九町屋 (已搬遷) 新店位置

屋企附近開了一間和風居酒屋，最吸引我的是餐廳有兩張室外餐桌，這表示我可以帶狗寶貝來一同用餐了！**前菜三款 $10/位**《雜錦魚生沙律 $65》滿滿的一碟，魚生多又大粒，沙律菜加上柚子醋汁好開胃。《甘粟薯餅 $32》外面香脆可口，內裡清甜香糯。《鹽燒三文魚頭 $79》魚頭大亦多肉，燒得香。《大蔥安格斯牛肉串 $38/串》肉味香濃惹味，加上大蔥更香、更口感，又能減膩。《厚燒牛舌串 $45/串》不韌有肉香，咀嚼中有肉汁。《明太子雞翼 $32/隻》塞得飽滿，雞肉燒得香。《原條燒茄子 $59》好大條的茄子！夠嫩腍清甜而且還細心地切細條了，方便食用。《日式海鮮風味鍋 $98》因為坐室外又吃壽司，所以感到寒冷想吃一個熱鍋。海鮮鍋好大盤足料！有你八瓜魚、獅子狗、帆立貝、蝦、菇、日本魚旦及蔬菜等等。湯底清甜，更顯海鮮甜味。最後交上甜品。這裡的食物份量大，所以整體不貴，而且坐得舒服。

咖喱吉列黑豚飯 ($68)午市包埋麵豉湯 同漬物😋 係好抵但豬排比較薄身 肉質唔算肥美 炸漿好薄 好易同豬扒分離😅而且咖喱汁份量唔算多 😂吉列蠔 (+$15)追加左吉列蠔 呢個反而有驚喜🤩雖然唔係好大隻 但好新鮮炸到好酥脆 好香口🥰

今日行完銅鑼灣，咁就同朋友一齊行下行下行到去差唔多砲台山呢頭，咁就去咗水星街呢度間日本嘢食，食下日本嘢，咁其實呢間嘢好似係新開，咁就同朋友試下，入面啲裝修真係幾日系風，大家可以睇下我D圖，咁廢話少說睇下今日我食咗啲乜：牛油果軟殼蟹卷: 食落口其實個牛油果食得出都幾新鮮， 軟殼蟹雖然都脆脆地幾好食，但係面積就比牛油果蓋咗，overall嚟講呢個捲捲都幾大舊幾抵食，再加埋啲蟹子都算畀得幾多，所以呢個卷我都幾鍾意。鰻魚炒飯：其實呢個鰻魚炒飯都幾有驚喜，因為佢落嘅鰻魚比例都算好多，同埋佢個鰻魚汁同個炒飯，炒到都幾好食， 總括嚟講 ， 炒飯炒得香口，鰻魚肉有鮮鰻魚嘅味道，I like it!汁燒魷魚筒： 呢個魷魚同其實比我想像中好，因為我食得出個鱿魚都幾鮮甜而且質素collar度午餐所以作為餐前小息呢個魷魚筒我覺得真係幾ok而且真係燒得唔錯紐西蘭羊架： 呢個羊架我覺得其實唔算貴， 加上羊架嫩滑， 同你喺酒店食自助餐啲羊架一樣，同埋呢間嘅燒到七成，真係畀到七成你，起碼啲肉都係軟淋淋，有羊的鮮味。 呢個送啤酒簡直就係一流! 可惜我冇叫到啤酒。最後 如果大家行開水星街呢一頭，大家可以試下呢間日式餐廳我

餐廳裝修充滿日本居酒屋特色，有日本人最愛的狸猫公仔作生招牌，牆身放滿Sake，店內掛滿日式燈籠，打卡度很高。板燒安格斯牛扒 - $108安格斯的牛肉油花一定是分布很均勻，肉筋相對較少，五成熟入口軟嫩，還有綿密的沙律醬粟米薯蓉及少許沙律菜。黃金汁焗蠔 - $38/1日式焗蠔表面的芝士略帶焦香，打開有粒洋蔥和蘿蔔粒混成的味噌蛋黃醬，半熟的蠔好鮮甜多汁。牛油果軟殼蟹卷 - $88酥脆得掉渣軟殼蟹好甘甜，夾著軟糯的牛油果，整條包圍著爽口的蟹籽。芝士海膽玉子燒 - $79紮實豐厚又甜滋滋的玉子燒，上面有半溶化的芝士，加一塊甘甜橙黃色的海膽。汁燒魷魚筒 - $88日式汁燒的魷魚筒好爽滑彈牙，味道又鮮甜。海膽帶子壽司 - $48雪白肉厚的帶子好甘甜鮮嫩，加海膽更添鮮味。鰻魚壽司 - $42蒲燒醬汁好惹味，鰻魚完全沒有刺，細膩紮實。瀨尿蝦壽司 - $28細細條的瀨尿蝦淡而柔軟。晚市前菜 - $30有核桃魚乾、八爪魚和中華沙律，剛好點了啤酒送酒一流。Asahi - $38日本辛口啤酒之王Zero - $10居酒屋來說，這裡飲品的價格超划算。蕨餅送上小甜品是日式的抹茶蕨餅，口感煙煙韌韌。

又約左住北角嘅朋友食飯，被lee間居酒屋嘅大大隻狸猫吸引，原來係新開張添。格局好有日本居酒屋feel！九町屋豐盛刺身北寄貝、帶子、油甘魚、三文魚八爪魚、三文魚籽款款刺身都好新鮮，三文魚同油甘魚厚切又肥美。帶子鮮甜三文魚籽大粒晶仲凝通透。厚燒牛舌 - 牛舌有燒烤既味道，調味唔錯，肉汁juicy，有口感。燒銀雪魚骨 - 燒得都幾香口香脆。昭和酒味煮大蜆 - 一上枱就聞到濃郁清酒味，蜆量多得驚人🤣🤣鮮甜帶點酒味。黃金汁燒大蝦 - 大蝦都幾大隻，燒起黎香氣十足，實係咪虎蝦黎嘅呢🤔2個人share都好夠！醬汁juicy，大蝦彈牙。日式牛肉鍋 - 肉肉菜菜都份量十足，湯頭濃郁，雖然冇烏冬但有日式粉絲，索哂湯汁勁野惹前菜仲有合桃、醃製螢光魷魚，飯後仲有泡芙添

一間新開好有日本居酒屋feel嘅餐廳，如果秋風起，坐門口位飲下酒都幾爽。餐廳有bar台、二人台或者卡位，今次坐卡位，都幾寬落，餐廳用木頭色系為主，加埋播住嘅歌，呃下自己去左日本。坐低睇menu，好似又update左，應該因為餐廳試業中，菜式仲調整緊。當日去有串燒、壽司、刺身、小食、酒類。🍱九町屋炒飯$89成餐飯最有驚喜竟然係呢個炒飯。睇佢平平凡凡，點知飯粒粒粒分明，飯粒口感偏有咬口，整體好香口，帶啲黑胡椒香，連夜晚少食飯嘅我都忍唔住係咁食！推薦！🥗燒炒雜菜$79最鐘意睇木魚飄下飄下，蔬菜仲保持到爽口，但可能諗住送酒，調味較咸。🍳芝士加膽玉子燒$89店員推薦，玉子燒偏甜口，口感濕潤，好岩做成餐飯嘅結尾。海膽帶甜，可惜稍被玉子同芝士掩蓋（後來我拎左啲海膽配炒飯，好正！）。🍴鹽燒鯖魚$65配蘿蔔蓉同檸檬汁，可以解鯖魚嘅油脂感，好食！🍴吉烈蠔$32呢個就較遜色，蠔太細粒，顯得粉漿比例較多。🍢七味雞腎串$25🍢青椒和牛串$42🍢汁燒青蔥雞肉串$29揀野食時大家都係到諗，到底係”青椒”&”牛”串，還是”青椒””和牛”串。黎到發現應該真和牛，和牛軟滑，食到油脂感較突出。七味雞腎串調味適中，我地幾鐘意

九町屋——————————————————店鋪地址：北角水星街6-8號恒寶大廈地下B號舖——————————————————今日同男朋友經過水星街,見到有一間裝修好特別既鋪頭原來佢係新開ge🥰於是入去試下,店入面 只有一兩台客人,好寧靜 好舒服😌今次叫左劍魚腩壽司、帆立貝壽司🍣炸甘栗薯餅，吉列炸蠔☺️青椒🫑和牛串，牛舌串，雞腎，大蔥雞肉串同埋炒雜菜!!!🤟🏻總括黎講, 我覺得炸物好味 夠脆👍🏻而且用料新鮮 炸蠔冇腥味🥰薯餅係紫薯加栗子🌰 甜而不膩🥰🥰劍魚腩同帆立貝都新鮮 個人比較喜歡劍魚腩👍🏻😌炒雜菜 味道好夠 佐酒一流😄

今日去北角到行街，無意中經過依間叫做九町屋嘅日本餐廳，喺北角住咗咁多年，先知道最近原來開咗一間日式嘅餐廳，住北角嘅我終於有新嘅選擇啦😋💕嚟到真係超級興奮！呢度嘅裝修全部都好靚，店主裝修得好細節，成間餐廳都係圍繞住70-80現代嘅日本超和主題，店外邊仲有好大隻嘅狸貓可以打卡，而且裏邊仲有好多懷舊嘅佈置，打卡一流👍🏻呢度嘅職員服務態度都好，好似去咗日本咁，我哋坐嘅位仲要好有私隱，可以落個布簾落嚟，私隱到足🤩 嘢食都係以居酒屋為主，嘢食好多元化首先我哋叫咗三文魚腩同埋火炙帆立貝壽司🍣三文魚腩勁香口，好香嘅三文魚嘅油脂同鮮味，帆立貝燒烤過就更加香口😋另外依度嘅燒汁京蔥雞肉就更加係必食推介肉質好鮮嫩，配埋京蔥食口感一流另外仲叫咗芝麻雞翼、吉列牛、多春魚，全部都係高水準嘅發揮💕

平時好少行入黎水星街，但呢度開咗間新嘅日本野，連紅紙都未拆，其他餐廳好多都爆晒，見呢度冇乜人食唔洗等位，就黎試試佢～店員話佢地仲係試業緊，所以個餐牌好多野都係不斷更新，可能下次黎食又會唔同晒見佢主要都係串燒同炸物比較多，飽肚嘅野只有炒飯，應該係對出品好有信心先擺起度食串燒冇理由唔叫酒飲，我同朋友都唔鍾意清酒，所以叫咗支黑麥酒同支asahi黎比較吓支黑麥酒係真係好好飲，好易入口而且麥香好重，冇平時啤酒果陣好攻嘅味呢個係青椒仔同埋蒜香芥末牛柳，牛柳有少少韌，青椒仔味道幾好刺激，兩個都燒得幾香炒飯幾大碟，夠兩個人食得飽入面仲有啲雞絲，整體上都炒得幾香吉列蠔係超越咗想像, 32蚊有3粒估唔到個蠔都係幾大粒同埋有鮮味，抵讚芝麻雞翼最岩鍾意食香口野嘅人，因為佢成隻都上得夠粉，好脆好脆，超級滿足最後仲有個炒雜菜，份量夠多亦食得飽，味道係夠惹味，唔會水汪汪，都十分唔錯我覺得新店黎講算做得十分唔錯，價錢以天后附近黎講都算係咁，下次試埋佢啲刺身先！