五十嵐日本料理 (已結業)

以現時百物滕貴, 用$6x 既價錢, 食到有蝦既火鍋已經難得, 而d蝦重係好新鮮好甜, 實在係低食呀. 叫完再叫吾會吾來果度要讚呀. 雖然豚肉吾夠新鮮, 整體算低食, 總知我會再來的.

晚上同老婆和媽咪黎食火煱，老婆話當係同我去美國出差餞行喎。(其實我只係去一個禮拜，哈哈!)天婦羅- 似炸左一段時間，可接受啦!餃子- 香脆，媽咪讚好。多春魚- 香口。串燒- 雞肉串燒入味，雞軟骨餅串燒未試過幾得意。壽司- 三文魚，魷魚和蝦壽司OK，吞拿魚卷夠多紫菜粒。火煱主要既牛肉和豬肉質數確實麻麻，但以每位$68黎講實在唔可以咁多要求架啦!

中午的時候與友人一起光顧, 因為假日十二時起便有'下午茶餐, 而且人頭湧湧, 便決定試一下.以低廉的價錢,有如此的食物質素,是己非常不錯.餐後我們也點了凍奶茶. 飲了一半, 朋友才發現杯中的中型'小強'. 雖然經理很好態度的為我們換了杯飲品, 但由於我倆也是點一樣的奶茶,我們再也不願再飲相信也有加料的奶茶,也決定立即離去. 終然經理的服務態度十分良好, 在我們離去時發現他已自發的免了朋友的午餐,但一家餐廳的衛生, 是十分重要.希望他們日後能多點注意, 以免失去更多的客戶支持.

住沙田, 仲要係屋企樓下, 梗係要試試啦!!!因為近既關係,試過好多次!!waiter 態度好好,有求必應,D waiter 好nice個雞扒拉麵very good!!!好好食!!!整體都ok!!但唔好係都未食完就dump 張單過黎!!

因為住得近既關係去過幾次(我懶)環境確係寬敞，待應有好有唔好，不過部長幾好人。佢既火鍋我未食過，但壽司同刺身就麻麻啦魚生幾抵，但壽司就真係幾唔掂特別係海膽同三文魚籽，真係差到唔想食而且好多時都會有好多野缺貨...=_=總結泥講，好過無啦。有少少要求既話，不如行遠少少過新城市廣場搵野食啦。盡可能我都唔會揀呢間....

天寒地冬最好就係打邊爐.又來到五十嵐, 今次要試既係68蚊/位既任食火鍋. waiter 態度好好,有求必應. 1黎到就幫你整好個爐.由於係gas爐,所以唔會驚個煲唔滾! 每檯送一碟壽司同天婦羅! 每人重可以揀1碟小食. 有好多野食揀!! 真係幾好X)好飽X)

今餐4個人去食..叫左幾碟壽c..簡直係垃圾..完全不知所謂落單個侍應龍龍地咁又係不知所謂

抵食!$68/位任食火爐加一送壽司和天婦羅一碟再加送小食二碟.好飽, 好飽, 好飽, 好飽......................

同妹妹有成年冇去過50嵐,之前去開俾我既印象都唔錯.下午茶餐好食夾抵食.但係今次久別重逢,真係好失望.首先埋到去counter.完全無問過我地想唔想搭台就求其咁俾左張台我地,我地2個係呆左.好彩有個waiter 俾左張唔使搭既我地2個. 1 睇menu, 以前20蚊既下午茶餐重可以搭小食&野飲,但依家通通加價重冇埋小食. 死死氣咁諗住要煎三文魚拉麵. 點知都賣晒*0* 所以呀妹就要左個餃子拉麵,我就要左個吉列豬排拉麵. 唔使5 min 就上到黎好快手! (有少少覺得係粗製濫造)之前食開有好多粟米, 依家全部無晒剩低幾粒. 杯奶茶漏晒出黎搞到我好狼狽要用tissue抹整體都ok, 但比起以前真係差左好多. 晨早就dump 張單過黎.都未食完.使唔使咁趕時間好似逼我地走?失望.

從來無想過日本餐廳竟然會有得打邊爐因為價錢平宜所以就和男朋友一試$58/位任食火爐免加一逢送壽司天婦羅一碟每人小食一碟食物唔夠可以再叫柑桔$20一渣買一送一食物味道普通炸物頗油服務態度不錯總括來說比想象中的要好!p.s. gas 好象要用盡才可以更換

三月三日下午去食,未到一時已有下午茶叫,抵讚!我點了雞扒拉麵餐($20)包括:雞扒拉麵+ cold lemon tea,再加$5配玉子壽司.我太太點了生牛肉拉麵餐($20)包括:生牛肉拉麵+ cold coffee,再加$5配三文魚壽司.服務ok.

平時返學成日都會黎食飯, 一日放學晏, 趕功課, 做到9點先走, 行過入左去見火鍋都幾平就試下<br />入到去, 一坐低就黎一大堆頭盤,小食咁, 放到滿哂張台, 打算食完我地先order 其他, 但太多, 食完都只係order 左少少野<br />不過食物種類太少, 得廿幾種, 而且黎左見到又唔太開胃, 真係麻麻...<br />幾靜,可能夜,我同女朋友兩個一路食一路睇電視, 氣氛環境都幾好

以前幫襯青山道個間，因為service實在太好，食物又ok，尤其茘枝味雪糕同劍魚刺身....食到熟哂，經理重時時送糖水，而家只可懷緬過去（已經closed)第２次黎呢間食，裝修普通，兩個人坐卡位都幾濶落，有埋大電視睇，啱哂一家大細．今次食自助火窩，因為好抵食，還送壽司（唔錯，d飯唔硬唔軟醋味適中，好過超巿d好多)豬骨湯底送既，稀左d，冇咩味道，先黎一個大拼盤，十幾樣野乜都有d，菜多（新鮮青緑），有幾隻大大隻唔知係乜野貝？？有異味，唔食得，其他既牛肉，黑豚肉新鮮又爽又有肉味，重任食唔嬲，冇左三文魚骨有丁丁失望，叫左哎吔啤酒，好似＄５罐，其他飲品都唔貴，飲得過，每次order大約５－１０分鍾到，waiter唔夠smart，叫幾次先有feedback，真真真係要改善．很多網友話黎野慢，但有冇唸吓，呢間係餐廳，唔係快餐店？？等幾分鍾至十幾分鍾都好合情合理，見到午巿劣評如潮，到而家都未有機會試，但以咁既＄黎食，自己買料都唔得啦！如果你係一個要求合理既人，呢度既火窩絕對超值抵食！！！

有時上堂上到1:30,出黎食lunch就岩岩好係50嵐既下午茶時段,$20有拉麵,有小食,有野飲,ok啦!不過d野食成日都好遲黎,而且水準又唔一致。如果唔係又方便又平,我都唔會成日幫親,真係食到厭!

今日愛立信屋企人同珍妮絲去左呢間舖度食,其實之前都食過,諗住打邊爐去酒樓都冇咁平,於是就再黎試下今次五個人食,都係叫左佢普通的日式牛肉鍋,佢有得揀豬骨湯,味噌湯,同埋其他兩種,但我唔記得左個鍋會免費送番同人數一樣咁多的sushi,天婦羅,同埋小食1. 什菇炒野菜(味道都唔錯)2. 日式炸雞球(侍應冇羅沙律醬,但都算熱)3. 日式餃子(都係炸物)4. 串燒墨魚仔(唔掂,因為好似白灼,咩味都冇,淨係淋左少少汁,但都係冇味)5.茄汁牛尾骨(名符其實的---得夠骨)跟住我地都一路加野食,都食左好多,但有時叫佢羅野,d侍應好似冇咩記性咁,要叫幾次先至黎到..橙汁就買一送一($20每渣)都打左兩個鐘,個個都食得好飽,最欣賞佢的墨魚丸,總數食左$310