二世祖

营业中

休息中

Easy Joe在窩夫的必試清單上已經很久了，日前終於有機會光顧。Easy Joe位於大角咀福全街。光顧那天是星期日，晚市六時開始，很快便坐至九成滿，建議預先訂位。餐牌簡單一頁，分類清晰。飲品選擇很多，窩夫身為抹茶控，對Easy Joe首創的特濃宇治抹茶白朱古力奶最感興趣。蝦子餅點了人氣最高的二世祖特濃朱古力($48)，窩夫則點了特濃宇治抹茶白朱古力奶($48)。喝下一口二世祖特濃朱古力便會明白為何它如此受歡迎，朱古力味非常濃郁，以玻璃樽上桌，無冰所以不會愈喝愈淡。特濃宇治抹茶白朱古力奶沒有預期中那麼甜，抹茶味夠濃。小食方面，檸檬牛油蜆($98)的蜆肉肥美無沙，檸檬牛油汁帶微酸，有牛油的香味但沒有油膩的感覺。主食之一自家製冬陰功虎蝦闊麵($158)上的兩隻虎蝦放得很有美感，大大隻煎得很香，闊麵均勻地掛上冬陰公汁，十分惹味。另一主食自家製芥末洋蔥醬炸雞窩夫($148)有兩件窩夫加兩件超大的炸雞，炸雞炸得香脆，啖啖肉一點也不乾，雞蛋亦煎得非常香脆。

#大角咀人氣Cafe大角咀屬於舊區 有好多街坊食肆 偏偏呢間「二世祖」 成日有年青人排長龍 因為食物有水準 裝修佈置嘅顏色鮮艷 有型有格 我今日又去打卡啦😁-🥘大蒜𢇁烤乳豬意大利飯 $198呢個係新品‼️ 半肥瘦乳豬仔🐷 肉地軟嫩 充滿油脂甘香 烤香之後口感更好 意飯粒飽滿 柔韌耐嚼 味道creamy得嚟 滿口蒜香🧄-🥗全日早餐 $148材料豐富 亮點係將小店自家製嘅士多啤梨醬 用嚟配酸種麵包 少少甜少少香🍓 入口順滑-🥧抹茶心太軟 $88甜品即製要預早order 抹茶醬質感輕盈 搭豆腐雪糕🍧 更加突顯茶嘅甘甜🍵 口腔裏面冷熱交融 果然係舌尖上嘅享受😋-📍Easy Joe大角咀福全街18號地下

🥣墨汁芝士軟殼蟹煙三文魚薄餅🥣：💰$158Pizza上有原隻軟殼蟹，薄餅底，每塊都有片煙三文魚架，墨汁底增添左份咸香，好多芝士🧀️仲加左啲沙律菜。🥣避風塘魷魚鬚🥣：💰$78搭配避風塘味道香辣刺激，魷魚鬚又夠厚肉，炸至外層酥脆內裡彈口，香辣鮮美。🥣二世祖特式雞翼🥣：💰$78簡左秘制蜜糖，雞皮脆，醬汁係用真蜜糖調味，好香甜，有少少香草味，肉質嫩滑。🍰小山園抺茶心太軟配雪糕🍰：💰$88簡左玄米茶雪糕，好濃郁玄米味，心太軟配蜜糖同藍莓，心太軟爆多漿，抺茶味超濃，而蛋糕皮較薄，邪惡又好味！🥤二世祖特濃朱古力🥤：💰$48推介👍🏽濃郁既真朱古力味，淺嗜可以飲到可可味道，質感厚身甜滑，放耐左有沉澱物，記得搖晃後先飲呀😆

經常見到網上推介呢間店的招牌朱古力好濃郁今日去大角嘴搵食，見到冇人排隊即刻入去試一試限時90分鐘，環境清靜EASYJOE 二世祖 個名好特別，唔知老闆本身係唔係二世祖呢二世祖特濃卡邦尼扁意粉 $108醬汁多，食落唔乾，意粉口感剛剛好，唔會偏淋二世祖特濃朱古力 （熱）$48拉花好靚，飲落去質地濃厚，又厚又滑，平時我唔會飲朱古力的，因為怕甜呢杯反而我全杯飲完，唔太甜不過我試了朋友杯凍朱古力，反而覺得甜了些

🥳二訪呢間餐廳🍴之前黎過食lunch都唔錯☺️今晚再嚟試吓佢哋個dinner先😍整體餐廳食物依然保持一貫高嘅水準💯令我好滿意🥳怪之得仲係可以吸引到咁多識飲識食嘅朋友仔排隊都要過嚟食啦✅絕對值得❤️🐽大蒜絲自家烤乳豬意大利飯$198🌈估唔到小店都有咁正嘅自家烤乳豬🐷烤完嘅乳豬皮脆肉嫩、味道甘香🔥仲好多汁添🐽欣賞佢哋既意大利飯口感👍煙煙韌韌又有咬口💯唔會腍pat pat✅好推介呀🥳🍝二世祖特濃卡邦尼扁意粉$108🌈整體唔錯👍個汁夠幼滑而且唔膩口✅份量適中☺️扁意粉同煙肉白汁撈埋一齊非常之有口感💯啖啖都充滿幸福嘅味道👅非常之有水準呢🥳🍵小園山抹茶心太軟配雪糕$88 🌈呢個小園山抹茶心太軟勁正✅切開個心太軟個陣😍濃郁嘅抹茶就即刻流曬出嚟🥳抹茶控即刻流晒口水🤤再配埋豆腐雪糕🍦秒殺呀👍記得留肚食埋甜品喔🥳🍵特濃宇治抹茶白朱古力奶$48🌈超鍾意抹茶嘅朋友仔呢個真係好推介喔👍超濃嘅抹茶味配埋甜甜嘅白朱古力🍫睇住抹茶係玻璃樽度倒出🫗好治癒❤️二訪依然keep到水準💯仲係超級好味呀🤤

【Easy Joe| 🥰快樂Easy Go!】多謝朋友佢陪我一齊去食嘢呀，呢間嘅魷魚同窩夫我想食咗好耐啦！😆好開心！食咗咩？🧇避風塘魷魚聽聞好好食，我係魷魚粉絲，想食咗好耐，果言無失望呀，魷魚惹味爽口新鮮，好有追住食嘅感覺。🧇二世祖超級窩夫配雪糕雪糕我哋揀咗玄米茶味，香滑甘香，清清地好有日式感覺。窩夫超級香軟，淡淡黑糖味，配上抹茶cream及小杯乳酪，畀客人鍾意點咩就點咩，激讚！🧇百利甜酒朱古力暫時係我飲過最好飲嘅，朱古力味濃，同時又重Baileys😜🧇宇治抹茶白朱古力奶玻璃樽仔已經好有mood, 雪得夠凍，打開蓋倒出嚟相機必影嘅moment📸。抹茶味濃，牛奶超滑，兩者加埋好夾。🧇自製冬陰功虎蝦闊麵喜歡食闊麵嘅我幾鍾意，滿意麵嘅軟硬度，少少爽口彈牙之餘又能夠成功同冬陰功汁夾到，麵能輕輕的把汁掛起，酸酸甜甜辣辣，極開胃！#大角嘴美食 #大角嘴cafe #easyjoecafe #easyjoe #窩夫好好食 #抹茶牛奶好滑 #魷魚要食多次

📸 二世祖 Easy Joe相信大家無可能未聽過可以話係為食妹最中意既餐廳之一✨最最最signature既朱古力奶🧡真係絕對唔可以錯過🥹🥹🥹用簡約文青玻璃樽裝好朱古力味濃郁 比較杰身 但又唔會好甜總共有兩款口味 *不設外帶🍫朱古力 可可香 帶回甘🍵抹茶白朱古力 帶抹茶清香🩵 檸檬牛油蜆 $98蜆肉大大粒又夠鮮檸檬牛油汁做到提鮮既效果忍唔住飲咗好多啖湯🤣🤣🤣🩵 避風塘魷魚鬚 $78新鮮炸起外皮夠脆又唔會太厚粉避風塘真係帶微微辣🩵大蒜絲自家乳豬意大利飯 $198店員會主動問客人需唔需要將意大利飯煮軟身啲🥰小店食到乳豬真係幾有心思所以幾枱客都有點到🤣乳豬需時會耐小小 好似都要20-30分鐘上枱之後等等先食 外皮會更香脆乳豬調味啱啱好 而且肥瘦合適🤩🥤另外仲叫咗原粒青蘋果沙冰 $48酸酸甜甜咁 好開胃而且真係有蘋果肉🥰🥰今次太飽就無叫到甜品如果你地試咗邊款好食 可以係下面留言話我知💗📍大角咀福全街18號地舖📲 電話訂座 54350812

早幾年生日黎食過飯，今次終於有機會二訪。呢間cafe既食物都幾高質。價錢係大角咀區算中上啦。menu簡單清晰。和風油醋汁虎蝦橙肉沙律- $128好fresh既沙律菜，上面都有兩隻大大既虎蝦。沙灘混入左香橙肉，真係fresh 上加fresh.配合埋和風沙律汁，酸酸甜甜好開胃。自家製冬陰功虎蝦闊麵 - $158令人驚訝！麵質彈牙，好 creamy但唔膩，由佢個汁見到超多泰式香料就知道佢誠意十足，超級重冬陰功味，但唔會太酸太辣，推薦！虎蝦兩大隻，煎過，肉質彈牙。秘製蜜糖雞翼-$78雞翼5大隻，有得揀柚孑/蜜糖，即叫即整，熱辣辣好juicy, 外皮沾上蜜糖，如果雞肉可以再入味啲就更好避風塘魷魚鬚 - $78炸既魷魚鬚外皮好酥脆，好似食緊薯片咁，入面既肉又幾彈牙。港式既味道，黑椒味好重，辣辣地好惹味。切到一口size好方便食用。檸檬茶沙冰- $48超級大杯，有檸檬皮同肉打碎左混入係沙冰，茶底都好夠濃。夏天有佢超正。抹茶奶昔- $46好滑好厚身，奶味同綠茶味都好出，但唔會搶左大家既味道，好balance.

🧇芥末洋蔥醬炸雞窩夫 $148炸雞🍗有芥末味，無骨雞肉滑但係唔算炸得特別酥脆😆，好鍾意佢個窩夫🧇，窩夫特別脆身，好好食，可以點糖漿，唔點漿可以食到窩夫嘅蛋香味，面頭加左花生碎🥜增加口感，仲有花瓣🥀伴碟，炸雞窩夫好少見呢個配搭，但係有幾match，鹹鹹甜甜唔會漏，兩個人share岩岩好，又食埋甜品🤭🦐自家製冬陰功虎蝦闊麵 $158兩大隻虎蝦🦐，新鮮啖啖肉，蝦殼已經開左邊，方便剝😝，闊麵偏硬身，唔知系唔系放左一陣所以黐埋左一舊😂，冬陰功醬汁酸開胃，下次會想試意大利飯😉🍫二世祖特濃朱古力 $4875%朱古力🍫，比平時既朱古力奶濃郁，奶順滑🥛果然名不虛傳👍🏻👍🏻，仲要冇冰用樽裝，啱晒平時走冰既朋友😂.✨餐廳細，座位唔算多，野食大份，位置系大角咀，小區入面既小店，系旺角地鐵站行過去都唔太遠

每一次來二世祖都覺得有新鮮感，而且餐廳選擇都幾多，款式好特別食完加甜品就好perfect呀😍我地二人都點左一款主食兩款小食加甜品🍮大滿足😌🔅黑松露大啡菇牛肝菌意大利飯🍛賣相精緻相機食先，頂有大大隻啡菇好多汁 配上車厘茄及牛肝菌😎好足料，加埋松露汁口感層次豐富🤤🔅檸檬牛油蜆 清新的檸檬味同香濃的牛油🧈完美配搭，蜆肉新鮮每一隻都開口好入味，食到連汁都唔放過🤪🔅秘製蜜糖雞翼🍗雞中翼外皮焗至微脆香口面再淋上柚子醬和香草等，作為餐前開胃小食，酸酸甜甜口感令人胃口大開👍🏿😋🔅提拉米祖🍰性價比極高，打咭一流而且份量超足，用厚身玻璃碗裝住，開始食就見到有兩層手指餅乾同mascarpone芝士🧀️蛋糕交疊住，而最頂層就係滿滿的可可粉，手指餅有咖啡酒香，層次豐富輕盈軟滑，不過下次四個人食比較好👍🏿😬🔅洛神花柚子梳打🍹微酸的洛神花和甜美的柚子🍊完美搭配，清新解渴！🍹🔅二世祖特濃朱古力🍫朱古力奶入口濃郁綿滑帶醇香，以玻璃樽裝住好有特色，保持朱古力奶冰凍的口感，這款不設外賣堅持原汁原味，口感幼滑濃郁確實一試難忘! 😋

呢間二世祖Cafe，店如其名超搞鬼👻，店入面裝修玩味極重，佈滿奇趣嘅壁畫同裝飾，打卡位都幾多！食物超fusion😍，極多特別既combo，小編都想日日做二世祖去二世祖chill，各位二世祖讀者記得提前預約，因為佢哋超爆！🔥自家製芥末洋蔥醬炸雞窩夫 💰$148份量同熱量都好勁😆，炸雞加窩夫呢個combo好少見cafe會有，入面跟埋花生醬同糖漿，鹹甜鹹甜咁食落都幾過癮！🧇大蒜絲自家烤乳豬意大利飯 💰198乳豬超脆，雖然得一舊但個size都大件，跟Risotto食，成件事新鮮得黎又幾夾，但我覺得個飯可以再熟少少！💗檸檬牛油蜆 💰98好鮮甜多汁，個賣相勁法式，打卡都超靚！👍🏻小山園抹茶心太軟配雪糕💰$88好好好好食！原諒小編難以用筆墨形容既好食，心太軟焗得啱啱好，流心抹茶醬🍵濃得黎又唔會太杰，抹茶完全唔苦，連同雪糕，藍莓，花瓣一齊食，真係人生一大享受！🫶🏻特濃宇治抹茶白朱古力奶💰$48二世祖特濃朱古力奶💰48我入去舖頭，真係唔誇張，幾乎每一台都叫左一支綠茶/朱古力口味，一試真係驚為天人，有少少似特濃版維記朱奶，奶味超濃，用細杯慢慢啖超爽！✨

🌟今日嚟旺角做嘢，分店同事推介我Easy Joe二世祖，餐廳名引起我好奇心，專登行路過去享受美食。餐廳格局好特別，入去坐低感覺已經很良好。***** ***** ***** ***** ***** ***** ***** 🍔美國牛肉蘑菇芝士漢堡配炸洋蔥圈$148牛肉1寸厚😱材料好充足，所以漢堡好高大，要分層享受😂造型好趣怪，食得又睇得。🦪白酒藍青口$88嘩！玫瑰花花瓣嘅青口好靚，青口好新鮮清甜，口感厚肉，帶小小白酒香。☕️Tiramisu鮮奶咖啡$48(Chocolate, coffee, bailey)含有甜酒嘅咖啡，見到已經心心眼😍聞落去清香撲鼻感覺，飲落去好順口，有少少咖啡味帶輕微酒香。***** ***** ***** ***** ***** ***** ***** 離開時，已經計劃好下次會試吓飲餐廳嘅signature「特濃宇治抹茶白朱古力」，差唔多張張枱都叫😳真心值得旺角行過嚟，一定有下次。

今日接阿女返屋企嘅時候，經過福全街見到“Easy Joe”竟然無人排隊😳，呢間人氣經常滿座又多人排隊🚶‍♂️🚶‍♂️，可能晚市剛開始，所以店內難得仲有位，我同阿女當然即刻入去，食個晚飯先啦。(註：我同阿女6點🕕入去，大約坐了4️⃣~5️⃣成客，但未夠7️⃣點已經full咗😮。)檸檬牛油蜆 $98蜆肉🦪大隻無沙，新鮮肥美，肉身飽滿多汁😋，用上洋蔥🧅及檸檬汁🍋一齊煮，簡單地提升香味及鮮味，微酸味又平衡牛油🧈嘅油膩感，味道清新又醒胃。伴碟用上花瓣🌷做點綴，真係一款又好睇又好食嘅菜式🥰。蒜香牛油帶子扁意粉 $168帶子新鮮大隻，肉質軟嫩，味道鮮甜🥰，扁意粉🍝煮得啱啱好，蒜香牛油味🧈香濃，又香又好食😋。大蒜絲自家烤乳豬意大利飯 $198乳豬🐖烤得皮脆肉香，肉質軟淋又juicy😋，意大利飯🍛軟硬適中，口感creamy帶微微奶油香味🥰和超香蒜味😍，配上大量炸洋蔥絲🧅，味道更加香濃😋。總括而言，食物高質，唔怪得成日大排長龍，店員服務貼心有禮。另外，見差不多枱枱都有叫飲品，尤其係二世祖特濃朱古力，下次必定回頭再試。

大角咀美食好似大家都會介紹佢，出名在於佢地嘅特濃朱古力今次約咗兩個朋友聚下，就揀咗佢一早book咗枱，但因為佢有限用餐時間(入座起計)，就算入面有吉枱，都要等齊人先入雖然今次冇試到杯朱古力，但佢其他野食都幾好味，但價錢係偏貴~自家製芥末洋蔥醬炸雞窩夫講真唔太食到個芥末洋蔥醬，可能係因為我地加埋蜜糖一齊食不過幾樣加埋一齊食口感都幾好明太子櫻花蝦配青瓜絲扁意粉意粉好好食，個汁好濃厚，加埋面頭青瓜絲就可以平衡翻唔好太膩而且啲櫻花蝦都落咗好多，每啖意粉都掛到好多蝦係面🍝原隻軟殼蟹龍蝦汁蟹肉海鮮意大利飯個意大利飯個人覺得比較濕，本身鍾意食乾身少少嘅不得不讚嘅係個龍蝦汁好濃 啖啖飯都吸滿晒啲汁🦀總括黎講地方幾好坐，食物都ok 但佢有限時，就算外面冇客等緊都會趕離座如果係約朋友吹水就會比較趕💨

呢間小店bookmark咗好耐，今次終於有時間同fd子嚟啦～ cafe地點唔算方便，位於大角咀呢個美食天地，食物方面以特濃飲品同甜點為名，除此之外亦有多款西式主食同小食供應，聽聞經常大排長龍，記得要先預約呀！一場嚟到當然要試吓佢哋嘅招牌菜式，特濃朱古力奶以玻璃樽裝著，未開蓋就聞到好濃嘅朱古力香氣，倒出嚟嘅時候仲feel到個質地超極濃厚，飲落又厚又滑，甜而不膩，朱古力控表示滿足😍另一個飲品係牛油果香蕉奶昔，份量俾想像中多，兩款材料都係人氣super food，超高營養價值，有助清腸胃，而且非常飽肚，建議share🤣 質感濃厚，感覺健康，帶點微微甜味，唔錯～ 甜品控大推呢度嘅甜點，打卡able又好味，全部都係自家製作，提拉米祖晚上限量供應，淡淡咖啡酒香味，唔苦，口感厚重濃郁，濕潤度適中，忌廉好creamy，甜度較甜，但食完又唔會覺得好膩，份量足以四人，朋友生日可以叫😎朱古力心太軟同樣出色，即叫即整，大概要等15分鐘左右，朱古力蛋糕外層香脆，中間位置軟軟地切開後暖笠笠嘅半液態狀朱古力流晒出嚟，未食已經流晒口水，配埋玄米茶雪糕真係不得之了😄先食甜再食鹹，店員推介避風塘魷魚鬚，果然冇介紹錯，估唔