亞南雞煲

营业中

休息中

開到凌晨2點！宵夜好去處！！！開了十幾年的老店，麻辣秘制雞煲、極品肥牛都好好吃😍🔥麻辣秘制雞煲可自選辣度，端上來就聞到好香啊！自制醬料狠特別！光煲類就有十幾種，海鮮肉肉應有盡有，乾煲湯煲選擇好多。雞肉狠嫩！敲大只鮑魚扇貝大大條花膠，煮熟後滋滋滋好入味，好吃到停不下來！吃完加湯秒變火鍋，醬香濃郁，打邊爐敲贊😍🥩極品肥牛拼深海龍燉片滿滿一盤海鮮肉肉兩個人小分管夠，點拼盤還🎁蔬菜真的好抵！牛肉涮三四秒就可以吃，入口即化！魚肉好入味，又嫩又滑🔥野生竹笙皇從沒見過這麼大的竹笙！！！比我手掌還大煮熟後裹滿湯汁，這一大口下去，又滑又鮮太爽了！🍍特大杯菠蘿冰重口味雞煲配上自制特大杯菠蘿冰，解膩又開胃，新鮮現切的菠蘿塊爽口清新

在香港🇭🇰生活怎么能不吃鸡煲重度鸡煲爱好者真的基本上学校把附近有名的鸡煲都试了一遍这家是zui辣和入味的一家🤣（btw非常不喜欢一品鸡煲那种甜口的店里座位挺宽敞的店员态度hin好👍一直在介绍菜品并告诉我什么菜品要怎么煮最好吃收盘子也及时💯以下是菜品推荐👇🏻✅日本带子拼花甲鸡煲带子是刺身级别的花甲个头也非常大hin爱在吃鸡煲的时候加一点海鲜增香提鲜✅手切极品肥牛牛肉的雪花非常漂亮建议不加汤直接煮更加入味✅虾多士拼油炸鬼墨鱼滑敲敲敲好吃！两个都好吃炸得tree tree香香蘸上沙拉酱真的好绝！饭点的时候很多本地的叔叔阿姨在吃可能需要排队建议提前订座哟

哩間雞煲，佢個味道同其他雞煲都唔係好一樣。亞南雞煲皮薄肉嫩的口感，應該係三黃雞，而且入面有兩個大雞肶。我哋揀嘅係鮑魚雞煲，鮑魚都大大只！一開蓋，香味撲面而來，雞肉和鮑魚都裹满濃郁的湯汁，撈飯食太正喇！據說哩個鍋底啊，是老細自己獨家研製的醬料，堅持選用當日新鮮食材！！牛肉的雪花真係好靚，入口即化！10年老店，做嘅都係街坊生意，都係老細親自招待，非常熱情！炸物都好正！夜晚都座無虛席！要提早book定個位先！

口味都好多選，選擇困難症嘅我地，仲可以加錢加多幾款。 最終加左帶子同花膠🥰帶子選用刺身級數，大大粒夠鮮甜花膠又稔又入味，入口滿滿膠原🥰食完即時以為自己靚咗😂😂個雞煲真係好足料，加埋配菜同醬汁，勁惹味。食完雞煲當然要追加打邊爐配料啦！我哋就揀咗極品肥牛拼深海龍躉片！ 平時食完雞煲通常都即刻加湯跟住就打邊爐烚吓烚吓啦，今次老細就教咗我哋一個隱藏食法，加湯之前就咁用佢啲汁煮熟肥牛同龍躉片！嘩！超惹味！同用湯滾又另要番風味😋除左雞煲，我地order左幾款小食。真心推介必食： 脆炸牛坑腩！外面炸到脆卜卜，牛坑腩夠稔夠入味。椒鹽鮮鮑魚，又係炸到脆卜卜，鮑魚鮮甜彈牙。真心，送酒一流仲有麻辣涼拌魷魚鬚！ 個麻辣汁超正，夠香夠麻，幾飽都忍唔住食唔停口。 好想問老闆有冇個麻辣汁外賣😂

長眼界的體驗，唔知會唔會比老闆拉黑的點菜推薦。😂兩個炸物都係比大多小菜館更好既質素。椒鹽鮑魚炸衣輕薄剛好，重點係火路精準僅熟，輕輕裹上椒鹽，唔洗喼汁已可清碟。如果要追求更好，可能要去六福摘星了。脆皮牛腩更加高難度，除左炸功之外，牛腩既選材同準備功夫影響住成品既完成度。上枱既一舊野，夾出一片睇睇就知道乜料。香料氣味充足，炸皮厚而脆加強左牛腩既口感。炸物完食，應該胃口已開。叫雞煲？不如叫個湯飲啦。竹笙花膠雞湯（煲），個人黎講覺得升級新鮮雞好抵（去開買餸就明）。小資級別建議食法。火鍋店既好處係每枱都有個電磁爐，可以等個雞湯慢慢滾起。滾起之後較到一千火等多五分鐘，就可以飲湯食雞。雞肉剛好，花膠爽滑，竹笙吸滿了雞湯，而個湯係有厚度既。記得要同時間競賽咁享受啲雞，盡量喺飲完三碗湯之前就啱啱好。而花膠果時就變成淋滑版本。兩口子撐枱腳既話相信好夠皮。好胃口嘅叫店家加點雞湯，淥多個烏東一定夠。如果唔係隔離枱傳黎陣陣麻辣雞煲既香氣。你真係唔會覺係一間雞煲店。

雞煲呢家嘢晌香港都興咗好耐，就算只喺雞煲，商家都各出奇謀，最後，朋友介紹位處太子嘅「亞南雞煲」，皆因雞煲嘅款式超多之餘，配料更喺重質不重量嘅，故此，約埋老友一心過嚟食靚嘢。鋪外、鋪內裝潢都比較樸實唔花巧，最緊要夠整潔，地方企理，天花更安裝咗好多部冷氣，絕對唔會食到一身汗，而牆上貼咗好多唔同嘅雞煲及其他食物嘅相片，非常吸引。再走入啲，餐廳盡頭，仲有另一個用餐區，眼見有多張散枱，但店長話夠人都可以僻為一個廂房。香港人向來都好喜歡雞煲、打邊爐，雖然話家下經濟唔多景氣，但唔喺講笑，幾乎全場爆滿，可見餐廳有質素先喺咁。究竟雞煲有幾多選擇？仲有啲咩配料、飲品？我就唔講太多喇，索性掃描晒所有點餐紙出嚟俾大家參考就一目了然。而雞煲有乾嘅，有湯嘅，辣度及麻度都有得揀。溫馨提示，店內有列明用餐時間為入座後2小時，除非出面真喺好多人等位，否則，店長話都未必好嚴格執行，反正大家嚟都喺想食得開心愉快。自家製涼茶系列 $28平時打邊爐就好鍾意嗌汽水飲，不過，喺牆上見到佢有啲自家製涼茶，兼且款式特別，當然要試試嚟降下火。有老友就揀海底椰雪梨茶，而小弟嘅選擇喺羅漢果菊花靈芝茶，少甜之餘，最正喺標明成份同功效，又夠大樽

朋友生日一定要食一餐正嘅，知道朋友追求新鮮高質食材，便選了去吃雞煲，熱熱鬧鬧食一餐。我地點了蟲草花野生竹笙花膠濃湯鷄煲 (大煲，整隻新鮮鷄連雞雜) ，呢度可以加錢轉新鮮雞，記得book枱時講定。呢個湯因為用新鮮雞去熬製，所以個湯煲起候記得要先飲，我哋每一個人飲嘅時候都不斷讚實在太新鮮啦！另外個竹笙非常之大條食落去索索聲，花膠係唔可以錯過嘅！如果好鍾意食竹笙一定要嗌。之後嗌了小食：脆皮牛腩 、麻辣墨魚鬚 、椒鹽鮑魚。麻辣墨魚鬚選了微辣，食落彈牙爽口，脆皮牛腩香氣四溢，食落牛油香重。椒鹽鮑魚大大隻新鮮彈牙。火鍋料就嗌了極品肥牛拼龍躉片(大）+送新鮮蔬菜一份，頂級牛筋丸拼頂級墨魚丸，炸魚皮，極品肥牛淥8秒就食得，口感極好。龍躉片十分新鮮！飲品就嗌了咸檸檬七喜和菠蘿冰

一班人gathering 食乜好？最近發現太子花園街有間「亞南雞煲」CP值高、味道都好好。而且食物種数選擇多，有花膠、鮑魚、帶子、海鮮、靚牛………今次我哋叫咗個花膠鷄煲，花膠份量夠多，我哋另外加咗帶子、鮑魚。雞煲啲鷄肉夠滑又入味。花膠夠稔又多。食完鷄煲就繼續打邊爐。我哋叫咗極品肥牛拼深海龍躉片！牛肉夠靚又新鮮，龍躉肉質鮮甜結實。呢間除咗雞煲好味，小食都好出色！脆炸牛坑腩、椒鹽鮮鮑魚，份量夠多。材料夠靚。大家食到好滿意😊

秋風起特別想打邊爐食雞煲，天氣涼涼哋，特別好胃口，今晚好想食新鮮雞煲，辣辣哋刺激一下味蕾。太子花園街原來有一間人氣 亞南鷄煲，食麻辣花膠鷄煲的餐廳，望望價錢也不貴，一於入去試試。花膠雞煲(新鮮雞)估唔到新鮮雞的味道咁有驚喜，份量十分多，雞肉肉質好，配合醬汁好夾，而且我哋仲追加了刺身級數日本帆立貝。辣度揀了小麻辣，麻香撲鼻，入口雞肉味道鮮甜惹味，辣度令人胃口大開。椒鹽鮮鮑魚跟住再食埋椒鹽鮮鮑魚，鮑魚熟度剛剛好，外酥脆裏面嫩滑彈牙，食落鮮嫩彈牙，鮮味十足，口感味道俱佳。尖椒皮蛋拼北京小黃瓜超愛皮蛋，味道鮮美，小黃瓜甜酸辣味恰到好處。野生竹笙皇勁大條，入口爽脆彈牙，吸收了湯底精華，令到野生竹笙皇提升不少鮮味。手切極品肥牛極品肥牛肉色紅潤，脂肪分布平均，油花爆滿，軟滑肉質伴上濃郁雞湯，色香味一應俱全，肉質軟嫩有質素！雜果冰超大杯，冰凍爽！

計劃，永遠趕不上變化！因為他倆的缺席，你突然現身。我帶著笑臉 和你 坐著聊聊天我是多麼想和你見一面 看看你最近改變不再去說從前 只是寒喧 對你說一句 - 好久不見，一切安好！率先上場，乃三款各具特色的前菜小吃。麻辣墨魚鬚 $65，味兒沒有想像中潑辣霸道，爽口彈牙，越吃越上癮。椒鹽鮑魚$144/3隻，金黃的表皮酥脆香口，一口咬下去，裏面則鮮嫩可口，外脆內軟，口感呈現出鮮明豐富的對比。脆皮牛腩 $88，炸至外酥脆內juicy，賣相挺誘人。不吃牛肉的我，只能眼睜睜地看著他們大快朵頤！識飲識食的我們，一早預訂了以新鮮雞連雞雜烹調的蟲草花野生竹笙花膠濃湯雞煲 $668/大煲。如果想吃得經濟實惠一點的話，可以選擇以冰鮮雞炮製的雞煲$468/大煲。湯滾起時，可以先喝碗湯，品嚐這煲真材實料且原汁原味的新鮮雞湯的。雞湯入口濃稠且鮮美非常；雞肉肉質鮮嫩細滑，浸泡在湯中更添鮮味；蟲草花和雞腎富咬口嚼勁；野生笙生挂汁能力極強，碩大無比，口感爽脆且味道鮮美。 飲完鮮美雞湯，可以隨個人喜好，加入其他食材打邊爐。牛魔王之輩，無牛不歡，但又顧及牛吃牛小妹需要，故點來了一客極品肥牛拼龍躉片$328/大，隨拼盤奉送一份新

今晚朋友約了去太子花園街亞南雞煲食雞煲，因為朋友推介這裡是用新鮮雞做雞煲，款式選擇多，加埋朋友早一日訂了，咁就一齊在這裡食新鮮雞煲！餐廳位置就係花園街，唔難搵，門口大大個招牌，餐廳都算闊落地方大，最入位置就係朋友訂枱位置等緊一齊前，點了個尖椒皮蛋拚小皇瓜，香麻酸爽的滋味讓人難以忘懷還有個脆皮牛腩，外面炸到金黃爽脆外皮，還包住軟嫩牛腩，兩個口感，入口層次分明！接住就係朋友今晚訂了兩個煲，第一個係花膠鮮雞煲，上枱時先焗煮一陣，開蓋後見到鮮雞件上放滿了大大隻彈性高、具嚼勁嘅軟滑入味花膠，店員幫忙兜混，雞肉肉味份外較鮮，口感較十分嫩滑，而個煲帶少少麻辣十分惹味，識食朋友加了日本刺身級帶子，大家都讚不絕口，一食就知新鮮！而另一個就係冬瓜瑤柱花甲煲，用上整隻新鮮雞，配上金華火腿、粟米等配料熬製出嘅湯底，入口鮮甜，朋友哩個推介絕對係滿分，個個都先飲湯，不停大讚湯底鮮甜，而煲內放滿了花甲肉質厚身飽滿，入口同樣十分鮮味！加埋十足料配料，口感較軟身嘅花膠，真係女士滋補之選！差不多火鍋再加埋個手切極品肥牛作為今晚嘅火鍋配料，油花分佈均勻嘅肥牛，放在鮮甜湯底兩三下已可吃，入口柔嫩，肉味香濃追加店員推介嘅手打雙

鍾意飲飲食食嘅我，都會去搵下美食品嚐，尤其係火鍋係首選美食，今期約埋朋友一齊去咗呢間亞南雞煲聚餐，餐廳位於太子花園街，係門口已貼上不同菜式主角當然係雞係呢度嘅特色招牌菜，咪以為好普通，食落先知道原來咁出色，而且今次會食得滋潤D，所以點了呢款冬瓜瑤柱花甲濃湯雞煲，重點係食材雞肉可以加錢選用新鮮雞肉做湯底，半隻$100全隻雞都係$200，我哋加了半隻用來做湯底先來小食有尖椒皮蛋拼小黃瓜，入口食到清爽黃瓜，再食件香滑皮蛋撈埋麻辣醬汁份外刺激味蕾再飲杯特大咸檸檬七喜中和一下，至於個濃湯雞煲要俾多少少時間處理，一開個蓋已被湯底吸引住眼球，材料十足夠晒豐富第一時間飲啖湯先，雪白鮮濃雞湯味道鮮甜美味夠晒凸出識食嘅我真係唔好嘥飲返幾碗湯先至開始打邊爐，一邊飲一邊食埋佢啲湯料，花甲、瑤柱、同埋鮮滑雞肉滋味品嚐一番，就咁樣食已經幾飽肚跟住火鍋配料有深海龍躉片，肉質飽滿啖啖骨膠原，仲有手打雙拼滑(蝦滑、墨魚滑），一次食到兩款口味，入口爽彈又多汁今次都係朋友推介來享用到，全靠廚師嘅工藝，才能發揮到咁出色美食俾大家好好享受一餐。

每個禮拜都要去花墟買花增添優雅，最近就喜歡買植物，買到心頭好，心情都幾靚。跟住喺太子花園街周圍逛下，見到 亞南鷄煲 人氣爆燈，門口已經聞到 一陣陣香味，決定坐低食埋晚飯。好多人去食火鍋都會先點一煲雞煲，過下口癮。今次飯局都唔例外，不過今次係食得特別D，呢間食肆位於太子花園街，睇到亞南雞煲個名都知道佢招牌菜式肯定係雞煲。餐前小食都有幾款美食提供，點了王牌脆炸牛坑腩，炸得外層香脆，肉質鬆軟。坑腩入口味濃又食到啖啖肉汁，估唔到小食都咁出色。花膠鮮雞煲係雞煲菜單中已配合多種食材，咁先可以食到特色惹味雞煲。我哋先點咗呢款花膠鮮雞煲細煲，冇錯係鮮雞煲加$100有半隻，全隻雞都係$200，視乎大家想食嘅份量。日本帶子輪到呢個花膠雞煲，一開蓋已聞到陣麻辣香味，色香味俱全。仲可以加配料一齊滾住食，我哋都點了呢款日本帶子，大粒又飽滿刺身類，高品質度可以就咁食都得。想食得滋味d，梗係撈埋落去一齊煮吸收埋醬汁。鮮雞煲果然入口肉質鮮嫩香滑，口感十足之餘仲附有雞內臟，雞腸、雞腎、雞子等，同平時係出面外食冰鮮雞煲真係好有分別，輕微的麻辣味會越食越滋味呀！一品木瓜雪耳再飲番杯特色飲品，一品木瓜雪耳潤吓喉嚨，繼續一邊食

只要有冷氣，一年四季都是食雞煲好時節😌晚餐來到位於太子的《亞南雞煲》，這裡是我食過最多款式的雞煲店，認真如果有選擇困難症，真的慎入🤣又想食帶子又想食花膠，最後老闆幫我地拼左個「日本帶子花膠花甲雞煲」。吃雞煲之餘，這裡小食也不容錯過哦！「油炸鬼墨魚滑」鬆脆可口的油炸鬼，釀入口感彈牙的墨魚滑，咬一口脆卜卜，再拌上泰式甜酸醬，中和油膩感，份外開胃。「椒鹽鮮鮑魚」鮑魚用椒鹽煮法炮製，灑上炸蒜蓉令其更加香口，值得一試👍🏻「蝦多士」酥脆鮮甜，上層還鋪滿了芝麻，香上加香！雞煲選用新鮮雞，雞肉嫩滑又夠入味，配上加入潮州三參醬、沙茶醬和茴香粉的麻辣醬汁一同爆炒，入口麻而小辣，香氣滿溢。吃完雞煲，加入以豬骨、牛骨和雞熬足5小時而成的湯底打邊爐，再配上大大碟我最愛的雞子及炸響鈴，滋味到不得了。打邊爐又點小得肥牛呢！😋「極品肥牛拼深海龍躉片」肥牛油花均勻，肉質鮮嫩而不油膩，龍躉片鮮甜嫩滑，無骨啖啖肉🤩「特大級野生竹笙皇」我都是第一次吃這麼大條哦！😍 菌裙還可以食用，口感厚實爽口，真的是竹笙中的上品哦！最後再嘆番杯特大杯裝的「鮮製菠蘿冰」及「咸檸檬七喜」降溫，真係爽爆！😻