亞玉豆腐花

营业中

休息中

$3蚊一碗豆腐花，真係好平好平好平，其他地方食都要$10 蚊以上🙈，所以$3蚊真係好吸引。咁平當然吸引唔少人去食，所以一定有長長人龍，想食自然乖乖地俾D 時間去排隊啦！雖然好長，但排隊輪候時間唔洗好耐。終於排到我，叫左一碗蕙米白果豆腐花，有料既都$3蚊😭😭，豆腐花好滑，直頭可以滑入喉嚨，有黃豆味。蕙米白果呢D 餡料都唔少，配搭豆腐花食，香香甜甜滑溜。令人想再食多一碗。雖然長長人龍，花少少時間排隊，但食到又平又靚既豆腐花，真係咩都抵。

荃灣呢間好多姨姨看鋪既豆腐花店，一直都好出名，特別係同隔離鋪鬥平$3豆腐花之後，成日都大排長龍！食過幾次豆腐花，真心好滑好好食，今次就轉戰其他食物！客家糍粑 $18/3粒 $7/1呢粒糍粑都唔細粒架，因為小妹唔肚餓所以單買一粒，如果你買3粒就會有個透明膠盒裝住，同埋會平d。糍粑超足料，有花生碎、芝麻粉同砂糖，我好欣賞d花生碎未打磨到變粉，夾埋芝麻同糖，有3重口感，加上個皮唔厚！呢個要再戰！迷你砵仔糕 $3/1 ［買野加$2就有］小妹好細個既時候，大砵仔糕都係$3🤦🏻‍♀️🚬 時移世易，物價都貴左好多啦....砵仔糕可以揀有豆冇豆，我揀左個好多豆既，不過我嫌d豆只係鋪係面，如果個底都有就更好啦。

人龍雖然好長👩🏻‍🤝‍👨🏼 等候時間🕛其實好短😉$3️⃣豆腐花仲可以揀雙併其他選擇😳性價比未免太高了吧😱——————————————————<原味豆腐花🥣>用上傳統瓷碗充滿住舊香港🇭🇰情懷熱辣辣🔥既原味豆腐花真係最好味架😋算係幾滑⛷ 不過豆味就唔算太突出🥺黃糖🟡&糖水任加🙈 黃糖控🟡舉手吧🙋🏻‍♂️食完記得將個碗🥣放返落桶裡面呀😉*阿玉未必係最好味但一定係最有良知⚫️⚪p.s. 店員既禮貌程度稍有進步空間🤏🏻😶

近排多咗不同類型店舖推出優惠，就連荃灣好出名 嘅亞玉豆腐花早前都推出不定時$1黑白豆腐花，咁有心嘅小店當然要大大力支持。以前對亞玉嘅認知只係位於荃灣嘅糖水店，同埋隔離店係競爭對手，哈哈。睇到佢地嘅推廣先知原來仲有元朗分店同冰室，真係發現新大陸咁。-花奶豆腐花雖然遇唔到$1豆腐花，但有$3豆腐花系列。口味多籮籮，有喳咋、綠豆、紅豆、芝麻糊、涼粉等。今次揀咗花奶豆腐花，可以揀拎住個碗仔嘅堂食，或者外賣。係街到同其他人一齊拎住碗仔食豆腐花，其實都幾有風味，好懷舊。豆腐花豆味厚實，配上甜絲絲花奶同黃糖，入口香滑甜蜜，更有一份難得嘅人情味。

阿亞豆花平就應該全地知曉, 因為都賣哂上電視.今時今日幾蚊一碗豆花都可謂係抗通脹, 我都經常諗究竟佢點回本.豆花又熱又滑, 可自行加薑糖或黃糖.除左豆花, 亦試過呢到既客家糍粑, 雖然唔係十分出色, 但都叫夠軟都多料, 都值得一試.

到底$3可以買到d乜？豆腐花就食得多啦～但雙拼豆腐花仲要有甘多選擇就真係第一次甘食法，價錢仲係平到你估唔到$3，買個雪糕都唔只呢個價錢啦～平到一個點，甘味道又如何？小編叫左個腐竹薏米，豆腐花香滑熱辣辣，仲可以自己加配黃糖，薑汁，糖漿，食幾多加幾多，腐竹薏米好足料。佢仲有其他幾款雙拼選擇，有紅豆，芝麻糊，喳喳等等，涼粉都有呢個比較特別，凍熱任你揀，哈哈，下次可以再試下。全日都一樣價錢。所以招多人排隊同買外賣嫁。

荃灣地鐵站附近有兩間位置相連的豆腐花店，互相競爭，售價一再下降，現在只賣$3一碗豆腐花。上次我吃過贊和豆品的豆腐花，這天我光顧的是阿玉豆腐花，雖然雙併豆腐花（豆腐花加糖水）也只售$3 ，但我還是鍾情原味豆腐花。點了一碗熱的原味豆腐花，店家在枱上放有薑汁、糖水和黃糖粉，由顧客自行添加。我加了薑汁和黃糖粉，這是最傳統的吃熱豆腐花的方法。豆腐花很滑，不過豆味不是太香，薑汁味道濃，合起來很好吃，特別是以這售價來說，性價比真係超高！

依家$3連一個菠蘿包都買唔到，但竟然可以食到一碗美味的豆腐花。見到亞玉豆腐花 的人龍不太多，於是去品嚐一下$3的甜品。今天豆腐花‘溝’ 紅豆、綠豆、喳咋、涼粉、薏米白果、芝麻糊等到是＄3.00。我叫了一個加黑芝麻糊的，滿滿一碗，芝麻糊香滑濃郁，豆腐花滑滑的，兩者配合一起非常好味， $3真是超值。

同完奶奶食飯沿路行去搭巴士嘅時候經過呢度見到$3一碗豆腐花佢仲有好多選擇 可以拼唔同嘅糖水我揀咗一碗芝麻糊雙拼豆腐花佢啲豆花都算係話不過呢我覺得好似加番啲糖會好味啲但係啲芝麻糊就麻麻哋啦 不過$3一碗外賣都係加$1真係好抵食

飯後路過路德圍，突然想食豆腐花一如以往：人山人海排隊落單。隔壁豆腐花一樣咁多人排隊，但個人認為亞花好食好多。今次叫咗一碗豆腐花+椰奶喳咋。第一次食呢一間既喳咋，估唔到9蚊竟然食到足料喳咋，好感動滿到溢出黎，完全撈唔到，要食減2啖先拎得起黎影相豆腐花方面，見老闆小心翼翼咁片起黎擺落碗度，有啲片得唔靚或細片既仲會整走佢，完全係平得黎都仲有堅持俾客人最好的，好抵讚豆腐花可以選擇加糖或糖水，個人鐘意2樣都落喳咋同豆腐花都一樣推薦

豆腐花是香港的地道食品，我每次到荃灣都一定來這裡，吃一碗豆花，再加一個「砵仔糕」有紅豆的那個，豆腐花有熱的有冷的，再配搭芝麻糊、喳咋、紅豆沙、綠豆沙、薏米白果、花奶、涼粉等等，妳可以客制化自己口味的個人豆花，砵仔糕都很好吃，煙韌軟糯，口感不錯。 說起來為什麼它們的豆花這麼平宜，是因為旁邊的贊和豆品的出現，雙方的降價戰已經維持了6年，期間不斷降價由5元到3元，至到糖水配豆花，當時亞玉首先租下5B店位，而贊和最後租了隔壁的5A舖位，聽說是贊和想要下5B的店位址，才租下5A借此迫走亞玉，當然最後就是我們得以享受優惠吧。P.S. 人們都站在門前吃豆花，記得吃完後，把碗放到收集筒喔。

難得嚟到荃灣，梗係要試吓傳說中嘅$3豆腐花啦！原來呢個area係好多嘢食嘅，但係我就淨係試咗豆腐花。呢度有兩間黐埋一齊嘅鋪頭都係賣豆腐花，兩間都係賣$3，不過聽聞右邊呢間好啲，所以就排左呢間試吓。本身想食凍嘅，但係賣晒，就唯有試吓熱嘅。佢就算加紅豆或者配其他嘢都係$3 ，真係超級抵，但係我今日就決定試淨豆腐花加黃糖。其實個豆腐花好一般，一啲都唔滑，不過$3唔可以expect咁多啦，下次嚟到都係會繼續幫襯！

荃灣美食街中，有超便宜的豆腐花，3元一碗大大碗的。他提供不同的甜品溝豆腐花也是一樣價錢的，有：咋喳、紅豆沙、花奶、綠豆沙、芝麻糊等等，變相只是$3就可以吃到兩款甜品呢！唯一不好的就是要站著吃，但是以這個價錢來說就沒所謂啦！

荃灣路德圍的豆腐花減價戰，想不到持續了 相當長的時間，其實無論是一蚊、兩蚊定係現在的三蚊，都是一個非常相宜的價錢！平常實在搞不清楚兩家店分別是什麼店名，今日打算打卡才認真看看兩家店的招牌。港式甜品可愛之處在於mix-and-match ，今日選了芝麻糊配豆腐花， 芝麻糊有芝麻香味，雖然不算太濃， 質地濃不會水溜溜，當然已經可算性價比高！豆腐花亦很有豆味， 質地滑aftertaste唔會嚡口 ，不會將貨就價。經過會再幫襯！

埋黎睇埋黎食 $3碗$3碗$3碗亞玉豆腐花 由早期$5食到而家,2邊互鬥減價,最誇張就係而家,鬥左$3好耐最初大家估佢好快其中一間會收手,估唔到,持續左差不多2年仍然賣緊$3一碗,慢慢就變左旅遊美食景點之一認真有趣,鬥鬥下變左景點由早排到晚$3一碗 有六種口味選渣咋,綠豆,綠豆,花奶,芝麻,涼粉仲要做得好食,唔係得個平字綠豆沙仲有海帶,食落特別香除左豆腐花仲外,仲賣豆腐,濃郁香甜,健康無添加~講返豆腐花,認真夠大碗之餘仲要好夠滑嫩,讚！