二鍋頭 (好運中心)

营业中

休息中

見到好運新裝修多咗好多食肆,打算試下呢間二鍋頭，見佢都有幾間分店，乾淨企理又多選擇，本身都有少少期待,點知成個經驗都係災難首先等位個陣,等咗半個鐘到，明明有4人枱但又唔比人入，我地4人佢係個4人卡位放咗6對碗筷話呢張係大枱預比6人咁我地都算,各家都有做生意方式,但當我地再等多30分鐘，到有另一張4人枱，入到去見到佢預留嘅所謂6人枱入咗4個客，咁我地乾等半個鐘為咗咩？等到雞頭都凋謝入到去叫個雞煲，出到嚟同鬼佬中菜一樣，係啲柴過紙皮嘅雞上面淋個死咸味精芡就當係雞煲，大佬你同昆鬼佬嘅中菜有咩分別，同啲鹽味糖蠔油豉油溝埋整個膠頭大茨就當係川菜賣比鬼佬嘅垃圾Chinese Takeaway—樣之後轉打邊爐，都叫正常嘅，唔會食死人，100 分有30分個種酒樓任食火鍋質素囉，呢間野真係令我回憶起兒時味道，係細個沙田圍劣食火鍋嘅味道啊，全間鋪最好味嘅係雪櫃罐馬蹄爽呢間野只可以比一分，因為門囗短髮sta姐姐全程都好有禮貌，又主動，佢嘅服務同溝通係100分，呢一分係佢爭取返嚟，唔係食物，唔係間鋪， 唔係老闆

二鍋頭終於係沙田開分店喇。貴為雞煲/鴨煲/豬貴過佢打邊爐嘅性價比天花板，二小時任食最平$228已經食到。可以任食雞煲、火焰鴛鴦鴨煲或者黑椒豬手煲，或者加$58食埋酸菜魚都得。飲品已經包咗仲有啤酒添。先食個豬手煲先。我叫佢地俾半份，因為留肚食其他嘢。豬手炆到仲有彈性，黑椒味好出，食唔到辣記得叫少辣。淨係食呢個都已經好抵，記得出去攞啲響鈴索返啲黑椒汁食。之後再叫一個雞煲過下口癮，就叫個芫荽皮蛋湯底去打邊爐。試真下佢哋啲牛肉。有安格斯牛板腱同封門柳，兩隻肉味都好濃。雲吞、魚皮餃都係出色嘅，其他材料都可以喺出邊凍櫃有得攞，最後記得食返兩杯雪糕，清清個口，爽曬。呢間分店做埋午市90分鐘淨邊爐任食，最平成人只係$118，分分鐘食個拉麵都貴過佢。

今次想同大家介紹嘅係位於沙田嘅一間任食火鍋放題餐廳，我之前都有試過呢間餐廳嘅其他分店，質素都好高㗎。今次見佢沙田開咗分店，就當然要試吓。喺環境方面，餐廳嘅設計夠晒簡潔，比到一種乾淨衛生嘅感覺。食嘢上嚟都會特別放心，而且餐廳嘅自助區都應有盡有，無論係自助醬料區，蔬菜區，定係自助飲品區都一樣有唔錯嘅選擇。餐廳主打嘅就一定係雞煲、鴨煲同埋豬手煲可以任食，可以食到足夠先至再轉返打邊爐。我認為三款煲都各有特色，雞煲嘅肉質嫩滑，鴨煲有酒嘅香味，可以提升肉嘅鮮味，至於豬手煲炆得夠晒淰，我自己好滿意呢個口感。另外係打邊爐方面，都一樣可以叫啲好高質素嘅肉㗎。例如可以叫安格斯嘅牛板腱同封門柳，仲可以叫新鮮嘅海鮮。真係好有驚喜。以呢個價錢可以食到咁多款唔同嘅美食，性價比真係好高。如果大家都鍾意食任食火鍋放題嘅話，我真係強烈推薦大家食呢間餐廳，絕對唔會令你失望。

我和損友入馬場，跑完尾場損友結算有小小斬獲，決定去沙田食咗晚餐之後先回家！睇吓OpenRice 搵到沙田好運中心新場二鍋頭，去到好好彩有位，埋位之後去攞啤酒&炸魚皮食住先。脆卜卜嘅炸魚皮，好過癮！好快雞煲到，我哋係叫中辣，店員等雞煲燒熱之後再爆炒，過程中聞到好香麻辣味，口水都流晒，雞肉好嫩滑又入味，好快就KO咗。再嚟再一個今次一定要多啲鳳爪，因為鳳爪送啤酒一流，惹味又好味！豬手煲夠晒淋又Q彈好似食啫喱咁，骨膠原豐富，真係又要食多啲先得！二鍋頭嘅雞煲、鴨煲、豬手煲係任食嘅，鍾意食幾多都得。火鍋揀咗豬骨湯底，安格斯封門柳嘅肉感實在，不易變韌，而且牛肉味極為濃郁，所以係我至愛之一。我都嗌咗啲安格斯牛板腱，佢嘅特色係肉質中間含有肉筋，牛板腱不僅有牛肉嘅鮮嫩口感，同時還可嘗到不錯的彈性，嚼勁口感好好食。並且牛板腱中脂肪含量極低，蛋白質含量高，因此食多啲補充番體力。呢度啲海鮮真係非常新鮮，蝦又大隻，青口又鮮美。我都食咗好多海鮮，今晚食得非常滿意，所以值得推介。

🌟餐廳：二鍋頭 (好運中心)📍地址：沙田橫壆街1-15號好運中心3樓3109及3110號舖💰價位：$101-200⏰營業時間：星期一至日12:00 - 23:00📱電話：31880567第一次打邊爐係可以任食雞煲、鴨煲、豬手煲，真係夠哂特別，仲可以一次過滿足晒我兩個願望！呢度既雞煲香辣味濃，帶有少少麻香，味道好正宗！雞件十分之嫩滑又多汁，就算煮得耐都唔會柴口～加埋芫茜、洋蔥等配料就更加惹味！今次嗌左嚴選安格斯套餐，湯底方面就叫左沙嗲湯底，店員特別推介話呢個係人氣湯底嚟，一於試下先！沙嗲湯底好重花生醬味，微微辣，真係好出色～店舖仲有好多自助小菜可供選擇，特別推薦炸芋頭，芋頭超粉糯，入口軟綿綿。牛柏葉十分彈牙新鮮，沾滿沙嗲湯底，勁過癮！肉類同樣有好多選擇。安格斯封門柳，油花分布平均，重油香得嚟又唔會太肥膩。安格斯牛板腱，有濃濃嘅牛肉味，又新鮮又高質。仲有少見既本地牛肉，比較厚身，食落超級嫩滑，啖啖肉！真係必叫之選！仲有多款飲品及雪糕供應，大家記得去自助櫃揀啦～～———————————————————😋味道：4/5🏢環境：4/5💁🏻‍♀️服務：4/5💵價錢：4/5🤟🏻性價比：4/5——————

位置不算容易尋找。（因為商場裝修，我搵咗超過5分鐘，結果都係未搵到。我不是「沙田友」，結果去咗問客服）第一次去沙田呢一間，6:00pm左右唔使排隊。個男經理招呼我哋3個人。（個人感覺佢好黑面，零笑容。好似唔想人入去幫襯咁！）好采餐廳環境尚算乾淨，於是最後都決定坐低咗。又好采其他服務員態度都不錯！而餐廳特點：例牌食完雞煲再打邊爐。打邊爐apps叫咗肥牛，真係名正言順嘅「肥牛」，（大家可以參考吓我上載的圖片）佳寶$39/磅嘅質素。於是我好好禮貌地同個經理講「肥牛太肥。如果全部都係咁，麻煩幫我轉安格斯」黑面經理竟然答：「肥牛，係肥㗎啦。有人鍾意食肥」你咁嘅服務態度，真係冇下次！88

🌕Hello我係Moon🌕依間餐廳嘅分店，😛我喺旺角同埋尖沙咀都有食過，今次第一次喺沙田分店食！😙同朋友仔喺沙田shopping完之後行到去好運中心見到有一間好熟悉嘅餐廳，🫣原來係新開張嘅分店！😌一樣都有雞煲鴨煲豬手煲放題，🤤我哋派咗一陣隊就有得入去食啦，😝晚市時間呢就真係座無虛席，🫣去到7點8點更加係要排長龍，😆睇嚟下次如果想食都要訂枱先得！🫢一坐低就梗係嗌咗一個雞煲先啦，😚雞煲可以自己選擇辣度，😆我同朋友就揀咗小辣！🫢味道非常開胃，而且好入味，🥰雞肉都好嫩！😏雞煲之後，就係火焰鴨煲，🤭呢個真係夠晒視覺衝擊！😤鴨煲會由店員點火，😆呢個時候就真係要打卡啦！😎鴨肉好香，🤓個人比較鍾意佢哋嘅鴨掌！😛嗦晒啲汁更好味！😚火鍋湯底選擇有好多，😏我就揀咗經典嘅豬骨湯底！🫣呢個安格斯牛放題，有唔同嘅牛肉部位食到！☺️手機落單非常方便！😍安格斯封門柳、安格斯牛板腱，🤪都係非常新鮮，😝而且肉味好濃！😏筋位唔多，係啖啖肉嘅享受！🤩美國牛胸腹就傾向食佢嘅油脂香，😚沾少少醬料更提鮮！🥳除咗可以手機落單，😙仲可以行到去自助佢自己夾！🥰佢哋嘅選擇都幾多，😚而且補充嘅速度都好快，😚所以唔驚會冇晒！😛🌕最後MoonMo

位於沙田好運中心的三樓新開了一間（二鍋頭）分店，餐廳任食雞煲，鴨煲，豬手煲！餐廳地方整齊乾淨，落地玻璃窗更增加透明度！可以看看街景！惹味雞煲色香味俱全的雞煲，雞肉嫩滑！配菜的香味更令雞肉惹味！味道的辣度跟自己的口味選擇，而我就選了小辣，小辣的味道剛好帶出雞肉的香味，這是我喜歡的味道😋玫瑰露鴨煲另一個風味的美食，已經烹調好的鴨煲加熱後再淋上玫瑰露酒！玫瑰露酒嘅香味令鴨肉吃起來更濃郁！好正😊膠質感好重的豬手煲好喜歡這款豬手煲，豬手非常淋滑又入味！骨膠原豐富👍吃了雞煲，鴨煲，豬手煲！火鍋放題就出場了高質素的安格斯牛的不同部位，喜歡吃牛肉的食客真的要來品嚐了！這些高質牛肉油脂分布均勻，吃在嘴裡嫩滑又有肉汁！除了QR code點，自助區也擺放新鮮蔬菜，肉丸等多款食品供食客自己的口味自由選擇，飲品區也備有多款飲品！👍

嚟到翻新左之後嘅好運中心食午餐 見到二鍋頭嗰名吸引左入去食。二鍋頭會暖相都係酒 原來呢間叫二鍋頭既意思係分別有一食兩鍋咁解揀沙田新分店獨有分別午市套餐90分鐘或120分鐘 可以選擇今次揀左中價套餐 120分鐘$268安格斯牛自助醬料蔬菜同飲品 手機Qrcode點餐第一鍋 可以揀雞煲 鴨煲 或豬手煲Hahaha 揀咗鴨煲 店員會加玫瑰露酒去點火落鍋度炒一炒 鴨煲香氣四溢 食落汁料香濃鴨肉唔會靭跟住想打邊爐 咁叫店員來 以為係鴨煲再加湯既原來係再揀一個打邊爐湯底祿配料揀咗嘅香濃豬骨湯底😋 就係二鍋喇安格斯牛板楗 同封門柳 油脂分布平均有牛味 祿一祿好好食重有海鮮 同菜丸 大家食咗少量已經好飽今次連雪糕都食唔落 唯有下一次再食大胃王啱曬❤️ 📍二鍋頭 (好運中心) (沙田) 沙田橫壆街1-15號好運中心3樓3109及3110號舖#二鍋頭#任飲任食#火鍋#沙田美食#沙田二鍋頭#hkfoodpic#hkfoodsnap#hkfoodshare #hkfoodie #火鍋放題#hkfoodblogger #hkfoodig

身為沙田友，眼見沙田好運中心翻新後，已經開了不少新餐廳，所以今次就來看看有什麼新店已經進駐到商場。當天比較肚餓，所以就選了可以任食火鍋放題的【二鍋頭】，晚市時段選擇了中等價錢的【嚴選安格斯牛】火鍋放題套餐，除主角火鍋外，更有三款非常有特色的任食雞煲、鴨煲及豬手煲，湯底更有9款可以選擇。餐廳有專屬的落單系統，用手機QR code點選菜式，非常方便快捷，而沙田店原來更獨有午市火鍋放題，午市放題有90分鐘或120分鐘時間可供選擇。🌟晚市120分鐘【嚴選安格斯牛】火鍋放題成人：$268 小童：$158(星期五、六、日公眾假期/前夕+$10/每位)📌另有加一服務費🍲【火焰鴛鴦鴨煲】可自選辣度，店員會即場在你面前倒入玫瑰露，再用火槍點火，燃燒及爆炒煲內的鴨肉，火焰視覺效果一流，鴨肉入口嫩滑很容易咬開，枝竹很入味，很欣賞醬汁慢慢滲出辣味，整個鴨煲都非常惹味，推薦~【蔬菜】【丸類】自助區雪櫃供應蔬菜、丸及腸類大概有20款，可以慢慢選…慢慢夾入每張檯上的一個大碗內。【安格斯牛肉】有安格斯牛板腱，安格斯封門柳，兩款安格斯牛肉，牛肉切得較薄，輕輕一灼已經熟了，叫多幾碟都不會太飽肚撐胃。【基本肉類】有美國牛胸

沙田好運翻新後，多左唔少餐廳。今次呢間火鍋放題，九龍分店喺我收藏清單之一，一直未有時間去。而家進駐沙田區，離自己近左咁多，真係無理由唔去試🙈星期四晚上7點嚟到，餐廳仍未滿座，可以直入；進店後發現餐廳比想象中細，不過座位唔算迫，環境亦乾淨企理。 飲品款式唔多，雖然無自家冷泡茶，不過有熱水同茶包供應。二鍋頭嘅放題玩法，係先任食三款煲類，之後轉湯底打邊爐(注意無得逆轉)。我地先試小辣雞煲，食落無辣度。雞肉本身已經切得幾細件，以先飛水再煮嘅烹調方法，雞肉無入味之餘，仲要煮過龍；肉質好實好硬，好考牙力😑 認真講，唔好食。第二次叫左中辣鴨煲中辣好味好多；配料多左炸支竹，幾好味；臘鴨比鮮鴨多，而且鮮鴨好多都係頸、腳骨果D位，無乜肉食😂 如果要食鴨肉，建議掃QR直接落鴨肉好D。之後我地揀左冬陰功湯底打邊爐(圖中D菜、芋頭、豆卜、南瓜係我地加)湯底偏酸，加上牛肉唔算好肥，所以食到尾都唔會覺得好油膩；不過我就麻麻地淥完D牛帶酸味🤔，如果比我再揀過，應該會揀胡椒豬肚或者沙嗲湯底。套餐我地揀左中間果級$268當日兩款安格斯牛肉都唔錯，兩款都濃牛味😋，中意有咬口嘅可以食封門柳；中意軟身D嘅就揀牛板腱🙊。套餐仲可

沙田好運中心裝修後煥然一新，多咗不少人氣餐廳進駐，原本總店在尖沙咀的二鍋頭也來開了分店，還獨有午市90分鐘火鍋放題呢。今日五點去到，還未有人龍，就入去選了120分鐘的晚市火鍋放題。晚市放題包3款煲和ABC3款火鍋任食套餐，性價比極高。3款煲是雞煲、豬手煲和鴨煲，你可以一煲接一煲地食曬三款，也可以一煲都唔食直接進入打邊爐環節。我和友人先叫了雞煲，半份，少辣，走雞腳。叫半份最明智，可以留肚食下一煲。雞煲好惹味，店員會幫手用芫荽炒熱炒香，然後就可以開動了。雞煲後我們轉了個豬手煲。豬手本身已炆腍，再用黑椒和京蔥炒香，比雞煲更好食。鴨煲還是留待下次吧，我要打邊爐了。選了B餐【嚴選安格斯牛】（$268），湯底選了胡椒豬肚湯。B餐的性價比是最高的，除了多了安格斯牛板腱和安格斯封門柳任食外，還有我的至愛：白鱔片任食！兩款安格斯都軟腍有肉味，白鱔片新鮮，灼熟後彈牙甘香。我不是食幾片，而是食幾碟！正如其它任食火鍋一樣，還可以自行到雪櫃取其它火鍋配料和蔬菜，還有飲品和雪糕。

晚市🌙雞煲🐣鴨煲豬手🐷煲打邊爐🍲放題 $268🤤性價比🎊超高 好抵食 😎👍🏼火焰🔥鴛鴦鴨煲 好特別🤣有店員👩🏻會過嚟落玫瑰酒🥂 然後點火 🔥再炒勻👩🏼‍🍳食落好重玫瑰🌹露酒嘅味 但又無蓋過鴨嘅味道😆炆得好霖 好入味👻二鍋頭惹味雞煲🐣啲雞都好厚肉 個汁好惹味👅滋潤藥膳🍲湯底 食完雞煲鴨煲 就開始決定打邊爐 🤣🥢（不過其實可以繼續嗌呢啲煲🤤） 呢個湯底🍲一上枱聞到好大浸藥膳嘅香味安格斯牛板腱 油花都幾靚 肉質係有啲咬口 但又唔算韌 係食到有啲牛味有午市☀️🌤火鍋放題有90分鐘 或120分鐘火鍋放題選擇✅總結 款式多 👍🏼而且好特別😎（E.g., 鴨煲 豬手🐷煲）食完煲 仲可以打邊爐 好滿足🤤 同埋佢地打邊爐配料🥄🥢 仲有海鮮 （E.g., 青口 蜆 帆立貝 蝦🦐） 真係幾抵食最鍾意佢地鴨煲 特別得黎 又好霖 好好食😋回頭度：🌟🌟🌟🌟🌟(款式多 好抵食）好味程度：🌟🌟🌟🌟

💁🏻‍♀💁🏻💁🏻‍♂💁🏿‍♀💁🏿💁🏿‍♂🏷二鍋頭@沙田💁🏻 二鍋頭是一家以安格斯牛放題為主打的餐廳，而且還提供雞煲、鴨煲、豬手煲等多種選擇，性價比極高。而在午市時段，更有90分鐘或120分鐘的火鍋放題可供選擇，讓客人可以慢慢享受美食的同時，也能滿足自己的飽足感。💁🏻安格斯牛放題是吸晴易明最具特色的一道菜式，肉質鮮嫩多汁，搭配上醬汁，味道更是美味絕頂。而雞煲、鴨煲、豬手煲也各具特色，口感豐富，讓人一口接一口。💁🏻在火鍋放題方面，除了有多種肉類可以選擇外，還有各種新鮮蔬菜、豆腐、粉絲等傳統食材，配合上多種口味的湯底，真的是讓人垂涎欲滴。而且，餐廳的服務員也非常細心，會不斷關心客人的用餐體驗，讓人感受到賓至如歸的待遇。💁🏻總體來說，二鍋頭的午市火鍋放題，特別是雞煲、鴨煲、豬手煲的放題，絕對是沙田區的一道亮麗風景線。是否推薦↩？✅如果你想在午市時段享受美食，又不想花太多錢，二鍋頭絕對是你的不二選擇。

位於沙田區好運中心3樓的二鍋頭，是一家以雞煲鴨煲火鍋放題為主打的餐廳。此次光顧，我們品嘗了他們的招牌雞煲和滋補藥膳鍋。首先是雞煲，煲裡有香味十分的雞肉，搭配秘製開胃的醬汁配料，十分惹味。特別要強調的是，這裡的雞煲的價格非常實惠，是沙田區內高性價比的選擇。食完雞煲，接著是滋補藥膳鍋，湯底充滿藥膳的香氣，讓人感到非常開胃。食材方面，我們點了安格斯牛板腱、牛柏葉、蜆、魷魚、響鈴、白菜、芝士腸、廚師腸、墨魚丸、貢丸等，每一樣食材的份量都十分充足，讓人感到滿足。此外，二鍋頭的醬汁配料種類繁多，如指天椒、芫茜、蔥、蒜蓉、乾蒜、沙嗲汁、麻油、豉油等，可供客人自由配搭，讓每個人都能夠根據自己的口味來調配喜歡的醬汁。最後，放題更少不了的甜品同飲品啦，呢度都有唔同的雪條同飲品可以邊食邊飲。特別要提到的是，二鍋頭的沙田分店獨有午市火鍋放題。午市放題有90分鐘或120分鐘可供選擇，不僅價格實惠，而且品質絕對值得信賴，是值得一試的選擇。總結來說，二鍋頭的火鍋質量和價格都不錯，加上沙田分店獨有的午市火鍋放題，如果大家去開翻新左的好運中心，不妨去試一試。