影片
行过见有新店咪试下啰，主食桂林米粉。先扫码落单，米粉可以转红薯粉，仲有饭食添，小食选择都唔少，价格定位亲民。⭐肥肠米粉自己就点左碗肥肠米粉，要麻辣小辣。汤底都几红，小辣啱啱好，因为有酸笋同酸豆角，个人觉得汤底酸味比麻味更重，都几好。肥肠处理干净，基本上所有肥膏已去除，卤得入味😋⭐肥牛米粉朋友要左肥牛米粉，汤底要酸辣小辣，但佢要走芫茜、走酸豆角、走酸笋，所以食起上黎个汤较似原味。个人觉得咁全走个汤底会变得单调，如非必要，都系保持原有啦😝⭐尖椒皮蛋软绵绵嘅溏心皮蛋，仲重蒜香，正。⭐烩拌豆腐皮豆皮口感正，拌豆皮嘅油劲香口，店家话系自家秘制炼油，赞呀😍⭐哈尔滨红肠仲点左份哈尔滨红肠，哈哈，试下同一般香肠嘅分别嘛。哈尔滨红肠口左紧实，好有肉感，仲有蒜香添，几好食㖞😋⭐冻奶茶 & ⭐青苹果梳打冻饮大大杯，跟餐叫有优惠价👍叫左好多野好饱呀，又真系几好味，值得一试😎
继续阅读
元朗新开桂林米粉👍🏻云记桂林米粉由上水开到来元朗啦桂林米粉汤底用上鸡同猪骨慢火熬制！够鲜味款式配料选择多！叫左肥牛米粉麻辣小辣米粉劲入味配上特制的卤肥牛肉仲有多款配料花生、酸笋、酸豆角愈食愈滋味！好开胃麻辣牛肉饭用上牛腱口感弹牙～份量十足配上特制香料劲香口捞饭好味道店内食品可以选择无辣、小辣、中辣、大辣叫左两款小食都好好味！红油青瓜猪耳丝 ～ 猪耳够哂弹牙沧拌豆腐皮 ～ 口感层次丰富饮品叫左冻柠茶、冻奶茶想食桂林米粉来👍🏻云记桂林米粉 (元朗分店）📍元朗教育路61号紫荆楼地下K号舖
继续阅读
在赶时间的日子里，快刷一碗米粉都是上佳的选择。教育路的桂林米粉还是首回光顾，街坊小店，多多支持！餐厅新簇簇的，环境干净企理，卡座舒适！是夜的丰富晚餐，所费无几的大满足！凉拌腐竹 $30，卖相五彩缤纷，腐竹有咬口，青瓜爽脆，开胃凉菜。烧鸡（例牌）$28，有烧烤香味，鸡肉还算嫩滑，够平够抵食，整体不错。尖椒皮蛋$22，皮蛋质感软糯，酱汁惹味得嚟又不会过辣。卤肉饭 $58以为是台式的碎粒卤肉，上枱时方发现是一片片的猪腩肉，肥瘦相间，卤得入味。冻柑桔蜜跟餐价 $11 及 冻柠茶微辣肥牛米粉拼猪手、鸡翼、卤蛋 $81肥牛有肉味，猪手腍滑入味 👍👍，鸡翼一份有三、四只，相当抵食。
继续阅读
去咗元朗整头发，顺便食个米份，我系第一次嚟食嘅，一入店就闻到浓浓嘅酸辣粉味！佢哋有汤米粉，亦都可以食捞米粉！就叫咗一个卤肉酸辣汤米粉、凉拌海带丝、红油青瓜猪耳、尖椒皮蛋。唔知系佢嘅汤底配合返香港人口味定点，我自己嗌咗微辣，佢嘅酸辣汤底偏淡，但我个人就觉得可以！卤肉肥瘦均匀，米粉份量非常多！嗌咗几个小食，都唔错！我自己几钟意食凉拌海带丝酸酸辣辣咁，海带丝亦都好爽脆！有青瓜猪耳，青瓜猪耳配合得几好，用筷子一夹都会有猪耳同青瓜！另外尖椒皮蛋就第一次试，尖椒味好特别，我自己几钟意！
继续阅读
今日行过元朗，见到间新开嘅「云记桂林米粉」，门口飘出阵阵香料同酸豆角嘅香气，即刻忍唔住入去试下！原来佢哋喺上水都有分店，难怪有好多街坊帮衬，唔怪得之我见到好多人拎住外卖袋出嚟！我分别试咗肥牛米粉同肥肠米粉。肥牛米粉$48，汤底闻落有浓郁嘅八角、肉桂香，饮落清甜鲜美，渗住淡淡嘅中药香，据闻系用牛骨同多种香料熬足几个钟！米粉口感烟韧弹牙，挂汤力一流。配菜嘅酸豆角酸香开胃，咬落卜卜脆；酿笋好有惊喜，外皮软糯，入面塞满肉馅，吸满汤汁好惹味；花生增添香脆口感，葱同生菜令成碗粉更香更清爽。肥牛片份量唔少，肥瘦均匀，浸喺汤入面好滑嫩。肥肠米粉$45都好出色！肥肠处理得好干净，完全冇异味，口感软糯又带点嚼劲，卤香味浓郁，同汤底配合得好夹！另外点咗酸辣牛肚丝同凉拌青瓜，酸辣牛肚丝够晒惹味，牛肚爽脆弹牙，酱汁酸辣度啱啱好，好开胃！凉拌青瓜爽口清甜，上面洒满芝麻同辣椒，简单又滋味。呢间云记桂林米粉价钱亲民，份量十足，味道正宗，新开业就已经俘虏咗我嘅胃！下次路过元朗一定会再去，都想试埋佢哋上水分店有冇唔同，钟意食米粉嘅朋友一定要去试下！📍云记桂林米粉元朗教育路61号紫荆楼地下K号舖
继续阅读
您可能会有兴趣的...