亞參雞飯 (太陽廣場)

营业中

休息中

下午在尖沙嘴辦事，過程非常順利，還有時間吃個下午茶，在海港城逛了一圈，想吃的餐廳，不是要排隊等位 (還挺長的)就是只供應外賣，惟有放棄！想起海港城對面 DFS Galleria有幾家餐廳，就去看看，發現亞參雞飯有下午茶餐，而且不用等位，就決定試試。只供應１款下午茶餐：#雞絲湯河：很喜歡雞湯，味道濃郁而不油膩，河粉幼身，能吸收更多湯汁，好吃！餐牌上的照片絕對 for reference only，實物的雞絲比照片少得多(只有1/3)。#餐飲：餐牌上的飲料，除了椰青都可以點，試了柑桔特飲，酸酸甜甜，適合夏天。

天氣開始好熱，唔想行太遠食lunch, 就近近地去亞參食，比起海港佢又真係少要截人，基本上等一陣都有位，餐廳係自助落餐，都幾方便，既然係食雞專門店，咁一定要試吓佢個海南雞飯，同事就分別點佢咗喇唦同肉骨茶。🌟亞參去骨海南雞飯個油飯好食，雞件都算多，無骨好好，皮算滑，但雞肉不算特別嫩滑，雞胸部份依然做唔到嫩滑，雞背脊肉當然無問題。另外加錢叫咗熱拉茶，但拉茶較細杯，而且偏甜，茶味不算突出。🌟新加坡肉骨茶（配飯）試咗少少肉骨茶的湯，少少辛辣，不是藥材味那種肉骨茶，我鍾意呢款多啲，另外肉骨有一大舊，但因為個鍋有啲大，顯得內裏配料好空洞咁。🌟新加坡喇唦米線喇唦望落好大碗，配料都算多，同事話個湯都okay, 但偏辣，不是椰香那種，那也不錯。

中午時間經過尖沙咀醫肚先，見到有海南雞就衝入去先，店舖地點係新太陽廣場地庫裡面，好似自成一角小餐廳，我哋被安排卡位非常好，而且係用QR code 點餐都好方便！我哋即刻點咗亞參去骨海南雞飯，雖然價錢比較貴，但佢嗰雞真係好滑而且海南雞醬料好配👍🏻另外仲點咗新加坡喇沙米線🍜個米粉都算入味，而且份量十足！仲配咗馬來拉茶還可以啦！都係食物更出色👍🏻另外要讚一讚店員可能聽到我哋話海南雞飯醬料啱啱夠，佢主動問我哋要唔要多啲，我哋都唔使啦，夠用了！覺得他很細心👍🏻

今日星期六同老公出去食午餐$90海南雞飯唔算平，但見大家評語都不錯，既然嚟到就試一試啦～海南雞飯：雞飯薑味，但唔會蓋過雞油嘅香味海南雞肉質滑，脂肪唔算多，份量估計有¼隻，第一次食雞食到覺得足夠👍🏻👍🏻巴東牛肉飯：牛肉夠冧，香料味重，少少辣，份量足夠總括嚟講，會再返轉頭，下次想試椰香咖央南洋包和鳳尾蝦春卷😆😆

🐓亞參雞飯之前廣告成日睇到呢間d雞好似好正，下午茶時段無人排隊，就去試下佢咩料🏃🏻‍♀️亞參去骨海南雞飯 $90賣相就正正常常，份量算多雞係用三黃雞，雞肉嫩滑，仲有肉汁，唔洗點醬都夠味😋油飯軟硬適中，飯粒分明，好香雞油味，食落又唔會覺得油膩👍🏼甜豉油:啱啱好，唔會太杰辣醬:正常發揮薑蓉:淨係薑，但無乜渣湯夠味足料呢間價錢都算貴，但係都算物超所值👍🏼雞同飯真係好正，分量仲要咁多🤫真係可以再返去食多幾次🤣

同FD行街，未夠6點半，好多間食嘢鋪頭已經排長龍，見到亞森仲有位，行落去試試。我哋揀咗海南雞飯，咖喱豬扒飯，肉骨茶飯同巴東牛肉飯。海南雞飯睇落好正，雞肉好大一份，食落好滑好嫩，OK喎。巴東牛肉飯都OK，牛肉好大一件，分量都算多，不過醬汁甜左少少，食多好膩。肉骨茶飯同咖喱豬扒飯就出左事，咖喱豬扒飯裡面加左秋葵，啲秋葵好似沒煮過一樣，好硬同埋食落口感好奇怪，所以只有豬扒可以食。肉骨茶飯上來就大鑊，86HKD一份，只得4件豆腐，2條排骨，豆腐同排骨仲好細件，4個人都唔知點分好。肉骨茶湯唔錯，飲得出喺加左好多料一齊煲，但喺裡面啲餸就真喺太少，就算排骨貴，比多啲蘿蔔，豆腐都唔算過分啦。哩間餐廳價錢真喺唔平，平均90HKD一份，仲唔包飲品，不如去食另一間亞X好過啦，平平哋60幾已經有飲品同湯啦。

諗起想食啲惹味嘅嘢食 簡單又飽肚依家佢平平哋就諗起呢一間 入到新太陽廣場落一層 喺敏華冰室隔離一坐低就見啲外賣陸續不斷 落單先♥︎ 椰香南洋包 $24第一次試呢一個 烘烤得好香脆 有椰絲牛油加央on top 甜甜地 好好味♥︎ 喇沙米線 Laksa $83有一次朋友外賣叫咗真係好好味 每人只係分得少少真係唔夠喉回憶中嘅味道同依家堂食嘅一樣非常香濃足料喇沙湯底有魚蛋條 豆卜 鮮蝦 芽菜等等大大一碗食完好滿足唯一唔滿意嘅就係好熱 要慢慢食♥︎ 椰青 Coconut Water $38好嫩 一刮就食得 又大個 清甜健康又解辣

🔹亞參去骨海南雞飯 $90😋😋😋😋海南雞望落有d頹，但食落又唔錯喎🧐雞肉嫩滑，未點醬，剩係本身的調味已經very good👍🏻油飯係我食過最清爽的油飯🤩 粒粒分明，帶雞油香🤤 食曬都唔覺膩💯海南雞飯必備三款醬方面💁🏻‍♀️甜豉油: 濃稠度剛好(最怕d杰pat pat拉絲甜豉油🤢)辣醬: 如果可以多少少蒜就perfect池☺️薑蓉: 純薑蓉，無葱，好綿滑、無渣👍🏻雞湯都好飲，飲完唔口渴，我估無味精😝 仲有幾粒冬瓜同草菇😋🔹雞絲湯河 (下午茶餐$38)😋😋😋😋正常發揮的comfort food 朋友hangover食完話舒服曬😂🔹馬來拉茶 $25😋😋😋😋馬來熱拉茶，有種獨特的香氣，重點係甜度適中☺️ 本來仲想試斑蘭咖央多士，但太飽了😞

亞參去骨海南雞飯 $88海南幾都幾嫩滑，而且雞既份量都唔少，都有好多舊🤣，本身啲雞已經有汁同有味，另外會再配左醬油、辣汁同薑茸，可以按自己既口味去點，另外仲包埋個雞湯，雞湯都好濃郁，幾好飲，而飯就係幾香既油飯🤤但個人覺得價錢係偏貴🙊

之前食過呢間嘅喇沙米線，性價比一般，今次lunch再黎試佢嘅招牌海南雞😍😍同事果日仲叫左咖央同魚餅，飽到飛起😆·1️⃣亞參去骨海南雞飯配雞香飯及清雞湯($88)海南雞份量好多，肉質好滑嫩🤤仲要去左骨，唔洗吐骨好方便我呢啲懶人🤣個飯好香雞油味，粒粒都沾滿左雞香味，好食但又好肥😂清雞湯都好清甜，唔油，飲完唔會口渴👍🏻性價比好高，仲唔洗加一😆·2️⃣馬來斑蘭咖央多士($22)3️⃣特色秘製炸魚餅($28)呢兩個小食都係追加優惠，惠顧主菜或者飯麵就可以，兩款加埋$38，如果食三款就$55·咖央多士好香，中間仲夾左一片厚牛油😂炸魚餅我食到有少少薑味，我本身唔中意食薑所以覺得麻麻地🥲·lunch time有時都要等一等位，我有次去，後面果枱有六個女人OL，大聲講大聲笑，係尖叫式嘅笑聲，笑得好刺耳🌚當係自己屋企咁⋯出街食飯唔該都要有返少少禮儀啦好無？雖然唔係咩高級餐廳，但係顧及下其他食客感受好正常啫🌚

我專登分開兩次嚟，頭一次試吓佢嘅經濟下午茶，另一次散叫食物。食物味道: 下午茶雖然只售$38(免加一)，但無論份量及味道都交足功課，跟餐嘅馬來拉茶更加超水準👍🏻，至於散叫嘅馬來咖哩更加無得彈，而且睇得出有心思，值得嚟試吓。食物份量: 好大，超值價錢: 依照佢嘅水準，我認為好抵食環境: 下午茶時段稍為多人，晚飯開始較少人，感覺寧靜，呢度裝修唔錯，坐得舒服。服務: 算得上親切和殷勤，有一位男侍應好細心解釋馬來咖哩豬扒飯點解裡面有啲似雞肉嘅肉🤣回頭指數(10分滿分): 10分

東南亞菜的餐廳在香港周圍都是，食客非常容易就吃到美味的海南雞飯，豬手飯及喇沙等等。今次下午茶時間來到亞參，不知是不是因為疫情關係，不是太多人，十分容易有位置，可以輕輕鬆鬆享受餐點。亞參豬手飯：豬手煮得十分淋，入口即化，可惜的是份量有點少。拌碟的小菜有酸青西、蘿蔔、魚乾仔。豬手飯不可以說正宗，只可以說他是一個不錯的豬手飯。馬來拉茶飲得出加了煉奶，香甜可口。另外還叫了一份小食，馬來班蘭咖央多士。咖央多是正常水準，中間塗上了班蘭醬，再加上牛油。如果烘底可以再烘得香脆一些會加分。總括來說，如果不用等位，又想低一點的價錢吃到東南亞的美食，這間可以一試。

呢間餐廳主打海南雞飯，但我偏偏試左佢嘅喇沙米線🤣🤣·新加坡喇沙米線($80)一上枱已經聞到好香嘅喇沙味，米線入面嘅配料有蝦、魚蛋、雞蛋、豆腐卜、芽菜同埋通菜，湯底鹹得黎仲帶有好少嘅辣，我都忍唔住飲多幾啖🤤🤤我係為左喇沙而叫呢個米線😂雖然配料好普通，但都入晒味，不過米線煮得唔夠淋，如果下次再黎食，一定要試佢嘅主打海南雞飯😍😍·如果想飲野要另外加錢，呢個價錢得一碗米線，有點貴🥲🥲🥲

💫整體體驗 𝐎𝐯𝐞𝐫𝐚𝐥𝐥 𝐄𝐱𝐩𝐞𝐫𝐢𝐞𝐧𝐜𝐞✨食物 𝐟𝐨𝐨𝐝 7.6/10環境 𝐞𝐧𝐯𝐢𝐫𝐨𝐧𝐦𝐞𝐧𝐭 7.2/10服務 𝐬𝐞𝐫𝐯𝐢𝐜𝐞 7/10性價比 𝐚𝐟𝐟𝐨𝐫𝐝𝐚𝐛𝐢𝐥𝐢𝐭𝐲 7.5/10回頭率 𝐫𝐞𝐯𝐢𝐬𝐢𝐭 7.6/10🌟.《檳城蝦麵》$82 🌟7.6/10🌟我試過佢最出名嘅海南雞飯，反而俾檳城蝦麵吸引咗！首先要讚一讚，湯底超好飲！！鮮甜又香濃嘅蝦香，吸收晒蝦殼同蝦頭嘅精華，完全滲入湯中！除咗有蝦之外，仲有鹹豬肉、豆腐卜同埋雞蛋，配料就不過不失啦！而麵底就有米粉同油麵兩溝，食落去有兩種唔同嘅口感，好得意(≧∀≦).亞參雞飯 @asam_chicken📍多區分店.#BELLYwongs_malaysia #BELLYwongs_noodles

今日試一下名為「尋覓99分海南雞飯」的阿參去骨海南雞飯，好奇又為食的我一於去試一下。這餐廳是茶餐廳的格局，午餐時間，食客很多，全店滿座。雖然座位有少少逼，加上有少少嘈吵，或許食客比較多，而且比較逼吧。由於店內已經滿座，只有坐在店外的走廊位置。既然名為尋覓99分海南雞飯，好奇的我就試一下吧。亞參去骨海南雞飯$88+$10轉雞脾這海南雞已經去骨，皮下沒有太多脂肪，雞肉唔算特別嫩滑，需要沾醬，但滿有雞味。分別沾上甜醬油、辣醬和薑茸，各有風味。油飯有淡淡的黃色，沒有濃濃的雞湯風味，味道比海南少爺的淡口一點，有少少味，飯粒比較軟身，味道ok唔油膩，份量是足夠的。雞湯是暖的，表面帶少油，有少少雞湯的鮮甜味。南洋咖啡$10這南洋咖啡味道香甜，口感比較薄身，但可算香滑唔苦。若果以平常心吃是ok的，但由於尋覓99分海南雞飯的期望，所以有少少落差。個人還是偏向喜歡天天海南雞、chatterbox或海南少爺多一點點。由於我每星期都吃海南雞飯，希望有一天真的遇上99分的海南雞飯。