雲川 米線．紅薯粉 (美樂花園商場)

营业中

休息中

呢間喺關注組討論度甚高，見有唔少人特登入屯門食，而我就成日去食🤣因為真係幾好食😋豬骨湯小鍋米線配豬頸肉($41連飲品)嚟度一定要試佢嘅豬頸肉！煎得好香，切到細細條，份量都幾多，不過我覺得可以大條返少少會再有咬口啲🤔佢啲米線好滑，湯底夠濃郁，配埋肉碎同酸菜好惹味🤤我叫咗小辣(感覺比譚仔十小辣再小啲)過吓癮就算，食得辣嘅朋友可以試吓中辣或以上😆唔食辣嘅朋友都可以試吓佢嘅鮮魚🐟湯米線，魚嘅鮮甜味好出，都係唔錯嘅選擇！另外個人覺得佢嘅韮菜雲吞都幾好食，有三粒大大粒，韮菜餡夠晒香，唔想食豬頸肉不妨試吓呢樣😉環境﹕6.5/10抵食﹕7.5/10味道﹕8/10

其實我已經食咗好多次雲川，但係今次真係好食好多。之前一直都係叫麻辣微辣，但係總覺得冇咩味，同一啲都唔辣。之前叫過麻辣腩肉，加左落湯先覺得有D麻辣味，但麻辣腩肉既肥肉真係好肥，好大片肥豬脂肪（比起X仔X哥）。今次叫左豬頸肉貢丸米線+小辣，豬頸肉醃製得好味（只係切得太幼），貢丸亦都好香，因為叫咗小辣，所以味道好味好多。另外亦叫左炸豬大腸（無影到）但外賣返屋企食都仲有D脆，唔錯！今次外賣比起堂食更脆。我其實之前都食過鮮魚湯，湯底都okay，豬骨湯就普通。整體幾種湯既湯底係比較味精，但確實好味。

酸辣小窩米線都OK，呢個我覺得唔錯，香茅豬扒都幾大塊，抵食👍🏻味道都幾好，份量都夠，要咗紅薯粉，唔使加錢👍🏻上次試咗魚湯底，比較清淡，都OK。不過唔算有魚味。比較唔吸引，我鍾意酸辣多啲。鹽酥雞真係唔得，全部都係粉，得好少雞肉，急凍貨，下次唔會再叫😒上次試過其他小食，都係麻麻。今次服務幾好，阿姐有禮貌，清潔得好乾淨👍🏻因為五點幾去食，所以都有卡位，都食得舒服，其他時間都見到好多人，都比較迫人

疫怖下好多食肆都經營困難難得有新開食肆就幫襯下向來鍾意食麵多過食飯呢間店難得有紅薯粉就當然要試下點了碗香茅豬扒紅薯粉要中麻辣晶瑩剔透的紅薯粉口感軟彈吃起來韌性十足豬扒尚算大塊都好夠飽肚麻辣湯底都算香口但就略縑不夠辣下次可試試其他

聽講美樂開左間新既酸辣米線，唸住試吓佢好食啲定譚仔好食啲😆，我覺得佢好食啲，佢啲湯同汁都好好味😋，我叫左個小食酸辣🐷耳，嘩！好好味！吾會太辣同太酸，味道啱啱好

Weekend lunch時間通常要等位，今晚收工八點幾，見唔使等終於可以一試，叫左出名既豬頸肉加腩肉酸辣米缐小辣。等左唔使10分鐘就有得食，餸分量好足，反而配菜我覺得少咗DD。首先試個湯底，辣肉碎加酸辣湯底好夠味，又未至於好油，會令我不斷想飲個湯，一食豬頸肉，不得了，煎得好香好脆，反而腩肉比下去，下次要再試下豬扒。價錢我覺得幾抵，$41一餸套餐，分量亦大，一個女仔未必食得哂，如果少米缐可以減$1就good喇！呢間已經榮升屯門碼頭區首選米缐

之前睇佢其他分店都食過佢哋嘅米線同埋紅薯粉最值得推介嘅就係佢哋嘅招牌豬頸肉但好可惜今次去到發現佢哋個魚湯暫停供應希望下次可以再試冇魚湯唯有食豬骨湯配上豬扒菜肉雲吞而屋企人就帶咗麻辣湯紅薯粉配上墨魚丸同油菜嘢飲方面叫咗豆漿屋企人就叫咗檸檬茶想講佢哋個茶底俾你響茶餐廳好唔同茶未夠香佢啲米線煮得好好唔會話太林或者太硬今次我哋嗌左個小食炸大腸好新鮮唔似炸定先再配上甜酸醬佢係一個唔錯嘅配搭之前試過佢哋嘅手撕雞非常之好食最後最值得一提佢哋嘅落單系統好有效率就算有好多客人佢出餐都唔會好慢