五十嵐日本料理 (已結業)

打電話去叫外賣問佢有無下午茶時間，佢就話堂食先有之後就cut線👿再打過去同佢講要外賣唔洗要下午茶喇，咁我叫左個餃子烏冬，問佢幾錢，因為外賣最低消費係$60，咁佢答左，係$33既.咁我就問佢有咩小食啦佢不停同我講話炸餃子仲叫我快d啦快d啦，我叫左餃子烏冬你叫我要多個炸餃子小食，衰d講句你有無用腦諗野同埋你咁樣講野係咩服務態度啊！咁我之後就要多個炸薯角佢話$49姐，再講話快d啦（廣東話都講唔正），咁我問佢有咩特飲啦，特飲通常都十幾蚊一杯，問佢有咩飲佢又講炸餃子，我唔知佢個咩意思囉！根住同佢講野對牛彈琴咁，就要左杯熱檸茶算，佢就話$54渣喎。問佢有無壽司類？手卷？佢話依家無賣喇，再講多句快d啦！我真係燥啊，叫外賣係咪唔洗比錢？你咁既態度！👿我聽電話既時候直情無雜音，即係唔太忙但唔知佢既態度係咩意思啦，可能佢趕住收工，或者係個啊姐根本唔想做，叫過咁多次外賣都未試過咁。

以前去過好多間五十嵐，呢間特別深刻 ，可能係全港最細間的，也是比一般分店平，因為主力做外送快餐，得幾個位，平時堂食，如果坐桌出面，常常要起身比入面位的客人出入 ，來呢到食，好處是平，快，正，一個定食加多個串燒拼盤都是67元，今次叫的朱扒飯定位，有好多配料，日式咖喱汁好香甜 ，吉列朱扒夠厚，但不夠脆，餃子香口有肉味，雜菜也新鮮，而串燒拼盤，有雞軟骨，牛，雞，應該是超市現成貨，沒什麼特別，雞串比較好味，因為有燒汁 ，以呢個價錢，算交足功課

五十嵐在天晴開張已久，素聞其價錢平，水準佳，是次終有機會一試煙鴨胸拉麵 ($23, 極度平宜)煙鴨胸與拉麵的配搭雖然怪怪的，但鮮奶包頗愛吃鴨胸，便儘管一試。這個價位的拉麵，原來也沒甚期望。誰料拉麵上桌，一看下心裡已暗暗讚賞。煙鴨胸有五塊厚厚之多，而且拉麵上鋪有青菜、玉米粒、紫菜、日式魚片，更撒上爆香了的蒜蓉等香料，色、香、味皆在$23中發揮得淋漓盡致，未吃經已食指大動。拉麵的軟硬度適中，麵條爽滑，彎彎的亦能掛上湯汁。鴨胸雖無甚出奇之處，但厚切下口感頗為豐裕。至於各種素菜亦無特別，但令一碗拉麵多種清新健康的感覺。湯汁嗎？$23元不談也罷，欣賞的是尚不太吃得到味精的味道。份量充足，營養佳，有機會鮮奶包一定會再次光顧

家住附近,所以呢間餐廳都係外賣既經常選擇~今次叫左炸餃拉麵、金菇牛肉飯8點叫,等等等。。。只相隔2,3條馬路,竟然要用上一個鐘都送唔到!!!打去問,我都係用有斯斯文文既態度問,女職員都有禮貌咁回答我ok都算啦,個男職員終於送到黎但打開見到,成塊紙皮浸曬落個拉麵湯度,仲要連個蓋都爛左,飄浮係個湯度!!!咁點食呢????遲都算,仲要攪到咁!!!火都黎埋啦,打返去餐廳度個女職員話即整過另一碗送上黎但男友仔話怕唔怕"加料"比我,所以之後再打去話唔要唔使送返比我了但過左2個字左右都係送左上黎總括呢間餐廳,其實ok既,野食抵、好味,有d職員都真係好好,落單都好有禮貌係今次唔知點解攪到咁囉!!!

是咁的,呢18號晚屋企人都唔係屋企,淨返我一個寡佬食晚飯放工返到黎到7點幾,夜晚仲要開會,要快快趣趣吞個飯盒開工之前未食過呢間五十嵐,見近屋企,又做外賣,落左車就過去買一去到睇餐牌,飯主要得五野,非常好,唔駛揀收銀姐姐好友善,好和藹可親,笑容好燦爛,絕對係用心服務,唔係機械式,點解我會知,因為佢連對送外賣既都好溫柔買左個咖哩吉烈豬扒飯,飲凍檸茶,總共$31. 呢度有樣野做得唔好,個飯有分堂食同外賣價,分別係$29 同 $27,飲野+$3但係個menu下面加左句,外賣另加$1,咁點解唔寫埋落去外賣價度呢?等果陣頂唔順,見到佢個炸薯角$8忍唔住叫,好好人既收銀姐姐幫我改返張單,等所有野可以一齊出間鋪都有堂食,但裡面幾細. 冇乜人,但寡佬一個,返屋企自己食算.返到屋企,D著角仲熱,但唔夠脆,都幾好食,亦好多,一個人食會太多.而個飯都唔錯,豬扒絕對唔吉烈,預左,個咖哩汁幾有HEART,唔太咸,有D日式乾蔥好惹味.個凍0茶唔係好大杯,但幾好飲,唔太甜.而今晚因為又係屋企冇人,又係要開會,所以又跑去果度買飯去到,收銀姐姐唔係度,換左個經理. 今晚食左個豬軟骨飯,因為見琴日幾多人買. 冇買野飲,冇買

本人已經聽聞天晴邨開咗一間五十嵐雖然冇壽司食但係其他食物俾到我一些意外驚喜我買咗一個咖喱吉列豬扒飯我要步行十多分鐘先番到屋企，前後該豬扒飯要等成廿多分鐘先至食,我一打開，嗰D咖喱香味就撲埋嚟，味道仲好好味，嗰塊吉列豬扒非常之鬆脆可口,我重來未食過咁好食嘅咖喱吉列豬扒飯我下次會再去幫襯，希望其他食物都俾到我意外驚喜