雲川 米線．紅薯粉 (美樂花園商場)

营业中

休息中

好耐冇入過屯門，所以今日入去試吓，八點幾去到冇諗過都幾多人食。我哋每人嗌咗一碗再嗌多一個小食好快嘢食就嚟到，我嗌咗小辣但係辣嘅感覺偏少，腩肉好食，米線我覺得比較腍身嗰啲。屋企人食嘅魚湯米線我就覺得個湯底好好味，大腸林申夠軟熟。另一個屋企人叫咗銀針粉配菜譜，反而我覺得菜譜麻麻哋鹹得滯。凍檸茶太甜已經叫咗少甜茶味比較弱。小食炸雲吞好味夠大隻，食完之後有少少口乾，唔知係咪因為比較多味精嘅關係。不過整體冷氣可能比較少所以十分之熱。

好耐無食過，偶爾都會黎幫襯的屯門名物-雲川！落左單後2-3分鐘就上菜，速度都算好快。眾所周知，佢的魚湯無得輸，最好食係豬頸肉米線！但今次叫左香茅豬扒。味道都幾好。而我以前都好鐘意食佢個雞軟骨最近一直都停售，希望之後有機會會有番啦！不過都有叫豬大腸及雞翼，豬大腸一如以往咁正，好香好脆，但係呢佢個份量好似少左。個炸雞翼就好一般，可以不叫。食過咁多間雲x雲x的米線，都係雲川最岩我心水，隔一陣就會想再去幫襯～

終於食到屯門名物！午市來都要等5分鐘啊，不過出菜真係頗快魚湯薯粉+麻辣牛𦟌魚湯魚味不重，但係都有淡淡鮮味嘅，係舒服嘅味道，不過相對酸辣豬排湯底就相對冇咁有特色🤣 但最鍾意係麻辣牛𦟌！！超嫩份量都多！另外薯粉唔太配湯汁，下次都係乖乖食米線🫡另外叫咗炸花枝丸～都幾好香但好油啊啊啊… 冇特別調味嘅，但可以係枱頭攞泰式酸辣醬，不過唔鍾意肥膩嘢嘅就唔好叫啦🙂‍↕️🙏🏻

每次嚟到雲川，我情有獨鍾香茅豬扒鮮魚湯米線❣️❣️佢個鮮魚湯真係好正完全唔會覺得有任何嘅腥味，但又唔會覺得胡椒粉太勁喎香茅豬扒係必選嘅餸，白蘿蔔又煮得好腍香茅豬扒白蘿蔔鮮魚湯米線，簡直係絕配

好感恩係住嘅附近有呢間咁好食嘅米線，自己本身都唔係特別鍾意食米線，但係呢間餐廳嘅湯底都真係有好多唔同嘅選擇我自己就一向都係食酸金麻/ 或者係魚湯另外小食方面就建議大家可以另外再加海藻，大大兜嘅小食，好過就咁喺餸入邊加而佢嘅湯底米線加配菜都真係好出色所以基本上每個星期都會食一次百食不厭！如果有機會入嚟屯門嘅話都可以真係食一次呀

住港島嘅我，屯門對於我嚟講真係冇咩事都唔會入去嘅地方🤣🏝️但自從試過屯門名物 - 雲川米線🍜就一直都好掛住，今次難得去開屯門，當然要再去食啦🥰豬頸肉蘿蔔酸辣米線 $58佢呢度嘅豬頸肉係必叫🐽佢哋將豬頸肉切成肉絲，一口就可以食哂一條，面頭有啲濃邊，食落更加惹味🤩而且肉質有咬口得嚟都好淋，用埋佢哋嘅秘製醬汁調味，即使浸咗落湯度都依然好好食🥰.蘿蔔有4 大舊，索哂啲湯汁，好正！我就叫咗酸辣(小)湯底，湯底有啲啲肉碎，米線我就鍾意淋啲，餐廳自助點餐有埋呢個選項俾我，真係好貼心🫶🏻邊個話食米線就一定係頹食，我就話米線都可以好enjoy🤭.希望佢快啲衝出屯元天，咁就可以有更多人試到佢有幾好食了❤️

雲川 米線．紅薯粉難得出開屯門，一定要去試吓屯門出晒名嘅雲川米線。不過帶住女女，堂食就唔係太方便，所以就選擇了外賣。雲川套餐都幾抵食，一個米線包一個餸，仲送埋嘢飲都只係$48，性價比高。🥢鮮魚湯紅薯粉+墨魚咀+腐皮蝦卷鮮魚湯底尚算鮮甜，屬淡口味人士之選。墨魚咀就不過不失，份量唔算多。而腐皮蝦卷數量適中，口感彈牙。🥢麻酸金湯紅薯粉+豬頸肉麻酸金湯湯底偏酸，辣度十足，但麻味並不突出，較為失望。而紅薯粉口感煙韌，超級吸湯，非常惹味。豬頸肉就真係必叫，份量十足，香口惹味，入口仲超juice，大推豬頸肉。不過今次整體一般，唔會特登因為雲川而入屯門，可能下次去開屯門，先再試下堂食。

叫左雲川的外賣，叫左墨魚咀魚腐鮮魚湯米線。食物份量：適中食物味道：欣賞佢鮮魚湯底，魚味好濃，魚腐都大塊，墨魚咀細細粒藏於底（可以比多啲）😆整體感覺清清地，幾好味。

屯門最好味米線莫過於此之前佢幾間分店都開哂喺屯門，岩岩終於喺元朗開左分店而我最鐘意就係食佢嘅紅薯粉、炸醬、豬頸肉同埋豬膶，而且平時唔食芽菜嘅我淨係會食佢呢間嘅芽菜佢係屬於無頭無尾果種，口感一流對豬膶甚有要求嘅我真係覺得好難搵到間好味嘅豬膶，一係就比較硬同乾，一係就細細片，但呢間嘅豬膶的確唔錯，又淋又粉 我好多食豬膶嘅朋友黎到呢度都會叫呢個餸 所以都值得推介而湯底我最鐘意佢嘅酸麻金湯就算中辣都唔會好辣，但湯底好濃好夠味

試左一次之後成日都會好掛住呢間米線店，因為吾太食得辣既我，平時去其他米線店叫唔辣嘅湯底，都係淡味，我最鍾意雲川既鮮魚湯底，好鮮甜，再配必點既豬頸肉，滷水味好濃嘅豬大腸，真係絕配，如果可以吾止係屯門，其他地方都有分店就好啦

雲川米線好食就出曬名屯門牛牛有邊隻唔識得雲川呀我不嬲就食開豬骨湯嘅不過呢魚湯都係非常之好食佢值得推介嘅餸呀就係豬頸肉豬頸肉非常惹味又唔柴皮佢唔同普通嗰啲一大塊嘅豬頸佢會將佢切成條但係都掩蓋唔到佢嘅美味另外我覺得蘿蔔都係非常清甜冇渣湯底唔同一般雲南川椒麻辣嘅味道豬骨湯好濃鬱微微帶辣聽日又有啲芽菜呢配搭起嚟非常好食魚湯奶白色味道鮮甜又唔會腥除咗米線之後仲可以選擇食紅薯粉不過每次都係揀米線先至可以揮到佢嗰個湯底淋漓盡致萵筍好清爽係涼拌可以幫你解漏係用芝麻醬涼拌嘅好爽脆

今次叫左酸辣米線～豬腩肉份量超級勁多！！叫一樣送都已經好阿！🤣🤣🤣而呢一碗，我係叫左大辣，但都覺得可以再辣啲！整體黎講都係唔夠辣🤣🤣-另外一碗，都係叫酸辣米線，係小辣！叫左最出名嘅「豬頸肉」，真係勁出色！！！真係好好食！！好淋！好入味！！！唔係出而嘅硬到咬唔到👍🏻👍🏻👍🏻特別一讚🥰🥰👍🏻👍🏻同埋份量都係巨多🤣比起同碗一齊叫嘅豬大腸，冇比較冇傷害🤣🤣🤣-小食叫左炸物，炸花枝丸🥰大愛～任何炸物都係恩物🤗🤗🤭再加埋上面嘅椒鹽！加分加分😋😋

真係剩係得屯門先至有，而且的確真係好味道，本身自己唔係好食得辣，但係成日就比嗰浸麻辣嘅味道吸引，喺呢度爬文咗好耐，終於今日lunch先至第一次搵到一間相對地容易有位嘅分店，未到12點已經坐滿人，我嗌咗一個細麻辣湯底米線，一定要試佢嘅豬頸肉，邪惡但係堅好味，我食少少辣都已經會流鼻水鼻，佢有紙巾提供，加$3有凍檸茶，即刻可以平衡返。應該係未瞓醒錯手篤咗凍奶茶，佢哋肯幫我轉做凍檸茶，感覺上服務態度唔錯👏埋單$51 ，價錢合理，第一次體驗感覺OK！

好無奈，今日19：09打電話去美樂雲川叫外賣，之後大約19：29去到比錢，比完錢順便多口問收銀姐姐會唔會已經有得攞，姐姐答我佢地其他職員整好會攞出黎，咁我就出門口等。我一直係門口等，全程無離開過，見到愈來愈多人no.後過自己都有，已經覺得奇怪；不過諗可能佢係我比左錢之後先開始整，咁唔緊要，等多一陣。最後等到19：54都未有，終於忍唔住入去問一問。入到去問收銀姐姐，唔好意思，可唔可以真係幫我睇睇有無漏單，因為真係等左好耐。姐姐睇一睇張單，轉個身睇後面放左既外賣，竟，然有我個外賣，佢攞左比我，但一句唔好意思或者任何野。我果下勁無奈，同佢講岩岩我問你，你又叫我出去等，但原來有你又無理到。之後姐姐理直氣壯咁同我講，唔關佢事，正常應該佢哋(其他同事)攞出門口，我都唔知點解。 其實出錯唔緊要，問題係員工一啲禮貌都冇， 唔單止唔好意思都冇句，仲要好似話返個客轉頭咁， 真係好差😅

呢間成日排長龍既米線店有幾間分店，但全部都係屯門，為屯門人做到總有一間係左近。⭐️ 酸辣豬耳 $28豬耳爽口，唔太酸又唔太辣，正常發揮。⭐️腐皮蝦卷 $26外層酥脆，蝦卷彈牙，咬開有蝦肉，好食。⭐️ 豬頸肉豬腸酸辣米線 小辣+中酸 $57🐻超鍾意酸，所以個酸度係正既，佢地既辣係順口，唔會乸喉。湯底唔油，香濃而重香料味。豬頸肉香口惹味，肉質唔乾唔韌，切成幼條但都有咬。豬腸都入味。⭐️ 豬頸肉芝士腸熱拌薯粉 $57薯粉煙韌，個汁都幾濃，但唔辣🥹