二撇雞

营业中

休息中

〔二撇雞〕呢個名係朋友口中聽左無數次，嚟觀塘就一定要食！終於！搵日收工特登入去觀塘食✨【生滾花膠雲吞雞】$88首先！頭啖湯已經有驚艷到，有好多蟲草花，湯底好清甜！三大隻雲吞：每隻雲吞都好似拳頭咁大，入邊仲有三隻蝦！超級足料！三塊花膠：食落入口滑溜溜，口感彈牙！有好多雞件，不過我覺得就無蔥油二撇雞嘅雞咁滑～另外想講✨一定一定要嗌米線！煮得好爽口，彈牙超好食～【吊你癮小鍋】$66鍾意食濃味嘅朋友就一定要食小窩米線！個酸辣湯底真係整得好好，勁好飲！亦都勁足料，有雞肉、雲吞、魚腐、魚角、蟹柳、冬菇、酸菜！米線都超級彈牙！【蔥油二撇雞】（例牌）$45呢個蔥油雞我比💯 蔥同豉油都勁香，啲雞好滑好嫩！【失傳已久的豬扒】$28豬扒就覺得有少少失望，雖然炸完出嚟肉汁都好夠，不過食落去就感覺上有啲乾身，無咩味道！【麻辣雲耳】$22朋友話好食過米線舖嘅雲耳～我就覺得正正常常，不過雲耳就好爽口！

🕰️今日未夠6點去食二撇雞，已經有人籠，我以為佢冇落場時間，好明顯以為錯左，佢地要18:00先開夜市。一如以往食我最鐘情嘅吊你癮小鍋米線，其實就係咩餸都有d,但個湯底就有別佢地嘅賣點純滑雞湯，呢個湯底濃烈但沒有味精feel,有點花椒八角的香料味，當中的咸酸菜略帶甜味非常爽口，沒有一些「噏咸」的味道，明顯係正野，超好味！🍜其中有蟹柳和鹵過的肉碎也非常不錯，最大賣點當然是拳頭咁大嘅雲吞，超足料，而且裡面的豬肉餡也不是那些7成肥膏3成碎肉再加無限調味料，佢就係一粒貨真價實的拳頭雲吞，而最吊詭係佢裡面嘅雞柳好似自動無限供應咁，食極都仲有…😎老實講，我覺得普通女仔就算小米線都真係好難單人清碗🍴佢個豆腐都好味，重點係佢較個醬真係正，就介乎於麻辣重慶之間，有點相似又有點不同，總之就唔會覺得自己食緊「又係個d味」嘅感覺。🍖唯獨覺得佢個豬扒沒有預期中咁滿分，其實還是可以的，但要食到真正好味嘅豬扒其實係難過食到好味嘅牛扒

如處於十分飢餓狀態，又或者無肉不歡，此處的招牌雲吞、雞件米線便能滿足飽腹之慾。 (1)生滾花膠雲吞雞雲吞有BB拳頭大，當中的蝦肉更是手拍蝦膠，爽滑彈牙。另外花膠厚身、無腥，令湯底清新溫醇。 (2)黃酒藥膳雞米線藥膳精髓在於北芪、黨參、當歸、枸杞、紅棗以及黃酒等藥材相輔相乘。還有肉眼可見的等蟲草花和木耳。 每塊雞件軟腍，使其糯米酒、藥材及湯汁完全融合。一抿即有花雕酒香，獨特香甜亦由此滲出。雖然雞件散亂，不是完整疊上，但性價比卻無從挑剔。 米線比一貫連鎖集團的相對幼身，但不易被湯汁浸透，亦相對有嚼勁。至於味道方面，個人認為調味重了些，食用後會有點口渴。

觀塘一向都係養生花膠雞米線激戰區，其中一間人龍店二撇雞除左花膠雞出色，其他口味雞米線同樣好食!!- 沙薑雞米線 HK$54 🐤🍜超濃厚沙薑味道!!沙薑雞肉及米線分開上菜，沙薑雞皮有彈性又滑溜，雞肉熟度控得宜，肉質嫩滑帶有淡淡雞香味。配上濃郁麻油沙薑醬，既惹味又富滿麻油香氣，非常入味!!米線使用雞湯底，整個湯底都散發著濃郁香氣，米線口感煙韌有彈性，帶有微微米香甜。另外仲加入杞子及木耳，令到米線更加滋補養生!!- 黃油藥膳雞米線 HK$59 🧉🐤🍜- 胡椒濃湯雞上海麵 HK$62 🧂🐤🍜- 花膠雞濃湯米線 HK$69 🐟🐤🍜- 蔥油二撇雞肥牛上海麵 HK$69 🥬🐤🐂🍜

呢日6點幾嚟到，門口已經排長龍，都有十幾個人等緊，不過等左15分鐘左右就排到，入面座位都幾逼，幾窄，預咗坐得唔會好舒服。個雞幾滑，份量就少啲，米線份量都少湯底唔算好濃，有啲清，唔係好濃雞湯味雲吞好大粒，有2隻蝦，幾足料呢個湯睇落黃好多，但都唔算好濃雞味重點係呢個雞同另外上的唔同，呢個放埋入湯入面嘅雞，係普通雞肉，仲超大雪藏味，好臭食咗一兩舊就冇食小食炸雞翼同炸豬扒，小食好食過招牌主食，炸得好脆，雞翼都幾大隻，豬扒又唔鞋，冇梳打粉味淨係食麵可能會比負評，比中評係靠小食搭夠

已依晒成個餐牌嘅雞米，每個都好好食，我要哭了🥹！・・・・・・・・・・・・・・・・・・・・🍜 吊你癮小鍋 HK$66・味道：就係酸辣米線，好surprise養生二撇雞會有呢類邪惡米線食，但好食！酸辣湯底兩者平衡都好好！而且料好多好滿，雞肉、豆卜、 魚腐、雲吞、冬菇、酸菜，女仔一定食唔晒XD 但呢個小鍋真係surprisingly good🤌🏻😋・口感：湯底好惹味而且有厚度，飲完之後有餘韻停留喺口腔，但唔係鹹嘅唔會飲到渴，而且唔油，呢點非常好～米線keep住係幼身but彈牙！🐤 胡麻雞絲粉皮 HK$30・味道：正常雞絲粉皮味～・口感：粉皮好爽，偏脆口XD・・・・・・・・・・・・・・・・・・・・🤰性價比：高～🤰9衝度：9衝～🤰結論：帶過波妹同同事嚟食，兩個都話要encore，想特登再嚟食🤘🏻！！！・・・・・・・・・・・・・・・・・・・・

如果想lunch 有得食建議1215－1230好上去排隊雖然佢而家又租埋隔籬嗰間舖坐住先，但條隊都長。我上次12：40去排都1:20先有得食。因為同幾個朋友一齊食，叫咗三碗麵，同埋嗰個失傳以久豬扒。黃酒藥膳雞係幾好味嘅佢偏甜，我有加酒都容易入口，佢算係幾濃味足料同埋啲肉都幾多嚿，值得再encore。 同埋我想講佢啲米線呢係好幼又好煙靭，好鍾意食。友人試咗個炸醬麵米線就好濃味嘅一般般囉，冇乜大驚喜最後一位有人佢叫咗胡椒龍溪湯配上海麵，要注意嘅係佢個上海麵係幼版唔係粗嗰啲嚟嘅咁我都有試過佢個胡椒雞湯都濃味 還好啦可以試嘅，但係唔好抱太大希望。最後係嗰個失傳已久嘅豬扒外脆內軟好Juicy都有手掌咁大舊㗎，可以分開幾個人每人食兩舊，意思意思。

天氣凍就特別想食粉面類暖下個肚，之前每次lunch time都見到好多人排隊，所以冇食到。今日決心一定要食，原本以為要排好耐，點知淨係等咗10分鐘就可以入座，比想像中快好多🤣🤣點咗黃酒藥膳雞米線，一上枱就聞到一陣酒味，飲落甜甜哋，好順口，飲完成個胃暖曬。啲雞既份量好多而且幾嫩滑，加埋嘢飲埋單66蚊，非常抵食，會再encore！

雖然觀塘區多咗唔少呢類型米線店但呢間真係我心中第一佢嘅黃酒藥膳雞米線湯底足料 勁好飲飲完都唔會口渴米線仲幼幼地煙煙韌韌而雞件仲要有雞味而嫩滑份量都好多除咗呢款其他米線都唔錯久唔久都會去食下

依家有唔少舖頭都有賣雞湯米，自己亦就試過幾間，要突圍而出最緊要就係個湯底❗️呢間其實黃酒味唔算重，相對係藥膳比較出，見佢面頭有紅棗、杞子、蟲草花、木耳，煲出黎個湯非常清甜😋完全唔係味精調出黎，飲完唔會口乾，好正啊💕係少數會忍唔住追湯飲既麵🫶🏻除左湯底出色之外，佢既米線仲要煮得啱啱好，煙靭唔淋，偏幼身唔會碎👍🏻仲有份量好足，雖然唔係用新鮮雞件，但成碗有十幾舊雞柳，都係60蚊，真係非常抵食😆而小食嗌左溏心醉蛋，花雕酒味好重，都好值得推介👏🏻但另外一款名物失傳已久的豬扒，就有啲失望，炸皮一般，皮肉分離，肉質都比較乾，唔推薦🙈今次已經係二訪，無論雞湯質素同份量都保持到水準，唔怪得咁受附近打工仔觀迎☺️☺️推薦推數：8.5/10

二撇雞的營業時間非常難捉摸，早一段時間停了晚市，最近終於重開。講起觀塘雞湯米線，不少人會將此店與同區X駅作比較，兩間各有所長，而二撇雞的湯底和小食就略勝一籌。今次點了胡椒雞湯米線、胡椒雞米粉、失傳豬扒和溏心蛋。胡椒雞湯米線，湯底一貫出色，濃郁有雞湯甜味，有少量雲耳、沙蔘和杞子。雞件是滑雞件，啖啖肉但雞味欠奉，即使熟透仍帶有粉紅色，份量相當多。米線軟硬適中，食到最後亦不會糊。失傳已久炸豬扒，炸漿既薄且脆，但炸皮偏深色，或許是因為油太黑。肉質柔軟但較乾，味道普通。溏心蛋有驚喜，價錢公道，凍食有淡淡酒香，蛋黃做到溏心效果，值得一試。餐廳座位不少，地方整齊，上菜速度快，味道對得住價錢，加上食物款式多，應該會再次光顧！

趕於午市前入座，唔駛等位。叫咗花膠鷄濃湯米線。個湯係有質素的，有花膠、腐竹、杞子、雲耳！上菜時個湯係熱嘅。不過啲鷄就有啲凍同未熟，紅肉嘅…放落湯就變油湯。唔放又凍食…標榜無味精，但食完勁飲水….🤔🤔埋單出門見到勁長龍…等食

二撇雞 (觀塘)📍觀塘開源道60號駱駝漆大廈第三座4樓O室🚶‍♀️ 觀塘地鐵站B2出口步行約3分鐘😋推薦指數：5/5😋味道：5/5😋性價比：5/5～人均消費：$70👍🏻超好吃的米線店🥹已經食過好多好多次！🙏🏻 要去的朋友們記得早點來排隊，錯開吃飯時間哦，但是要留意開門時間，他們下午有一段時間不開的～～🔅食物：5/5黄酒藥膳雞米線 $59 🌟🌟🌟🌟🌟-現在冬天去吃真的很暖身子-米線超級彈牙-湯沒什麼油，還有紅棗杞子，養生健康又好吃💕麻辣擔擔麵 $43 🌟🌟🌟🌟🌟-湯底的花生味很濃很香-麵也是很彈牙-麻辣味沒有很重，適合我這種吃不到太辣的人哈哈胡麻雞絲粉皮 $30 🌟🌟🌟🌟🌟-粉皮口感很爽口，雞絲、青瓜和麻醬也給很多，超級好吃失傳已久的豬排 $28 🌟🌟🌟🌟🌟-有種街市熟食市場的豬排麵的豬排！-現在很難找到這種豬排了！炸得很脆很好吃香炸腐皮魚角 $24 🌟🌟🌟🌟🌟-外皮脆，魚角味道甜甜的-配麵或單吃都很好吃！～🔅環境：5/5 🌟🌟🌟🌟🌟-店面不大，畢竟在工廠大廈裡，不過坐得舒服還很乾淨～🔅服務：5/5 🌟🌟🌟🌟🌟-店員態度很好，上菜也很快

第一.二次同屋企人食 食左黃酒雞米線 覺得幾好食 好大碗 食吾晒啲面 都飲晒成碗湯 仲叫左口水雞 好正 之後 第2次黎 叫番同一碗面 點知成碗面同第一次黎食2回事 差別太大了 😃 湯完全係水 無味 叫左個紅油抄手 個汁完全搞吾掂 難食 係甜 👋👋🙂 同埋職員 態度差 冇下次了 🙂

觀塘第一雞米繼續keep住高水準，熔岩凍豆腐好惹味喎😈！・・・・・・・・・・・・・・・・・・・・🐤 鮮茄濃湯滑雞 HK$53・味道：新鮮香甜濃蕃茄湯，雞同平時一樣滑嫩好食，份量大，蕃茄配雞又幾夾喎。・口感：滑嫩雞件，蕃茄煮到軟爛香甜，好食。米線偏幼但唔會淋bat bat，幾彈口～🤍 熔岩凍豆腐 HK$28・味道：以為係普通豉油凍豆腐，點知唔係仲要出乎意料嘅好食！酸辣米線湯底味嘅炸醬勁惹味好餸飯，豆腐正常發揮。整體好開胃，不錯欸(*´∀`)~♥！・口感：嫩滑豆腐不錯，波妹偶然發現個炸醬餸米線都好好食XD！・・・・・・・・・・・・・・・・・・・・🤰性價比：高～🤰9衝度：9衝～🤰結論：波妹要求encore嘅二撇雞keep住咁好食，希望可以所有味道試晒XD・・・・・・・・・・・・・・・・・・・・