亞參雞飯 (太陽廣場)

营业中

休息中

天氣開始好熱，唔想行太遠食lunch, 就近近地去亞參食，比起海港佢又真係少要截人，基本上等一陣都有位，餐廳係自助落餐，都幾方便，既然係食雞專門店，咁一定要試吓佢個海南雞飯，同事就分別點佢咗喇唦同肉骨茶。🌟亞參去骨海南雞飯個油飯好食，雞件都算多，無骨好好，皮算滑，但雞肉不算特別嫩滑，雞胸部份依然做唔到嫩滑，雞背脊肉當然無問題。另外加錢叫咗熱拉茶，但拉茶較細杯，而且偏甜，茶味不算突出。🌟新加坡肉骨茶（配飯）試咗少少肉骨茶的湯，少少辛辣，不是藥材味那種肉骨茶，我鍾意呢款多啲，另外肉骨有一大舊，但因為個鍋有啲大，顯得內裏配料好空洞咁。🌟新加坡喇唦米線喇唦望落好大碗，配料都算多，同事話個湯都okay, 但偏辣，不是椰香那種，那也不錯。