九重町日本料理 (已結業)

今天到藍地探朋友，晚飯時間，想在附近是但搵間餐廳，見這間日式料理裝修得幾型格，便入去坐下，座位之間空間咁大，坐得幾舒服。一坐低，自然就比每人一碟前菜及一杯熱茶，前菜係肉碎豆腐，都幾好味。因為同小朋友一齊食，所以冇叫太多刺身，但係都試咗佢嘅特上壽司，有好多款唔同嘅魚生，每款都超新鮮，非常鮮甜，侍應話係睇日本築地都入貨，每日都有新鮮來貨，朋友大贊同外面嘅日本料理壽司唔同，因為魚生超口厚，超鮮甜。如果下次再嚟食會叫多啲刺身。跟住叫咗個牛肉鍋，湯底都算鮮甜，但普普通通，勝在價錢平但係冇咩驚喜。跟住叫咗個椒鹽牛舌，休斯係厚切的，椒鹽味重，燒得亦剛剛好，呢個好好味。小朋友最鍾意食呢個名古屋手羽先，雞翼啲肉好滑，味道非常好，唯一美中不足嘅係一客得三隻，搞到小朋友要搶住食。跟住我哋又叫咗一客天婦羅，天婦羅個炸漿做得好好，所以好脆，仲有個汁係熱上，好細心。 呢客三文魚頭係時侍應推介，係限量供應，因為一條三文魚只能夠做到兩客，所以如果當日開得一條三文魚就得兩客，如果開兩條三文魚就可以有四客，所以食到係非常之幸運，這是新鮮三文魚既三文魚頭，的，冇急凍三文魚嘅腥味，我哋試咗真係非常之新鮮、魚頭好滑。最後食埋個

其實一直想食，但睇餐牌價錢偏貴。當晚夜左搵食，打去燊光話準備收，唯有食佢當宵夜。我同亞女都係三文魚狂迷，所以點左三文魚刺身、三文魚腩刺身各一，每人三件過下口癮，上菜時發現超厚切，新鮮冇雪味，真心推介！👍🏻再來特上壽司盛，9款新鮮食材，第一件我先唔點醬油芥末試下魚嘅鮮味同師傅嘅手勢，唔係誇張，我以為自己喺尖沙咀食緊百幾蚊件嘅壽司，真係好似有條魚喺口入面跳，係每一件都有驚喜，尤其油甘魚，真係鮮得黎仲有好獨特嘅甘香。女就食野菜烏冬，小朋友嘛，點都要食返啲熱野落肚，佢話好味，食晒！😂仲有個牛肉鍋，配菜份量多，牛肉軟滑，湯底清甜，都好食。加左杯特飲，略甜。進餐期間，店員多次遊走身邊，但絕不感覺被騷擾地為我地添茶，反應快速服務友善，會再去但唔多，少貴。

今日去兆康探朋友，諗住傾下計食晚餐，佢話附近有間日本菜吾錯就話去 ，我地去到大約7點，吾洗等就有得坐，都空間感夠幾舒服，餐牌野食都吾少選擇而仲有是日推介添…… 因為朋友大肚嘅關係，所以今日就冇食壽司，而係大多數食熱食。整體嘢食都好食，而且價錢又唔係好貴 ，可以下次再嚟聚會嘅時候都食番依間日本菜。軟殼蟹牛油果卷$68 ，冇諗過份量都幾大喎 ，軟殼蟹竟然係仲有微溫，而且牛油果都鋪滿咗喺上面再加長蟹子沙律醬味道十分好味。羊架$48 : 因為我鍾意食所以見到又忍唔住叫咗一件 ，見到肉質都幾嫩，而且 食落唔係好肥，表 面仲有少少脆口 ，味道濃郁度啱啱好。油甘魚頭鹽燒$98…… 鍾意食魚頭嘅我，當然叫返份啦……好彩 仲有最後一個，待應話因為數量唔算多 ，黎到冇諗過份量係大到有少少嚇親 ，油甘魚頭好香，魚的面珠肉夠滑，而魚頭下面的魚鮫勁大件，魚肉好滑又帶點油甘魚香，十分好味。日式炒雜菜$42…… 分量好多，而且雜菜好新鮮而且種類多，仲有勁多金菇。味道唔會話好濃郁，味道啱啱好。

適逢今天是週末，我便與家人及小朋友一起到這間位於屯門新開張嘅日式餐廳《九重町》食晚餐。此餐廳是新開張一個多月，位於豫豐花園豪宅區，更顯出餐廳嘅氣派😎！揸車人士可停泊在屋苑時租停車場，十分方便。值得一提的是這間餐廳是我寫食評的生涯中我比得最高分（滿分）嘅呢！餐廳內部裝飾華麗，很有心思💕，是屬於高級嘅日式料理餐廳。內部燈光是暗暗的，也很適合情侶食飯談心。特上壽司（8件）：其中我最喜歡食是生蝦和鮮帶子。生蝦食落有彈牙感覺，很新鮮，而鮮帶子嘅肉很爽和甜美，是屬於一等級刺身壽司！👍燒三文魚頭🔥：店主透露他們是原條三文魚由日本直送到香港，每條三文魚只可造出兩客燒三文魚頭。這是我第一次吃三文魚頭，發覺原來魚頭也有很多肉食的呢！天婦羅盛：小朋友要食熟的食物，故此天婦羅是首選。名古屋手羽先：餐廳居然有手羽先食，不用飛去日本食，味道與日本地道嘅手羽先不分上下，下次我會再食!野菜牛肉鍋：牛肉好好味，野菜也很新鮮！🌺鰻魚炒飯：小朋友食過返尋味嘅鰻魚炒飯，不會覺得很油。鹽燒牛舌：喜歡吃燒物嘅朋友必食之選！餐廳啲waitress 妹妹很斯文和有禮貌地安排座位和遞上餐牌。

之前聽屯門嘅朋友講話屯門有間唔錯嘅壽司舖，而且都有好多好新鮮嘅刺身，所以今日專登放假就同男人過嚟試一試。去到大約八點鐘，有吾少人喺度已經食緊喇 ，裝修都係以日式為主，吧檯上面有一塊黑板就會寫今次有咩特色嘅推介 。我哋今次嗌咗一個刺身， 軍艦 同埋一個燒嘅多春魚，最後我哋再叫蕎麥麵 一人一半。價錢比心目中唔算好貴，同埋質量都十分之好 ，應該下次會再去食其他熱食 。空運四之食有：伊佐木，浜鯛，魴弗，平政，四款各2款都係$198…… 侍應好好咁樣同我哋講話由頭食到尾 ，食落去好清新， 而且這些刺身係喺出面比較少有，魚質 好鮮甜，而且濃度就好似待應咁講，由淡到濃郁魚香，當然平靜魚係我平時最鍾意食嘅魚所以最後食佢就更加十分滿足，這款刺身十分適合現在季節食。海膽軍艦$68……用北海道 海膽整成 ，一咬落去紫菜十分脆口，而且飯煮得啱啱好，海膽唔算好濃但係好creamy而且十分新鮮。多春魚$48…… 燒得十分之乾身，一咬落去 多春魚嘅春真係非常之多，而且好鮮甜， 食落去 再加埋飲清酒送酒最好嘅選擇。天婦羅蕎麥麵$88…… 當初以為得三件天婦羅， 畀心目中多好多，而且天婦羅粉比較薄身，唔油色。食落去好香

今日難得老公放假又過開屯門，就帶佢去試下藍地個間新既日本餐廳，上次同朋友食完，老公見到d相已經話好想試，所以就趁今日有時間又唔使湊b,就帶佢去，不過今次我地只係食lunch，唔知lunch質素會唔會同夜晚有唔同呢？入到去侍應比咗個lunch set 既menu 我地,見佢個刺身定食好似好吸引咁，老公就叫咗黎試，em…唔錯，刺身冇論lunch定夜晚食都好新鮮，而且仲大大件，而我就叫咗個天婦羅定食，條魚好鮮好好味，本來想叫飛機貨試下，不過因為係每日新鮮運到，太早未有，老公就有dd失望啦，唯有等下次再黎食啦

今日到朋友家，指附近新開了日本餐廳，終於在藍地有多個選擇。壽司點了蟹子沙律及劍魚，劍魚夠新鮮，蟹子沙律味道不錯，而飯糰壓得較硬，如鬆軟一點更好。炒雜菜夠誠意，在其他日式餐廳多是只有雜菇及椰菜，而這家有三色椒、冬菇、小唐菜，真正是炒雜菜。天婦羅稻亭烏冬，烏冬彈牙煙靭，天婦羅炸得不油膩，天婦羅汁是預熱的，不會令天婦羅溫度下降。雞翼炸得香脆，上面擦上蜜糖及七味粉，雞肉夠滑口。牛柳車厘串夠失色，牛柳有點靭。腩肉串燒得表面香脆，濃濃的豬肉香。員工有禮貌，幾次張望店內牆上餐牌，侍應誤意為點菜。日後來藍地又可多一個選擇

秋刀果然無介紹錯,好在訂位時已經預留左份日本海膽, 去到時已經沽清, 仲有個鹽燒長腳蟹, 直頭鮮味到爆其他都可以, 有個刺身沙律, 天婦羅好味, 牛油果軟殼蟹卷都算ok, 服務整體上都可以, 冷氣凍左少少. 佢地話下次有不同既飛機貨, 咁下次就可以試下其他刺身, 最估吾到係藍地都有比較高質素食材的餐廳, 價錢比起尖沙咀, 銅鑼灣平一大截啦。可惜未有酒賣, 如果加埋清酒就ㄧ流。大家想去食最好打去book枱先, 可以問左有咩好野預留左先, 咁去到就吾會食吾到, 哈!

今天去了食，接待人員只得一個，落單服務員就有四五個左右，如果接待員忙緊，落單服務員有空都不會幫到你，無人會帶到你入位坐，只有等到接待員有空先可帶你入坐，所以只有等，感覺很差，而服務員態度一搬，好在地方係都有不段給你加茶，依樣好，而食物我就就不覺得特別好食，計壽司和天婦羅係唔差，而抄飯烏東煮蜆牛仔粒小食就一搬，計錢就真係唔低，最後一點超差又超衰，就係只要like左fb，就有88折，我們已向落單服務員問是否有此88折，但最後我們忘記比他們睇like左fb，佢地照計原價，因為我們問那時同埋單係同職員，沒有提我們，對一間新店來說算差的一種服務，有折就唔提客人，咁要優惠來什麼，所以大家小心打手。

元朗日本料理多到你唔信，由貴貴的脂文食到價錢親民的田中、酒泉等，試過晒！今次去藍地食，估唔到喺藍地有間水準唔錯的日本料理，食材新鮮，價錢合理！始終小店比集團經營更有heart! 雖然只試到5款，不過有驚喜，秋刀魚刺身、刺身lunch set、日本北寄貝、日本海膽及野菜牛肉橋麥麵。前4款水準之作，野菜牛肉橋麥麵就遜色，牛肉太韌，可能因為我冇牙力。希望店主可加強洗手間清潔，始终洗手間只有一間男女共用！

今日，特別想搞搞新意思入屯門去行下，搭朋友架私家車出去屯門 行由於少入去屯門唔係好熟路甘，又唔想無收獲搭返車出去﹐唯有一路使住架車，剛好見到樓下有間新開的日本餐廳，便去試試下 本人熱愛鰻魚日本料理，便叫了一客鰻魚炒飯，d鰻魚大大粒架比起一般餐廳叫的鰻魚炒飯還要大，只食飯太dry 要追加一客他他牛，三文魚手卷，軟殼蟹手卷，天婦羅手打烏冬 。等了大約一會兒d 食物終於來啦，他他牛肉質鮮味，一試就知係新鮮貨唔係雪藏貨，而三文魚手卷同軟殼蟹手卷，三魚文口感豐富，天婦羅手打烏冬，天婦羅唔會食到好好麵粉送上來的時候還熱辣辣。屯門竟然有這一間隠世餐廳正丫，

假日司機出動，同朋友去咗屯門兜風，順便去藍地探朋友個b , 聽聞附近新開咗間日本餐廳，都幾多人食，試下有幾特別先，6點45左右去到，未算人多，之後陸陸續續人群出現，最後仲要等位tim,好彩早去到，如果唔係有排等，嘩…我地叫咗個特上刺身$368，有7款刺身刺身勁新鮮，都幾厚身，另外仲叫咗個秋刀魚刺身，聽講唔係日日有得食架，要睇當日來貨，侍應話特別魚刺身係每日下午先空運到港，其實本身麻麻地秋刀魚，因為怕腥，但朋友想試，而且價錢唔貴，200蚊都唔使，就叫黎試下啦，新鮮魚的確新鮮魚呀，一d都唔腥，而且仲好鮮好好味tim , 完全估唔到，跟著叫咗個炸雞皮，好脆好好味，出面好少有得食，仲有炸蠔，超有蠔味，超正，牛油果軟殼蟹卷，牛柳粒，軟殼蟹手卷，壽司，蕎麥麵，埋單都係約8百幾蚊，新張期內只要like同share佢地“九重野日本料理”仲有88折tim ,折咗7百幾蚊，3個人平均每人都係都係2百零蚊左右，勁抵勁滿足唔怪得咁多人食啦

屋企附近開咗間“日本料理”所以星期二就同屋企人去試下，一去到侍應就送咗個前菜比我地食，前菜有豆、蘿蔔、牛脷，一食，嘩估唔到前菜都咁好味，蘿蔔勁甜，牛脷淋得黎好入味，不過聽講前菜係送完即止，唔一定次次去都有得食架之後我地叫咗“蒜香牛柳粒、卷物、海膽海鮮炒飯、天婦羅稻亭烏冬、燒銀雪魚、燒三文魚頭、刺身、壽司同炸魷魚”價錢中價，但食材新鮮，完全做到“一分錢一分貨”既效果，我同屋企人都覺得好好味，刺身壽司勁新鮮牛柳粒夠淋夠入味，天婦羅炸得好靚，食得出d油唔係番用再番用，而且唔似其他餐廳咁炸粉超厚而我最想推介既係“九重卷”聽師父介紹，“九重卷”係用每日最新鮮食材整出黎，所以每次食都會有少少分別， 完全估唔到d味道咁配合，真係好新鮮好好味 ，師父冇介紹錯呀“九重町值得encore 再 encore ”藍地終於有野食得落肚啦，唔使下下出到市中心

去開藍地找朋友食飯吹水，朋友話試下附近新開張日本餐廳。開頭見到餐牌價錢覺覺得略貴，但食完後，感覺到一分錢一分貨，刺身及各樣質素唔錯。現在藍地多了一間同朋友食飯既聚腳點。最值得推介，係果鰻魚炒飯，食到粒粒新鮮鰻魚。其次係刺身夠鮮甜。（老闆仔走埋來話新鮮空運到鋪，問我們有無興趣試）不過地點就略遠，係找朋友食飯吹水才發現。老闆仔都十分有善提我地新開業like and share Facebook 有88折。值得再去。

去到藍地唔知食咩好, 即時去搵 OP 大神求助。原來季季豬直行到尾過埋7仔, 福亨村路有幾間食肆, 有間仲係新開張嘅居酒屋。見個舖面裝潢企理同睇過餐牌的食物&價錢都OK, 我地就入去試一試。 有驚喜, 無論食物素質, 侍應態度都唔錯, 食物份量同價錢都算合理。燒物當中, 燒雞皮同燒鱔可以一試, 見人多就叫咗啲刺身試下, 比想樣中新鮮好味, 印象最深刻係個金槍魚, 魚味好重 (唔係腥味), 滿佈魚油,好滑, 好棉, 仲有 last tasting 添我地7 條友一邊吹水, 一邉食, 都叫咗 20+ 樣嘢, 小食, 刺身, 壽司, 燒物, 鍋物, 炒飯, 烏冬咩都有啲。埋單每人都係 300蚊左右咋, 雖然依度係唔算太就腳, 但如果要比幾舊水去食有啲質素而成日漏單嘅放題, 倒不如舒舒服服係度慢慢嘆。 整體環境食物都 Ok, 會再來的