五十嵐日本料理 (已結業)

因為從火車站入黎都要行一段頗長的路~難得肯行入去試下~2點幾~叫了個滑蛋豬扒飯+凍檸檬茶 (下午茶餐 $24)滑蛋似炒蛋~一點都不滑~豬扒很乾很老~ 真的不好吃~散叫了小食:炸餃子6隻~$13一般~賣相味道也不吸引~另再叫了2款SUSHI (@$9=$18)玉子SUSHI X2 : WA~又薄又細件....味道都OK~鰻魚SUSHI X2 : 都係好細件...味道一般~另外一個 "個人套餐" : 煎雞扒+烏冬 + 3件SUSHI ($45)等左好耐先黎~還不是普通茶餐廳貨色麻手打~不見得好吃~+1服務費~$110間野都幾多人~可能附近都是住宅~商場食店選擇不多吧~不會考慮再黎

假日與太座一同食下午茶, 行經五十嵐, 見下午茶餐只是二十多元, 頗抵食, 於是入來一試.我點了日式雞飯餐, 雞肉都ok, 飯太軟, 不合我胃口.太座點了蟹粥(18元), 粥底不夠綿, 沒有米香; 蟹有3小件, 不過不覺有蟹肉; 粥內有菇, 不過亦是沒有味的, 最後太座只食了三份一碗粥便放棄. 後來留意到隔鄰多張枱都是點拉麵, 看似不錯, 可能今次是我們點錯了食物.

好多食物，不過比以前少了2款。價錢無變。服務仍是那樣，太多人招呼唔切。叫左杯特飲。唔好對食物有太大期望，一分錢一分貨，都係普通貨色，不過加食物都算快，order完，好快到。牛肉唔係好靚，不過食左好多碟。抵食晚飯。

日式牛肉鍋配手打烏冬 (豬骨湯底) (咸了些少, 而且牛肉都係熟得滯而覺得un, 手打烏冬夠滑, 都似似地樣既!!!)日式小食—芝麻八找魚(只得2大件, 而底下既青瓜絲好唔新鮮,似係用番上一手既送尾)凍朱古力(加$2)--古古怪怪, 又唔夠凍, 唔好飲!!!一共$45網燒牛扒配野菜(牛扒無問我地要幾成熟, 我估佢驚唔熟, 食到我地肚痛, 所以就燒得太熟, 有點un喇...而野菜都係炒得太熟而且太油!)什錦壽司(三文魚、鱆紅魚、加州卷)白飯、味噲湯(咸左些少)凍檸水一共$40另加了燒秋刀魚($18), 嘩~真係好抵喎~ 好熱辣辣好香呀!!!肉質夠彈牙, 不過個肚就苦左少少...侍應拎左長短筷子比我, 佢自己都覺得好笑, 話之前都試過係咁喎~

第1次食，見到有細細粒小強仔係張枱到爬，投訴完點知個waiter 話返我地轉頭話我地做咩要打死食小強。=.=!!!!朋友食完碟炒飯，佢話d 帶子係酸既。第2次去食，感覺好小小。不過壽司飯唔夠實，一夾就散，慘在我舊飯連魚生趺落碗拉面到，生魚都變熟魚。 諗住落soya sause，點知個樽係流既，未倒你就成枱油。朋友諗住落七味粉，點知就成個樽蓋自動甩出黎飛落碗拉面到。講食物，拉面好大陣味精既感覺。食完成碗面，勁渴，GSM 好似唔洗錢咁。魚生又太多根，咬唔開，並且舊飯好唔得(上面已講。)好既只有係熱飲個杯，幾得意。有磁石ZIP 住隻匙。唉。

o係沙田lie間就未食過..不過o係葵涌就食過無數次...以前從來唔食魚..唔食魚生ge 我..我ge 第1次就俾jor 五十嵐naa...點解?第1,感覺衛生, 第2 , 魚生相當新鮮,第3, 好吃XD''----------------------------------------------------------------食物味道相當唔錯...食日本菜o黎講..佢算好抵食!服務方面.. 我俾3分... 係因為有o的服務生觀察力唔夠..有幾次我十分餓...叫極都冇人睬我..... 但只係特別個人問題..唔能夠1個定生死ga ma....係啖咪先?XP 但個女經理觀察力非常好..抵佢做經理ge至於環境...都OK ge...唔太有特色jor少少!只係我ge少少意見:Ｐ

因為在附近ive讀書, 所以五十嵐成為經常性的飯堂今次第1次點了饅魚炒飯, 結果換來了極度的失望.饅魚炒飯的饅魚只有指甲般大小, 而且一碟飯內只有大概十數粒饅魚實在令我極度失望...因為$30 一個餐, 在其他地方都能吃到大大塊的饅魚飯吧

我第一次幫襯五十嵐己經係年幾之前既事。不嬲都知有呢間野，但係就冇試過，終於有日我家姐話佢試過，好似話五十嵐既豬軟骨拉麵幾出名，仲要幾平，咁我當然唔會走雞啦，於是同阿媽一齊去試...............我地係下午茶時間去，貪佢有特價，仲記得好似係23蚊有碗豬軟骨拉麵、一個小食(有幾款選擇，我要左個煎餃子)，同一杯飲品..............平到唔信，不過當然，唔好食唔使錢都冇用...........個拉麵用料十足，豬軟骨幾多，其他配料亦足，味道偏濃口岩晒我口味，特別係d豬軟朤好入味，又夠林。不過個小食就差左d，個煎餃子相信係煎好左擺左一段時間，凍既.........至於飲品最失敗係選擇少，只有咖啡、奶茶、檸茶同檸水，轉其他野要加錢.........至於地方，同一般日本料理店差唔多，算唔錯..........總括黎講，廿幾蚊(年幾前既價係23蚊，而家好似25蚊，同埋冇左個小食送，但係個豬軟骨變左豬軟骨餃子拉麵，即係將d餃子放左落碗麵度) 真係抵到爛，雖然有d地方唔得，例如冰凍煎餃子........但都可以接受既。我而家久唔久都有去,仍然係豬軟骨拉麵,,對上一次去係一個月前.....

同男朋友黎呢度食，6幾度到，有位，就入左去食火鍋喇！兩個人，每人一份天婦羅一份sushi，仲可叫每人一碟小食，都算差唔多。雖然火鍋先係主角，但係得好少野揀，肉唔太新鮮反而覺得送既sushi唔錯！炒飯一定唔可以叫！難食到想死！個人意見：佢既芝麻醬難食到嘔！服務又唔覺特別差，可能我男朋友叫人黎既方法太風趣喇...佢地個個都笑笑口！正體黎講，呢個價錢都算ok！

今日下午茶時間去到和輋, 諗住食好o的啦 (個場果時平均都係做緊12-20元).入去叫左雞絲通粉, 焗煙鴨胸意粉, 香芋奶茶, 熱啡, 多士炒蛋.先講雞絲通粉, 個湯底無乜味, d雞"鞋"過你在街市/凍肉舖買既大部份雞肉, 可以話呢世人第一次食過咁難食既雞肉.炒蛋和熱啡只及一般屋村的茶餐廳質素, 而多士一d的都唔熱(其實諗落除左熱啡係有o的熱之外, 無樣熱), 而且有點"淋", 只比吃方包好一點.焗煙鴨胸意粉得煙鴨胸有d味, d意粉有d"宿"味, 似擺過夜浸到好粗大再整返畀客食. 既然係叫得做焗, 但食落完全唔覺得熱, 很難想像在廚房佢地點整.香芋奶茶更離譜, 這是杯台式凍飲, 但你可以見到入面有溝唔勻既椰子粉, 芋頭粉, 乜都撈唔勻, 同飲冰水有乜分別.都唔知呢間舖既經理係眯收左黑錢, 可以提供到咁難食既野畀客, 最奇就係咁既質素既食肆仲可以生存. 咁多間五十嵐都無呢間既情況.D waitress 亦都有問題, 我在隻碟拿起多士, 佢立即收起我隻碟, 我想擺返低件多士食其他野都唔得.同埋佢地送食物黎, 拿碟走都係唔會出聲唔會理你, 真係非常無禮貌.如果你想試下咩叫貼錢買難受, 呢度係

間野係開店個陣幾好架feel到d員工有心機d餐又平可惜而家d員工態度好差仲要d野貴左,,d熱飲難飲到喊..凍野有時又甜到漏..都唔知佢想點

今回點了個 焗芝士吉列豬扒飯,凍鴛鴦..24$後者來先,結果淡淡的無味..加了兩包糖攪了好幾十回才有點味兒..以前唔係咁..可能沖飲料呢d真係睇個水吧當時究竟想點..到來,都等左15~20mins,結果飯小,不熱偏冬,芝士可以無味,叫呢個餐都係為左面層d芝士,另外d汁係蒜茸,吉列豬帶點腥,失望..始終吉列都係唔焗好過..或者焗好先上碟好d~

間死人野恃住我地d學生ge Demand Ineslastic, 好似呢驚死唔怕汁粒果隻呢, 去親食lunch都冇好下場,次次d餐湯都要吹n咁多次先肯黎,有時可能吹極都唔黎囉,好似呢佢唔黎我就吹佢唔漲咁囉.服務都好, 算啦,野又唔係好食過人, 如果唔係平, 汁左十世啦.真係食到我一肚火

幾年前開張 20$有拉麵有野飲有壽c..而家雖然21$得麵同野飲..但勝在夠標準..杯野又夠大杯..香煎3文魚拉麵,21$,芝麻雪香+6$,3文魚刺身兩件+6$(一至五無加一)湯底唔錯對比出面好多都麻麻既拉麵食肆..仲有20$既下午茶..夠哂平啦!(諗返起荃灣某拉麵食肆3x$無野飲..仲要湯底好似鼓油味個下真係惡頂)芝麻雪香頭幾啖好似唔太入味..之後中間又覺得巳經算ok!..3文魚刺身 又係ok啦..可能偶然間食 feel good d~

之前行過見好多人幫襯而店舖裝潢又好似好得心思思想去食返啲好野First time $3X下午茶時間茶餐唔啱食最後叫其他天婦羅炸蝦等左半小時追單追到火食物終於來一啲都唔得外皮唔夠脆仲要十分厚隻蝦超級細味道十分差Second time $2X比多次機會佢又係食下午茶今次選擇拉麵配三文魚壽司煎餃子有三件放在拉麵湯內餃子已經散晒拉麵唔好食嘅 餐飲只有奶茶, 咖啡, 檸茶, 檸水其他包括汽水, 好立克, 阿華田都要加錢四款餐飲唔係人人都啱飲汽水都話要加錢唔好去搶餐具又舊水杯漏水服務員沒有服務黑口黑面唔應人門口個男人才好佢應該係負責人所以才比較禮貌