上次試左旁邊果間，今次試亞玉，一樣雙併$3，但選擇多少少，試左旁邊果間無既咋咋。碗睇落好似細啲，但份量其實差不多，咋咋豆夠淋，但唔會爛晒，好足料！但美中不足，豆花豆味比旁邊果間淡，不過$3，就算啦，唔好要求咁多！另外，仲可以加$2買砵仔糕一個，豆夠淋，甜味都ok，但就係無左以前砵仔糕果陣糖香味

荃灣有2間豆腐花店特別平就全港都知, 難得經過當言就要停底試下啦.$2一碗, 即叫即裝, 熱辣辣, 夠滑又唔會碎執執, 可自助任加薑汁糖水/黃糖食, 我自己就中意配大量黃糖, 咁就又甜, D糖未融哂可以咬下, 有另一種口感!另外仲叫左客家糍, 味道正常, D料都算多, 個皮都算薄同軟, 一試無妨, 但亦無驚喜.

每次經過呢度都見到有好多人排隊，之前都有食過呢一間豆腐花，見到佢有$6減到去$5再依家減到去$3，真係不禁會諗佢咁樣賺到咩？不過重點係佢個豆腐花係咪真係咁值得排長龍去食！我會覺得如果口痕想食甜品係可以食嘅！始終$3一碗真係非常抵，佢仲可以加錢食埋個砵仔糕，不過個砵仔糕仲細過個手掌，由於因為太飽所以淨係叫咗碗豆腐花！佢係得個平字，味道非常普通，唔算好滑！食完之後啲碗就放喺個筒度！有懷疑過佢嗰度啲碗究竟係咪真係咁乾淨！不過始終$3都冇得要求咁多㗎啦

又嚟到荃灣搵食，食就一定係路德圍㗎啦。一去到路德圍就見到兩條好誇張嘅長龍！一睇就知已經到咗豆花戰嘅戰場，聽聞咗好耐嘅豆花戰，今日終於置身其中。都真係幾誇張，男女老幼都企喺嗰邊食緊豆腐花，有凍有熱仲有得加料。之前喺元朗食過一次，花奶豆腐花堅正，今次當然都係揀返亞玉豆腐花啦，都排咗一陣先到我，試吓新嘢揀咗熱豆腐花mix芝麻糊，外賣都係$4咋，實在抵到爛！豆腐花嫩滑就緊㗎啦，入口即溶，芝麻糊都好夠味，果然無令我失望！

早兩日行過荃灣見到呢一間豆腐花店，好明顯係同隔離間鋪頭一齊鬥平。兩間鋪頭平就真係平啦，一碗豆腐花都只係買$3。 但如果豆腐花係咁嘅質素，咁我寧願慳返個$3食百福豆腐花仲好。首先我今次係叫咗碗黑豆豆腐花，落單嗰位哥仔本身黑口黑面都已經算，黎買碗豆腐花好似欠左佢咁。🤦‍♂️最重要係我要凍豆腐花，但係就一啲都唔凍。而且豆腐花食落係非常之咁鞋口。一啲都唔順滑，而且豆香亦都欠奉。加咗呢個砵仔糕亦都唔好食，硬骨骨之餘一啲味道都冇。總之呢間豆腐花同永無下次！

每次經過荃灣食街，無論約幾飽都會食一碗，因為實在太抵喇！因為兩大豆花鋪鬥減價，每碗豆花只係賣3蚊，就算溝其他配料都只係$3個人就偏好亞玉，覺得豆味香d，所以就算隔離鋪唔駛排，我仍然堅持排亞玉！個人最喜歡薏米白果，清甜又滑溜，仲對皮膚好好添老公就喜歡簡單，最傳統嘅黃糖同豆花永遠係最佳拍檔雖然覺得衛生麻麻（因為d碗洗完仲有水，阿姐fing一fing就算），如果想衛生d，可以揀外賣膠兜，但就要俾多1蚊啦，我都係做番個環保人算啦

持續左幾個月嘅荃灣豆腐花大戰，由兩蚊到而家三蚊都仲未停過⚡️。今日朋友就帶我嚟見識一下呢一碗平價豆腐花。當日去到既時候，兩間排隊嘅人數都不相伯👩‍👩‍👧‍👧👨‍👨‍👦‍👦，而且兩者既款式亦都非常類似，都係由豆腐花同其他配料嘅配搭而成既甜品。而最終我就揀咗右邊呢一間，叫左涼粉豆腐花。唔好以為三蚊一碗豆腐花就無服務，職員態度都非常好👍🏻，細心問你想食咩同要加咩糖水🍯。至於豆腐花，味道都叫有豆味但唔算濃郁，而質地偏實同密，似豆腐多過嫩滑既豆腐花。涼粉就無咩仙草味，比一般涼粉再實啲。不過以三蚊黎計，已經唔可以講啲咩。完

-每逢去荃灣，我都會去阿玉豆腐花買外賣回家吃(外賣加$1)，最愛吃這裏的花奶豆腐花，豆腐花滑滑的，再加上花奶和黃糖，我一個人就可以吃掉兩碗。-這裏的芝麻糊又香又滑，又夠濃郁，媽媽很喜歡。-買一碗糖水可以加$2換購砵仔糕一個。砵仔糕分有豆及無豆兩款，小朋友喜歡食無豆，我就喜歡食有豆，砵仔糕煙煙韌韌，又彈牙，小小一個砵仔糕上面舖滿了綿綿的紅豆，食到停唔到口。- 這個價錢能夠吃到這麽美味的食物，真的很難得。

住荃灣既朋友一定聽過/試過兩間好出名既豆腐花店！佢地出名既地方，一個字：平❗️係百物騰貴嘅香港，竟然搵到一碗$3既豆腐花🥶 真係好不可思議👽 重點係佢可以任溝，即係紅豆綠豆芝麻糊涼粉薏米白果，都可以自選溝入豆腐花😻我每次經過都忍唔住食一碗😹真係無得輸‼️

個收錢呀姐聽錯比錯豆腐花我 我想佢換過碗比我 仲要鬧返我 好惡 好無禮貌 早知排隔離個間 排完咁耐隊仲要受佢氣！點解做錯既係佢 聽錯係佢 佢仲可以咁惡鬧返我！三蚊就係要先受佢氣！？

今日又行過荃灣，路德圍有2間豆腐花鋪，2間都好多人排隊，價錢2間都一樣，之前食過隔離果間，今次試吓呢間先！我覺得呢間都唔錯，豆味好重，都好滑，我叫咗薏米白果mix豆腐花，估唔到好夾，糖水同黃糖可以自己加，甜度自己調教！Good！

📍🇭🇰 亞玉豆腐花 (荃灣店)吃完晚餐，又到吃糖水的時間啦！如果你，咁岩係荃灣的話，記得要一嘗亞玉豆腐花，非常抵吃又有豆香味！豆腐花賣得好平，系荃灣呢度，一度陷入豆花爭霸戰，呢到的豆腐花只系賣2/3元就有一碗！仲有唔少款同味道可以揀，十分抵食！.先來返碗純豆腐花先 {HK$3}可以自己隨意加黃糖加姜汁，亦有熱有凍，吃完飽散下步，可以吃返碗甜一甜濕濕口😋！.P.S. 其實仲有其地地區都有分店架，元朗係總店！

同朋友喺荃灣食飽飯，就梗係要搵下有啲乜嘢甜品， 繼續食繼續傾。 行到黎葵興徑， 先至知原來傳說中ge豆花大戰就喺度。兩間鋪都多人， 我揀咗條隊睇落人dd ge阿玉， 諗唔到原來豆花都可以有咁多選擇，咁多配搭。 價錢仲要咁平，3蚊5蚊就有交貿! 真係好抵! 最後我要咗黃豆豆腐花配芝麻糊。 ( 其實從來都冇咁食過，見佢咁平不妨一試。。) 幾蚊其實幾大碗下，物超所值! 不過食落我覺得好似怪怪哋，可能我從未試過咁樣嘅配搭。😂 不過其實佢個豆腐花都幾滑，幾有豆香味。芝麻糊唔係好濃，但夠香又夠滑!

好嬲頭先部電話打打下突然之間冇電，又要重新打過食評🤦🏻‍♀️。ANY肥，黎到路德圍見到長長嘅人龍就知道係豆腐花減價爭霸戰🤪今次食嘅係亞玉豆腐花嘅芝麻糊豆腐花同涼粉豆腐花，每碗都只不過係三蚊三蚊三蚊！！！（好重要要講三次！）🤑🤑出面閑閑哋食都要八九蚊碗 🤑🤑 雖然價錢平，豆腐花係幾滑～不過個人認為芝麻糊同涼粉唔係特別好食，所以淨豆腐花應該會好食啲🤣 不過講真咁平我真係冇乜要求㗎啦 當簡簡單單一個甜品就算啦🥣🤣-雙拼豆腐花 Soy bean custard | $3-