影片
打电话去叫外卖问佢有无下午茶时间，佢就话堂食先有之后就cut线👿再打过去同佢讲要外卖唔洗要下午茶喇，咁我叫左个饺子乌冬，问佢几钱，因为外卖最低消费系$60，咁佢答左，系$33既.咁我就问佢有咩小食啦佢不停同我讲话炸饺子仲叫我快d啦快d啦，我叫左饺子乌冬你叫我要多个炸饺子小食，衰d讲句你有无用脑谂野同埋你咁样讲野系咩服务态度啊！咁我之后就要多个炸薯角佢话$49姐，再讲话快d啦（广东话都讲唔正），咁我问佢有咩特饮啦，特饮通常都十几蚊一杯，问佢有咩饮佢又讲炸饺子，我唔知佢个咩意思啰！根住同佢讲野对牛弹琴咁，就要左杯热柠茶算，佢就话$54渣㖞。问佢有无寿司类？手卷？佢话依家无卖喇，再讲多句快d啦！我真系燥啊，叫外卖系咪唔洗比钱？你咁既态度！👿我听电话既时候直情无杂音，即系唔太忙但唔知佢既态度系咩意思啦，可能佢赶住收工，或者系个啊姐根本唔想做，叫过咁多次外卖都未试过咁。
继续阅读
以前去过好多间五十岚，呢间特别深刻 ，可能系全港最细间的，也是比一般分店平，因为主力做外送快餐，得几个位，平时堂食，如果坐桌出面，常常要起身比入面位的客人出入 ，来呢到食，好处是平，快，正，一个定食加多个串烧拼盘都是67元，今次叫的朱扒饭定位，有好多配料，日式咖喱汁好香甜 ，吉列朱扒够厚，但不够脆，饺子香口有肉味，杂菜也新鲜，而串烧拼盘，有鸡软骨，牛，鸡，应该是超市现成货，没什么特别，鸡串比较好味，因为有烧汁 ，以呢个价钱，算交足功课
继续阅读
五十岚在天晴开张已久，素闻其价钱平，水准佳，是次终有机会一试烟鸭胸拉面 ($23, 极度平宜)烟鸭胸与拉面的配搭虽然怪怪的，但鲜奶包颇爱吃鸭胸，便尽管一试。这个价位的拉面，原来也没甚期望。谁料拉面上桌，一看下心里已暗暗赞赏。烟鸭胸有五块厚厚之多，而且拉面上铺有青菜、玉米粒、紫菜、日式鱼片，更撒上爆香了的蒜蓉等香料，色、香、味皆在$23中发挥得淋漓尽致，未吃经已食指大动。拉面的软硬度适中，面条爽滑，弯弯的亦能挂上汤汁。鸭胸虽无甚出奇之处，但厚切下口感颇为丰裕。至于各种素菜亦无特别，但令一碗拉面多种清新健康的感觉。汤汁吗？$23元不谈也罢，欣赏的是尚不太吃得到味精的味道。份量充足，营养佳，有机会鲜奶包一定会再次光顾
继续阅读
家住附近,所以呢间餐厅都系外卖既经常选择~今次叫左炸饺拉面、金菇牛肉饭8点叫,等等等。。。只相隔2,3条马路,竟然要用上一个钟都送唔到!!!打去问,我都系用有斯斯文文既态度问,女职员都有礼貌咁回答我ok都算啦,个男职员终于送到黎但打开见到,成块纸皮浸晒落个拉面汤度,仲要连个盖都烂左,飘浮系个汤度!!!咁点食呢????迟都算,仲要搅到咁!!!火都黎埋啦,打返去餐厅度个女职员话即整过另一碗送上黎但男友仔话怕唔怕"加料"比我,所以之后再打去话唔要唔使送返比我了但过左2个字左右都系送左上黎总括呢间餐厅,其实ok既,野食抵、好味,有d职员都真系好好,落单都好有礼貌系今次唔知点解搅到咁啰!!!
继续阅读
是咁的,呢18号晚屋企人都唔系屋企,净返我一个寡佬食晚饭放工返到黎到7点几,夜晚仲要开会,要快快趣趣吞个饭盒开工之前未食过呢间五十岚,见近屋企,又做外卖,落左车就过去买一去到睇餐牌,饭主要得五野,非常好,唔驶拣收银姐姐好友善,好和蔼可亲,笑容好灿烂,绝对系用心服务,唔系机械式,点解我会知,因为佢连对送外卖既都好温柔买左个咖哩吉烈猪扒饭,饮冻柠茶,总共$31. 呢度有样野做得唔好,个饭有分堂食同外卖价,分别系$29 同 $27,饮野+$3但系个menu下面加左句,外卖另加$1,咁点解唔写埋落去外卖价度呢?等果阵顶唔顺,见到佢个炸薯角$8忍唔住叫,好好人既收银姐姐帮我改返张单,等所有野可以一齐出间铺都有堂食,但里面几细. 冇乜人,但寡佬一个,返屋企自己食算.返到屋企,D著角仲热,但唔够脆,都几好食,亦好多,一个人食会太多.而个饭都唔错,猪扒绝对唔吉烈,预左,个咖哩汁几有HEART,唔太咸,有D日式干葱好惹味.个冻0茶唔系好大杯,但几好饮,唔太甜.而今晚因为又系屋企冇人,又系要开会,所以又跑去果度买饭去到,收银姐姐唔系度,换左个经理. 今晚食左个猪软骨饭,因为见琴日几多人买. 冇买野饮,冇买薯角,盛惠$28好快有,个饭返到屋企仲暖暖地,个猪软骨好淋,好骨胶原,好入味,味道唔错间野朝早7点就开,夜晚11点先打烊,点解冇相,因为放工返黎又累又肚饿,一返到屋企就开饭味道唔错,价钱合理,推!!!
继续阅读