亞參雞飯 (太陽廣場)

营业中

休息中

亞參去骨海南雞飯份量好足，雞已去骨，雞肉嫩滑，唔會油膩；配上三種醬汁，提升雞肉既鮮味～配一碗清雞湯，冬瓜、菇燉煮，湯汁清澈，比較清甜；仲有，雞油飯，粒粒分明，以雞湯煨煮既飯，濃香！巴東牛肉飯牛肉好大塊，味道濃郁入味，牛肉綿密細緻。香烤豬肉串，豬肉嫩香多汁，點辣醬食，好惹味～斑蘭咖央多士超好味！入口即溶既牛油同香甜既咖央醬，加上烤得香脆可口既多士，一定要食！凍馬來拉茶，淡淡茶香味，好飲～

前几天我才吃了一个差不多的海南🐓饭店，巨难吃……要不是同事说这家真的很好吃我可能就错过了！！午市好多附近的打工人过来吃！座无虚席🥢亚参去骨海南🐓饭除了一整份🐓还搭配了🐓香饭和🐓汤，🐓肉很是嫩滑，肉汁丰腴，原来是用的香味浓郁的三黄鸡，有搭配3种秘制酱料可以蘸，米饭用汤煨煮粒粒分明，吃起来比白米饭更香🥢亚参猪手饭这一份太香了！猪手肉质软烂，猪皮胶质满满肥而不腻，卤汁拌饭吃起来好爽！一整份都吃光了🥢凤尾虾春卷一定要趁热吃！！外皮香酥薄脆，里面的虾肉很新鲜，软嫩弹牙，蘸上泰式甜辣酱巨好吃😋🥢香考猪肉串有炭烤的香味，光闻到味就要流口水了🤤稍微有一点油，但是吃起来非常香，蘸上那个辣酱更好吃🍹香茅薄荷特饮巨好喝！！！！一定要喝！！苏打做底，搭配薄荷绝配，香茅多增加了一丝香味🍹柑桔特饮酸酸的很开胃，非常解腻

今日做完運動之後，由於之後要去買啲，所以冇返屋企食，我簡咗附近嘅亞參雞飯食lunch😋由於呢間野主打食雞，膽粗粗簡咗✨亞參去骨海南雞飯🐔跟飯及清雞湯😃額外加咗熱檸茶☕️✨亞參去骨海南雞飯✨先講講雞，雞肉係去咗骨亦食唔到有碎骨，處理得幾好👍🏻啖啖肉😋雞肉夠滑即使有瘦嘅部分但都好易咬唔韌，雞下面餐廳已經加咗少少豉油，如果唔夠仲可以點吓海南雞飯常有嘅醬汁薑蓉、辣椒醬及黑豉油。雞塊數量足料，但攞盤可以再靚啲，有啲雞件明顯雞皮雞肉分開😆而飯由於我鐘意清淡口味，所以簡咁轉白飯，飯唔太夠熱但質地唔硬唔軟都唔錯👍🏻清雞湯，有幾塊冬瓜，係濃味向鐘意飲濃湯嘅人大推👍🏻

食物麻麻唔講啦 樓面態度十分差 唔會再去 都唔知點解尖沙咀區會有間態度咁差嘅餐廳 咁嘅服務態度不如開返係普通地區做街坊生意好過啦 浪費哂個地方 留返俾啲有質素嘅餐廳仲好啦。

唔洗排隊 價廉物美 物超所值重點係份量多到可以食兩餐中午飯我未試過一餐飯可以食得咁唔開心雖然都知道中午好難有餐廳唔排隊 冇食午餐嘅情況下唔建議嚟嚟度食lunch會令到你半日嘅心情全無建議唔好嚟食

約左朋友係尖沙咀食飯，未夠鐘就搵下野食先，係新太陽廣場見到間阿參有個好大號下午茶餐牌又爆晒場咁就試一試佢啦！入去坐低係自己用qr code落單的，落單程序簡單，我就點左個雞絲湯河同埋凍嘅南洋咖啡。大約5分鐘左右個湯河到啦！賣相都可以，試下啖湯先，都好濃雞味，雞肉份量都好夠，雖然雞胸肉較多，但係38蚊價錢就真係無得挑剔啦！雞湯好夠味道，而河粉都夠滑，成碗好快就食晒了，凍咖啡就無咩特別啦！最後埋單41蚊尖沙咀區就真係無得輸了。

一直也食開青衣城的這一間，尤其是「檳城蝦麵」，基本上每次也會點食。今日中午再次惠顧，也點了「檳城蝦麵」配凍咖啡，但個湯底差了很多，基本上只有咸味，完全沒有以住的鮮味，感到十分失望。

今日到訪，午餐時段坐無虛席，還有排隊才能入座。餐廳是茶餐廳格局，有少少擠擁，用QR code 自行下單，服務麻麻。海南雞飯今次的海南雞飯比上次好，因為這－次不是雞胸，雞肉是近脾部分，十分軟滑, 又唔乾身，雞皮下沒有脂肪，雞皮也滑溜，幾有雞味；油飯也十分可口，口感不錯，不會太濕軟，滿有雞油香；雞湯是暖的，有少少雞味，唔係太油。我同事的海南雞就－般般，因為是雞胸，吃剩了－大半。南洋奶茶十分香甜又香滑，茶味溫和，味道又唔太甜，不錯。

平時都食開，啲雞冇咁肥啲雞冇咁肥，今日再來食，俾咗碟大肥雞，成碟淨係見到啲肥雞皮，我同店員講可唔可以叫佢切返啲冇咁肥嘅雞俾我，點知個店員同我講，雞係有雞皮架啦！我夠知啦！平時唔係咁😨火滾

無諗過下午茶質素超高，下午茶得一個選擇，就係雞絲湯河，雞湯絕對係靈魂所在，雞湯夠晒濃，金黃色的湯睇落已經知好夠味，仲可以配特飲唔使加錢，絕對係超值！雞絲份量按價錢是合理的，但青菜就真係小咗啲，選用青通菜，可能加起來都未必有一條青通菜多返小小菜，賣相會更好！

由入座到落單都完全沒有服務，店員全程一直忙住狂做外賣，落完單等左半個鐘唔催都冇野食，食物上齊未都唔知，好似坐係荒島咁，想要自閉一流，食物一般般，服務真係差到唔想食，又唔係抵

疫情封咗關之後都冇返過鄉下食巴東牛肉 見到呢間有得食試下靜靜鐘先叫咗個巴東牛肉飯試下意外地都幾好食 牛肉都幾冧, 我嫌佢唔夠辣 喺香港食價錢梗係貴好多啦, 如果思鄉病發作都可以頂下 如果價錢可以再平啲同埋辣啲就ok

公司近，成日食，但都唔會再幫襯。平時一星期重有一兩日食佢。但今晚幫襯完覺得好失望。今晚叫肉骨茶。雖然味道正常，但成碗只有四條（唔係四塊）切到碎濕濕既豆卜，同兩條細細既骨。加一碗白飯就86蚊。平時我中午食都唔係咁少，雖然覺得平時肉骨茶個份量都唔係大，但今晚真係覺得好唔得，而且上得好慢，唔老黎。今日打風，無材料可以唔賣，但唔係咁做生意。我之前成日食，不過唔會再幫襯，覺得好搵笨。如果你真係肚餓我唔會建議去呢間。

今晚尖沙咀人來人往、冇預約基本上冇飯食！就算有都要等半小時以上。唯一的選擇就係人流比較少、尖沙咀免稅店內的亞參海南雞飯。當然要食出名的”尋覓99分海南雞飯”. 海南雞飯分量十足且已經去骨，方便享用。配以老抽、薑茸及蒜蓉辣椒醬三小碟醬汁。海南雞入口雞皮爽脆，只可惜雞肉欠缺雞味及香味、尚算嫩滑。雞油飯只有油卻沒有香茅，南疆，雞油味。整體不能達到70分。我上一次在另外一間分店食，整體分數高好多！幸好咖央多士保持水準。

做完嘢已經係下午三點，尖沙咀呢間星馬餐廳，俾佢$38下午茶包一杯嘢飲吸引住，即刻入去試。下午茶餐只有一款雞絲湯河，上枱大大的一碗，金黃色湯底看似非常濃郁，入口雞味重，應該係店舖主打海南雞，每日消耗幾十隻雞浸泡而成的雞湯，才會如此香濃，河粉吸收咗雞湯汁，入口非常順滑，而雞絲的份量還算多但就鞋颯颯，不過都冇乜所謂，其實重點係喺個河粉同個雞湯度，$38仲包一大杯凍柑吉特飲，實在超值！＃行到邊食到邊＃經常獨食但又肥嘅阿伯