影片
更多
2021-09-27
124 浏览
平時好少行入黎水星街，但呢度開咗間新嘅日本野，連紅紙都未拆，其他餐廳好多都爆晒，見呢度冇乜人食唔洗等位，就黎試試佢～店員話佢地仲係試業緊，所以個餐牌好多野都係不斷更新，可能下次黎食又會唔同晒見佢主要都係串燒同炸物比較多，飽肚嘅野只有炒飯，應該係對出品好有信心先擺起度食串燒冇理由唔叫酒飲，我同朋友都唔鍾意清酒，所以叫咗支黑麥酒同支asahi黎比較吓支黑麥酒係真係好好飲，好易入口而且麥香好重，冇平時啤酒果陣好攻嘅味呢個係青椒仔同埋蒜香芥末牛柳，牛柳有少少韌，青椒仔味道幾好刺激，兩個都燒得幾香炒飯幾大碟，夠兩個人食得飽入面仲有啲雞絲，整體上都炒得幾香吉列蠔係超越咗想像, 32蚊有3粒估唔到個蠔都係幾大粒同埋有鮮味，抵讚芝麻雞翼最岩鍾意食香口野嘅人，因為佢成隻都上得夠粉，好脆好脆，超級滿足最後仲有個炒雜菜，份量夠多亦食得飽，味道係夠惹味，唔會水汪汪，都十分唔錯我覺得新店黎講算做得十分唔錯，價錢以天后附近黎講都算係咁，下次試埋佢啲刺身先！
店員話佢地仲係試業緊，所以個餐牌好多野都係不斷更新，可能下次黎食又會唔同晒
見佢主要都係串燒同炸物比較多，飽肚嘅野只有炒飯，應該係對出品好有信心先擺起度
食串燒冇理由唔叫酒飲，我同朋友都唔鍾意清酒，所以叫咗支黑麥酒同支asahi黎比較吓
支黑麥酒係真係好好飲，好易入口而且麥香好重，冇平時啤酒果陣好攻嘅味
呢個係青椒仔同埋蒜香芥末牛柳，牛柳有少少韌，青椒仔味道幾好刺激，兩個都燒得幾香
炒飯幾大碟，夠兩個人食得飽
入面仲有啲雞絲，整體上都炒得幾香
吉列蠔係超越咗想像, 32蚊有3粒估唔到個蠔都係幾大粒同埋有鮮味，抵讚
芝麻雞翼最岩鍾意食香口野嘅人，因為佢成隻都上得夠粉，好脆好脆，超級滿足
最後仲有個炒雜菜，份量夠多亦食得飽，味道係夠惹味，唔會水汪汪，都十分唔錯
我覺得新店黎講算做得十分唔錯，價錢以天后附近黎講都算係咁，下次試埋佢啲刺身先！
张贴
